ZKIZ Archives


安全網(1) 陸羽仁

http://blogcity.me/blog/reply_blog_express.asp?f=5YTPBH5B812303&id=280284&catID=&keyword=&searchtype=

美股走勢與上日相仿,先跌後回穩。三大指數收市個別發展,但無大變動。杜指受美國運通及波音飛機下挫拖累,跑輸大市。杜指收市報11478點,跌14點;標普500指數漲3點,收1247點;納指升7點,造2650點,創了三年以來新高。杜指期貨最新報11405點,較現貨低水73點。

 

港股美國預託證券靠穩,ADR港比指數收報22696點,比香港收市高57點或0.3%匯控收79.28元,比香港高3仙,中移動收76.79元,比香港高9仙。

拖累杜指收跌的主要元兇係美國運通及波音飛機。聯儲局上周有官員提出立例大幅度削減信用卡公司「刷卡費」超過八成至每筆交易只可收取12美分,令信用卡發行商股價重創,VisaCardMasterCard累積跌幅達到17%12%。昨日,券商Stifel Nicolaus宣佈將美國運通股票評級從「買進」調降至「持有」,令股價受挫。波音飛機則仍然受其787夢幻客機將是否能夠如期交貨困擾,投資者憂慮又會再一次失望,因此先離場為上。美國運通跌3.4%,波音飛機挫2.7%,係兩隻表現最差的杜指成份股。

朝鮮南韓炮彈亂飛,嚇到全球尤其亞太區投資者,惶惶不可終日。聯合國安理會日前就朝鮮半島局勢召開緊急閉門會議。雖然經過了八個多小時的閉門磋商後,仍未能達成一致意見。而中國外交部則召集半島雙方駐華大使,及在多個場合敦促朝韓雙方保持冷靜剋制,切勿採取任何導致局勢進一步升級的舉動。不過,據美國有線電視新聞網(CNN) 昨日報導,朝鮮已同意聯合國核查人員進入境內主要核設施,並同意就出售核燃料棒的相關事宜進行談判,顯示朝鮮的強硬態度似有軟化跡象。朝鮮半島的緊張局勢應會有所舒緩。

早前網友Myself留言問起教仔經,引發我的一輪思考,趁個市年尾靜靜地可以講吓。Myself問:「陸sir,你話:『2030年時出國讀大學的人動機好強。而家的大學生既無心入大學求學問解決什麼問題,家裏又有安全網無大動機改善生活,所以hea係自然出現的。』真係好多謝你,你講的情況就係小弟的寫照,真係一言驚醒夢中人。回想自己入大學時,真係冇實質動機,例如選那科都冇大分別,人地選自己又選,只想試下做大學生的滋味,冇話特別有甚麼動機去求學問,而家諗返都幾醜。畢業十幾年,自覺表現平平凡凡,ok人生的確冇特別大問題要去解決,歸根究底,就係冇學習動機。」

        Myself:「而最大鑊的是,老婆好努力幫個女搵小學,話驚佢長大後唔夠人競爭,而我呢個hea爸爸就同老婆講:『唔使驚啦,佢長大後唔會太差,我地死左點都有兩層樓留俾佢。』陸sir,小弟不自覺正在製造你講的種『安全網』,將呢種hea傳俾下一代,死得,點算?而家知道,希望可以補救,再請教陸sir,你之前講過,學習動機來自父母期望、入好的大學、好的導師、好似仲有一個忘記了,有咩方法可以自我製造學習動機,又如何培養小朋友既學習動機?唔會成日hea?」

        我經常讀書,睇唔同時代人的經歷,睇到2030年代的人,無論在中國讀大學,或者出國讀書,都有好強的學習動機。台灣作者齊邦緩女士的《巨流河》,講到30年代抗戰時在戰事前方(如東北三省)的 中學的老師如何帶著大班中學生,逃難到後方,然後在重慶重新開學。逃亡的過程自然死人無數,最後稍為定下來可以再開學,已經是萬幸。你可以想到那種環境 下,中學生會如何珍惜學習的機會,進入大學後會如何努力讀書。經世致用的動機,救國救民的思想,普遍出現在學生的腦海中。苦難的中國,培養出一代堅毅不屈 的中國人。    

鏡頭一轉,回到現實的香港,太平盛世,好食好住,甚麼「經世致用」、「救國救民」,完全不在學生的腦海的議程中,這不能怪學生, 只能說甚麼環境,就會培養出甚麼的人。

        Myself的留言中,我看到他十分希望學好投資,亦從他的留言中,我看到他經常要求自己看書,但其實未識睇書,未識學習。我大學時其中一個研究題目,係研究系統如何學習,發現修正錯誤是最好的學習方法之一。中國是唯一的社會主義大國可以成功走上經濟改革開放的道路,縱使70年代有大量中共元老反對經濟改革開放,但中國最後都可以走上這條道路,和66年至76年的文化大革命好有關係。文革是大錯,令中國差不多陷入內戰的邊沿,在那10年內,經濟幾近停頓,人性受到最大的煎熬,結果系統補修,走上改革開放的道路,中間雖然經歷波折,但終於走過來,因為大多數人都不想走回文革的恐怖老路。由文革的例子可見,錯誤的經歷,對學習是何等重要。

        一般人學習的直接動機,除了服從他人的要求外,若不是好奇,就是想修正錯誤,這就是我所謂「帶著問題看書」,以尋找答案(看消閒書當然例外)你漫無目的地看書,看完亦不知做乜。以投資為例,如果你輸過大錢,錯過,就應該牢記錯誤,想方設法修正錯誤,看書也好,請教別人也好,也是要有清楚的目標,為如何防止自己再犯錯,如何可以成功投資,尋找答案。Myself話自己讀大學時漫無目的,這就是完全錯過了在大學找好老師、讀好書、求學問、學習解決問題的機會。不過一切未為遲,即使到90歲才明白自己的問題,都有修正的機會。(明天續談教仔問題)

安全網 安全 陸羽
PermaLink: https://articles.zkiz.com/?id=20409

安全網(2) 陸羽仁

http://blogcity.me/blog/reply_blog_express.asp?f=5YTPBH5B812303&id=280444&catID=&keyword=&searchtype=

加拿大道明銀行(TD Bank)以巨額收購汽車貸款公司Chrysler Financial Corp. , 令市場憧憬金融行業併購活動將會升溫,刺激了市場投資氣氛,而中國副總理王岐山表示支持歐盟和國際貨幣基金組織採取的一攬子金融穩定措施,並以實際行動幫 助歐盟一些國家應對主權債務危機,推動了大宗商品市場價提回升,亦提升了投資者對金融股的信心,加上朝鮮半島的局勢有緩和跡象,美股在大型銀行股領漲下, 三大指數均創下兩年多以來新高。

 

杜指突破11500點水平,收報11533點,漲14點;標普500指數漲8點,收1255點;納指升18點,造2668點。杜指期貨最新報11462點,較現貨低水71點。金融股表現最好,杜瓊斯金融指數漲1.4%,遠遠跑贏大市。美國運通升1.7%,美銀及摩根大通都升超過2.5%,係表現最好的杜指成份股。

港股美國預託證券靠穩,ADR港比指數收報23039點,比香港收市高45點或0.2%匯控及中移動個別發展,匯控收79.72元,比香港低0.5%,中移動收77.82元,比香港高0.8%

歐洲方面,盡管穆迪投資近日連環出招,日前下調了愛爾蘭5家金融機構的評級,並警示了西班牙30家銀行的債務評級風險後,昨日再將葡萄牙政府債券評級納入負面觀察名單;但中國表示會力撐歐洲有問題國家,歐洲股市不跌反升,泛歐道瓊斯Stoxx 600指數上漲了1%其中英國、法國及德國股市都升約1%;西班牙股市更漲了2.1%

網友EricLo的回應值得一記,佢話:「我是應屆本土大學畢業生,看到大家對時下大學生學習態度及動機的討論, 不禁反思,但覺說法有漏洞。大家分析的主軸縱向為主, 忽略橫向比較,拿現時活在溫室的香港仔跟舊時活在苦難的華人比較,而得出結論: 安全網下的學生難有大動機. 驟看合理, 但不圓滿。跳出香港, 試問哪個歐美先進國家不是太平盛世,小朋友物質充裕,安全網下長大? 拿美國加拿大作例,人家富裕多年,為什麼優秀大學裡的優秀大學生還是人才輩出,源源不絕,而不是滿國學習動機欠奉的hea學生......一些本土國際學校的本土學生,不消說物質充裕,但照樣動機充足,很大部分的原因是他們長期在"主動搵食"的學習模式下受訓而習慣成自然,上大學後學習動機及主動性亦普遍較一般本土大學生強。」

EricLo的意見我大多同意,但有小小補充。第一,外國家庭孩子較多,無中國人、特別是一孩家庭的子女咁寶貝。第二,外國文化家長鼓勵孩子探索,「主動搵食」的學習模式適合他們。我識得一些香港家長送仔女讀國際學校,仔女要做專題研習,阿爸阿媽搶著幫手做,外國教育模式遇上港式直升機家長,一樣化為烏有。第三,外國孩子也開始有缺乏學習動機的問題,明珠台那個節目「嬌生慣養」就是講外國孩子。

現時的學生缺乏學習動機,和現代社會富裕,父母照顧得太好有關。我 覺得父母最錯的一個觀念,就是:要將一切最好的俾仔女,要將自己缺乏的所有東西俾仔女。自己無機會學琴,要仔女學琴;自己無學芭蕾舞,要個女學芭蕾舞;自 己無讀名校,要仔女讀名校;要將無盡的愛俾仔女,令他們知道,「你唔使驚,阿爸阿媽在大廳」,你一有事,阿爸阿媽會來幫你。這些父母如阿帕其戰鬥直升機一 樣,隨時準備空降,對仔女的敵人作出最後的戰鬥。這些父母本身好可能係職場上、人生中成功的鬥士,但他們卻忘記了自己係如何培養出來。他們為子女消滅一切 敵人,但自己卻為子女製造出絕對軟弱的性格,成為仔女成長路上最大的敵人。

  我有一個朋友,是80年代的大學生,讀書好叻,事業非常成功,他的女兒中學讀書成識不太理想,最後他把女兒送到外國唸書。他對女兒唸中學成識不好的原因,歸結為「最衰我無將個女送到九龍塘的名幼稚園唸書!」我聽到十分錯愕,心想為何一個咁聰明的人,分析問題竟然有如此簡單化的結論。我反問他:「你也不是唸九龍塘的名幼稚園出身,點解你讀書如此成功?」他也答不上來。

  我從旁觀察,這位朋友太早就為女兒設下安全網,話「如果你在香港讀唔到,我就送你去外國讀書啦!」他並無將當年自己咬緊牙關努力讀書的心法傳授給女兒,只為她製造一個安全網,既然她知道自己一定可以安全降落,點解仲要博呢?

  我另一個朋友的一個孩子,現在唸中學,數學很差,我問他:「xy等如10, x等如5, y等如幾多?」佢會答:「10呀?5呀?」他只會撞答案,希望撞中,無一個肯定的答案。原因是自細到大阿媽和他一起做數學,他見到問題大大約約就撞答案,然後阿媽會告訴他真正的答案,他就養成他不思考的習慣。

  父母教育仔女的一大吊詭,是你以為對佢好好,為佢解決所有問題,但這種態度本身,卻大大削弱了子女求生的能力,他們沒有學習動機,也不用努力,不用思考,因為到頭來阿爸阿媽會為他思考。這就是「愛佢變成害佢」的典型。

 

陸羽仁

安全網 安全 陸羽
PermaLink: https://articles.zkiz.com/?id=20410

安全網(3) 陸羽仁

http://blogcity.me/blog/reply_blog_express.asp?f=5YTPBH5B812303&id=280577&catID=&keyword=&searchtype=

美國昨日公布的經濟數據唔好亦唔壞,聯儲局上調GDP的增長預期,但增幅細過預期;而11月份二手房銷售增長5.6%,亦少過市場預估的6.5%;不過上月的二手房售價就出現了8月份以來的首次上漲,略高於10月份和去年同期。

 

最新犮經濟數據其實了無新意,並未有改變投資者對大市走勢的預期,大家几乎都在收拾心情過聖誕。杜指全日波幅不足40點,紐約證交所成交亦只有7.8億股。

杜指收報11559點,漲26點;標普500指數升4點,收1259點;納指升4點,造2671點。杜指期貨最新報11499點,較現貨低水60點。值得留意的是「恐慌指標」VIX指數續創新低,昨日再跌6.3%15.45,係三年以來最低。

港股美國預託證券亦無大變動,ADR港比指數收報23102點,比香港收市高57點或0.3%匯控及中移動繼續個別發展,匯控收80.09元,比香港收低0.1%,中移動收77.40元,比香港高0.3%

美股昨日水靜鵝飛,但仍然保持住升勢,杜指繼續挑戰2008年雷曼兄弟倒閉前的高位。升勢主要由金融股推動,上周蒙特利爾銀行(Bank of Montreal)稱將以價值41億美元的換股交易收購美國中西部地區的一間大型銀行;日前多倫多道明銀行(TD Bank)宣佈以63 億美元收購克萊斯勒公司前金融部門Chrysler Financial,令投資者憧憬金融行業將有更多併購交易。大家都在尋找下一個潛在收購目標,規模較細地區性銀行變得灸手可熱。其中Regions Financial就炒高7%First Horizon National亦漲逾4%;美銀收高3%,摩根大通漲2.8%,連續第二日成為表現最好的杜指成份股。

