ZKIZ Archives


中環在線:上京學國情金融圈搞同學會 李華華


2011-6-17  AD




 

北上到國家行政學院參加國情研習班,可以話係近呢兩三年香港政商名人同班富豪第二、三代嘅指定課餘活動,唔知係咪見得多有感情,呢班同學仔今年初組成「中國國家行政學院香港工商專業同學會」,打算定期搞吓活動,聯誼之餘,旨在大家互相過料,方便日後同監管機構傾偈。

逾百會員包括保險物流界

咪 以為呢個同學會係搞嚟hea,查實有逾百個會員,主要嚟自金融、保險同物流界,理事會廿個理事更加係響噹噹嘅人物,包括李嘉誠基金會董事洪小蓮、九倉 (004)董事易志明、恒生(011)總經理馮孝忠、財資界人士陳鳳翔;而個會嘅主席係證券業協會前會長李耀新,副主席包括保險業聯會主席朱永耀、證券學 會會長李細燕……照人腳睇,應該比船頭尺中國同學會猛料好多!

咁國情研習班到底係教咩嘅呢?08年參加首屆國情研習班嘅李細燕話,上堂可以了解到中國開放改革30年嘅經過,獲益良多。而呢個同學會之所以誕生,係咁多年嘅同學仔舊年破天荒搞咗一次珠海旅行,講講吓咁搞出嚟嘅。

華華聽班富二代講,國情研習班通常係一個星期貨仔,基本上大家都坐足鐘畀面阿爺嘅,咁邊個上堂表現至認真呢?新加坡過江龍、信和太子爺黃永光幾乎一面倒得晒所有票,香港班有錢仔係咪應該好好檢討一下呢?

李華華

LiWaWa@AppleDaily.com


中環 在線 上京 國情 金融 圈搞 同學會 同學 華華
PermaLink: https://articles.zkiz.com/?id=25748

紅底賓架同學會

2014-01-02  NM
 
 

 

上星期有傳聞話,689想用史美倫頂替即將滿約嘅「攞命陳」,掌管金融管理局。689想喺金管局插旗,已經係公開嘅秘密,唔係就唔會一上台就全力「打造」金發局呢個金融怪胎嚟拑制金管局。

而由史美倫主理嘅金發局,眾所周知,背景十分根正苗紅,但估唔到成員其中四人,均來自一個叫香港中國金融協會嘅機構。呢四個成員包括史美倫、光大控股(165)行政總裁陳爽,招商局集團前主席秦曉及中銀國際英國保誠資產管理董事長謝湧海。此協會源自「中國高等院校香港校友會聯合會」,只要曾喺內地讀過書或做過嘢,喺金融行業搵食,獲主席團推薦,交埋一千蚊會費,就可做創會會員。 呀,咁就做會員?會唔會濫咗啲!689係呢個同學會嘅首席名譽贊助人,即「金主」。當年公布參選特首後,689第一場競選演說亦喺呢個同學會舉行。今年十一月,金發局發表首批研究報告,呢個中國同學會即日發稿表示歡迎。呢個紅底賓架同學會,玩玩吓竟變咗金發局「雛形」。一群紅底賓架加上一個思歪689,絕對有能力令香港變成無掩雞籠,大家要識睇路噃!

富貴教會掃9伙維景

當個個掛住留意新樓市場時,就有教會喺二手市場靜靜雞大手入貨,一個月內花達一億零八百萬,豪掃十九伙將軍澳維景灣畔。翻查土地註冊處資料,大手入貨嘅係守望台聖經書社(Watch Tower Bible and Tract Society of Pennsylvania),係一個總部設喺美國紐約市布魯克林嘅基督教團體。根據網頁顯示,守望台聖經書社喺世界各地都設有支部,香港嘅就喺觀塘鴻圖道。連同買家印花稅(BSD)及雙倍印花稅(DSD)計算,估計呢個富貴教會買樓使咗一億三千萬。 據區內代理透露,估計呢批以兩房為主嘅單位唔係由單一業主放售,亦都未見該批單位喺放租市場出現,估計係教會作員工宿舍用途;似乎教會之財力,不可小覷。

