摸魚手札：續談年青人置業的老問題
1 :
GS(14)@2017-04-09 10:43:05間中會拜讀欄友利世民的專欄，因為大家的基礎知識和理念都很相約，本科讀經濟出身，深信所謂自由經濟的理念，他是香港運轉自由經濟邏輯比較圓潤、比較全面的專欄作家。呢期佢很喜歡呃like，寫了幾篇關於樓市的大熱文章，我有一點體會。講樓，不一定要講樓價高低，那是財演之流的分析，因為財演着重資產價格的升跌。當然，講樓也可以從公共政策層面去講，不過那就是think tank政策研究的層面，大家鬥拋理論同數據，理論有假設，數據也可有不同解讀，這類東西很惡頂。更重要係，買樓的心態。利世民兄講的係一個重點係很簡單、貼地，就是不要讓磚頭變成宗教。宗教講的係精神依賴，一個形而上的理念，而不着重講現實科學邏輯。世民兄眼中的宗教是更貼近一個盲信買樓就是上流出路的精神鴉片。呢一種精神鴉片，毒害了我哋呢一代人。上一代對買樓的睇法，既是滿足了住屋需求，也是投資品。行過書店睇財經書，也常常見到呢一類的原教旨聖經，講的都係同一套語言，例如買樓就是財務自由的出路、買樓就可以生活無憂等。現代這一代講的只是卑微的住屋需求，我們買樓是走不到財務自由的路。如果?家我哋買完層樓，也不會再食到那個十幾年的樓市大升趨勢，樓唔會大升，咁就談不上財務自由了。金融服務界的張華峰離地上太空，指摘年輕人不努力。喂！大佬，你二、三十年前買的樓，?家升了幾多先？客觀的宏觀環境不配合，這一代人做乜都出不到頭來。最近又有少年股神指摘八十後、九十後掛住旅行，去消費而不儲錢買樓。這個指摘對八十後可能係啱，但九十後最後生都只係27歲，大學畢業生的人均工資有數得計，就算唔食唔住都唔夠錢儲首期啦，呢個係非常科學和合乎邏輯的數學問題。社會太盲，因為鬧後生仔係無成本，所以議員會鬧、少年股神會鬧，那些「不醒人事」的人事顧問，都係盲鬧。?家我哋呢一代買樓，大多數都無能力full pay到，層樓買完還是要供。只要一供，就被份工困住十幾年，唔好話追理想，可能轉工都會怕。要達成財務自由之代價就是要犧牲十幾年的工作自由，是否值得就是價值問題了。講年輕人置業，好多都係價值判斷，唯獨有一點是必然正確，就是有意幫年輕人的政策是不停被人鑽空子，本末倒置了。好像長實樓神咁，自己也不買長實樓，寧用首置買豪宅。中聯辦首置買樓，瀟洒講一句「So what？」一些幫年輕人上車的政策被濫用，呢個問題，長遠點都要解決。呢個方向，點都係政治正確的。渾水
http://www.facebook.com/muddydirtywater
來源:
http://hk.apple.nextmedia.com/financeestate/art/20170409/19984124
操盤手札記：雄安大灣賤男好男
1 :
GS(14)@2017-04-13 22:37:55朝鮮半島戰雲密佈，加上復活節假期臨近，港股原本牛皮偏軟，但尾市喺避險交易拆倉，期指挾淡帶動下掉頭抽升，收24313，升225點或0.93%。值得注意嘅係恒指波幅指數VHSI（恐慌指數）已由上周低位12.3，五日大升兩成半至15.5，偏淡機會大。四月頭平地一聲雷，燕趙之地雄安新區爆紅，多隻股份隨即雄安概念上身，炒咗成個星期先唞唞，由粵港澳大灣區概念股接力。現時雄安區、大灣區都未有實質規劃出台，大家只係「炒地圖」。單睇地盤，雄安區最受惠係地膽金隅（2009）；大灣區則係大地主深圳控股（604）、龍光地產（3380）。四月，諗起《人間四月天》嘅梁思成。中央讓雄安分擔北京嘅非首都功能，其實呢個意念早喺1949年已由梁思成提出，可惜佢嘅建議無被採納。當時佢對時任北京市市長彭真講：「50年後，歷史將證明你是錯的，我是對的。」原來佢早已預視北京交通、霧霾污染等城市問題。梁思成係中國建築史學家、建築師；父親梁啟超，太太林徽音。