昨天講到直升機父母愛仔女等如害仔女。今日講解決方法,基本概念是「拆毀安全網」。網友Myself:「而最大鑊的是,我老婆好努力幫個女搵小學,話驚佢長大後唔夠人競爭,而我呢個hea爸爸就同老婆講:『唔使驚啦,佢長大後唔會太差,我地死左點都有兩層樓留俾佢。』我就認為,Myself呢種講法一定要戒,唔可以早早俾仔女知道,佢唔成功有阿爸阿媽照保,佢讀唔到書會送佢去外國讀,佢搵唔到工阿爸阿媽會幫佢搵,佢買唔到樓阿爸阿媽會幫佢買,點解唔鼓勵佢自己試咗先呢?即使你想幫他,唔到最後最後最後關頭唔好出手。

  孩子長大後會唔會太差,唔係絕對,而係相對。而家的細路唔會絕對地差,起碼最壞時有政府養,唔會餓死。但佢地會相對地差,當佢地的表現差過自己的同學朋友時,就係相對地差。網友牆頭草講起明珠台早前播的節目《 Hyper parents Coddled kids 》(嬌生慣養),值得一看,節目中講到一個優質女孩,在校成績好,是學生領袖。但出來打工,四年轉五六份工,上司的評語多是「很聰明, ..... 」。她跟著頂唔順打工,自己出來搞按摩生意,但好快輸哂啲錢,破埋產。呢個聰明女返屋企搵阿爸阿媽都得,好似Myself話「唔會太差」,但如果佢同自己的朋輩比較,自己感覺就會好差,頂唔順自殺都有份。

  我細個時阿媽經常對我講:「你讀唔到書大過聽乞米!」呢句話好毒(傳統家長係咁),深印在我腦海中,認為唔努力只有死路一條。大個之後才發現,其實若我真係讀唔到書,父母都打算送我出外國讀書,不過當時無同我講,結果我就考咗入香港的大學。

  我認為呢條橋都得,明明有安全網,都話俾仔女聽無,叫佢讀好啲書、自己考入大學、拼博做工。有安全網都拆咗佢先,我發覺仔女愈細,呢啲講法愈易入腦,我阿媽就在我34歲時同我不斷講這些「要做人努力」的道理。

要令子女知道有緊缺的概念,資源不是無限,錢不是無限,去日本旅行不是必然,所有的東西都是緊缺的,要努力才有所得。我甚至教自己的女兒理財,細路仔見乜都想買,我就話一年只可以從你利是攞200元來買這些不必要的東西(必要的我會買給她),佢睇見個公仔想買,我就話並非必要,我唔會買,要買用你自己的錢買,佢就會考慮再三,結果10次有9次都決定唔買。其餘一次要買都揀個50元細一個碼的公仔,唔揀佢本來想要的100元大碼公仔。我都係試驗緊,希望呢個方法,到大個時可培養出子女較節儉知足環保的性格。

        另外就係身教,父母係點,子女就係點,你唔可以自己一本書都唔睇,只識睇電視,但卻叫子女睇書。你唔可以自己揮霍無度,卻叫仔女節儉,想做好榜樣,一定要有所犧牲。

 

陸羽仁

安全網 安全 陸羽
PermaLink: https://articles.zkiz.com/?id=20454

安全網(4) 陸羽仁

http://blogcity.me/blog/reply_blog_express.asp?f=5YTPBH5B812303&id=280753&catID=&keyword=&searchtype=

平安夜美股休市。聖誕假期前夕,投資者大都收拾心情放假去也。美股昨日交投淡靜,杜指全日波幅不足40點,紐約證交所成交亦只有6億股。三大指數漲跌不一,變動輕微。杜指漲14點,收報11533點;標普500指數跌2點,收1257點;納指亦跌2點,造2666點。杜指期貨最新報11522點,較現貨低水11點。

 

港股美國預託證券靠穩,ADR港比指數收報22947點,比香港收市高44點或0.2%。匯控收80.08元,比香港高0.2%,中移動收76.99元,比香港高0.3%

投資者昨日迎來了大量經濟數據,當中好壞不一,大致上都與市場預期的差不多。但對於憧憬美國經濟復蘇會有較高增速的投資者都會感到有點失望。最近一周首次申請失業救濟人數有所下降,輕微好過預期;而11月消費者開支、11月的新屋銷量、以及12月份美國消費者信心指數都有所上升,但升幅都略為低於市場預期;比較差的是11月份耐用品訂單下降了1.3%,遠高於市場平均預期的下降0.6%,主要原因是民用飛機訂單大幅下降了53%所致。若扣除飛機的非國防資本商品新訂單數字增長了2.6%。盡管一些數據稍低於預期,但從整體來看,它們仍然反映美國經濟正在穩定成地復蘇,只係步伐緩慢。

杜指成份股中以美國鋁業(Alcao)表現最好,漲1.3%;原油價格突破每桶90美元,新新報9141美元,亦利好油股,ChervonExxon Mobil分別上升0.9%0.6%,跑贏大市。金融股係壓住大市的主要力量,杜瓊斯金融指數下跌0.6%,其中美銀挫2.4%,係表現最差的杜指成份股。

這幾天講的學習問題,主要由網友Myself問起如何睇書自學及如何教仔引起,其實教自己和教仔一樣,當你撤掉安全網後,就會打醒精神學習,當你的仔女知道唔讀好書佢無後路,當你知道唔學好投資要輸大錢時,就會有番啲學習動機。

今天想講一個相關主題:從錯誤中學習,小朋友讀書受過挫折,更會好好讀書。大人投資/投機輸過錢,就會好好反省自己的毛病,我後生時試過投機輸錢,就對住 張交易紀錄單半天,好痛苦咁思考反省自己出錯的原因,我第一個投資錯誤是將自己的錢,交給一個出道不久的同學代我投資外滙,當時見佢初入行無客,多多少少 抱一個幫人的心態做咗佢的客戶,結果一年不到輸了89成, 我睇到佢的交易手法真係好爛,例如買日圓錯咗方向,日圓向下,佢就在低幾個價位沽番同等數量日圓,叫做「鎖咗倉」,未定贏輸,最後唔知點拆倉。我對住張交 易單半天,悟出兩個道理,第一投資不能假手於人。第二唔識炒唔好學人去炒,一個新仔去炒外匯,和市場上成萬上億的老手做對手,真係唔知點解會炒得贏。

經上一役,我發覺錯誤真係自己的好朋友,犯了錯,受了傷,一般人不想提不想面對,我就偏偏提自己不斷去諗,在自己傷口上不斷撒塩,直到搵到犯錯的原因為止,然之後改正,通常係一開始時,話俾自己聽唔好咁蠢,犯其他錯誤可以,唔好在同一種錯誤上輸錢。

各位朋友,趁住一年將盡,何不搵出今年投資/投機的最大錯誤出來,大家交流下,總結一下原因,希望明年不要再犯。自己的威水史不用再交流,但犯大錯的經驗,多交流一定無壞。

教 完自己,教埋仔女。唔好做直升機父母,唔好在仔女犯錯前一秒中在他面前降落,幫佢解決哂所有問題,甚至善後埋清埋場。睇下仔女可能犯的是否致命錯誤,若不 致命,等佢錯吓,事後先至同佢傾吓總結吓。明珠台那個節目《嬌生慣養》中那個六年轉五次工的叻女,最後創埋業破埋產,佢咁輕率創業,就係將一切睇得太容 易。過去一切有阿爸阿媽搞掂,佢睇問題睇得太簡單,唔喜歡打工就創業,一離開爸媽的視線,就無法生存。或者呢次破產的經驗,係佢好好學習的經驗,但如果阿 爸阿媽一早俾佢犯錯,就唔使付出咁大代價。

 

陸羽仁

安全網 安全 陸羽
PermaLink: https://articles.zkiz.com/?id=20455

安全網(5) 陸羽仁

http://blogcity.me/blog/reply_blog_express.asp?f=5YTPBH5B812303&id=281304&catID=&keyword=&searchtype=

聖誕假期間中國第二度加息,為美股帶來壓力,杜指開市跳水,但好快就止跌反彈。在金融股造好帶動下,逐步收復大部份跌幅,杜指收市跌18點,收報11555點;標普500指數倒升1點,收1258點;納指亦升2點,造2667點。杜指期貨最新報11502點,較現貨低水53點。受暴風雪影響,美股成交量只有平日的三份之一,創2010年新低。

 

 

港股美國預託證券靠穩,ADR港比指數收報22947點,比香港收市高34點或0.2%。匯控收79.67元,比香港高2仙,中移動收76.78元,比香港高0.4%

 

  中國繼10月加息後,上周日突然宣佈基準息率增加0.25厘至5.81厘。此舉令全球股市承受了壓力。上證綜指尾市急回近2%,中國提早加息令美國投資者有少少意外,Standard Life InvestmentsJeff Morris表示,「大家都意識到這是控制通貨膨脹的必要措施。我們原先預計無論如何中國會從2011年開始才繼續加息,所以也許它來的比我們預想的要早了一點。」由於擔心加息將拖慢中國經濟發展步伐,市需求下滑,原材料行業股票普遍走低。Titanium Metals2.3%,美國鋁業(Alcao)0.7%。紐約原油價格亦回軟至每桶91美元樓下,最新報90.92美元。

 

昨日支撐美國大市的力量來自金融股。美國國際集團(AIG)獲得了由30多家銀行提供的43億美元的銀行信貸額度,讓集團能夠進一步提高償付能力及擺脫政府的控制,AIG逆市勁升9.3%!成為表現最好的標普500成份股。金融股亦造好,杜指成份美銀及摩根大通齊漲約1.5%,係杜指成份股表現第二及第三好。

 

AIG以外,市場焦點係生產稀土金屬的Moly Corp. ,昨日勁漲9%。自從中國在7月時傳出限制稀土出口以來,Moly Corp. 股價一路向上,累積升幅已經超過兩倍半。

 

我之前講起港孩的學習問題,其實學習問題開始在成人身上出現,開始在我們的投資上出現,所以我叫大家總纒過去一年投資/投機的問題,結果反應踴躍,令人大開眼界。

 

我睇大家的問題,種類、方向不一而足,有人炒出炒入勞而無所,甚至輸了大錢。有人獱住唔放錯過股市上落波幅。亦有人一有小小利潤就放走好股追悔不已。大家睇纒鱓問題, 就知道不能一本通書睇到老,以為有一個簡單方法,可保炒股必勝。

 

舉一個例,以新亨記的例子,佢咁講:「今年最錯的是賣走左2369(中國無線)。由2.5元買起,期間試過幾次買賣,賺了約4萬元。之後最後一次買是4.4買,跌到4元邊止蝕,之後確實又跌到2.5,但無買,在其他股和牛熊炒炒下,4萬元利潤無左,再蝕多接4萬元。如果2.5元買番,今年應該賺多十萬元有多,4.4元買無放,去到今日約5.1元,今年利潤應該都有近六萬。」

 

佢話:「經常出入買賣、低位無買番、炒牛熊,是致命傷。由本來應該賺十萬元,變成倒蝕四萬元,這十四萬的相差,想起都很痛很痛。中移動、國壽、建行我都買過,都係輸幾千至一萬收場。」

 

先不論中國無線係唔係好股,如果將目標股份換做建行而唔係中國無線,效果大不相同,睇圖就知,中國無線係大波動向上的股份,你中途走鰦,錯過鰦大升幅,自然蹨心,但若是買建行,雖然唔算橫行,但只是上落向上,中間食一段走鰦,可能好過由頭獱到尾(年頭6.47元,而家6.78元,高位8.2)。所以買大股,特別係一鱓唔似會有超高增長的大股,和買一鱓中小型股份,策略可以好唔同。買大股走纒上落唔拘,因為佢地都只係波動向上,唔係超常上升。但買增長型的股份,想纒游水,就可能游走鰦。

 

當然,以亨記的具體例子中國無線計,可以由4月尾的高位4.48元,跌到5月低位2.43元,跌46%,被佢震走一鱓都唔奇,唔走都腳軟。這種大波幅股份,先不論基本因素,只係睇圖都知,只能當投機股,5月尾跌到低位2.43元,反彈完再插,7月初低位2.7元,理論上反彈後7月初再跌係一個入市時機,因為再入可以用2.43元低位做止蝕位,唔穿獱纒,穿鰦打靶。但要再進入有一定難度,特別是害怕的心理障礙難克服,所以入唔番唔係好奇,因為你唔太清楚佢基本因素,怕佢急跌完可以再急跌。但如果建行跌46%,你真係唔怕獱纒,你知道佢死唔去,入鰦再跌都可以守。

 

我講檢討自己的問題,第一個教訓係唔好一本通書睇到老,策略要和投資或投機的方向配合。買股先睇清楚自己係投資定投機,買大股定細股,買中小型股,如果目標係投機博大霧,反而唔好食少少就走。相反買大股投資,唔係期望有50%或一倍升幅,一年升20%以上都算唔錯,所以若有20%以上升幅時,先沽鰦佢套利,或者沽一部份鎖定部份利潤,絕對無壞。

