杏兒凸肚被催生B定欣：做靚媽
1 :
GS(14)@2016-11-08 05:54:10■胡杏兒（左）托起胡蓓蔚大腿，疑似遮肚。微博圖片
胡杏兒去年生日時，獲仍是男友身份的李乘德大搞生日P，當時更盛傳男方會即場求婚，結果派對後她公佈婚訊。杏兒昨日37歲生日，升呢李太後首個牛一，當然除了老公貼身陪伴，再邀得「胡說八道會」好姊妹胡定欣、胡蓓蔚和姚子羚等好姊妹到賀。席間穿上花花圖案長裙的杏兒，跟友人合照時顯得肚凸凸，疑似有喜，她的好姊妹前晚在社交網貼相，亦異口同聲祝福她與老公李乘德早日生B，姚子羚留言說：「希望李太快點生些babiesss給我們這些胡說八道的阿姨大嬸抱抱。」
冇人敬酒有景轟
胡定欣則留言：「生日快樂！拍埋套劇唔好再咁操勞啦，好好休息，生個靚Baby，做個靚媽咪！」杏兒老公李乘德是沙頭角禾坑村原居民，又是李家長子，兩人去年結婚也有依傳統拜祠堂及祭祖，祈求早日開枝散葉，他當然希望老婆早日添丁。 據知前晚生日會，未有賓客敢向壽星女杏兒敬酒，認真有可疑。記者昨致電杏兒，未知是否未夠3個月怕BB小器，她未有接聽電話，但杏兒經理人公司宣傳部昨回應說：「杏兒之前一直好忙，又成日唔喺香港，所以噚晚係親朋戚友gathering，順便慶祝生日。杏兒而家仲忙緊拍內地劇，要明年3月先拍完，所以造人計劃會喺明年先諗，多謝大家關心。」採訪：非非、魯吉
■胡杏兒前晚在生日會上與男友人合照，肚凸凸疑似有喜。
■眾好友前晚在微博貼派對相，異口同聲祝杏兒早日生B。微博圖片
來源:
http://hk.apple.nextmedia.com/entertainment/art/20161107/19824999
拍《三五成群》被熱捧 新劇姦杏兒神仙B轉揸的士 「人情冷暖」
1 :
GS(14)@2016-12-24 10:55:33■龍虎武師出身的蔡堅成，兩年前已轉行做的士司機，採訪當日他送兒子Hugo去游水。
曾經為四大天王、楊紫瓊、李連杰、甄子丹等當替身的龍虎武師蔡堅成（B哥）在圈中多年偶有客串幕前，早年在電影《三五成群》演古惑仔神仙B一角，被網民熱捧，更為他開設fb專頁，而新作則是近日無綫播出的新劇《巾幗梟雄III之諜血長天》，他演欲強姦胡杏兒的日本兵。
約巨星打波
B哥日前接受本報專訪，欷歔地表示演藝圈不景氣，兩年前已轉型做的士司機，他說：「人情冷暖，世態炎涼，唔係成日都有戲拍㗎嘛，冇戲拍咪揸的士囉！有人搵咪拍囉，冇人搵咪繼續揸的士，勤力啲一千蚊都搵到，但要好勤力囉，都唔係話日日有一千蚊。」多年在影圈打滾，他透露與不少明星都有交情：「好似梁朝偉啦，嗰陣都有約出嚟打波食飯。關禮傑都係好朋友嚟，不過張國榮我就唔敢約。」
■蔡堅成（左）在《三五成群》演神仙B一角，成網民追捧對象。
■B哥在近日播出的劇集《巾幗梟雄III之諜血長天》演欲強姦胡杏兒的日本兵。
■B哥雖轉行做的士司機，但對演藝工作仍有一團火。
自度摑大王
提到他的代表作神仙B，要貼印有字紋身造型，他自爆自度加戲掌摑大王宋本中的一幕：「因為我做黑社會，我喺度兇緊佢，我一路兇一路逼前，逼到去佢前面都唔知做乜好，所以咪打佢兩巴囉，當時佢都呆一呆，心諗點解會打我，到cut機之後，導演都問我點解會打佢。」