梁思成因梁啟超、林徽音關係，認識徐志摩。徐志摩生命中有三個女人，包括父母安排下結婚嘅張幼儀、追而不得嘅林徽音，以及好友王賡嘅太太、後來被佢橫刀奪愛嘅陸小曼。成龍對吳綺莉母女不負責任令你睇唔過眼嘅話，徐志摩更會令你眼火爆！喺張幼儀懷第二胎時，徐志摩瘋狂追求林徽音，佢竟然要求張幼儀離婚兼墮胎。撇除喺文學上嘅成就，徐志摩本質上就係一個賤男！我揀股有五大原則，包括盈利、派息、資產淨值、現金流及管理層操守。若管理層上娛樂版多過上財經版，終日喺女人間周旋，咁間公司好極有限。講到管理層操守，遠大中國（2789）康老闆算唔錯，佢曾經喺新春獻辭話：「天下沒有拿了別人的錢發展自己而不回報投資者的道理。」佢又多番喺股價低殘時增持。五月將會舉行一帶一路高峯論壇，有助遠大接新單，可以諗諗。割柑人本欄逢周四刊出
來源:
http://hk.apple.nextmedia.com/financeestate/art/20170413/19988495
摸魚手札：缺乏樓價期貨 逼死青年人
1 :
GS(14)@2017-04-16 10:26:57金融市場其中一個迷人的地方，在於不同資產都可以藉由financial engineering的操作，將其證券化成一張張買賣合約。既可以有對賭雙方，將資產變成莊家和閒家之間的博奕，由整個市場平衡分擔風險，同時亦可減低資產入場成本。友報專欄作家經濟3.0的徐家健教授日前撰文，提出了樓價期貨的概念，可算新穎。高樓價，某程度上成為世代之爭、階級矛盾的源頭，因為參與這個市場的入場成本太高，所以變成強者遊戲，樓價升幅只能由有籌碼的人去享受，這也是Thomas Piketty的暢銷書《21世紀資本論》的結論。這兒講的入場成本，不是講緊買一間樓，而是講緊買兩間樓的入場成本，因為第一間樓是自住需求，即使樓價升了，樓轉樓，住的需求還是不會消失，只有第二棟或以上的物業，才算真正享受樓價升幅。任志剛也有類似的講法：「對需要有一層樓自住的人來說，不買樓就等於『空倉』，有一層樓就等於『平倉』，多過一層就『揸凸』。」將樓價期貨化、證券化，就意味可以將「參與樓市」的成本減低，以及潛在享受未來的升幅。有別於樓花，樓花是發展商急於出貨，跟樓客對賭的獨立合約。期貨化的樓價，不只限於個體獨立買賣，而是可以有多個發展商對手做莊家，相對風險低一點。香港作為國際金融中心，明明咁多金融專才，到?家仲未發展到樓價期貨，的確相對落後。因為美國2006年已經成功把Case–Shiller index在Chicago Mercantile Exchange上市去做交易，時至今日，Case–Shiller index已經以此為基礎，再發展成多個指數，參考更多美國城市，有一定認受性和代表性。美國的樓市指數Case–Shiller index，是由Karl Case和Robert Shiller編制而命名。順帶一提，學者對於編制指數有特殊喜愛，因為學者就像一個門派的掌門人，個個也想自己的學說、武功可以傳世。學問難掌握，但用自己名整個指數出嚟就好易入屋，正如未必個個識詠春的六點半棍、標指、八斬刀點打，但肯定大把人聽過葉問的大名。看來，徐教授是有心人，想做下一個樓價指數的葉問。反觀香港，講到指數就必定係講中原樓市指數，但中原樓市指數的代表性不足。中原城市指數（CCI）以土地註冊署正式買賣紀錄來計算，一般買賣合約要6個星期後才呈上田土廳，這兒有滯後。至於中原城市領先指數（CCL）只根據中原地產代理上報的成交，香港咁多地產代理，一個大的代理商不能反映整個市場的佔份，sample size不足。另一個問題是比較統計技術性，一般show畀公眾睇得到的指數公式計算跟真實計法都有一定出入，即使股市的恆生指數也是這樣，因為編制指數是要混入一點機率分佈（Probability distribution）模型去計smoothing factor，因為統計會有outlier，指數會有噪音（noise），smoothing factor是用來「河蟹」這些統計上的偏差，「拉勻」條指數，睇落無咁波動。