 

陸羽仁

安全網 安全 陸羽
PermaLink: https://articles.zkiz.com/?id=20725

安全網(6) 陸羽仁

http://blogcity.me/blog/reply_blog_express.asp?f=5YTPBH5B812303&id=281443&catID=&keyword=&searchtype=

美股市場在濃厚的假期氣氛及嚴寒的天氣影響下,繼續買賣兩閒,窄幅波動,杜指全日波幅只有50點。美國朝早公佈的消費者信心指數及房價報告都不理想,美股反覆偏軟。隨住美元轉弱,大宗商品市場造好,金價再度突破每安士1400美元,以及原油價格回升,加上通用汽車給多間大行唱好,吸納不少買盤,推動美股逐級向上,臨收市才跟隨美元再度轉強而回落。杜指收市創逾28個月新高。

 

杜指漲21點,報11576點;標普500指數升1點,收於1259點,納指跌4點,收報2663點,杜指期貨最新報11507點,較現貨低水63點。

 

港股美國預託證券靠穩,ADR港比指數收報22712點,比香港收市高90點或0.4%。匯控收79.43元,比香港高0.3%,中移動收76.35元,比香港高0.4%

 

  美國樓市仍在困難地掙扎。標普公司發布10月份Case-Shiller房價報告顯示,單幢屋價格連續第四個月下跌,跌幅更達到市場預期的兩倍,至此美國的大城市房價已連續四個月下滑,其中20個大城市房價指數較去年下跌0.8%

 

但美國聖誕假期的銷售不俗,鎖店銷售收入較去年增長近半成,是零售商5年來表現最好的一個節假日銷售期。不過,同期出籠的12月份消費者信心指數卻出人意料地較上月下跌,原因主要係與消費者對就業市場的憂慮情緒增長有關。有報告顯示,消費者對就業市場的看法惡化,聲稱「工作很難找」的消費者比例有所增加;認為「就業機會充足」的消費者比例只有3.9%

 

唯一讓市場欣慰是12月裡士滿聯儲製造業指數由上月的9顯著回升至28,反映製造業擴張加速。裡士滿聯儲製造業指數包括了製造業出貨、新訂單、未交付訂單和庫存等多項信息。數據好於預期或者高於前值則表明美國製造業情況的好轉,將利好市場上的風險情緒。

 

    昨日講到檢討2010年投資的第一課是唔好一本通書睇到老,睇清楚自己係投資定投機,持貨手法要配合目標。網友dada以英文留言,我將之大約翻譯英文如下:「欣賞你提到大股可以在升了20%之後沽之。我以平均價33元買鰦國壽,當佢升到36元時無沽,因為我無諗過你所講的角度: "相反買大股投資,唔係期望有50%或一倍升幅,一年升20%以上都算唔錯,所以若有20%以上升幅時,先沽鰦佢套利,或者沽一部份鎖定部份利潤,絕對無壞。" 結果我損失獲利機會,只能留在戰場。如今國壽只是31.5元,我要留耐鱓啦。我想你的觀點好好。先睇纒我地買乜(大股、中股或細股),可以有不同手法。為何有一鱓人可以賺錢,只因為他們從不同角度去睇,用不同方法去做。這裏有太多東西去學,但只有太少時間。」

 

    我可以再深入少少講纒我的觀點。我自己本來有少少傾向反對「游水」,即係話買鰦股賺10%20%就 走,特別係對散戶而言,因為散戶有個心態係留住輸錢的壞股,情願沽走略有少賺的好股,結果個倉愈輸愈多,又或者有散戶識得沽唔識得買番,結果游走鰦有較穩 定增長的好股,所以唔游好過游。但我自己買鰦鱓較穩定的大股,其實見個市升好多時會沽走一部份,通常係一半,另一半等升到更急時才沽埋,有時會沽哂,較多 時候沽鰦一半留一半,所以都覺得有必要同大家講講。

 

    我睇大股有1020%以上利潤時走唔走,有幾大因素:第一,判斷大市係邊種市況,普通牛市和大牛市不同,若是大牛市,個市會升到你唔信,即使大股都係咁,所以不宜有20%利潤即沽,否則會錯失賺大錢的機會。以2010年為例,其實年頭都係估一個只會升30004000點的普通牛市,所以沽纒其實唔妨。明年的預測也一樣,如果恒指目標價係27000點、28000點,都只係普通牛市而宜,升得多的大股可以沽纒。

 

    第二判斷自己獱不同類型的股份是投資還是投機,我話升到20%可以沽纒,主要指「投資的我」買的大股而言,「投機的我」買的中小股,冒的風險本來較高,亦希望博取更大的回報,有得賺最好食住,採取「贏就谷輸就縮」的策略無錯,若以投機心態買股,要以止蝕/止賺位保護自己,若升幅超過10%後,唔沽也可以用買入價作止賺位保護自己。Dada買 國壽,雖然係買大股,但買大股都可以有投機心態,國壽咁落後,人升佢唔升,買入也可以用投機心態,博佢大翻身,升番三四成,如果係投機性買入,第一要控制 注碼,第二要定好止蝕止賺,若然係咁會在買入價止賺走鰦。所以買賣股票的策略,除鰦睇股票,亦睇自己,記住投機倉位快進快出,一唔對路要斬,唔好俾損害加 深。換一個角度,買國壽係投資心態的話,亦要睇番自己預期,如果本來都只係預佢升一兩成都好滿足,升到10%20%,唔沽哂都可以沽番一半出街,鎖定部份利潤也。

 

    第三判斷自己買入的大股是穩定型還是增長型。同是大股,都可以有不同類型。舉一個例,內銀大股都應該只屬穩定型,即係話一年升到20%以上都唔錯,道理亦好簡單,以建行(939)股價及相關新聞 為例,一隻1.6萬億市值的股份,你都唔好預佢太喪升躀。再者,佢盈利增長亦有限,09年全年盈利升15%,今年盈利升幅亦唔差太遠,股價大約和盈利同步,所以升20%都唔錯。故此獱鰦佢升20%沽鱓出街亦無妨,估計即使再升亦唔至太離譜。但大股亦有不同品種,例如和黃(0013)股價及相關新聞 ,佢衰鰦咁耐,而家係轉勢,轉勢股,佢盈利增長應該強勁點,佢2009年純利141億,今年純利應有180億以上,增幅應有28%,市場對呢鱓高增長股會俾溢價,所以股價升幅會高過盈利,基於這種分析,你獱鰦和黃,升20%亦不一定要沽。

 

     當然自己認為自己買入穩定型股票,點知佢升到開巷亦有。好似隻越秀房地產(405)股價及相關新聞 ,年初2.94元,如今4.16元,股價升鰦41.5%,計埋派6%息,買鰦佢賺48%! 我雖然一直有推介佢,但亦估唔到佢會升咁多,升得咁厲害,和佢派息升6%以及人們睇好廣州商業樓樓價有關。假設你買鰦佢,升20%沽鰦,會好蹨心。另一隻我過去講過可以買的股份中銀香港(2388)股價及相關新聞 ,年頭17.6元,而家25.85元,現價比年頭都升鰦47%,過早沽了又會蹨(以上月高位29.4元計,更升了67%!),佢主要因人民幣業務而炒起,升咁多我亦沽唔到‧所以唔肯定股份係唔係已經升得太顛時,要沽只沽一半,也是控制放走好股的方法,因為呢個世界總有鱓事情你沽唔到。

 

 

陸羽仁


安全網 安全 陸羽
PermaLink: https://articles.zkiz.com/?id=20726

安全網(7) 陸羽仁

http://blogcity.me/blog/reply_blog_express.asp?f=5YTPBH5B812303&id=281593&catID=&keyword=&searchtype=

美股微升續創新高。美元回軟,能源股造好,杜指大部份時間在高位徘徊,臨收市最後一小時回順,回吐了大部份漲幅,收市微升10喴,至11585喴,標普500指數升1點,收於1260點,納指漲4點,報2667點,杜指期貨最新報11537點,較現貨低水48點。大市交投持續淡靜。

 

港股美國預託證券靠穩,ADR港比指數收報22997點,比香港收市高27點或0.1%。匯控及中移動個別發展,匯控收79.83元,比香港低0.2%,中移動收77元,比香港高0.3%

 

  歐元走高,兌美元由1.31美元升至1.323美元,美匯指數跌至80.1,油價中午突破每桶92美元後回跌至91美元。不過市場預期2011經濟會轉強,以及OPEC成員國表示油價唔排除會漲到每桶100美元,能源股尤其係鑽探公司造好,成為支撐大市的最大動力。Diamond Offshore Drilling 2.8%Schlumberger1.7% Apache 1%Chevron日中曾領漲大市,但尾市隨油價回軟,最後只係微升0.2%

 

美股近期屢創新高,但成交即使撇除假日影響,卻每況愈下。市場開始憂慮大市是否已見頂。美國老牌技術分析公司Lowerys的資深分析員Paul Desmond表示,在假日及近期特別嚴寒的天氣影響下,好難從交投量睇到大市的趨勢,不過長期而言,大市沒有見頂的跡象。總結美股約1600隻股票,大部份都有明顯升幅。將整體累積升幅減去跌幅,增長係最近10年以來最高。這預示了仍會繼續走強,甚至會超越2007年所創的高位。觀察其他長線指標,現時有80%以上的股票仍然高於20天、10周及30周移動平均線,並無收縮的跡象,反映出大市正處於牛市階段。

 

Desmond又稱,股市處於大升浪的期間,將會有90%以上的股票處於10天移動線之上,如果跌至75%,傳統上係一個大市調整的警告訊號,不過,未跌低過50%,調整都不會出現。Desmond最後表示,預計大市在1月份會出現710%的調整,但不會影響其向上的長線走勢,調整期正係入貨的時機。

 

    講番檢討一年戰果,睇到網友Persie留言有所感。佢話「早晨陸sir: 我檢討過今年表現,決定關閉投機部。我年頭用300K成立投機部,打算每注3-5萬,有5-10%利潤就沽,炒下炒下,快買快賣,以為會好易蹾錢。點知一年到尾,滿頭白髮,只有5%利潤得個吉,仲有隻越沉越深的蟹貨 (#1224)未解決。我選股都不錯架,但 timing(買賣時機)就好差。曾買入維達,雨潤,吉利,中海油等,如果買了放一年就正了。反而我年頭買的中電和港燈有20%利潤。反正現在正職都幾忙,所以已將部份投機部的錢買入領匯,中銀香港和招行。」

 

    這是檢討戰果第二個教訓,投機未必好過投資。Persie話投機有5%利潤,但有隻中渝置地未解決,如果所謂5%的利潤未計中渝的虧損的話,整個投機組合的戰果可能係負數。反而玩投資笨笨地買中電和港燈有20%利潤,你話怪唔怪呢?

 

    投資靜態,慢,回報10%20%講 起上來唔精彩,所以好多散戶、特別係年青散戶唔鐘意投資,只喜愛投機。投機動態,快,回報隨時講緊三幾日幾成,甚至翻倍,所以永遠有好多老散愛投機。投資 是狗熊之地,一般「叻仔」會話,無料到才投資。投機是英雄之地,引無數英雄競折腰,但講得上英雄之地,自然有大朋友、小朋友一齊玩,你作為小朋友,要玩得 贏大朋友,談何容易。

 

    Persie已經唔係炒好無厘頭的細股,已經係炒中型,甚至大型股份,如炒細股可能死得更慘。用他自己的語言,「選股都不錯架,但Timing(買賣時機)就好差」。你有無諗過,自己買賣時機差,唔係偶然,而係結構性呢?散戶炒作有個通病,係低價唔買,到炒到好熱街知巷聞才入,炒到好熱入貨都唔緊要,順住個勢食到3%5%7%10%就走都得,但入就入得遲,食又想食得多,以為可以執20%30%,結果就俾人執鰦20%30%。人地高位派貨,你就高位接貨,可能都玩得多三幾日,但你又唔識走,結果調頭回落,你就企鰦鰠度。

 

    大 朋友炒股,先在低價收貨在手,然後炒高,自己放消息也好、知道公司快有好消息也好、知道大市可以炒一轉也好,總之最後有理由炒高,到炒高的理由公告天下之 時,就是大朋友放貨之日,佢貨咁多無好消息無人接走唔到,你聽到人所共知的好消息去入場時,好大機會模鰦頂,因為大朋友離場之後,股票由強手轉到弱手中, 好多時難逃反覆向下的命運,因為老散根本無能力買起一隻股票。當然,我講的是炒股,不是講公司基本因素,如公司基本因素好強,炒完隻股都未必死得。

 

    所 以我叫大家分開「投機的我」和「投資的我」,每年計數,投資好過投機,咪放多鱓錢投資囉,投機當過纒手癮就算,唔好博命,有時炒股唔投機,又會好悶,細細 地玩纒,當係買馬,輸鰦唔心痛,直至練好功夫才加大注碼,重要留意纒投機有表現時,係大市得還是自己得,有時大市升得多,盲毛投機都得,但呢鱓市道,可能 兩三年才有一次,唔好因為大市一時相就,就以為自己天下無敵,放量投機,最後有沒頂之險。總而言之,投機的我如何能恒常賺錢,一年有30%以上回報,可以連續兩三年有此表現,才是真高手也。