橋唔怕舊之II

三個月前太子鉅龍酒家嘅老闆吳伯恩(恩記),收到隻玳瑁,即刻打去報館報料,引來全城哄動,仲上埋報紙頭版。上咗報幾日,鉅龍日日有人圍觀,生意因為咁仲多到爆添!最近恩記同小宗講,諗住喺過年前,同報館合作,送出三十個龍躉盆菜俾老人家,希望個個有魚有肉。個盆菜有龍躉、瑤柱等,每個值二千多元;不過相對成本,宣傳效果之大,可謂一舉兩得!本身喺長沙灣賣魚嘅恩記,一向 多「搶鏡」招數;有「龍躉大王」之稱嘅佢,早年不斷放生巨型龍躉做善事,佢亦由賣龍躉變全港最大海鮮批發商、再喺太子開酒樓,上環開分店,最近仲以三千萬元購入太子兩個鋪面,開多一間!正所謂「橋唔怕舊,最緊要受」,抵佢發!

石獅保平安

上兩期小宗同大家玩遊戲,數吓中環一共有幾多隻吉祥獸。唔數猶自可,數落先發覺中環吉祥獸勁多花款。上星期,小宗就介紹咗喺盤谷銀行門口嘅迦樓羅,今期就介紹吓畢打行同華人行門口嘅兩對吉祥獸;兩座大廈都唔係銀行,但一樣放神獸。雖然佢哋嘅形態唔同,不過原來都係獅子嚟。風水師吳佩孚師傅話:「呢啲石獅都係用嚟鎮煞,擋住門外馬路而來嘅煞氣,保人平安。」

壹計就明:有前無後小心撻親

本欄找來有二十多年經驗的資深會計師林智遠及鄔碩晉,每期踢爆一間上市公司的會計陷阱,股民入市前睇清睇楚,一計就明。

生產電子產品的愛高 (328),近日發布了中期業績。半年營業額上升9.3%至10.7億(港元、下同),業績卻如去年一樣錄得虧損,兼蝕多至3,500萬,每股虧損6.1仙。可是管理層仍表現出信心,向股東派發每股3仙的中期息。實際上,愛高去年的全年業績,最終錄得5,800萬盈利,每股盈利達10.1仙,中期虧損也許屬季節性現象。若細閱這年度的營運及流動資產數據,倒會感受愛高面對相當嚴峻的境況。首先是毛利率由8.7%減少至4.6%,即下跌4.1個百分點,幾近一半。營業額上升的9.3%,盈利並無增加,也反映市場競爭相當激烈。愛高爭取市場佔有率的同時,其流動資產的質素,似乎更令人擔心。在短短的六個月,愛高的應收貿易賬款由4.9億上升至7.9億,存貨更是由3.2億上升至7.5億。兩個項目共積壓15.4億的資金,比半年的營業額10.7億還要高。以周轉期看,應收貿易賬款是135天,存貨是134天,回收速度並不快,營運現金淨流出5.5億,比虧損金額高出很多。去年同期,愛高的應收貿易賬款周轉期是136天,存貨是97天,營運現金淨流出4400萬。比對兩個年度財務數據,便明白單看損益表的虧損金額並不夠全面。存貨周轉期急劇上升,其實是很大的啟示。就電子行業而言,產品周期短,風險便更高。過高的存貨水平,容易帶來減值的需要,直接影響盈利水平。現代的財務管理,主要是流動資產的管理。管理層過分自信,準備過多毛利率不高的存貨,往往是危多於機。

紅底 底賓 賓架 同學會 同學
PermaLink: https://articles.zkiz.com/?id=86993

它辦同學會 輕鬆重溫「那些年」

2014-12-08  TCW

 

同學,好久不見!想和「那些年一起追的女孩」再度相逢,和死黨一起笑看當年的年少輕狂,同學會,是獨一無二的機會。但是,真的要見上一面,光是聯絡、籌備,對負責的「班代」來說,可是件動輒數個月的大工程。

