【拜年送乜好】籐織懷舊福籃 有得食又有得玩
1 :
GS(14)@2017-01-22 02:18:03新年到，總唔可以兩手空空去拜年，點都要買啲禮物見人。想得體有心思，但又唔想年年買曲奇、朱古力咁悶？今年你有新選擇！
長沙灣美樂士多重現7、80年代士多模樣，加上各式懷舊小食同玩具，喺網上開始多人留意。老闆趁新年推出賀年福籃，有得食又有得玩，要大家過個充滿童年回憶嘅肥年。福籃用籐編織，外面貼上用牛皮紙印製嘅士多宣傳招紙，籃蓋上更有一張「福到」揮春，外形真係有啲似細個阿媽個買餸籃啊！記者一打開福籃，在場同事見到裏面嘅糖果都表現非常興奮。糖果共九款：史密夫蜜瓜味軟糖、史密夫鳥結糖、白兔糖、蜜蜂糖、瑞士糖、甄誠記椰子糖、本地手工水果糖、金幣朱古力，以及紅瓜子。其中蜜瓜味軟糖最令記者驚喜：「竟然食得返，仍然係清甜好咬口！」如果大家怕麻煩，可以考慮買個福籃就填滿一個全盒。不過假如你唔鍾意甜食，呢個福籃只得一包紅瓜子，可能未必夠過口癮喇。福籃附送老闆設計嘅「美樂賀年棋」，大家拜年之餘仲可以玩餐飽。賀年棋嘅棋子同骰仔都係木製，摸上手幾有質感，真係有小時候康樂棋嘅味道。話明係為新年而設，棋盤設計就以粉紅色配粉紫色為主，裏內不乏賀年圖畫，例如煙花、炮竹、小朋友舞獅同家人團圓嘅畫面，而且畫風一樣充滿懷舊味道。玩過康樂棋都知道，行到某幾格就會有懲罰，呢副棋都一樣有！不過新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。老闆Patrick講笑話，「希望大家拜年時，有個新嘅小玩意，但又不失傳統風味。」新年送禮定自用，抑或想同家人、朋友歡聚，今年就多一個既傳統又新穎嘅選擇。福籃$98一套（附送「美樂賀年棋」），詳情可到美樂士多facebook查詢。記者：黃凱婷攝影：黃子偉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
士多重現7、80年代士多模樣，仲有各式懷舊小食同玩具。
福籃用籐編織，外面貼上用牛皮紙印製嘅宣傳招紙，真係有啲似細個阿媽個買餸籃啊！
各款賀年食品，記者最驚喜嘅，係竟然食得返史密夫蜜瓜味軟糖，仍然係清甜好咬口！
「美樂賀年棋」，新年最緊要開心，懲罰最多都係「為親友表演一次」或「打電話向朋友拜年」，無傷大雅以和為貴，一家大細都玩得。要注意嘅係，棋子同骰仔都太細粒，家中有小朋友就要小心，避免小朋友不慎吞落肚。
來源:
http://hk.apple.nextmedia.com/su ... t/20170121/19903826
【毒新聞】洛杉磯E3精選 10大好game最快9月有得玩
1 :
GS(14)@2017-06-22 07:43:11E3於洛杉磯展覽中心舉行，今年首度開放予公眾入場。
E3遊戲展為遊戲界界盛事，每年例必有大量新作公佈和提供試玩。三日展期（美國時間6月12至15日）已過，以下推介年內至2018年推出的10款upcoming新作。今年開放給公眾，而且試玩作品又太多，推介未必人人合心水，但至少都試玩過或睇過gameplay demo。
《Mario Odssey》孖寶新作已是必玩，飛帽新玩法亦見心思，應該會令Switch再創新銷量。平台：Switch／推出日期：10月27日《Monster Hunter World》狩獵玩法大革新，舊玩家或有懷疑，但示範片段水準極高，值得期待。平台：PS4、Xbox One、PC／推出日期：2018年初《Bravo Team》VR雙打槍game，有Time Crisis街機槍game感覺。平台：PS4（對應VR）／推出日期：2017年內《Dragon Ball Fighter Z》龍珠最新格鬥遊戲，格鬥名牌Arc System Work製作，不只畫面靚。平台：PS4、Xbox One、PC／推出日期：2018年
《Mario Odyssey》
《Monster Hunter World》
《Bravo Team》
《Dragon Ball Fighter Z》
《Spider-Man》
《Assasin's Creed Origin》
《Spider-Man》PS4獨佔蜘蛛俠遊戲，動作爽快，玩法有點像蝙蝠俠《Arkham》系列，故事也是全新製作。平台：PS4／推出日期：2018年《Assasin's Creed Origin》刺客殺入古埃及，故事屬前傳性質，但動作和攻擊系統皆有改動，對應4K HDR畫面。平台：PS4、Xbox One、PC／推出日期：2017年10月27日《Sea of Theives》Xbox One遊戲，對應新機One X的4K功能，網上和其他玩家組海盜冒險，開放世界自由度極高。平台：Xbox One、PC／推出日期：2018年
《Sea of Theives》
《Destiny2》
《Destiny2》PS4版可做到4K加60fps，可說是展示PS4 Pro機能的試金石，Xbox One版用X新機也只有4K30fps。平台：PS4、Xbox One、PC／推出日期：9月16日《Star Wars Battlefront II》新加了故事模式和職業系統，內容和耐玩性應該比上代大幅提升。平台：PS4、Xbox One、PC／推出日期：11月17日《A Way Out》遊戲用分割畫面玩雙打動作遊戲。玩法前所未見，可和朋友當面合作或者上網組隊。平台：PS4、Xbox One、PC／推出日期：2018年
《Star Wars Battlefront II》
《A Way Out》
記者、攝影：司徒港燊2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170621/20062762
【Pokemon Go更新】20人圍揪巨型Boss 日內有得玩
1 :
GS(14)@2017-06-22 07:43:11如果還有玩《Pokemon Go》的話，應該會發現道館已經全部被封進行維修，因為Niantic已為史上最大型更新做預備工作，照目前情況睇應好快會有得玩。
今次更新主要從道館着手，如只容許6隻不同精靈負責防守及加入「Raid Battle」玩法。
今次更新主要會從道館着手，除了可以同Pokestop一樣轉到道具外，亦將以往10級守衛道館機制改成只容許佔領隊伍要派出6隻不同類型精靈做防守，打道館時都唔會好似之前要狂打幸福蛋同啟暴龍咁令人沮喪。有趣係在新更新之下，正在守衛的精靈會隨住時間而減低動力（當跌到0會返歸），玩家要不時餵精靈令佢精力充沛，不過依香港道館成日轉主人的情況去睇，根本未到餵食時間就已落馬；但當然守得越耐，所賺的金幣就越多。不過講到最勁都係「Raid Battle」，系統不時會在指定道館上出現幾萬CP的巨型Boss級精靈，已獲得Raid Pass或Premium Raid Pass入場券的玩家可以聯手以5分鐘為限擊倒Boss級精靈，最多可由20人同時出手，打贏的話就可得到特殊新道具。雖然今次更新仍然未有機迷等了好耐的交換精靈系統，但Niantic都總算交到功課，唔知可唔可以重新燃起各位前訓練員的鬥志呢？
資料來源：Niantic記者：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170621/20062984
Next Page