只是辣招凍結了樓市成交，個別的大價成交可能主導了整體指數的佔份，這些smoothing factor的反映可能跟現實有很大落差，也變相令到整個機率模型很操控性，無咁公平。搞樓價期貨，有很多技術困難。最大困難是要搞一個公平，而且有廣泛代表性的樓價指數。只要搞好這一門，第二個煩惱就是找人做「莊家」。香港很遺憾，雖然金融、經濟人才咁多，但連第一個困難都搞唔掂，睇怕未來十年，都唔會有可能搞得掂。結論係，樓價可能繼續升，青年繼續做廢青，因為我哋無辦法食正樓市大升那條水。渾水
http://www.facebook.com/muddydirtywater
來源:
http://hk.apple.nextmedia.com/financeestate/art/20170416/19991328
摸魚手札：錯解空置率會令樓市行歪路
1 :
GS(14)@2017-04-30 15:17:33有一位有意參選的年輕朋友向我請教金融和經濟政策，少不免要講樓市方針，他很堅持空置稅係其中一個有效調節樓價的方式。香港的政治訓練，是沿用西方政治哲學一套，由柏拉圖理想國，到盧梭契約論，再講到約翰羅爾斯的正義論等，其底蘊都係迷信若干資源有限度再分配，係走向烏托邦的道路。現在的我不是一個很好辯的人，講的不及我寫的。所以，我希望透過寫點文章，以理服人。空置稅的推行不是意識形態的爭論，反而係要實證睇數據。關於空置率、落成量和樓價的資料，大家都係必睇差餉物業估價署的《香港物業報告》。雖然係同一份數據，不過把玩和詮釋數據的能力，往往分了高手低手，社會科學和經濟學的訓練會在這兒見到功架。空置率的意義往往被胡亂演譯，自2012年起，香港私人住宅所有單位的空置率由2012年的4.3%已降到2016年的3.8%，每年遞減，不過同期的樓價相信不用多講，無論你用甚麼指數或指標，都係講明一個上升的趨勢，所以空置率和樓價的關係並不明顯。政客可能錯解空置率是樓價上升的「原因」，事實上空置率係越來越低，反倒是反映了供應不足的「結果」。空置率和失業率的解讀有相同之處，就是有自然（natural rate）這個經濟學概念，地球上係冇一個經濟體會出現絕對係「零」的失業率，因為勞動市場有磨擦性（frictional）和結構（structural）的問題，即係轉工、搵工有資訊問題之類。空置率亦一樣，因為交吉要時間、租客搵盤又要時間，而且根據官方的定義，原來裝修緊的單位都計落空置率，所以點都會有一部份「自然」的空置率存在。至於空置率的高低，很視乎你用乜dimenson去睇，如果要做經濟體之間的數據比較，可能要交畀團結香港基金班中大經濟系資優生師兄處理，佢哋永遠有極度出人意表的建議。若把私人住宅的空置率以單位大細去睇，細單位的空置率跟上份所講的總單位睇齊，差異不大，長期「保三」，不足4%；但去到大單位，差異就非常大，可以到7%-10%。如果堅持要推行空置稅，持有大單位的業主，理論上是痛過小單位，不過這要視乎政府如何取捨自身的政策目標，收空置稅可能會出現大單位業主和小單位業主之間的財富再分配，講到要幫年輕人上車，卻係無用，始終增加供應才是王道。如果空置率概念都未搞掂，那就不用再講空置稅。因為這是實證問題，實證的處理係要睇理論和數據。至於空置稅有乜問題，可能要下一次再講囉。渾水
http://www.facebook.com/muddydirtywater
來源:
http://hk.apple.nextmedia.com/financeestate/art/20170430/20006036
摸魚手札：租務易出術 空置稅無用
1 :