B哥坦言希望重回演藝圈，更想有機會做導演，他說：「幕前幕後都可以做，不過前提係要尊重，之前我推過一個，佢搵我去做演員，我話要畀劇本我先，但到開拍之前都未有，冇劇本都唔緊要，但你起碼要話畀我知去做啲乜，即使場戲係去到乜都唔使做坐喺度，所以我最後冇去到。」採訪：譚倩宜攝影：沈健程
蔡堅成現為夜更綠色的士司機。
訪問當天，囝囝Hugo要上游泳班，這位廿四孝爸爸當然允當司機負責接送。
Hugo笑言也曾Google爸爸的名字，故知道爸爸叫神仙B。
想野生捕獲B哥？去大學站等的士最有機會。
B哥坦言希望可一嘗導演夢。
電影《三五成群》這幕，令B哥成網絡紅人。
戲中掌摑大王宋本中的戲碼，是B哥自己加上去。
曾於電影《鎗王》中，跟張國榮對戰。
年青時曾半當楊紫瓊的替身。
當年跟張國榮合作不少電影。
早年當武指時，B哥曾替蕭正楠試位。
《巾幗III》的這幕，是B哥轉行前最後的作品。
來源:
http://hk.apple.nextmedia.com/entertainment/art/20161224/19875138
捉杏兒入柴房慢慢嘆神仙B：其實佢想污辱我
1 :
GS(14)@2016-12-24 10:55:34人稱神仙B嘅蔡堅成，轉行揸咗約兩年的士。
神仙B喺電影《三五成群》嘅亮眼程度，令網民呢十幾年嚟都人肉搜尋佢，同keep住搵佢嘅作品。終於終於，神仙Ｂ有新作喇！大台新劇《巾幗梟雄III之諜血長天》，Ｂ哥喺劇入面扮演日本兵，仲將胡杏兒拖入柴房.....
我哋早前就問返Ｂ哥當日拍攝情況，佢話：「都兩年幾前喇，我捉佢返去柴房諗住慢慢嘆，點知未嘆就俾蕭正楠打瓜咗。」慢慢嘆？即係咩意思先？B哥就講笑咁話：「慢慢嘆？即係傾下偈呀，同佢講下近況咁樣囉！強姦？有時未必架喎！或者係佢強姦我！」記者：倩宜 攝影：馮峰、Neo
B哥話如果好勤力的話，都可以搵到一千蚊一日。
電影《三五成群》成為了 B哥的成名作。
B哥於近日大台劇《巾幗梟雄III之諜血長天》中，扮演欲強暴胡杏兒的日本兵。
龍虎武師出身嘅B哥，以前成日都客串幕前，不過做嚟做去都係奸角多，問到佢怕唔怕被定形？佢話：「奸同忠都冇乜問題嘅，俾咩你都要去做。我試過做兵，唔記得係咪《尋秦記》喇，前面講到點淒涼，佢係度講我就入戲，點知第二日孟海打俾我，佢話睇到我企係後面，演得仲淒涼過前面，搶晒前面啲戲！」
他又於同劇中，為黎耀祥當替身。
B哥坦言自己最想做導演。
雖然近年轉咗行揸的士，但B哥對演戲仲好有熱誠，話用得着佢嘅話，幕前幕後都可以做，不過前題係要尊重佢。「之前我推過一個，佢搵我去做演員，我話要俾劇本我先，佢話OK，但到開拍之前都未有，我再問佢，佢就話導演話無劇本。」B哥續說：「無劇本都唔緊要，但你起碼要話俾我知去做啲咩，即使場戲係去到咩都唔駛做坐係度，咁我都知係要坐係度丫，佢咩都唔講就叫我去，佢都話搵我做演員啦，我又唔係去做特約，所以我最後無去到。」
來源:
http://hk.apple.nextmedia.com/entertainment/art/20161224/19875463
杏兒睇戲狂食爆谷
1 :
GS(14)@2016-12-31 01:06:37■杏兒與老公趁入場前，買定爆谷熱狗睇戲。
DV圖片