在日本,至少就有二十多家「同學會代辦」公司切入市場。班代只要交出一份同學名冊,從聯絡、場地到活動主持,代辦皆可一手包辦,連當日的攝影,或甚至是尋找恩師也有「加值服務」。一個人的出席費,至少從五千日圓(約合新台幣一千三百元)起跳,但是若接受廣告商贊助,折扣後的費用,甚至可能壓低到免費。

隨著臉書(Facebook)等社群網站的興起,線上虛擬的頻繁聯繫,順勢帶動了線下的聚會需求。《東洋經濟》訪問代辦業者笑屋,「二○一一年約有一百五十件,隔年二百五十件,二○一三年成長到五百五十件,今年預計還會更多。」

同學會找上代辦公司去聯絡、籌畫的,以四十歲的族群居多,五十、六十歲次之;但就算是二十歲的學生,也會因為辦活動太麻煩而交付專業。加上每個人的出席費一律事先設定,事前不用預付訂金,當日按照人頭收費,大幅減輕了班代的負擔。

對於贊助商來說,同學會成員的同質性高,學歷、年齡條件類似,正是鎖定宣傳的好機會。例如樂天就透過同學會,宣傳自家的電子書閱讀器Kobo;護理師人力銀行,可藉機招募新血;美容美甲業者,則事先發送折價券,讓老友相會前好好打扮一番。

退休後的銀髮族更熱中參與同學會,旭通廣告(ADK)的研究顯示,年紀過了七十歲,不時出席同學會的比率更逼近八○%。但比起交付代辦,他們多直接與高級飯店接洽。

《週刊朝日》報導,除了京王廣場大飯店設立了「同學會管家」專屬窗口,同樣位在東京的帝國大飯店,則提供同學會獨家的法式buffet自助餐,但以固定座位取代站著取用。即使一份要價一萬二千五百日圓(約合新台幣三千三百元),依舊人氣不減。(日本)