GS(14)@2017-05-07 15:23:16上星期提過一些空置率數據的演繹方式，剛好多倫多市長就有意提出了空置稅，那是因為參考了溫哥華的「成功」例子。今屆當選的議員中，不少有左翼的傾向，好像主張土地正義分配的朱凱廸和姚松炎是支持空置稅的中堅，體制外我印象中林超英也講過支持設立空置稅之類的言論，假若這個議題要推上立法會討論，相信必然會提及加拿大這個例子。國情不同，加拿大的例子未必可以一概而論，因為加拿大空置率比香港高，而香港的私人物業當中，私人住宅的空置稅是低中之低，只有商用和工用的單位才算比較高。如果要做到財富分配，搞私人住宅無用，推完空置稅都唔會增加供應，年輕人上車的難度不會下降。若從產權理論角度去睇，處理租務市場的交易費用，比直接買賣物業更高和更複雜。買樓只是一買一賣，涉及買賣雙方的完整業權交收，非常清楚簡單，出「蠱惑」的空間唔夠大。即使近年物業針對市場的辣招而出「蠱惑」，最叻都只係想到以公司方式買賣或者「一簽多伙」等，玩唔到其他花款，所以只要梁振英、陳茂波出來講幾句封了這些蠱惑招，物業玩家就無符了。租務市場的業權相對係複雜少少，因為放租在產權角度只係代表業主放棄了若干「使用權」而換來「租金收入」，事實上擁有權還在業主身上，例如業主可以把物業抵押，換來貸款；如果連租約去抵押，個租客又剛好係大品牌，分分鐘抵押個terms會更好㖭。因為租務合作的產權較outright買賣複雜，所以出蠱惑的空間就更大，又或者執行的難度就更高。
因為呢個產權上的差異，如果政府要出辣招搞物業市場，搞買賣市場係會比搞租務市場更簡單和容易。近年的辣招主力是針對買賣市場，而非租務市場，就係因為執行辣招和監察成本過高。如果政府要推行空置稅，那政府就要干預租務市場。首先要嚴謹定義何謂空置？以現在的官方定義，正在裝修的物業也是空置。假如業主要長期去旅行又或正在接受治療而住院，那又如何定義？申請呢類豁免又有行政麻煩。執行禁煙要控煙辦，以現在香港龐大的物業市場，睇怕要搞空置稅辦，用「城管」的方式抽樣突擊，成本不菲。除此之外，你可能會想像到更多奇怪的操作，例如為了避稅，業主會以「一蚊」月租租給家人、友好。總之，租務市場複雜，你有張良計，玩家就有過牆梯，空置稅的執行成本太高，不化算。渾水
http://www.facebook.com/muddydirtywater
來源:
http://hk.apple.nextmedia.com/financeestate/art/20170507/20013004
操盤手札記：銀髮概念有得諗
1 :
GS(14)@2017-05-13 02:03:22港股上演屠熊記！日前市傳國家隊為一帶一路峯會護盤，好友借勢大挾淡倉，兩日共91隻熊證打靶，相當於近5,100張對沖期指，一地熊血！恒指昨日突破25000關，大市已連續兩日收於前浪頂之上，睇多一日係咪企穩，就知係真突破定假突破。內地金融去槓桿，成為A股緊箍咒。A股受壓，港股會被拖後腿，皆因中資股佔港股市值六成。A股短期難以轉勢，想買優質H股宜有耐心，不急撈底。另外，可留意3月底年結嘅公司，下月會派成績表。對於內地金融去槓桿，《華爾街日報》認為「有利於中國經濟長期健康發展」。經濟健康當然重要，身體健康更加重要！根據彭博全球健康指數，喺163個國家中，意大利居首，新生嬰兒平均預期壽命超過80歲。至於向來以長壽見稱嘅日本則排名第七，中國就排第55位。雖然排名無提及香港，但根據衞生署嘅2016年臨時數據，男性出生時平均預期壽命係81.3歲，女性係87.3歲。換言之，港人係全世界最長壽！點解港人會咁長命？怕死囉！怕死自然會注意飲食、重視體檢等。其實現今醫學昌明，人越嚟越長命，全世界都面對人口老化問題，但人口老化亦帶嚟銀髮商機。市場上嘅銀髮族概念股，主要針對生老病死中嘅老病死，包括保健、養老、醫療、復康、墓園等；不過，亦有針對衣食住行嘅，以飲食股為例，中式快餐兩大巨頭大家樂（341）、大快活（052），近年就鬥推健康餐；大快活更自2014年起推出長者優惠。大快活係3月底年結嘅公司，往年業績撼贏大家樂、翠華（1314），今年拭目以待。隨着集團加強成本控制，加上本地續租租金升幅放緩，未來又會增加分店，盈利有望穩健增長。大快活現價32.65元，PE20.6倍，息率4.1厘。走勢上，呈現頭肩底向上突破，股價升穿頸線，不妨留意。割柑人本欄逢周四刊出
