定欣幫杏兒傳話
1 :
GS(14)@2016-09-29 08:05:38■胡定欣撐杏兒與老公好恩愛。
李嘉欣夫婦、胡定欣、汪圓圓與袁偉豪等昨於中環出席Harvey Nichols專門店開幕，李嘉欣與撐着枴杖的許晉亨十指緊扣到場，二人逗留約20分鐘便離開。胡定欣提到好姊妹胡杏兒與老公嗌交，她說：「佢託我同大家講，唔好成日話佢哋唔開心，佢哋不知幾恩愛，婚姻美滿甜蜜，好sweet，唔需要擔心。」
■撐枴杖的許晉亨拖着李嘉欣到場。
此外，袁偉豪日前被拍到與女伴在沙田撐枱腳，問他有否向女友岑杏賢申請？他說：「嗰個係我經理人，唔使解釋，佢都見到係邊個，平時都會講去邊。」做廿四孝男友？他說：「需要嘅，仍需努力打好基礎，養唔到自己都要養人，時間適合，緣份到就結婚。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20160929/19784817
杏兒要食爆谷同老公嘈
1 :
GS(14)@2016-09-30 08:09:01■胡杏兒昨日為吵架事件解畫，指老公不准她吃爆谷。
胡杏兒與才俊老公李乘德（Philip）日前拍拖去奧海城看韓片《屍殺列車》，但二人落車後面左左，Philip買完戲飛後會合老婆，二人傾了一分鐘突然吵起來，完全不理途人眼光，後來Philip嬲到發火轉身走，杏兒定神後先識衝落電梯追回老公，最終都氹到老公回戲院看戲，不過沒有再交談。胡杏兒昨日傍晚在中環出席化妝品活動，全盤否認戲院吵架事件：「我知你想問乜，係冇啲咁嘅事，我同老公好開心。」
■胡杏兒日前被影到和老公Philip睇戲鬧交。資料圖片
■陳瀅與何猷亨分手後，昨晚出席化妝品活動時也變得低調。
老公留字大罵
明明見Philip一怒之下轉身走，她衝落電梯追老公，胡杏兒對此說：「追老公，冇啲咁嘅事，你哋都知傳媒支筆好厲害，咁樣寫咗就係真。其實嗰日好小事，我想食爆谷，佢叫我唔好食。」雖然杏兒這樣解畫，但當日他兩夫妻一落車已經面黑黑，好像途中已吵嘴。昨日Philip在Instagram留千言書大罵記者是垃圾，問杏兒是否認同老公看法，會否考慮退出娛樂圈？她說：「佢有佢諗法，每人都有權宣洩不滿，傳媒亦有自己角度寫嘢，但我覺得佢只不過係話狗仔，唔係鬧晒所有記者。做呢一行，你永世都係呢行，我諗好難講到話退出囉！」
■蘇麗珊簽了林建岳公司一段時間，昨日扮到靚靚出席活動。
■林俊賢女兒林鈺洧一直想證明給父親看，自己在娛樂圈會有一番作為。
■性感現身的莊思敏談到前情敵胡定欣的新戀情，非常不屑。
莊思敏講定欣
問杏兒老公是否很火爆，之前其座駕幾乎撞到記者，她為夫辯護說：「大家唔好做得咁過份，能互相尊重就冇嘢。」此外，莊思敏、陳瀅、蘇麗珊和林俊賢女兒林鈺洧等都有出席活動，問莊思敏當年情敵胡定欣被傳與好友陳展鵬相戀，她表示：「有睇新聞，但唔知真定假，下次見到展鵬會問吓佢。」見到定欣會否八卦？她說：「都冇傾過偈，唔會啦！」採訪：羅慧敏攝影：陳俊強
來源:
http://hk.apple.nextmedia.com/entertainment/art/20160930/19785954
盛品儒豪擲近百萬接嬌妻 Philip娶杏兒畀得8蚊？
1 :
GS(14)@2016-10-01 13:19:51接新娘呢個還節，開門利是絕對係重點之一！近年有唔少圈中名人明星結婚都唔介意同大家分享喜悅，仲有唔少新郎為接嬌妻萬金豪花萬金o添！蔡一鳳 盛品儒亞視前高層盛品儒前年同蔡一鳳低調註冊，到去年底先喺四季酒店補擺喜酒，當日盛品儒接受訪問時仲自爆畀咗九十九萬九千九百九十九元做開門利是，寓意長長久久咁話！鄭希怡 梁學儲
