ZKIZ Archives


周日專訪:張天愛、伍詠薇結「網」捕商機

1 : GS(14)@2011-01-16 13:39:28

http://hk.apple.nextmedia.com/te ... 307&art_id=14874046

內地人消費能力不容置疑,要攻陷這龐大市場,不一定返內地開舖。時裝設計師張天愛、藝人伍詠薇分別開網上公司,透過社交網站宣傳,反應出乎意料。以微博推廣,贏得逾 17萬粉絲追隨,伍詠薇說:「好多人質疑,呢個(微博)係唔係伍詠薇 o架?」 1秒售出 500件衫,贏得「秒殺女王」稱號,張天愛說,「現實世界冇一間店可以 10分鐘賣 1000件衫。」今時今日女人做生意,靠外表靠食腦,還要靠「網」。
記者:陳皓怡 攝影:程志遠、羅君豪
伍詠薇髮型: George@Hair
伍詠薇場地: KITCHEN@W HONG KONG
秒殺女王張天愛:網上賣衫一秒清倉

張天愛對網上銷售的認識,始於與現任丈夫結婚,在美國修讀相關課程,其後在朋友及代理商介紹下認識「小蟲米子」網站主持人,並獲邀建立「天愛小蟲」。
小蟲米子是淘寶網最受歡迎的女裝店舖之一,與不同設計師合作售賣晚裝、便服和上班服,價錢由幾百元至幾千元不等,網站透過張天愛成衣的代理負責管理,她則專注設計,「 10分鐘賣 1000件衫,現實世界冇一間店可以 10分鐘賣 1000件衫。」平均每秒售出 1.7件衫,不算紀錄,張天愛最高紀錄是 1秒售出 500件清倉,「『秒殺』,即係一秒冇晒!」張天愛見識過網銷的威力,更肯定透過這渠道銷售的決定正確。
忠於自己 專注設計


哪類衣服可以「秒殺」?張天愛說,銷售對象是上班族,「返 office冇時間出去 shopping,又或者住喺好遠想搵 city look嘅嘢,可以上我度買,好方便。」消費者可透過網購,找到便宜的貨品,張天愛說,網銷的商品不需貴價貨,「我想全中國好多年輕一輩想買我嘅嘢,未必需要著好隆重嘅晚禮服。」
網上銷售令張天愛着迷的地方,除了「秒殺」威力,還有其他原因。
90年代初她已踏足內地市場。首次創業,她既要負責設計,又要管理兼培訓員工,「因為我要好緊貼成盤生意,知道當中嘅 right and wrong」, 2000年內地分店已逾 50間,令她透不過氣,「大連、瀋陽、成都、走到我暈。去到又要做電台、電視台訪問,好攰。」
忠於自己,她選擇專注設計, 50間分店逐一在租約期滿後結業,餘下仍營運的賣給當時合作夥伴,「我只係睇版房, size出晒大中細唔使理,由一個 business person去理。」網銷亦解決了現實銷售中的存貨問題,「 H&M唔係每件衫都賣晒,剩低嘅喺 warehouse好平咁賣咗佢。我唔係一個好大嘅集團,壓貨可以整到間公司關閉。」網上銷售令她「賣幾多先造幾多。」
網上銷售另一優點是跨地域,除了力攻的內地市場,張天愛野心早放在地平線上,「去年( 09年)很多件都是秒殺嘅,今年店(淘寶店)越嚟越多就慢啲,但唔會蝕,全中國全東南亞,總會有人鍾意嘅。」
「 Future is different!」


更重要是,防止抄襲,「每件衫都有 code number,網上賣幾多件就幾多件,唔會背後繼續做你啲款,但賣咗唔畀番錢你、呃你。」但網上侵權同樣嚴重,「賣完你咪抄囉,我唔介意,有所謂都冇辦法,大名牌都係抄來抄去。」
張天愛深信網購潛力,「好像電影《 Tron》一樣,以後喺網站做任何嘢。到時可能我都唔會出現,租一個金髮女郎代表我, Future is different!」她笑說。
微博天后伍詠薇:「美人」擁數千粉絲