來源:
http://hk.apple.nextmedia.com/financeestate/art/20170511/20017331
摸魚手札：金管局出招，加快紅資地產統戰
1 :
GS(14)@2017-05-14 10:45:03金管局出招，針對高槓桿高價購地的操作，包括限制認可機構向地產商提高購地的融資上限，融資貸款比率將下調至地價成本的40%和建築成本的80%。同時要求認可機構對提供高成數按揭地產發展商的信用風險承擔預留充足資本，若發展商向置業人士提供按揭貸款，將影響認可機構的信用評級。這些招數一出，傳媒和公眾的解讀係打擊高價買地、打壓樓市之類。反而，我第一個想法唔係預測樓價、樓市的未來走勢，而係覺得香港發展商的規管倒是有點像銀行一樣越搞越複雜。銀行也會講桿杆，睇資本充足比率，那是因應巴塞爾條約（Basel）的要求，所以好多風險管理、內部控制（Internal Control）和法規的專才需求就應運而生。如果大氣候係加強地產的風險控制，睇怕呢類專才或地產分析員會越來越吃香，某程度上都係「破窗理論」的含意，多謝政府養活一班專才。金管局背後的經濟思維不容推測，大家都可能直覺地認為金管局想調控樓價，但我看這未必是金管局的動機。如果減低融資貸款比率，即係意味地產商起樓的成本上升，麵粉貴了，少了潛在供應理論上會谷高麵包價格，這是簡單的供求原理，所以樓價未必會低。從融資的成本結構去睇，金管局出招是不利最本土的香港發展商，反而變相益了紅色資本。香港發展商要起樓，融資都係會搵返香港的銀行，所以金管局出招，香港地產商無運行，這不難理解。但紅色資本要起樓，係唔需要香港的銀行融資支持，有國家隊、大陸水優惠低息支持下，紅色地產商本身已經肥到着唔到襪，佢哋起樓最大的麻煩唔係「融資成本」，而係「走資成本」，因為錢在內地，不易走出來。不過，最近海航做了一個很好的示範，買了咁多隻殼終於發揮作用，走資買樓，原來係可以透過上市地位進行。海航約兩年前買了香港國際建設（687），為了集資去找啟德投地74.4億條大數，香港國際建設決定以溢價供股「一供二」，由海航旗下的子公司主力海航子公司HNA Finance I和建銀包銷。換言之，透過一隻殼，供股包銷自己旗下的股票，海航就已經成功把錢在內地搬出來。即係話，金管局呢招對紅色資本無效，已經被破解了。在香港買殼的紅色資本，何止海航？自從2012年起的內房買殼潮，有心幫內地統戰或走資，又有不錯實力的紅色資本都已經在香港買了殼，落了釘。必要時，就可以學海航咁大舉轉移資金買地，使鬼你香港銀行幫手融資咩？內地大把水啦。所以金管局呢招的客觀效果係打瓜作為紅色資本主要投地競爭對手的香港地產商，加快紅色資本融合香港地產市場，加快清洗香港太平地和地產統戰。果然，林鄭一上場，就開始做嘢。另一招打擊地產商向置業人士提供按揭貸款都值得講兩句，呢招的本質係減少當樓價大跌時的潛在負資產，對打擊樓價係無礙。所以我唔覺得金管局出招係純係為了調控樓價，反而更像是為了加快赤化統戰，以及當樓價大跌時，減少傷亡和陣痛。記住，唔代表唔痛喎，只係無咁痛而已。渾水
http://www.facebook.com/muddydirtywater
來源:
http://hk.apple.nextmedia.com/financeestate/art/20170514/20020411
