|
||||||
|
中期業績幾靚仔 嘅361度（1361），噚日朝早10點突然停牌，華華原本以為又有好嘢公佈，但原來係澄清丁總（丁伍號，圖）喺業績記者會講「集團目標係將派息率由目前 約35%增至50%」嗰句嘢。其實丁總講嗰句嘅時候，華華都在場，完全唔覺係股價敏感消息，事關好多藍籌都係咁講。 港交所（388）發言人例牌唔評論事件，據熟知上市規則嘅市場人士話，港交所要求361停牌無可厚非，因為使唔使停牌，主要視乎公司相關人士所講嘅嘢，有冇喺公告或者年報中同樣提及，如果無，就當係股價敏感消息，要停牌出通告澄清。 要公平咁公佈股價敏感消息，華華非常理解，但公告同年報無就唔可以講，係咪以後都唔使開投資者會議同記者會先？ |
||||||