它辦 同學會 同學 輕鬆 重溫 那些
PermaLink: https://articles.zkiz.com/?id=123153

霍格華茲同學會《哈利波特》電影五周年 演員去哪兒

1 : GS(14)@2016-07-09 07:02:13

唔經唔覺,電影《哈利波特》系列最後一集《哈利波特─死神的聖物2》( Harry Potter and the Deathly Hallows: Part II)上映至今已經係第五年,五年之間唔少花咗10年拍呢部電影嘅童星已各有去向,有啲繼續喺影圈發展,有啲就冇再拍戲,以下落嚟同大家報告一下哈利波特嘅同學仔(同敵人)嘅去向。1.哈利波特(Harry Potter)26歲嘅英國男星丹尼爾拉德克里夫(Daniel Radcliffe)喺影壇仲喺好活躍,香港觀眾不時見到佢嘅消息。佢嚟緊會喺怪雞新片《Swiss Army Man》扮演會放屁嘅死屍。2.妙麗格蘭傑(Hermione Granger)26歲嘅英國女星愛瑪屈臣(Emma Watson)亦都係依然好活躍,佢嚟緊會喺真人版《美女與野獸》扮演貝兒,佢亦係聯合國大使,為爭取女性權益好落力。3.榮恩衛斯理(Ron Weasley)27歲嘅英國男星路柏格連特(Rupert Grint)自從飾演完榮恩後,拍嘅戲都係偏向輕鬆搞笑,佢最近拍緊一部叫《Sick Note》嘅黑色幽默電影,會於2017年上映。4.奈威隆巴頓(Neville Longbottom)27歲嘅英國男星Matthew Lewis越大越有型,佢不時拍電影同電視劇,喺新片《遇見你之前》(Me Before You)係第二男主角。5.張秋父親出生於香港嘅梁佩詩現年28歲,佢拍完《哈利波特》之後都有繼續演戲,佢現時忙於拍新片《The Foreigner》,有成龍及皮雅斯布士南(Pierce Brosnan)參演。6.花兒戴樂古(Fleur Isabella Delacour)呢位讀波巴洞魔法學校嘅花兒由法國女星Clemence Poesy扮演,Clemence現年33歲,近年喺英劇《The Tunnel》做女主角。7.跩哥馬份(Draco Malfoy)28歲嘅湯費頓(Tom Felton)最近都幾忙吓,拍攝緊電影《 Stratton: First Into Action》、《Megan Leavey》之外,嚟緊又會參演美劇《閃電俠》(The Flash)。8.維克多喀浪(Viktor Krum)呢位保加利亞魁地奇代表隊的搜捕手係由保加利亞男星Stanislav Ianevski扮演,現年31歲嘅佢拍完《哈利波特》就冇乜演戲,拍過兩三部電影,現時留有長鬍鬚。9.葛果里高爾(Gregory Goyle)28歲嘅英國男星Josh Herdman於戲中扮演馬份嘅跟班,大大隻好霸道,佢拍完《哈》就冇乜再演戲,最近轉行做MMA選手!10.柯林克利維(Colin Creevey)呢個哈利波特嘅小粉絲唔再係瘦弱小男孩,呢位英國男星Hugh Mitchell現時27歲,留有長金髮,喺電視劇《The White Queen》、《Holby City》等演出,為人比較低調。11.露娜羅古德(Luna Lovegood)現年24歲嘅愛爾蘭女星Evanna Lynch拍完《哈》片後不時都會接電影拍,亦有為《哈》環球影城活動做宣傳,所以大家不時見到佢出現。12.金妮衛斯理(Ginny Weasley)25歲嘅邦妮賴特(Bonnie Wright)都好少演戲,佢轉咗做幕後執導,嚟緊佢會執導一部《Medusa's Ankles》嘅電影。13.弗雷及喬治衛斯理(Fred& George Weasley)呢對榮恩嘅孖生哥哥由英國孖生男星James及Oliver Phelps扮演,佢哋已經30歲,不過依然好動,不時喺instagram上載好跳跳紮嘅相,不過佢哋已經好少演戲。14.西追迪哥里(Cedric Diggory)30歲嘅羅拔柏迪臣(Robert Pattinson)拍完《哈》就去咗拍另一賣座電影系列《吸血新世紀》(Twilight)扮痴情吸血鬼,迷倒萬千少女,不過佢最近人氣大跌,因為冇乜代表作。15.西莫斐尼干(Seamus Finnigan)27歲嘅愛爾蘭男星Devon Murray喺電影扮演哈利同榮恩室友,佢拍完《哈》後都冇再拍電影,佢最近捲入官司,被前經理人指控佢欠付管理費,追討21萬英鎊(約210萬港元)。





來源: http://hk.apple.nextmedia.com/entertainment/art/20160709/19688155
霍格 華茲 同學會 同學 哈利 波特 電影 五周 周年 演員 哪兒
PermaLink: https://articles.zkiz.com/?id=303139

《C奶同學會》製片商擬明年港上市

1 : GS(14)@2017-10-01 20:11:11

【明報專訊】《華爾街日報》引消息人士報道,荷李活製片商STX Entertainment計劃明年首季來港上市,料集資5億美元(約39億港元)用作擴展業務,估值約為35億美元(約273億港元)。

料成首亞洲掛牌荷李活電影工作室

去年STX估值約為15億美元,報道稱,因亞洲地區給予的估值較高,成本亦遠遠較低,加上其欲接觸大中華投資者及觀眾,故決定在香港上市。若然STX成功於港上市,將會是首間獨立荷李活電影工作室在亞洲掛牌。報道又稱,公司有意選擇投資銀行擔任包銷商,現時於港設有分公司的投行欲爭奪這項交易。

STX為新晉製片商,曾製作《C奶同學會》,即將上畫的電影有《英倫對決》,由前任「占士邦」皮雅斯布士南(Pierce Brosnan)與成龍主演,將於10月13日在美國上映。STX主要投資者包括華誼兄弟、騰訊(0700)、電盈(0008)及聯想(3396)旗下弘毅投資,當中華誼兄弟投資數以億計美元,電盈則於去年以2500萬美元(約1.95億港元)收購STX若干股權。


來源: http://www.mpfinance.com/fin/dai ... 0410&issue=20170929
同學會 同學 製片商 製片 明年 上市
PermaLink: https://articles.zkiz.com/?id=341599

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019