 

 

陸羽仁


安全網 安全 陸羽
PermaLink: https://articles.zkiz.com/?id=20727

安全網(8) 陸羽仁

http://blogcity.me/blog/reply_blog.asp?f=5YTPBH5B812303&id=281745

美國最新公布的經濟數據十分理想,首次請領失業金人數大幅下降至2年多新低,11月二手房簽約銷售指數大幅超出預期,芝加哥採購經理人指數創22年新高。但美股近年尾好淡靜卻未有作出積極反應,反而走低。杜指後段一度扳平,但尾市再軟,杜指收跌16喴,報11570喴,標普500指數挫2點,收1258點,納指跌4點,報2663點,杜指期貨最新報11521點,較現貨低水49點。大市成交量依然低迷。

 

港股美國預託證券偏軟,ADR港比指數收報22902點,比香港收市低98點或0.4%。匯控收79.19元,比香港低1.1%,中移動靠穩,收76.89元,比香港高4仙。

 

美股今個月都升了不少,杜指累積升幅5.1%,標普500指數6.5%。比較過往的12月份,杜指係自2003年最高,標普500指數更係1991年以來最好的。因此,投資者獲利回套過肥年,大市作些調整都好正常。

 

昨 日講到檢討全年得失,有一個教訓係「投資可能好過投機」,而投機要講得上成功,要全年計數有三成以上回報,仲要連續兩三年係咁,才是真高手。今日再講纒大 家投機損手的例子。投機要成功,要有一種方法,先定一個可以成功投機方法的假設,然後在實戰上試驗這個假設方法,證明是一種可行方程式,才可以大用特用, 達致恒常的投機成功。

 

一 般人炒作,有好多慣常「方法」,但那些「方法」,其實唔係方法,或者只係失敗的方法。這些一般人炒作的方法有好,例如沽大市炒牛熊證、窩輪、期指、期權, 例如跟報紙軲巴炒股仔,例如炒熱股食一轉,例如炒相反撈大插股,例如跟名人買殼股,例如借孖展炒新股,有些更專業或者職業的(日日玩)如炒股票食幾格,炒 期指食10點、20點等。

 

有些「方法」註定唔得,有些方法有時得有時唔得。如果你炒的方法經常得,有三幾年住績,咁就繼續做得啦,得的方法就是好方法。但如果方法唔得,就要諗纒點解唔得,我建議你一個思考角度,炒作是零和遊戲,諗纒你輸鰦錢,究竟邊個贏錢先? 就可以知道你方法的問題。

 

網友羅記話:「我也分享下今年經驗...借孖展抽新股...現在只剩下歲寶 (還未止蝕,但其餘新股很多都止蝕了)...把 我今年的利潤差不多清袋。」炒新股輸錢,第一是銀行賺了,佢借錢你用孖展申請新股,你借得愈多俾利息愈多,銀行賺哂。第二錢給新上市公司「賺」了,隻股上 市跌穿底價,如果大股東有賣舊股,佢高價套現賺走了你的錢,如果大股東無賣舊股,只是公司發行新股,公司用貴價賣了新股出街,錢入了公司,如果公司正經做 生意又做得成功,都無壞,呢鱓錢變成公司的投資,最後會變番盈利益番股東。最慘係有鱓新公司唔識做生意,上市集了資亂投資最後輸掉; 又或者根本無正正經經做生意,新股上市集到的錢花掉或俾大股東變相吸走,股東就喊到無謂。

 

所以羅記的錯法是盲目申請新股,好股又申請唔好又申請,呢鱓做法在07年個市旺到唔旺時會贏錢,因為雞犬皆升,但在今年這種正常鱓股市,股票唔會盲升,就會輸錢。下次申請新股,要有選擇性,要善擇好股才去申請。

 

另一個網友buddaau話,佢衰「盲目: 見倒呀前局長同大俠既牌頭, 就沖左入去, 最後輸左40%.」。我估佢係指中策(235)股價及相關新聞 ,中策去年11月宣佈,成功夥拍私募基金博智金融以21.47億美元,收購美國國際集團(AIG)旗下台灣南山人壽,並委任前財經事務及庫務局局長馬時亨為中策主席兼非執行董事、前恒生銀行行政總裁柯清輝為副主席兼行政總裁。在名人效應下,中策當日復牌後單日狂升8成,收報0.66元。中策最後不獲台灣政府批准收購南山,股價打回原型有突,最新報0.265元。

 

我記得我當時見到呢段新聞,見到中策狂升,都有提大家小心,因為呢單№唔係假№(好多公司在地球那一方買個礦真係唔知真定假),但未必可獲台灣批准,交易存在實質的風險。我當時估都有兩三成機會唔批,但問纒知情人士,得到的估計是「五五波」,獲批的成功率比我想像的更低。一單好消息公布,股價升8成,有人買有人沽,買的是事後聽到消息追入者,沽的是早著先機或手上長期有貨之人,我會形容早著先機者先食大頭,追入者追中都係食細糊,而且要冒不低的風險。

 

Buddaau的個案其實好簡單,追入中策明顯係投機舉動,定好一成止蝕,玩纒都唔一定唔得,若台灣真係批鰦單交易,執番三幾成都唔奇,但無定止蝕(或有定止蝕但無執行)去「裸摶」,摶唔過。Buddauu輸的錢,好明顯去鰦早著先機的人手中,佢地一早入鰦貨,一公布消息沽番一部份出街,例如0.3元入貨,沽一半都番成本,之後係無本生意,笑傲江湖。若果單№得,佢地亦有方法知,到時增持番都可以,唔得,輸只是輸散戶的錢。

 

江湖險惡,投機要有投機的方法,你的方法係乜?

 

陸羽仁

安全網 安全 陸羽
PermaLink: https://articles.zkiz.com/?id=20728

安全網(9) 陸羽仁

http://blogcity.me/blog/reply_blog_express.asp?f=5YTPBH5B812303&id=282111&catID=&keyword=&searchtype=

2011年新年依始,先祝大家今年買股技術精進,多買多賺。講纒2010年最後一天的美股,上周五美股基本持平,杜指微升8點,收11578點,標普500指數無起跌,收1258點,納指跌10點,報2653點,杜指期貨最新報11552點,較現貨低水26點。

 

 

港股美國預託證券小幅走低,ADR港比指數收報23022點,比香港收市低14點。匯控收79.35元,比香港低0.4%,中移動收77.15元,比香港低5仙。

 

美國及歐洲股市投資者在2010年係開心的一年。杜指以接近全年最高位收市,上漲了11%,標普500指數升12.8%,納指在蘋果勁升帶動下表現最好,漲16.9%。美股小型股票要比巨股做得好,羅素2000隻中小型股票勁漲26%;泛歐杜瓊斯Stoxx 600全年上漲近9%,三大國家指數表現參差,德國表現最好,DAX 30指數上漲16%,法國CAC逆市下挫3.3%,真係反映緊經濟好壞。亞洲方面,經濟表現最好的中國,股民就唔多「合皮」(happy),上證綜合指數下跌14.3%,表現排在亞洲主要股指的榜尾,反觀香港恆指少少地都升約半成。

 

再講美股,非日用消費品板塊成為今年標普500指數中的最佳板塊,今年一共上漲了26%。工業、原材料以及能源板塊的漲幅也超過10%。醫療保健與公用事業板塊表現落後,這兩個板塊今年的漲幅均約為1%

 

展望2011年,美股投資者心態,尤其踏入12月,普遍樂觀。市場預期今年表現會和2010年一樣咁好。主要原因係基經濟狀況轉強,汽車銷售大幅改差,預期2011年增長會和去年一樣,漲11%;另外,製造業亦有改善,而銀行業雖然未算完全健康,但也沒有轉壞跡象。最新的美國節日購物銷情理想,銷量係2007年以來最好。旅遊方面表現亦理想,航空公司旅客上升,酒店爆滿。反映在職者的消費意欲有所提高,相信係因為稅務寬減獲得延長的原因。

 

不過有分析員指出,美國市場或許有些過份樂觀,美股仍有好多大問題需要面對。首先係失業率仍然高企,去年11月達到9.8%12月略有改善,但仍然係9.7%!勞動市場不濟,將影響經濟中好多層面。第二係油價不斷向上,市場預期油價將漲至每桶100美元,明顯提高生產成本,亦直接打擊正在復蘇的航空業。第三係銀行業仍在掙扎中,好多銀行仍然被大量房地產及個人按揭爛賬困擾,財務狀況都不是那麼健全。第四是外圍因素,除歐洲債務危機隨時再現,中國的經濟增長亦係大問題; 由於中國憂慮通賬,將仍採取緊縮政策,若中國經濟增長放慢,全球經濟都無運行也。

 

     再講纒網友們的2010年買股業績檢討。網友8yeah有此留言。佢話:「陸 Sir,

我睇左你果Blog好耐日子了,今次係第一次留言,希望得到你的回覆。我由2004開始買賣股票,成績都目前為止只屬一般,由當時還是大學生到現在工作了三年

,近一兩年開始正式去分投資/投機的我,還mark excel去檢討。在09有錢賺,但今年卻蝕了少許, 今年當中自己曾從簡看公司的業績報告,而睇中如838/189/ etc 上升股,卻沒有收鑊。」

 

8yeah:「我分了兩個戶口買賣, excel,亦分開了一個用來短炒,每日都炒出炒入。另一個買D大型指數(eg 2628) 2,3線實業股持有數月至一年。

不過在0910,短炒戶口的成績(今年也是正數)都比另一個戶口好(今年負數)

。另外也有進行月供基金 3, 與之對比,短炒倉 賺錢的百分比還是高一點,今年9月也開始月供股票,我也會記下結果。用作將來參考。所以,現在心中有一個好大的疑問,是否繼續以短炒來爭取佳績,因為短炒倉今年未達陸sir你所講的30% ,甚至少過10%。而且的確好多時面對到陸sir 你所講 經常炒入炒出會 錯失左不少好股。麻煩陸sir 你可以俾 d 意見我嘛?」

 

    由於8yeah每有具體講佢投資部買鰦乜股乜№價位入令佢最後輸錢,所以我只能籠統咁講。第一,一般而言,「投資的我」容易賺錢過「投機的我」,但投資、投機手法人人唔同,所以好難一概而論。但若投機還有正數唔使輸錢,咁你投機都唔算差咯。

 

    第二,去年恒指大市只升5%,國企指數還要跌,國指由去年初的12794點,到去年底收12692點,由年頭獱到年尾唔見鰦0.8%,所以你做投資的我長獱國企成份股唔郁,唔計派息好易輸錢,計埋派息亦只是微利,去年不是投資的好年頭。若大市埋單時有10幾、20%升幅以上時,做「投資的我」就較易獲利。對投資者而言,去年大市差。

 

    第三,以8yeah提供的有限資料,若買大型指數股是買國壽,就因為國壽跑輸大市,今佢中招。國壽年頭38.35元,年尾31.75元,全年唔見17%,即使唔係由頭獱到尾,是中途大跌時去撈底,假設你撈到低位,但佢彈完回吐你走唔切,都要輸。國壽在內地有好多投資,A股唔掂佢都幾難受。另外8yeah話投資兩隻實業股,億和及東岳,「睇中」卻沒有收穫,我唔知點解,但呢兩隻股都升得好厲要,睇中無收穫,一係無買,一係高位才買,兩隻股的市盈率升到幾離譜,例如隻億和,去年賺3100萬,所以現價計09年市盈率有156倍,佢中期盈利大升到1.4億,但如今佢已升到61億市值,都幾貴。8yeah話睇中賺唔到錢,若有貨在手,就要小心定好止蝕位,萬一回吐時唔好輸俾佢。我話投資的我最好買大股,唔係藍籌,都係大公司、大集團的股份,這些股票較有紋路,若要買小一點的實業股,佢地鱓帳目唔易分析,要嚴格挑選,甚至定好止蝕位。

 

    第四,8yeah的 炒出炒入投機的我,還有正數,唔係咁差。問題是能否長期保持正數,還是時好時壞。因為炒作方法有時和某一種市道暗合,例如有人興「高沽低獱」,個市升一段 就去沽,跌一段就去獱,睇唔飱亦唔止蝕,期望坐番轉頭。若大市是上落市,呢種手法就得,因為睇錯都唔去得遠,好快又回頭。但呢種手法遇上大升市或大跌市時 就唔掂,你沽佢跌佢升鰦上去,你唔止蝕,結果愈升愈有,最後就輸身家。所以炒作手法得唔得,要經過較長年期,經歷不同市道,才可以驗證得到。

 

    一句總結,8yeah投資失利,除了怪大市外,亦要加強選股,要嚴選增長性的大股,若手上持股意外大跌,要分析原因,看看有無根本改變,有無需要跳車或換馬。

 

陸羽仁

安全網 安全 陸羽
PermaLink: https://articles.zkiz.com/?id=20839

安全網(10) 陸羽仁

http://blogcity.me/blog/reply_blog_express.asp?f=5YTPBH5B812303&id=282233&catID=&keyword=&searchtype=