摸魚手札：丘處機連累中國無法富強？
1 :
GS(14)@2017-05-21 13:13:51繼《人民的名義》中的「三季酒店望北樓」暗諷肖建華後，霎時好像很多內地劇集都成為港人關注焦點，例如那套搵三哥做黃藥師的新《射雕英雄傳》。由於本人不夠愛國的關係，暫時只死追《Prison Break》這套美劇，因為很有代入感，我也想逃離香港殘酷的政治現實。總之，唔知點解，射雕很紅，連帶有一些趣怪潮文也紅了起來。其中一篇潮文講述如果丘處機沒有到牛家村碰上郭嘯天和楊鐵心，中國將是最發達的國家。推理方式是後置和無限上綱上線，我擇幾個重點去講。假如丘處機不入牛家村，郭、楊兩家以後不會受到牽連。那麼郭靖及其阿媽就唔會去蒙古，沒有郭靖和七怪相助，鐵木真就會死在扎木合他們手裏。那麼蒙古就不會統一，大宋就會一路富強起來。同時，火藥武器也就不會因蒙古來犯而傳入歐洲，歐洲繼續維持中世紀的黑暗時期，文藝復興byebye。然後，中國就會一路強下去，因為西方的科技沒有被啟蒙，自然也沒有大航海時代、工業革命等，中國人將會一統宇宙，當奴侵會幫習大大擦鞋。當然，呢類邏輯是不合情理，只供玩味，因為你可以再後置無限步，將「假如丘處機沒有到牛家村」後置到「假如丘處機祖父沒有把丘處機母親生下來」，那也是合理啊。唯一一樣東西是正確，就是在徽、欽二宗被擄之前的宋朝，國力和經濟實力已是世界上最高?。即使遷都後的南宋，人民生活還是很好，只是因為國庫加多了軍費開支部份。這篇有關丘處機的潮文，當中滲了蝴蝶理論和混沌理論的基本理念，即係初始條件的細微變化，會釀成重大事件的發生。一隻蝴蝶在巴西扇動翅膀，有可能會在美國的德克薩斯引起一場龍捲風。中文的相對類近意思叫做「差之毫厘，謬之千里」，這套理念往往被用來解釋重大的金融現象。比方說，2008年的金融風暴是來自次按爆破，次按爆破是因為次級按揭產品被證券化，然後過度向客人或世界推銷。再無限後置的話，會找到源頭是來自所羅門兄弟分析員的最初構想。這就是蝴蝶效應的沙盤推演。又例如2012年環球很害怕Libor利率操控案，因為無數的金融資產，例如Swap、借錢利率的高低、債券定價的基石，都是來以Libor的基率作參考。Libor高0.01%，已經足以影響無數產品的定價，甚至可以將贏錢變輸錢，所以蝴蝶效應的推演工夫在此體現。至於明明同一套蝴蝶效應理念，點解套用落丘處機潮文會俾人笑，但卻會被評論員和分析員合理化去解釋金融現象？可能是表達方式的問題，以及對初始條件的掌握是否充份。我也不知真正答案，可能哲學入面的現象學對呢類問題會有答案。渾水
http://www.facebook.com/muddydirtywater
來源:
http://hk.apple.nextmedia.com/financeestate/art/20170521/20027787
摸魚手札：任志剛暗示樓價同股價一起跌
1 :
GS(14)@2017-05-28 10:33:29如果一邊品嚐花之戀，再一邊滑動手機看藝人羅仲謙如何跟市民一起血戰海之戀，相信會係一個幾相映成趣的畫面。海之戀這個名改得好唔好，我唔知；但肯定的是，誠哥賣樓賣得不錯，因為截稿前已售出148伙，貼近誠哥集團的銷售目標，更厲害是萬人空巷，排隊的人絡繹不絕，這才叫誇張。講到樓市瘋狂，不知多少金融人流晒口水，因為香港的購買力都去了樓市新盤，無人炒股票，而且個個搶住畀錢，一出盤就套現過百億。這個吞吐量，不是開玩笑的。樓市升升跌跌很難講，唯獨有兩個人的講話，很有意思。樓神趙國雄的講法係：「買賣情況似97，但不見有泡沫。」我第一個意念是，這句話不太老實，但趙國雄是商人，靠賣樓賺錢的他總不能說樓市不行，而且今次賣樓成績如此好，難免意氣風發，不小心把「97」這個尷尬字說了出來。1997年是公認的股樓泡沫，香港中產聽到「97」，心頭難免要驚一下，大家怕高位摸頂。