又似吳秀波！57歲吳岱融靠拉筋回春
1 :
GS(14)@2016-10-19 05:49:1857歲吳岱融喺大台劇《巨輪II》演高天鷺唔知係「奸」定「姦」出人氣，戲份搶過晒「花生仔」蕭正楠，女主角陳凱琳又被彈戲屎，今次真係靠一角孭起救成套劇嘅重任，演技高幾班嘅吳岱融，唔只演得投入，身型keep得幾好，當年有網民話吳岱融似湯鎮業，分唔到二人，不過時至今日，吳岱融似乎保養得更好，網民覺得佢似大陸男神吳秀波，外型一樣咁man……今日有周刊爆吳岱融冇中年發福，多年都有踢波，差唔多每個星期三都會參加明星足球隊嘅操練，當年係志偉搵佢入明星足球隊，吳岱融喺周刊訪問中，就話主要係拉筋，即使已57歲，佢都可以擘一字馬，多得以前喺新加坡服兵役，被派去專門表演畀軍人睇嘅隊伍，每日要拉筋8粒鐘，周刊又問咗隊友黃日華，佢話吳岱融有「晒靴融」之稱，起腳同攞波都踢得比較高。
來源:
http://hk.apple.nextmedia.com/entertainment/art/20161019/19805041