美股2011年開局不俗,在理想的經濟數據支持下,美股延續上月升勢,2011年首個交易日開出紅盤,三大股指創出兩年來新高。杜指升93點或0.8%,收11671點,標普500指數漲14點,報1272點,升幅1.1%;納指升39點或1.5%,報2692點,杜指期貨最新報11597點,較現貨低水74點。三大指數中納指仲創鰦10年新高,但現價2692點,比2000年科網股狂潮時的5000點比較仍只有一半多鱓。

 

 

港股美國預託證券持平,ADR港比指數收報23440點,比香港收市高4點。匯控收80.27元,比香港高0.3%,中移動收77.67元,比香港低3仙。

 

美國12月份美國製造業指數創7個月新高,符合市場預期;11月份營建開支則超預期,創了5個月新高。海外方面,歐元區製造業亦有所增長,令投資者對歐洲經濟狀況的憂慮有所減輕;中國12月份採購經理人指數從11月輕微下降,不及市場估計,降低了中國將進一步加息的預期。昨日的經濟數據提高了投資者對本周即將公布的零售銷售及非農就業報告等重要經濟數據向好的期待,杜指開市即抽升上11700點,其後在高位橫行,不過在最後的90分鐘,升幅回落三份一。

 

大市向上主要原動力來自金融股。杜瓊斯金融指數上漲1.6%。其中以全美最大的銀行美銀的升幅最為顯著,勁升6.4%,排在杜指成份股升幅榜榜首;排第二的是摩根大通,升2.7%,金融股上升似乎是基金過完年補貨推高,雖知金融股係高風險股,升得多亦潛藏風險,芬佬年尾減鰦貨鎖定利潤,過完年又來過。升幅第三位係美國鋁業(Alcoa),亦漲2.7%,主要原因是德意志銀行指鋁價上漲前景樂觀,並預計美鋁的經營狀況已經開始好轉。將美國鋁業的評級由「持有」上調至「買入」。

 

美股一月份有兩個特別「效應」。第一個睇一月份首五個交易日,頭五天可看作是一個預警系統。據過往資料,如果首五天大市的累計是上漲的話,全年就會上升,準確度達86%;另一個效應是睇一月份成個月,若一月造好的話,其後全年都會造好。統計由1950開始,準確度達到九成,不過,過去兩年此效應就「甩拖」,過去兩年的一月份分別下跌8.6%3.7%,但結果兩年都有雙位數字的升幅。或者係金融海嘯,百年一遇,唔係咁典型。

 

網友貧窮終結者問起,如何決定止賺/止蝕長線投資股。佢話:「當手上超過幾年鮋長線投資, 有過光輝歳月, 已有一定盈利, 但股價現在停滯不前或有向下趨勢, 繼續持有感覺良好, 獱開有感情, 帳面有好多盈利(可在朋友面前威纒), 但想落如果幾年過後都是原地踏步或者股價倒退, 會輸機會成本, 以一年計是沒有增長。如何決定去止賺/止蝕? 例如早年$20買鰦5(匯控), 150, 135, 120元一路都冇放, 現在輸鰦好多機會成本。」

 

    長 線投資股份如何決定是否沽出,是一個極其複雜的問題,要答這個問題,要從基本入手。大家都好崇拜股神巴菲特,他的核心概念是「價值投資法」,要睇一隻股份 的價值,睇佢市價係唔係平過合理價值好多,來決定是否抵買。佢計算價值的方法是計算公司長時期的現金流,將之貼現成一個現價,比對現時的股價。普通人唔係 咁易計出公司的貼現價,但好簡化咁講,佢係睇緊公司中長線賺唔賺錢,若中長線公司會賺大錢,盈利會不斷升,而現價不貴,就可以買進。我覺得巴菲特有時買股 都有點投機成份,例如買入比亞迪,就唔係咁易計到佢未來10年的盈利,所以有不少靠估成份。但股神巴菲特買入的另一隻股份中石油,又的確可以計到未來10年的現金流折現價。

 

    將複雜問題簡單化,我們要決定長線投資一間公司,起碼要答到一個問題,你估目標公司在可見的將來如兩三年,它的純利會否穩定地上升? 若然答案為是,再問升幅有無雙位數字? 若然答案亦係肯定,那麼這間公司都似似地一間增長型的公司,如果要將範圍收窄到一些較大或較有名望的公司(以避開一些搞假№的三四線公司),目標就會少好多。

 

    用呢把尺去度匯控,佢在金融海嘯之前10年,主要靠併購增加盈利,先收購英國米特蘭銀行,再收購美國海豐銀行,然後收購搞次按的美國Household,利用收購的效益,令盈利保持年年雙位數的增長。如果你睇得透佢呢個模式,在其收購停下來之後,已看到其盈利有放慢跡象,股價開始不前,早在2006年,匯控是年純利157億美元,比05年的151億美元,只是微增4.2%,盈利增長大幅放慢,主要因為06年的貸款減值及相關撥備已高達105.7億美元,比05年的78億美元大增36%,就係撥備唔見多鰦27.7億,令純利增長不前,匯控的敗象在06年已顯現。若留意到這個訊號,在06年未必沽,因為這可能只是一年的現象,但都可以為它定一個止賺位,若問題一路惡化,即使是長線投資也可以止賺。

 

    有時人買開一隻股有鱓感情,想俾鱓機會佢,唔想全部沽清,我自己的手法是對一隻好股開始有疑問時,會沽出三分一到一半,換馬到一些較安全或前景較明確的股份上,但留番三分二到一半,咁萬一睇錯鰦(其實控制風險無話飱錯),仲有相當股份責袋。若然係咁,最高警覺者在07年3月睇埋06年業績時已會走鰦一半(大約130多元),或者無咁醒,只是睇住股價做人,知道匯控業績開始轉弱,亦睇住匯控股價跌穿120元時(08年1月)可以減一半,穿埋100元(08年9月)都可以走清。減持弱股,增持好股,是增加回報一個基本方法。

 

陸羽仁

安全網 安全 陸羽
PermaLink: https://articles.zkiz.com/?id=20875

安全網(11) 陸羽仁

http://blogcity.me/blog/reply_blog_express.asp?f=5YTPBH5B812303&id=282391&catID=&keyword=&searchtype=

美國11月份工廠訂單增長遠超預期,聯儲局公佈對上一次會議紀要,內容無甚特別,令市場鬆了口氣。但投行下調兩家大型建築公司及多家巨型連鎖超市評級,令市場氣氛受挫。金價暴跌及油價回軟,亦令材料類股走低,壓住大市升勢。美股三大指數個別發展。杜指今年連續第二日上漲,漲20點,收報11691點,再創兩年新高;標普500指數跌2點,至1270點;納指跌10點,造2681點;羅素2000隻小型股指數有較大回吐,跌1.6%

 

港股美國預託證券靠穩,ADR港比指數收報23698點,比香港收市高29點。匯控收80.92元,比香港高0.8%,中移動收77.79元,比香港收高4仙。

美國11月份的工廠訂單及12月份製造業數據理想,在在反映美國經濟正在復蘇當中。原當利好大宗商品市場。不過,商品價格近期已有累積好大升幅,尤其黃金,2010年第四季升了8.5%,全年累積升幅30%。相對來說,大部份的股票仍然大落後。而經濟好轉,亦提高了投資者的風險胃納。資金由較穩陣的商品流入股市。金價昨日大跌2.9%至每安士1379美元;銀價仲勁,勁跌4.7%;油價亦跌穿每桶90美元至89.38美元。

       超市股係標普500指數中表現最差的行業。大摩表示食物成本不斷提升的期間,大型超市連鎖為了吸引顧客,推出大減價活動,導致盈利大幅受損,因而將SupervaluSafeway評級下調至「減持」。Supervalu應聲勁挫6.4%Safeway亦跌3.8%Whole Foods則被BMO調低評級至「跑輸大市」,股價挫3.4%

昨日講到匯控(005)股價及相關新聞 的止賺問題,網友貧窮終結者話揸開的好股好難沽,佢咁講:「長線投資股揸開有感情, 帳面有好多盈利(可在朋友面前威吓)」所以唔想沽。這是好多人的通病,這種心態叫做「保守」。好多時人會保守於舊思想,唔想變。

        長期有睇我專欄的讀者,應該有此感覺,我一早就對匯控唔太睇好,甚至數年前言談間會睇渣打(2888)股價及相關新聞 好過匯控。其實中環茶友之間,當年對匯控的爭議好多,到06年 見佢要大幅撥備,有些人開始有戒心,有些人仍然覺得無問題,仲叫陸羽仁得閒可以叫人買吓匯控。但我當日已有戒心,主要睇住佢條數,當時諗一個好簡單的問 題,佢未來幾年的純利可否有雙位數的增長,答案係唔確定。反而大家開頭唔係好睇得起渣打,但渣打當年話五年內股東回報會翻一翻,即係話五年內股價加埋派息 可以升一倍(當然要有盈利增長支持),結果真係逐年體現,唔到你唔信。

        講番匯控,073月公布06年業績時,撥備大增盈利增長大幅放慢(只是微增4.2%),已是最早可沽匯控之時。我 引入一個好簡單的方法去睇這件事,用番巴菲特睇價值的方法,見一間公司純利增長急跌,你有無把握估計佢未來幾年盈利會有理想雙位數字上升,若答案係唔確 定,價錢又唔係平,就唔應該買。用同一個邏輯,本來手上揸一隻好股,突然間公布一份好差的業績,叫你當一隻全新股票去買你一定唔買,咁都要開始諗吓,有貨 應唔應該沽。

        遇到呢啲情況,好多人會有啲遲疑,唔想馬上沽,會俾個機會呢隻好股,我建議一個簡單方法,可以俾機會佢,但對一隻盈利前景有疑問的股票,要定一個止賺價,例如跌10%要沽,甚或定闊啲跌20%才沽,但唔好眼光光睇住佢,話係長線投資唔使沽,本質變壞的長線投資,一樣要沽。如果隻股本質無變壞,係市場的大變,如有一個股災隻股跟大市跌,佢盈利仲好好,反而唔使沽。

        你可能又會問,你講到匯控咁衰,如果我在金融海嘯低位33元買,而家都有80元,都賺好多,你做乜話佢唔得? 見到隻股跌得過份去撈,我叫做投機性買入,可以同基本因素無關係,賺夠可以走,又係另一個話題了。

 

陸羽仁

 

(我這兩天離港,答問暫停,周五恢復)

安全網 安全 陸羽
PermaLink: https://articles.zkiz.com/?id=21034

安全網(12) 陸羽仁

http://blogcity.me/blog/reply_blog_express.asp?f=5YTPBH5B812303&id=282558&catID=&keyword=&searchtype=

美國就業和服務業雙雙出現了出人意料強勁的資料,美股延續新年開局上漲勢頭,杜指先跌後升,連續第五日收高,漲32點,至11723點;標普500指數升6點,報1277點;納指漲21點,造2702點。杜指期貨最新報11657,較現貨低水66點。

港股美國預託證券造好,ADR港比指數收報23906點,比香港收市高148點。匯控收82.98元,比香港高0.9%,中移動收77.87元,比香港高0.7%

最叫投資者鼓舞的是美國薪資服務提供商自動數據處理公司(ADP)公佈的12月份美國私營部門就業人數增加近30萬人,高出市場預期的3倍。市場市憧憬週五出籠的非農就業報告會同樣理想。美國著名的經濟顧問公司IHS Global Insight就將12月份非農就職位增長預測由15萬至19萬個上調至20萬個,整體失業率有所改善,但仍企於9.7%的高水平。

不過,值得留意的是,ADP的數據未必百份百準確,過往亦曾經出錯。野村證券分析師 Zack Pandl表示,ADP報告最大的誤差在於計算公司人事薪資系統中所有員工名單,而不是計算實際有支薪的員工名單。

與此同時,美國供應管理協會(ISM) 亦發布令市場興奮的服務業報告,12月的服務業指數較上月上升3.8%57.1點,超出市場預期,同時創下4年半來新高。數據反映12月份美國服務業的活躍度超過了製造業,這主要得益於零售商在聖誕銷售季的表現良好。在服務業的14個子行業中,房地産、租賃和資訊行業增幅最大。就業市場有好轉,多些人有工作,房地產自然受惠。

投資者憧憬經濟環境改善。金融股表現最為強勁,杜瓊斯金融指數漲1.5%。美銀及摩根大通齊漲逾1.2%,美國運通升2.9%,係表現最好的杜指成份股。追蹤標普500指數金融股的Financial select SPDR金融指數基金升1.2%,這隻基金自去1130日以來,累積漲幅已有14%

天使股總有可能跌落凡間,有些鳯凰火浴後重生,有些一沉不起,我們依戀天使股,主要是我們唔想用腦而矣。我講鰦咁耐,個題目叫做「安全網」,就是想叫大家拆眦安全網,不止要拆眦孩子的安全網,叫他們靠自己努力求生。也要拆眦自己投資安全網,唔好靠一隻天使股救自己。

當年一隻匯控(005)股價及相關新聞 ,年年係咁升,股民唔使太用腦,聖誕鐘,買匯豐,咁就拆聖誕禮物,獱埋過年到三月出全年業績,又bingo(得鰦),坐鰠度收錢。匯豐逢低可以買,年年賺20%的快樂日子,唔易永遠維持下去。匯控愈做愈大,要年年有20%盈利增長,談何容易,加上佢又怕香港97回歸,順理成章四出併購,藉併購維持增長,但一個地方成功的企業,要走到全世界都成功,唔係咁易,併購的風險亦隱藏其中。