胡杏兒和老公李乘德（Philip）前日結婚一周年，兩夫妻當日輪流在Instagram放閃，Philip情深留言：「多謝你嘅微笑，多謝你嘅決心，多謝你畀我嘅信心，多謝你嘅一切。一周年紀念快樂，李太。」杏兒亦寫上：「多謝你成為我一生嘅伴侶，一周年紀念快樂！」在結婚周年前一晚（大前晚），杏兒與老公拍拖到圓方睇電影，當時正值晚飯時間，兩人往買熱狗和爆谷，更忍不住企埋一邊除下口罩醫肚。問到杏兒怎慶祝紙婚？她昨日短訊回覆：「冇乜特別喎，出席咗朋友婚禮，之後去返上年結婚嘅酒店食飯，然後又再睇戲，今日返咗上海做嘢。」採訪、攝影：徐錦池、孔志豪
來源:
http://hk.apple.nextmedia.com/entertainment/art/20161230/19880861
曾同老公睇戲嗌晒交杏兒：佢唔畀我食爆谷
1 :
GS(14)@2016-12-31 01:06:37做得夫妻又點會唔冇爭執，就好似胡杏兒同老公Philip Lee（李乘德），佢哋9月嗰陣，某日唔使開工嘅胡杏兒坐七人車到中環接老公放工，之後仲齊齊去奧海城睇戲。佢到咗商場附近落車嗰陣，氣氛已經變得有啲尷尬，而入到戲院，老公Phil買完飛join番老婆，兩人密斟一分鐘，傾傾下突然好似有啲爭執，仲疑似嘈起上嚟。三句講唔埋，Phil突然嚟個180度轉身，頭也不回咁走咗去！而杏兒就呆咗企喺度，仲未回過神來，呆完之後，胡杏兒先至識醒，即刻衝落扶手電梯追番老公……雖然之後佢哋都好番一齊入場睇戲，不過就行到離行離迾。不過佢哋都係耍花槍啫，過咗兩日Phil就喺Ig晒同老婆嘅放閃相。之後杏兒出席活動都有回應事件，佢就話：「有時呢啲私人事唔需要解釋太多，同埋解釋都冇用。最緊要係我同我老公，同我屋企人知就得0架喇。」咁件事又係點o架呢？佢就解釋話：「我記得我嗰一日係同我老公講我想食爆谷，佢話:『你病呀，你唔好食啦!』都冇影到啲乜嘢，咁就變咗單嘢喇。」真係好sweet呀！
來源:
http://hk.apple.nextmedia.com/entertainment/art/20161230/19881533
杏兒恨做姚子羚姊妹團
1 :
GS(14)@2017-01-14 12:25:37胡杏兒、周秀娜、張智霖及黃百鳴等昨晚現身尖沙嘴香格里拉酒店，出席hmv數碼中國的周年晚宴，眾人以黑幫打扮示人，杏兒穿紅色晚裝裙，她自言是大家姐打扮。對於好姊妹姚子羚與男友鄭子邦傳婚訊，杏兒表示：「我都好想佢結婚，想做吓姊妹，我一定祝福同撐佢，阿邦唔可以蝦佢，不過唔會，佢好錫佢，希望佢哋可以走到呢一步！」另外，日前有指何佩瑜（Jeana）有感公司資源偏重周秀娜，故約滿不續約，周秀娜昨晚表示：「公司資源係平均分畀所有人，老闆都希望所有人好，冇聽過Jeana講過唔續約，如果佢轉公司有新目標係好事，祝福佢順順利利。」而周焯華亦有現身，於場內與黃百鳴及蕭定一密密傾。採訪：曹家誠攝影：仇志德
■張智霖透露會拍驚慄片《常陪你左右》，當中有殺人及肢解情節。
■黃百鳴昨晚有份出席周年晚宴。
■周秀娜祝福Jeana轉公司有新目標。
來源:
http://hk.apple.nextmedia.com/entertainment/art/20170114/19896279
Next Page