既然情況似97，又怎能斷言這不是一個泡沫。雖然好像97那種「排隊黨」、「篤手指摸樓」的操作不見了，但那個購買力的瘋狂氣息依然一樣，非常相似。掉轉頭，任志剛卻和趙國雄打對台：「過去20年經歷過兩次金融危機，分別是1997至1998年，以及2007至2008年，兩者相距大約10年，現時距離上次危機剛好10年，若發生新一次金融危機，規模會比以往更大更嚴重。」任志剛的講話比較誠懇一點，因為離開了官位，無太大的既得利益和包袱。有官位在身時，如果太深入討論資產價格，會釀成政治風波，這是中外財金官員的政治共識。好比格林斯潘，一離開聯儲局後，就常常提醒別人資產泡沫。格老和任總，都在彈相同的調兒。任總的講法係老調重彈，除了「十年一災」的迷信外，任總的論據還包括華爾街的炒賣文化未減，以及量化寬鬆令游資過多。97、98一役是股樓大跌、實體經濟也有傷害，香港進入了長期的衰退，唯獨貨幣不跌。07、08固然傷了股票，但相對很快就復原起來，樓市則只像被蚊子咬了一下，不痛不癢，實體經濟還是靠資產升值的財富效應去支撐，過幾年又無事了。同樣，貨幣也是健全。如果今次要比以上兩次更勁，本質上就暗示了樓價、實體經濟要跟住大跌，但除此之外，跌了咁多東西，還有甚麼東西可以再跌？想來想去，就只有貨幣未崩潰。任總這次講話，是暗示未來有政治危機和貨幣信心問題嗎？這有待觀察了。渾水
http://www.facebook.com/muddydirtywater
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170528/20035871
操盤手札記：信股神吼比亞迪
1 :
GS(14)@2017-06-10 13:07:54好佬怕爛佬，爛佬怕潑婦，上市公司就怕沽空機構！舊年12月中至今，6個月內已有7隻港股被狙擊，包括輝山（6863）、全通（633）、宏橋（1378）、豐盛（607）、瑞聲（2018）、科通（400），以及最新中伏嘅敏華（1999）。沽空機構專揀市值過百億嘅民企落手，一來民企財務報表易有破綻；二來以市值計，一日跌幾成，賬面就縮水幾十億，可以短時間賺大錢！喺超級星期四前夕，港股高位整固，跌22點，收25974，二萬六關再次得而復失。港股市底仍強，後市若能企穩二萬六關，有望挑戰技術阻力位26155；短線支持位仍睇10天線，守穩則升勢仍在。超級星期四有英國大選、歐洲央行議息、美國FBI前局長國會作證，小心！今年以嚟，環球資金集中追捧科技股。美股方面，反映科技股走勢嘅納指累升16.57%，遠遠跑贏標指嘅8.51%及道指嘅6.95%升幅。至於港股，恒生資訊科技業指數更累升36.08%，大幅拋離恒指嘅18.06%升幅，當中騰訊（700）升幅高達44.27%！跟開科技股嘅，不難發現一個有趣現象，就係近年科技股愛上汽車！除咗Google、百度先後開發無人駕駛汽車，阿里巴巴亦夥拍吉利（175）搞汽車產業智能化；騰訊則入股電動車製造商NextEV、Future Mobility及Tesla。BAT全愛汽車！汽車股本來係強勢股，但近日受吉利、長汽（2333）5月銷量放緩拖累而掉頭，其實汽車股舊年銷量激增，喺提前消耗購買力之下，今年銷量放緩係意料中事。中國建投早前發佈報告指，儘管今年新能源汽車補貼比例下降，但長期嚟睇，汽車新能源化係大勢所趨。新能源汽車龍頭係比亞迪（1211），麥格理預期該公司新能源汽車銷售比重將由舊年嘅22%提升至2019年嘅51%。比亞迪係股神畢菲特現時手上唯一嘅中資股，信股神眼光，不妨留意吓。該股現價46.85元，走勢上，呈現區域突破及三角突破。割柑人本欄逢周四刊出
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170608/20048018
Next Page