匯控後來衰鰦,唔係話佢一定唔可以翻身,只係話歐美經濟未完全康復,匯控仲抱住半個炸彈在身上,若能成功拆彈,當然可以彈起,但亦不能排除炸彈還會爆,這就是人升佢唔升的原因。若 要買亞洲區銀行,大把有得揀,阿爺幾隻內銀亦唔貴。若要博歐美反彈,反而直接買美國的銀行仲好,美國的銀行巨企,比匯控更便宜,當然風險比匯控更大。但匯 控兩者都不是,就較難吸引到投資者的興趣,直至市場轉勢為止,即係話美國樓市翻生,匯控屬下的美國次按業務唔再係負累為止(有少少似和黃擁有3G的情況)

我地話無一隻天使股絕對安全,過去有太多先例,電訊盈科(008)股價及相關新聞 、匯控、宏利(945)股價及相關新聞 、中移動(941)股價及相關新聞 、以至國壽(2628)股價及相關新聞 ,都曾經好天使,但現在一時(或永遠)折翼,主要病變都是盈利高增長期已過,失去市場青睞。我 們或多或少都獱過一隻半隻天使股,天使股盈利由高增長放慢之時,就釋放了危險訊號,叫大家小心。我話要拆眦自己投資的安全網,係叫大家唔好盲信任何一隻天 使股,以為盲買佢一定安全,一定無事,一定可以帶你出紅海。要自己打醒十二分精神,去留意分析自己長獱股份公布的業績,留意佢地盈利有無增長,見盈利增長 大幅放緩時,要提高警覺。即使盈利保持高增長,亦要睇盈利如何構成,究竟是否核心業務做得好,帶來盈利增長,還是核心業務盈利唔夠,要賣№搞高盈利來充 數。

外國股市愈來愈流行ETF(交易所買賣基金),當中有大量是指數基金,或行業指數基金,我估香港也在走這條路,ETF會愈來愈多,選擇也多。買指數基金,或行業指數基金,係好好分散風險的工具,假設將來你獱住一隻類似匯控的股票,遇上一個類似佢06年 業績增長大幅放緩的處境,若懷疑隻股有鱓唔妥,較好的應對方法是減持,例如先沽一半,換馬到金融股指數,等如怕佢表現將跑輸同業平均,咁就將部份持股換入 相同行業指數基金,就可以將風險分散。或許這只是一場虛驚,你會錯放過原來持有的好股的部份回報,但萬一隻股真係大幅轉壞,咁又可以將風險減低。

投資無安全網,要自己識股票,要自己做功課,才會有好果。

 

陸羽仁

 


安全網 安全 陸羽
PermaLink: https://articles.zkiz.com/?id=21035

安全網(13) 陸羽仁

http://blogcity.me/blog/reply_blog_express.asp?f=5YTPBH5B812303&id=282711&catID=&keyword=&searchtype=

美國經濟的核心是消費,最關注的領域是就業,最新情況顯示消費情況麻麻,多家零售商的12月份銷售低迷,零售股重創。電訊企業割價傾銷及付費用戶增速放緩,導致電訊板塊下跌。美元轉強亦令大宗商品市場受壓,油價明顯下挫。美股連升五日後,昨日出現回調,不過由於重要的非農就業報告公在即,市場預計會公布利好數據,美股調整幅度溫和。

 

 

杜指及標普500指數齊跌0.2%,杜指跌26點,收11697點,標普500指數挫3點,報1274點;納指則造好,升8點,造2710點;杜指期貨最新報11636點,較現貨低水61點。

 

港股美國預託證券偏軟,ADR港比指數收報23709點,比香港收市低77點。匯控收82.83元,比香港高0.2%,中移動收77.21元,比香港低0.3%

 

美國11月份零售銷售強勁,令市場預期12月份的零售都會不俗,但結果只係增長3.2%,遠差過上月的5.6%,亦差過預期。相信係12月底暴風雪暴風雪使得原本火熱的銷售季受到不小衝擊。美國最大的百貨公司Macy’s、第二大折扣連鎖店Target、以及最大服裝品牌Gap12月銷售均低於預期。Macys 4%Gap收跌6.9%Target6.8%,囊括表現第二及第三差的標普500指數成份股;多家青少年服裝零售商的業績也低於市場預期,其中Zumiez收跌8.4%Wet Seal勁挫跌了11.5%

 

  CM Advisors 首席市場策略師 Max Bublitz 表示,最近公佈的大量經濟數據都好於預期,使人們對消費者開支前景變得過分樂觀,「預期可能已經開始脫離實際狀況了。」

 

另一個拖累大市的元兇係電訊業,標普500指數中的電訊板塊下跌了3.1%。預付費無線服務提供商MetroPCS Communications宣佈第四財季付費用戶增長速度相對於去年同期放緩,股價大跌6.7%。而AT&T面對來自Verizon Wireless的競爭,將iPone 3的合約售價從99美元大幅降低到49美元,造成兩敗俱傷局面,AT&T2.8%Verizon 3.8%,係表現最差的杜指成份股。

 

美國今日將公布非農業就業數字,由於之前公布的非官方數字都幾好,令人期望好高,一般估新增非農業職位有17萬,樂觀的估到20萬,若真實數字差過呢鱓估計,美股會有鱓壓力。

 

早幾日一直講匯控(005)股價及相關新聞 和投資,講述我認為它從一隻良好投資股變質的經過,當中引起一鱓討論,例如你真係咁唔睇好匯控? 佢真係無法翻身? 你話得佢唔好佢最近都升呀?

 

一般股民睇一隻股份,只關心佢升跌,好多人只係估計佢有幾多升幅(唔理可能跌幅)就去買,無睇自己係投資還是投機,無理隻股有幾多風險。我不斷建議大家分清投資還是投機,按自己的目標行事,同一隻股,可以由投資股變成不能投資股,但好快又可以變成一隻投機股,匯控亦係一個例子。

 

第一,「投資的我」點解睇好一隻股票? 就係睇好佢的價值,認為佢股價低過佢應有的價值,所謂價值是以核心業務未來長時間的賺錢能力來衡量,股神巴菲特會睇10年以上,我話唔識睇咁長,睇唔到咁複雜,睇佢未來三幾年業績都得,起碼有個譜。一隻本來好好的投資對象股份,因為種種問題變酸,關鍵就係核心業務出問題,令核心業務的增長不但不能維持,盈利仲可能倒退。有時出現這些核心業務問題是暫時性或個別性(例如匯控的美國次按業務本來是個別性,或者和黃的3G業務亦係個別性,或國壽投資內地股市和債市回報不前,但這些暫時性因素或業務佔的份額太大,所以產生的負面效果很大),有些可能是結構性(如香港電訊升去國際通訊專營權、如中移動因為內地流動電話市場競爭日大盈利難以維持增長)。若出問題的核心業務負面因素消除(如和黃的3G開始捱到平手),隻股可以轉勢。

 

第 二,「投資的我」首重控制風險,想控制風險難免有睇錯的機會,睇錯等如會賺少鱓,但以賺少鱓換取唔輸或少輸是值得的。所以「投資的我」應關心一些起碼影響 公司業務三幾年的大方向。當有確實跡象隻股的業績開始轉壞,亦比較肯定未必可以在一年半載內搞番掂時,候機減持一部份係良好的避險方式。即使睇錯,也只是 賺少鱓的問題,萬一睇飱,隻股減持完係咁跌,就可以減少組合輸錢的風險。自己獱得多的投資股份,見佢有原因下跌,唔好盲目咁增持,第一個反應唔係諗好唔好 增持,係要諗需唔需要減持。減持一隻表現差的股票,減少它在組合中的比例,係避免一隻大股轉勢向壞就殺死自己的風險。

 

第 三,「投資的我」唔睇好一隻股票,唔等如一隻股唔會升。千萬不要將基本因素轉壞或者已經好壞,當成為股份變化的唯一因素,股份下跌不是一條直線,而且跌得 好甘時會大反彈,跌得多彈得急,跌得過份彈得驚人,所以巨股轉勢下跌時,當中會有好多次大反彈,直至尋到底為止。換一個「投機的我」的角度,升可以炒,跌 也可以炒,即使明知一隻股大勢向下,但佢跌得好甘時,買入博短亦得。當然大跌時撈貨,要定好止蝕保護自己。好似匯控呢種跌到33元唔知點解會跌到人喊的股份,大跌時自然蘊藏大反彈走中短線的機會。好似花旗跌到0.97美元,有老外朋友問我點睇,我話炒得過,但唔係投資得過,佢跌到咁是因為有執笠風險,控制注碼炒纒就得,博命就唔好啦。你可以話我呢種態度好難一朝發達,我都同意,但睇纒全世界數一數二有錢的巴菲特都係靠每年賺20%、盡量年年唔輸錢長賺長有起家,你又做乜急得咁緊要要自己投資年年賺一倍呢?

 

第四. 最 後的結論是匯控並不是永遠都唔得,正如和黃也不是永遠都唔得一樣,問題係匯控做乜№令人開始覺得佢得番。假設明天匯控公布出售了美國的次按業務,就可能是 轉勢的開始,當然,這只是假設而矣。又例如美國樓市出現明顯見底回升之象,匯控美國按揭組合業務急促改善,就係匯控轉勢之時。問題是匯控轉勢之前,就真係 唔使咁急買佢,萬一佢兩三年都未轉勢,投資的金錢就會喪失好多機會成本了。

 

第五. 股價唔上都唔係大問題,盈利唔上才是大問題。你去年買2828恒生國企指數基金,內地股市唔好,2828都無乜表現,但國企指數成份股去年盈利其實相當唔錯,你獱一隻股佢賺錢但市場唔買佢,佢有息派其實亦無大壞,呢個又變番短線回報和長線回報的問題,我又信有盈利支持的股票,獱長鱓應該無壞,說到底,公司賺到錢,就係投資者買佢股票最大的安全網。

 

陸羽仁

安全網 安全 陸羽
PermaLink: https://articles.zkiz.com/?id=21036

安全網(14) 陸羽仁

http://blogcity.me/blog/reply_blog_express.asp?f=5YTPBH5B812303&id=283038&catID=&keyword=&searchtype=

美股抗跌力不弱,美國非農就業人數增長未及預期,加上有兩家銀行在收回抵貸房屋訴訟中被判敗訴,投資者憂慮可能對類似的贖訴訟案造成影響,金融股大受打擊,美元轉強,亦令大宗商品市場受壓,杜指中午最多跌超過100點,不過午後反彈,跌幅大幅收窄至23點,報11675點;標普500指數挫2點,報1272點;納指跌7點,造2703點;杜指期貨最新報11607點,較現貨低水68點。總結一周,杜指漲0.8%,標普500指數漲1.1%,納指收高1.9%

 

港股美國預託證券偏軟,ADR港比指數收報23574點,比香港收市低113點。匯控收82.26元,比香港低0.6%,中移動收76.82元,比香港低0.2%

 

美國勞工部公布的12月份非農就業人數較上月增加10.3萬,遠差過市場預期的17萬人;不過失業率降至9.4%,創下20095月以來新低,亦好過預期。事實上,市場早期的預測與實際數字差不多,只不過ADP在周三公布的私營領域就業數據太理想,高出市場預期三倍,叫好多經濟學家即時調高非農就業人數的預測至15萬、17萬,甚至有人估新增位有20萬,結果得10萬,自然令投資者大失所望。以2010年全年計,去年比較前兩年的非農就業人數,職位增長超過110萬;而2009年及2008年係減少474萬及362萬個,去年職位只好非常溫和地恢復。

 

聯儲局主席伯南克表示,預期失業情況要四到五年才能夠回復到正常水平。這除了是伯南克控制市場期望之外,由於聯儲局是以就業和通脹作為決策的指標,失業率長期高企,意味著量化寬鬆政策會有好長一段日子都不會改變。

 

   美國馬薩諸塞州最高法院上周五宣判美國合泷銀行和富國銀行在一場收樓案中敗訴,原因未能證明它們擁有相關的抵押貸款。這判決將成為該州下級法院對類似案 件作出裁定的先例,由於美國好多業主正意圖挑戰美國銀行收樓文件的合法性,市場憂慮這個案例將影響其他類似的案件。受此消息影響,美國銀行股備受打擊。杜 瓊斯金融指數下跌0.8%。美國合泷銀行跌0.8%,富國銀行挫2%。摩根大通跌1.8%,美銀跌1.3%,係表現第二及第三差的杜指成份股。

 

    網友真修哲知 (增收節支)的個案有點教育性,值得大家參詳。佢咁講:「陸sir:你呢排教我地要為2010年做一個總結,我覺得2010年我投資的態度轉變十分大,可以分享一下。我06年讀緊大學的時候已經開始投資,初頭都係買大藍籌多。阿媽知道我學投資,借左幾萬銀比我,係$130買左005一手,升到$150無放,到2007年個業績靚靚,$118加多一注。最終係供股前夕,$40蚊放晒,帳面蝕左超過半年的人工。」

 