伍詠薇 09年取得日本瘦身產品代理權,開設品牌「美人專門」,誓要在美容界闖出名堂。由藝人轉做商人,「係困難啲,崗位唔同咗,要多聆聽同學習。」
近 10年,很多人找她合作做生意,「好多公司搵我去搞 Spa、美容院。不過 Spa有好多人要管理,經理、美容師。諗得慘啲,如果經理帶人走,你間美容院就企咗喺度,做產品冇咁複雜。」 4年前發現現時代理的美容產品,遂開展美容生意。
伍詠薇自覺有做生意特質,「我係一個好快做決定嘅人,好多客覺得畀咗錢出去,鍾意人哋做好多工序,『你印 10個款畀我,掟多啲 idea畀我』。好嘅嘢你畀 3個我就夠, 3個中就夠,其他 7個都係廢嘅。」
親自回答 粉絲狂問


演藝圈打滾多年,伍詠薇的人脈及交際手腕絕對具宣傳優勢,所以她主要負責公司對外事務,「啲人唔使重新認識我,對你信任大啲。唔好嘅死都死快啲,啲人接觸我容易啲,講是非都講我先。」因此,她要比一般人更用功,產品質素要更好。
知名度對網上推廣有優勢,她透過微博及 facebook推廣,單是伍詠薇的微博,已有逾 17萬粉絲。
她又為品牌設微博, 2010年 6月首推第一件產品到現在,「美人專門」微博累積數千名粉絲。相對 facebook僅千餘人,微博有壓倒性優勢,但不同渠道,吸納不同顧客,「其實我兩樣都 buy,可能我自己都 keen on玩微博,所以幾強, facebook反而多外地人,好似美加嗰啲。」
剛開設微博,她遇到不同的問題,「好多人質疑,呢個(微博)係唔係伍詠薇 o架?係唔係騙局呢?」到網民知道是她本人,又衍生新煩惱,「有時當你話俾呢個人聽點用件 product,你以為解答咗個問題,但粉絲發現我答佢,就不停咁問。不過,時間耐咗,大家都知道乜嘢我會答,乜嘢唔會答。」
「你要邊做邊問」

會否因網上宣傳奏效放棄傳統宣傳渠道?倒未必,「呢個係雞同雞蛋嘅問題,香港受歡迎的女性雜誌必須落(廣告),因為佢哋(讀者)睇到。好似每次揭開本雜誌見到『美人專門』,咁就容易入腦。」此外,從事廣告業務的丈夫亦成為伍詠薇的強大後盾,親自傳授建立品牌的方法,「如果話 apple係 a-p-p-l-e咁就死啦。佢好似講古仔咁,以前做嘅 brand有咩 interesting嘅嘢,了解後就容易發問。」問對一個問題受用無窮,但首先是敢於發問,「你要邊做邊問,有時有啲問題好難講出口。」
娛樂圈很多人都想轉戰商界,但成功的人不多,可有擔心失敗?伍詠薇斬釘截鐵說:「如果對自己冇信心,點樣去 sell去賣。」
2 : 拔刺者(4132)@2011-01-16 18:18:53

其實sina點靠微博賺錢?
3 : GS(14)@2011-01-16 18:24:19

2樓提及
其實sina點靠微博賺錢?


新浪微博的“江湖挑逗”
http://realforum.zkiz.com/thread.php?tid=11431
周日 專訪 張天愛 、伍 伍詠 詠薇 薇結 商機
PermaLink: https://articles.zkiz.com/?id=272596

青霞張天愛榮升外婆邢嘉倩未婚懷孕:期待BB出世

1 : GS(14)@2016-01-18 19:00:35

■嘉倩與外籍銀行家Lloyd拍拖一年幾,已有默契先生B,暫未有結婚計劃。


邢李㷧與前妻張天愛所生的26歲女兒邢嘉倩一向愛小朋友,開設了幼兒教育中心,更曾揚言想生四、五個BB,母愛氾濫。昨日她忽然在ig貼文,宣佈已陀B,快將為人母親了。她貼了一幅與外籍男友Lloyd的黑白合照,相中Lloyd輕吻嘉倩額頭,更雙手踏着對方搭頭,十分溫馨。嘉倩以英文留言公佈將做媽媽的喜訊:「我常夢想有天成為母親,今天與Lloyd開心地宣佈我們正期待BB出世,非常震驚及感恩成為父母,以及開始組織新家庭。」與嘉倩情同母女的繼母林青霞亦將榮升外婆,相信她必定心情高興。