Yumiko前年同化妝師老公梁學儲結婚，「龍虎豹」姊妹團之一嘅鍾欣潼（阿嬌）就爆新郎哥準備咗兩封利是，仲畀佢哋擸晒兩封利是，加埋有成19,999元。胡杏兒 李乘德杏兒去年嫁畀「港姐殺手」李承德（Philip），「胡說八道會」姊妹團就爆一行23人嘅兄弟團開頭只係肯畀8蚊開門利是，一眾姊妹梗係要加碼，最後 Philip都俾咗封5位數字嘅利是。宋熙年 陳智燊早前陳智燊同宋熙年喺英國拉埋天窗，仲請咗唔少娛中好友出席，其中做姊妹嘅高海寧就勁讚Jason出手闊綽，雖然冇透露開門利是有幾大封，不過就好樂意加碼。
來源:
http://hk.apple.nextmedia.com/entertainment/art/20161001/19787743
杏兒倉底貨連環被姦
1 :
GS(14)@2016-10-02 13:35:28■胡杏兒參演《巾幗3》，宣傳片以她被姦作為賣點。劇照
黎耀祥和胡杏兒主演的《巾幗梟雄之諜血長天》，傳因太爛而遭管理層抽起不播。不過，這部3年前作品終出生天，安排於收費網路電視平台myTV SUPER播出。無綫前日在facebook專頁上載預告片，宣傳手法用自嘲方式：「今次大台突破框框，挑戰入屋尺度，齊集殺人、被人殺、咬爆唇、強姦於一身，仲唔夠？再嚟殺人、強姦、姦完再姦，問你怕未。」當中播出杏兒被人強姦後，再遭飾演日本軍人的林盛斌（Bob）強姦片段，認真重口味。另外，黎耀祥為救楊卓娜而用火箭炮射日軍，爆炸場面特技膠到拍得住被網民鬧爆的《張保仔》。撰文：魯吉
來源:
http://hk.apple.nextmedia.com/entertainment/art/20161002/19788108
杏兒自嘲老了
1 :
GS(14)@2016-10-11 08:11:54■胡杏兒指包包臉不見，有點想念。微博圖片
胡杏兒和老公李乘德（Philip）到法國巴黎出席品牌Longchamp活動，昨日杏兒在微博貼相，化了妝的她指自己老：「看着這張照片，發覺自己長大了，應該說是『老』了，包包臉不見了，反而歲月的痕迹開始出現了，但是我更喜歡現在的自己，不是因為臉瘦了，而是現在的我，是一個有經歷的我，沒有昨天就沒有今天，謝謝從前那個包包臉的小女生，我有一點想念妳了，一點點而已。」不少網民回應杏兒的一番感性言詞：「杏兒把她的青春都給了黃宗澤」、「現在的你，更加美麗了」。撰文：非非
來源:
http://hk.apple.nextmedia.com/entertainment/art/20161011/19796720
杏兒拍完孫儷停工
1 :
GS(14)@2016-10-14 06:52:19胡杏兒、Ana R.及Cara G.昨日在金鐘出席Chloé專門店開幕，剛與老公從巴黎返港的杏兒表示此行非常浪漫，但未有機會造人，她說：「下星期到內地拍攝電視劇《那年花開正月圓》，終於有機會同孫儷合作，好鍾意佢喺《甄嬛傳》嘅演出，要拍到下年3月。」對於造人計劃一再推遲，她說：「拍埋最後project，冇得再遲，因為唔係話有就有，自己年紀唔細。」
■Ana R.（左）強忍喪父之痛，昨與Cara開工。
Ana R.的爸爸上星期因癌病離逝，Ana帶着悲傷工作：「爸爸沒機會見孫兒，BB才11個月大，我收到他離逝消息很傷心，他身處波多黎各，我十歲之後已沒跟爸爸見面。」採訪：張俊銘攝影：陳俊強
來源:
http://hk.apple.nextmedia.com/entertainment/art/20161014/19800150
Next Page