「經過005的教訓,我認為中國野先係王道,於是成副身家投入另一隻股王2628,我08年出黎做野之後一直月供,每月死慳死底,月供$5000,女友都怪我拎晒d$$買股,搞到成日唔夠洗,其實我好想快d搵第一桶金同佢結婚。直到上一年(2010),終於儲蓄到有一萬股2628,個時佢的股價係$35左右。」

 

「不過有一位資深投資的同事同我講,"你咁做唔會輸身家,但都唔會發達,因為要2628升一倍十分難"。其實見到其他股(e.g醫藥股)升幾倍,2628就一路跌,掙扎左好耐,最後決定換馬,因為我咁後生,輸左身家大不了再儲過錢。最後2010年憑2010233179三隻股收復當年失地,當然都有好多揀錯股,不過都已10%止蝕左。」

 

「以前我係死牛派,已家我認為要睇大勢,順住個勢買。以下係我的股票倉,請陸sir點評一下:806惠理,$6.87; 773中金再生,$8.9; 1157中聯重科   $17.02; 916龍源$7; 2128聯塑$6.35入。」

 

由於真修哲知其後有多個留言,對其過去和目前買股的態度有比較具體的表述,所以我亦有較準確的資料作出回應。第一,投資唔好買死一隻股。我自己過去亦曾有此心態,真找到一隻好股,唔理佢鲻身落去,不斷投入五年、十年,希望可以發達,最後發覺好難,我自己當時選匯控(005)股價及相關新聞 ,真是有十年好景,但最近幾年都變酸。真修哲知話鲻身買國壽的原因是「我睇左大量教"價值投資"的書。直到睇左林sir"平民資本家",好似有驚世大發現咁愛上左2628,深信死供佢就好快會發達,於是將整副身家都買2628。個時預計佢的內含值可以每年以30%增長,相信過多幾年可以變紅底股,驚死自己會走寶,所以個時初出黎做野人工得一萬,扣除家用後,都會留4000供國壽……

 

我諗只投資一隻股票,又無不斷留意檢討,隻股票出問題時亦走唔切,係好多老老實實唔炒作的股民中招的原因。對應之策是分散風險,長線投資可以買大約二至四隻股票,一隻唔掂,亦唔至於太影響組合的表現。即使投資大股,佢從高位回落15%20%,都要檢討原因,究意是大市唔好還是隻股基本因素轉壞,若關乎隻股的基本因素,要小心諗是否應該減持。總之,唔好買死一隻股,分散風險,是最好的方法,如要買一隻股,可以買恒生H股基金(2828)股價及相關新聞 這類股份,你係買國企指數,當中包含好多股份,可以分散風險。你買四隻股唔買指數基金,係假設你買四隻股的回報可以跑贏指數,若無把握,不如等低位買指數基金。

 

第二,投資唔好不如投機。真修哲知道出一個投機好過投資的例子,雖然我成日話投資易過投機,但投資也有失誤時,所以亦有投機好過投資的情況,而真修哲知亦有鱓運,佢去年放走鰦可能令他輸錢的國壽,走佢炒股,結果炒股加埋有正回報,若真獱國壽反而仲要輸錢。

 

第三,投機需有方法。真修哲知聽佢朋友講:「你咁做唔會輸身家(買死一隻國壽),但都唔會發達,因為要2628升一倍十分難。」佢結果換馬。老實講佢朋友的說話似是而非,因為好多人炒股想買中隻股升一倍,但係買鱓四五線炒股,跌落來唔識走,輸一半以上的大有人在,去年獱國壽由年頭獱到年尾輸7.8%,炒股輸得比這個數目多亦好易。但真修哲知炒股的方法ok,主要是輸錢願意止蝕,賺錢時隻股升完從高位回落10%亦願意走,順住鱓熱股去炒,咁亦賺到鱓錢。可見止賺止蝕對炒股何其重要,不是要求一朝發達,是要求炒股長期有正回報。

 

第四,真修哲知買的股票,作為炒倉,只要守紀律去炒無問題,即使你認為作為投資那些股票買唔過。例如惠理,一隻基金股,買佢策略係順勢高追炒作,你覺得佢貴,佢一直升,仲守一條好靚的上升軌中,順勢而炒,可以等佢高位回落10%時止賺,也可以等它跌穿上升軌時止賺,佢跌穿8元、大約到7.9元就跌穿上升軌,穿呢鱓位可止賺,唔穿可以睇纒。又例如龍源,買佢策略係撈底博反彈,真修哲知7元買,龍源一年兩次試6.7元左右的底部,佢唔大幅插穿6.7元,獱纒又無妨。一句講哂,炒作講求方法與紀律,並不純粹睇一隻股的基本因素。投機守住止賺、止蝕位去做人,已經擁有最好的安全網。

 

陸羽仁

安全網 安全 陸羽
PermaLink: https://articles.zkiz.com/?id=21220

安全網(15) 陸羽仁

http://blogcity.me/blog/reply_blog_express.asp?f=5YTPBH5B812303&id=283191&catID=&keyword=&searchtype=

環球股市慢慢冒起葡萄牙債務危機的風險。有報導指德、法要求葡萄牙向歐盟及國際貨幣基金組織(IMF)尋求援助,以遏制歐元區債務危機繼續蔓延,令歐洲主權債務危機重新成為市場擔心的主題,市場避險情緒不斷升溫。今個星期,德國、荷蘭、義大利、西班牙和葡萄牙等國將齊齊發債,西班牙、葡萄牙及義大利發債規模會去到430億美元,歐元區債市將面臨重大考驗。歐元兌美元在美國開市早段下滑至1.29美元水平,午後才逐步回升至1.3美元。

 

投資者對歐洲主權債務危機的憂慮升溫,抵消了美國多家巨企併購的刺激效應;另外,Verizon將開始發售蘋果iPhone手機,勢將牽起電訊公司之間減價戰,電訊股下挫,拖累大市。但杜指先跌過100點後反彈,最後只跌37點,報11637點,美股算做有鱓支持力;標普500指數挫2點,報1270點;納指仲逆市升5點,造2708點;杜指期貨最新報11584點,較現貨低水53點。

 

港股美國預託證券持平,ADR港比指數收報23525點,比香港收市低2點。匯控收81.57元,比香港低0.2%,中移動收76.66元,比香港高0.3%

 

繼 愛爾蘭之後,市場普遍認為葡萄牙踞高不下的債務,將迫使其步上希臘和愛爾蘭後塵,成為歐債危機的下一位求援者。與愛爾蘭接受援助之前的情況相似,近期葡萄 牙多次否認兼死撐,話唔使外來援助。有消息指,德國與法國政府擔心葡萄牙很快會被資本市場拒之門外,要求葡萄牙向歐盟及國際貨幣基金組織(IMF)尋求援助。

 

葡萄牙援助計畫的規模不細,有分析員預計,其規模將於500億歐元至1000億歐元。昨日,歐洲主權債券的信貸違約掉期費率(即保險金率)再創歷史新高。隨著市場融資難度的加大,葡萄牙國債收益率和借貸成本迅速上升或迫使該國尋求援助,其主權信用評級也面臨再度降級的風險。

 

在銀行股領跌下,歐洲股市昨日全線收低,葡萄牙與法國股市跌幅較大。泛歐道瓊斯Stoxx 600指數下跌近1%,德國及法國股市齊挫逾1%

 

昨日講起「投機的我」,網友真修哲知再回應講:「好認同陸sir"炒作不是要求一朝發達,是要求炒股長期有正回報。"我會向依個方向去努力。今年繼續保持50%回報目標,即使成功抑或失敗,都會檢討及再修正。」

 

投機要有長期有50%年回報,是超高難動作,能做到是萬中無一。以10萬元為本金,若每年都有50%回報,第10年複式回報可菝存576.7萬,再有50%年回報,到第20年就有3.3億元,點計都係大富翁了。所以如果你搵到可以穩定地有50%年回報的東西,慢慢做下去,一定可以發達,問題係搵唔搵到咁好的投機對象而矣。

 

這種每年有50%回 報的業績好難做到,有好多原因,第一,回報要穩定,要年年有高雙位數的正回報,偶然一年市道和你的炒作方法相符,有幾十個巴仙回報唔奇,但要年年如是,在 不同的市道都有好的投機業績,絕不容易。愈係似會一朝發達的投機方式,結果會愈波動,遇一為之可以,難有長期業績。第二,不可以輸錢,有一年輸大錢,組合 回報就倒退幾年,若一舖輸清就倒退到零年(衰過第一年,因為第一年還有10萬元),若是借錢投機還會輸突變成負數。第三,組合資金累積愈多,愈難有高正回報,記得我講投機有對手,你賭5萬、10萬偷纒雞還容易,賭到幾百萬時,即使買中都唔易走,好似炒三四線股,你跟風上車,佢係日日搭棚住上砌,但你要沽100萬貨時,對唔住,所有買盤可以在幾秒鐘內消失。所以資金增多時,可供投機的對象減少。

 

投機要長期有好業績,有幾大要素:回報高、不輸錢、年年贏。若三項同時做到,自然會有好業績,問題是三個要素經常有矛盾,例如想不輸錢或不在單個項目上輸大錢,就要控制風險,定出止蝕止賺位,但按這種規律執行,卻往往會影響回報,例如一買隻股就跌,若唔止蝕,坐坐纒可能坐番回來賺番錢,若止蝕輸10%,唔止蝕坐番來仲賺10%,一來一回差20%,但你止蝕係放棄10%本金,甚至係20%本金加可能回報,來控制輸30%40%、甚至輸更多的風險。若果唔想輸,想年年贏,回報就唔可以要求咁高。所以現實上就出現一鱓「股神」,在某些大牛市中,在盲俠炒股都贏的年代,可以幾個月賺100%,覺得股神巴菲特一年賺2030%無 乜味道,覺得佢自己叻過巴菲特,佢都唔知只係個市叻,唔係佢地叻。但散戶賺錢好易的時候,住住就是爆煲前夕,過得一年半載,個市爆鰦,呢鱓「股神」消失 哂,但巴菲特卻繼續風流。安全和回報,好多時互相矛盾,要回報高唔安全,要安全回報唔高,要設安全網,就好可能損害回報。但真高手是年年有穩定的較高回 報,市旺佢又贏,市淡佢又贏,只差贏多贏少而矣。

 

所以真修哲知學投機不是壞事,但要十分小心控制風險,試想你有10萬,第一年賺50%15萬,第二年再賺50%22.5萬,但突然來一舖大鑊,輸80%,得番4.5萬,咁又打回原型,衰過做女個陣時好多。未搵到穩家長贏的投機方法時,贏到咁上下將資金抽走,作更穩定但低回報的投資,保存戰果(例如我叫大家炒作贏大錢時抽走一部份去買越秀房地產,等如買鰦廣州商廈收6厘租),雖然笨笨地,減少鰦本金,會減少未來再投機的收益,但也是保護自己投機戰果的一種方法。

 

 

陸羽仁


安全網 安全 陸羽
PermaLink: https://articles.zkiz.com/?id=21221

上海自貿區建“安全網” 實時監測跨境資金

上海自貿區將以自由貿易賬戶為基礎,構建跨境金融安全網,加強本外幣跨境資金流動的實時動態監測監控,建立完善“長臂管理”機制。

8月12日,上海市政府發布《進一步深化中國(上海)自由貿易試驗區和浦東新區事中事後監管體系建設總體方案》(下稱《總體方案》),提出建立適應上海自貿區發展和上海國際金融中心建設聯動的金融監管機制。

所謂的“長臂管理”機制,上海自貿區管委會政策研究局局長張湧對《第一財經日報》記者表示,就是在資金流出境外後,對資金的去向進行延伸管理,防止以境外投資的名義套利套匯或洗錢。

《總體方案》也提出,要落實商業銀行“展業三原則”,發揮其在跨境資金流動等方面的監測監控作用。

今年初的上海兩會上,央行上海總部副主任兼上海分行行長張新曾表示,上海自貿區已建立以自由貿易賬戶為核心的跨境資金流動監測管理信息系統。依托這個系統,監管部門可以對跨境資金流動進行“逐筆交易、一星期7天、每天24小時”實時監測。
該系統具有“電子圍網”功能,可以自動計算企業能夠從境外融資的上限,超過限額會自動發現並預警。此外,還能實施宏觀預警,從宏觀上了解跨境資金流出流入的總體規模,以及具備強大的“反洗錢、反恐怖融資”等功能。

目前,上海自貿區共有40多家金融機構接入自由貿易賬戶系統,開立自由貿易賬戶5萬多個。

對跨境資金流動的關註,目前也較多聚焦在境外投資上。

自2016年2月起,中國的對外直接投資已經超過了實際利用外資規模。數據顯示,今年1~2月,我國對外直接投資299.2億美元,實際使用外資225.2億美元,對外直接投資反超實際利用外資74億美元。在之後的幾個月,反超幅度繼續擴大,6月底達到了194.4億美元。

今年1~6月,我國的非金融類直接投資額累計888.6億美元,同比增長58.7%。2015年全年的對外投資額是1180億美元。

同樣,上海自貿區成立以來,因為企業境外投資實行以備案制為主的管理模式,提高境外投資的便利化程度,也進一步提升了企業參與境外並購項目的競爭力。
近三年來,上海自貿區企業對外投資成倍增長,備案中方對外投資額從2013年的3.29億美元猛增到2015年的229.18億美元。