母爆陀穩先講

本報昨日致電了嘉倩的母親張天愛(Flora),她身在英國表示好開心,記者問到是否已有3個月才宣佈這個喜訊,她直認:「係囉,陀穩BB先講。」問到女兒是否生完BB才結婚,Flora笑言:「結唔結婚唔係好緊要,等佢自己方便。」提到她將榮升年輕外婆時,她表示:「好開心做grandma,不過我有朋友喺我嘅年紀已做great grandma,會叫佢(嘉倩)小心食嘢,唔好做咁多運動,做嘢都得,返工冇問題,但唔好勞碌。」



■身在英國的張天愛直認囡囡已陀有3個月BB,大讚囡囡思想成熟有計劃。資料圖片

■邢嘉倩昨日在Ig貼上與外籍男友Lloyd溫馨圖片(右圖),公告已懷有身孕,將會榮升做母親的喜訊。





未有結婚計劃

Flora大讚囡囡思想成熟,懂得照顧自己,而Lloyd性格好好及均真,問到她會否反對囡囡未婚懷孕,她表示:「佢好清楚自己做緊乜嘢,呢個問題咁落後,成人兩個有愛,有共鳴,結婚都有太多人唔開心,佢哋會自己選擇。」據悉,嘉倩與Lloyd拍拖1年多,對方是銀行家,二人暫時未有結婚計劃。採訪:唐如



■嘉倩與父親邢李㷧、繼母林青霞及兩個妹妹感情深厚。資料圖片

■嘉倩與繼母林青霞感情至深,相信青霞將榮升外婆必感興奮。資料圖片



來源: http://hk.apple.nextmedia.com/entertainment/art/20160118/19456143
青霞 張天愛 榮升 外婆 邢嘉 嘉倩 未婚 懷孕 期待 BB 出世
PermaLink: https://articles.zkiz.com/?id=294490

青霞張天愛做外婆 邢嘉倩誕B仔

1 : GS(14)@2016-07-17 16:01:37

■邢嘉倩認定澳洲籍男友Lloyd為伴侶,二人拍拖近一年已計劃未婚生B。資料圖片


邢李㷧與張天愛所生的女兒、即林青霞繼女邢嘉倩於今年一月在Instagram公告與從事銀行的澳洲籍男友Lloyd Jones宣佈有喜,二人雖拍拖不夠一年,已有共同計劃未婚生小朋友。嘉倩早前出活動曾透露預產期於本月,據悉她大前晚已入養和作準備,當晚母親張天愛與男友Lloyd都有陪伴在側,並於前日剖腹生下B仔,榮升做媽媽,而邢李㷧、張天愛及林青霞亦分別做外公外婆了。



■嘉倩生B仔,生母張天愛及繼母林青霞榮升做外婆。資料圖片

■嘉倩是曾昭怡女兒的契媽,昨日曾昭怡便同老公Justin探望好友生B仔。

■啟山到醫院探病,透露已恭喜好友嘉倩榮升人母。



啟山:恭喜咗佢


由於嘉倩與男友Lloyd愛低調,之前愛在Ig貼大肚相的她索性取消了戶口保私隱,故邢家上下及嘉倩身邊友人對生B仔消息保密。本報昨日致電榮升外婆的張天愛,她未有回覆,之後她透過公關鄭紹康回覆:「Thx Nana Flora」,而嘉倩身邊好友紛紛封嘴,當中曾昭怡的女兒更是嘉倩的契女,她於電話煞有介事表示:「佢私人問題,你問番佢啦,我唔清楚。」不過約7時許,曾昭怡與老公Justin抵達醫院,不過繼續封嘴,而霍震霆與二仔霍啟山離開醫院,記者問到啟山是否探嘉倩,他否認:「唔係,不過已恭喜咗佢。」其實嘉倩暫未有計劃結婚,她於4月接受雜誌訪問時,曾透露一直都想當媽媽,視男友為生活夥伴,對方熱愛小朋友,性格隨和看得開,改變個性心急的她,認定對方是Mr. Right。作為母親的張天愛亦支持二人決定,當時接受本報訪問時表示:「成人兩個有愛,有共鳴,結婚都有太多人唔開心,佢哋自己選擇。」此外,三太陳婉珍亦現身醫院探望賭王,她表示賭王身體OK。採訪:羅慧敏攝影:仇志德





來源: http://hk.apple.nextmedia.com/entertainment/art/20160717/19697946
青霞 張天愛 外婆 邢嘉 嘉倩 倩誕
PermaLink: https://articles.zkiz.com/?id=304065


ZKIZ Archives @ 2019