2016年1~4月辦理境外投資備案284家,備案中方對外投資額106.9億美元,同比增長105%。

在境外投資備案過程中,上海自貿區特別註重審核境外投資交易的真實性,防範個別企業利用虛假交易換匯出逃的風險。

同時,外匯管理部門也積極指導銀行按照“展業三原則”,做到了解客戶、了解業務、盡職調查,審核資金來源和資金用途等,防範利用虛假交易換匯套利和資本外逃的風險。

今年6月底,國家外管局上海市分局回應“叫停個人投資購匯”時表示,將繼續積極推進簡政放權,支持有條件、有能力的企業“走出去”,增強企業國際化經營能力,切實促進對外投資健康有序發展。

此外,《總體方案》還提出,要完善警銀合作等工作機制,配合國家有關部門做好反逃稅、反洗錢、反恐怖融資等金融監管工作。

上海市政府辦公廳日前印發了《發揮上海自貿試驗區制度創新優勢 開展綜合監管試點 探索功能監管實施細則》,提出要將所有從事金融業務或變相從事金融業務的行為,都納入監管範疇,進而規範金融市場秩序,防範和化解金融風險,促進上海金融業持續健康發展。

張湧表示,如果做不到“管得好”,那麽“放得開”就是一個偽命題。“自貿區的要義是更加開放,包括金融、貿易、投資等領域,但管好是放活的前提。所以,事中事後監管是自貿區的題中應有之義。”

 

上海 自貿區 安全網 安全 實時 監測 跨境 資金
PermaLink: https://articles.zkiz.com/?id=210264

退休儲備設「安全網」 免影響基本生活

1 : GS(14)@2015-10-17 10:30:05

http://www.mpfinance.com/htm/finance/20151016/news/ec_ecv1.htm
【明報專訊】近期股票市場極度波動,「老友記」難以投資為資產增值,人民幣匯價也急跌,所賺的利息也未必能補回匯率上的跌幅,中央政府也表示短期內匯價也不會回升至以往水平,食息一族的「老友記」的生活質素會否受很大的影響呢?這個案的主人翁馬女士就面對同樣難題,我們有什麼好建議給他呢?

馬女士,單身,60歲,剛退休,連同退休金,退休儲備約有400萬元,現時只持有100萬元藍籌收息股,其餘為港元活期。退休前曾打算將其中250萬元退休金增持收息股至200萬元及購入人民幣定期150萬元。

她現時每月生活費約需1.2萬元,按當年的預算,假設通脹每年3%,退休儲備每年5%回報,85歲時離世,退休金只需約300萬元,換句話說,馬女士仍有一定儲備應付不時之需。當年看似不俗,但現在情如何呢?只是股息和利息較易達到,股價、匯價現在全沒保障,變成一個2.6%平均回報的組合,連通脹也跑不上!

退休後要妥善管理好儲備,有以下最低要求:

1. 任何投資或收息類項目,要有較穩定的回報,風險及槓桿較高的工具,如牛熊證、倫敦金等並不適宜老友記;

2. 有足夠的流動性,適宜「長短棍」安排,一定數目可放在港元活期,作一段時間(如1至2年)的恆常生活費,其餘分別投放在不同年期的項目,而一些10年以內難以歸本的項目,老友記要謹慎選擇;

3. 要設立「安全網」, 投資涉及風險,價格可跌可升,大家耳熟能詳,但若真的長時間大跌,不論賺蝕、要脫手也難時,會否連基本生計也受影響呢?

4. 資產要和你「鬥長命」, 這是衍生自「安全網」的另一要求,沒錢的老年真是不敢想像啊!

雖說人民幣匯價升浪暫停,但息率仍比港元看高一線,同樣股價升幅只能當作「獎勵」,但整體來說這兩類項目的「平穩收息」功能,仍是蠻吸引的,只不過要小心配置、分散風險。

以公用股為主 選擇以股代息

筆者建議馬女士可以在這波動市中:

1. 維持100萬元在收息股,並以公用股為主軸,可選擇以股代息;

2. 調低人民幣定存額至120萬元,若較少銀碼及期限的定存對息率影響不大的話,建議每次磘造較細額、不同期限的定存,例如:為期3個月、6個月、1年的各40萬元,期滿時再視乎情調整策略;

3. 存放30萬元在港元活期,作日常生活費; 這筆資金應足夠2年使用,用畢之後,可將人民幣換回港幣或贖回收息股(交替進行),筆者建議保持1年生活費在港元活期,維持適量的資金流動性;

4. 將餘下150萬元投入年金戶口,以較長時間賺取日後較高年金收入。既然市場波動,馬女士應首要減低風險,年金正可提供這類的安全網,但滾存需點時間,所以建議在首10年不要提取款項(雖然仍可提取),在70歲時每月預期可取得1.3萬元的收入,直至終老。

根據時勢,其後的定期和理財顧問檢視組合表現及作出調配,是理財策劃最重要的一點。

鄺翠玲

美聯金融集團高級副總裁 CFPCM

■理財信箱 歡迎來信

讀者如有理財問題,歡迎來信詢問。

來函:寄香港柴灣嘉業街18號 明報工業中心A座15樓 經濟版編輯收

傳真:2558 3964

電郵:chlung@mingpao.com

◆來信請列明家庭或個人收入、開支、資產、欠債、理財目標及可承受風險。

[鄺翠玲 理財信箱]
退休 儲備 安全網 安全 影響 基本 生活
PermaLink: https://articles.zkiz.com/?id=293312

還清欠債 建生活「安全網」

1 : GS(14)@2018-01-02 00:04:44

【明報專訊】Apple現時理財狀况有以下重點需要馬上處理﹕第一、如何用最短的時間清還所有債務;第二、從過往的借貸經歷中了解借貸原因;第三、建立正確的理財觀念付諸行動積極儲蓄。相信達成以上重點後,不但可以改善過往借貸度日的悲痛日子,還可財富增值計劃未來!

借信用卡循環貸款後果嚴重

信中得知你現時應付所有支出及貸款後根本入不敷支。相信當時申請貸款時並沒有深思熟慮究竟自己的經濟能力能否合適地平衡收支來處理債務問題!因為Apple還有信用卡及循環貸款債務纏身,因此必須在無可奈何情况下先以最低還款額的方法,來處理每月的信用卡貸款直至你的借貸loan1-3還清後,可憑7000元收入來用兩個月時間來馬上逐一全數清還信用卡2(5000元)及循環貸款E cash(5000元)。餘下的信用卡1(1萬元)及親友的貸款(1萬元)相信便可接着用3個月後的薪金及雙糧來全數請還!我並不建議你再重新申請一筆過的私人貸款來處理信用卡和親友的借貸,希望Apple能痛定思痛用最短時間處理所有財務責任!其實Apple只需用未來7個月便能全部清還現時所有貸款及重獲理財自由!

在工作上遇到不快和不合適而尋求轉職是可以理解的!但在轉職期間因缺乏收入和以致不能夠應付個人3個月的基本開支儲備,未免為個人在精神及經濟上帶來一定程度的負擔。倘若隨意地從信用卡中提取現金來處理眼前的財務需要,罔顧日後面對沉重利息負擔的惡果更是絕對萬萬不可!以下是消費者委員會於2010年8月份公布的信用卡借貸利率調查資料可作參考。「信用卡持卡人繳付的購物簽帳實際年利率介乎最低的8.41厘至最高的36.07厘 ,選用現金透支的實際年利率則介乎20.62厘至37.49厘。」

年金月供基金籌備退休

信用卡用戶如不能按時繳付最低還款額,財務費用可能會因此被調高。拖欠購物簽帳的實際年利率可高達47.09厘,拖欠現金透支的實際年利率則介乎20.62厘至47.09厘」。

退休保障及醫療保障可在Apple得到財務自由後逐一建立和鞏固!本人建議Apple從每月總收入中的25%做退休儲備,也可考慮坊間一些沒有投資成分的年金計劃或月供基金儲蓄計劃。傳統的年金計劃沒有涉及投資風險,雖然供款期內欠缺彈性但當累積一定程度的儲蓄時可設定為長俸收入作退休後主要收入來源。至於以現時Apple的財政狀况,並不建議接觸高風險的投資產品來為自己財富增值!本人認為Apple必須清楚了解自己能夠承受的風險程度再選擇適合的投資工具,並且當選擇投資於一些衍生工具或高風險的股票市場,是必須徹底了解自己的財政能力,能否承擔虧損帶來的後果!

余淑穎 美聯金融集團高級副總裁

[余淑穎 理財信箱]


來源: http://www.mpfinance.com/fin/dai ... 0427&issue=20171227
還清 欠債 生活 安全網 安全
PermaLink: https://articles.zkiz.com/?id=345809

潘迪藍:債市為股市提供安全網

1 : GS(14)@2018-02-27 08:04:19

【明報專訊】近日美股被拋售,反映了投資者對於美國通脹、經濟過熱和預算赤字的憂慮。這些憂慮並非沒有根據。美國經濟的長期前景有相當高的機會面對高通脹,這是由多個因素造成,包括:在不適當的時間減稅、政府開支急增,以及過於溫和的聯儲局要再等兩年或以上,才會將貨幣政策完全轉向積極反通脹的模式。

不過,對於資產配置來說,通脹或經濟前景如何並不太重要;重要的是,大多數投資者和聯儲局是否認同這些觀點。

即使在聯儲局發表最新的會議記錄之後,美國國庫債券的孳息率在上周四進一步上升,10年期美國國庫債券的孳息率上升至2.95厘,乃2014年初以來的最高水平;30年期美國國庫債券的孳息率上升至3.22厘,乃2015年中以來的最高水平,上述問題的答案依然明顯是否定的。

通脹經濟增長仍屬溫和

投資者對於美國通脹和經濟增長的隱憂,仍然十分鬆懈,是因為以歷史標準來說,現時的數據仍然屬於非常溫和。畢竟,美國國庫債券孳息率在3厘至3.25厘的範圍內,與美國GDP的名義增長率由過去10年的平均數2.9%,上升至大多數經濟預測所指的4.5%以上,仍然有一定距離,更不用說特朗普政府的財政計劃所需要的5%至6%增長。

在未來,美國國庫債券孳息率與GDP名義增長率之間的差距遲早會縮小。這不是因為孳息率急劇上升,就是因為GDP增長率遠遠低於預期。但是,在未來1年左右,這兩種情形出現的機會仍然很低。

不論是美國還是其他地區,GDP增長在未來一年都不大可能放緩。反而,考慮到美國的大規模財政刺激政策,以及歐洲撤回緊縮政策,全球各地區的財政政策仍然十分寬鬆,消費者和商業信心持續高企,GDP增長加速還有一些可能(除了中國大陸可能例外)。

那麼債券孳息率又如何?如果經濟持續增長,債券孳息率會否上升至GDP名義增長率的4%甚至5%的新標準?

至少在未來一年左右,出現這種情形的可能性都很低。原因主要有三個。

首先,自從10年前爆發金融海嘯之後,通縮和滯脹的想法就變得深入民心、根深柢固,這需要很多個月甚至很多年的連貫一致和不容置疑的證據,才能說服投資者和各國央行,長期的較高增長及/或通脹是有可能的。

其次,各國對銀行和退休基金的監管,日本和歐洲的量化寬鬆政策以及金融抑制(Financial Repression)(指政府採取的手段,可以令利率、匯率等出現扭曲),將會確保政府債券持續有需求,而且其價格遠高於任何合理的基本價值估計。債券價格高,孳息率就自然較低。

第三,即使投資者開始接受債券孳息率較高的事實,例如10年期美國國庫債券的孳息率上升至3厘,或者30年期美國國庫債券的孳息率上升至3.5厘等心理關口,他們的經驗和直覺也會迫使他們「逢低必買」(buy on dips)。畢竟,在過去30多年,債券投資者已經被教育至相信美國股市每次大跌,都應該買入債券。

債券「逢低必買」似條件反射

今時今日,幾乎沒有一個活着的投資者是透過持續做空債券來賺錢的。這意味着,債券投資者存在一種「逢低必買」的條件反射作用。這種想法需要很多個月甚至很多年才能打破。

每當股票價格突然大跌時,這種反射作用就會變得更加不可抗拒,因為在股票被拋售時買入債券這種做法在以往30多年都行之有效。這意味着,債券市場將繼續為股市崩盤提供安全網。

到了某個程度,美國股市的安全網將會失效,因為3厘至3.5厘的債券孳息率遠低於反映美國通脹、經濟增長和財政擴張前景的水平。但只要債券投資者繼續「逢低買入」的做法,並容許經濟增長強勁和債券孳息率低企的組合持續,美國股市的投資狀况應該可以維持樂觀。

美股市况應可維持樂觀

至於新興經濟體和歐洲的股市,由於估值相對溫和,這效應就更加有效。在新興經濟體和歐洲,企業盈利的周期增長是最近才開始,即使像美國現時那種溫和貨幣緊縮政策,也可能要幾年後才會出現。

GaveKal Dragonomics資深經濟師

[潘迪藍 國際視野]


來源: http://www.mpfinance.com/fin/dai ... 6816&issue=20180226
潘迪 債市 股市 提供 安全網 安全
PermaLink: https://articles.zkiz.com/?id=349007

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019