📖 ZKIZ Archives

【馮仁昭四圍超】陳柏宇撲飛輸畀女友

1 : GS(14)@2016-06-06 02:54:51

陳柏宇（右）同林奕匡噚日喺觀塘為「一起唱音樂會」綵排，佢哋話演唱會好有心思同精彩，不過啲飛畀佢哋女朋友搶晒，陳柏宇話好辛苦先搶到兩張。講到會唔會對唱情歌：「一齊唱都有嘅，但係唱失意情歌都好尷尬，兩個分別唱失戀嘅感情啦。」會唔會深情對望hehe一下？陳柏宇就話：「都幾難，尤其唱到啲你、我呢啲字眼，盡量要望向出面。」林奕匡就話最緊要係望得舒服。撰文：馮仁昭





來源: http://hk.apple.nextmedia.com/entertainment/art/20160603/19638609
PermaLink: https://articles.zkiz.com/?id=301824

馮仁昭四圍超：頂唔順老外換畫袁嘉敏密會金融猛人

1 : GS(14)@2016-06-06 03:03:12

■Candy同金融猛人謝昭平食飯好好傾，食完飯仲一齊落咗老蘭。《壹週刊》圖片








行開性感嘅袁嘉敏（Candy）舊年10月同老外男友Kenneth拍拖，噚日就有報道指女方上月頭已飛甩對方，並指二人從來冇性關係。Candy噚日受訪承認此事，佢話舊愛鍾意當街攬住錫錫，因為咁就出事：「咁條街有人認得我，有次途人攞部電話錄低條片擺上微信。」
Candy又嘆佢一有新聞出街就會同舊愛嘈交：「佢覺得自己係生意人，每次見到報紙雜誌有我哋合照，好緊張叫人繙譯，當佢知報道唔係100%描述得佢啱嘅時候就會好嬲，每次同佢解釋都令到我好攰！」Candy自言保守，同舊愛關係只限攬錫：「我呢方面比較傳統，真係覺得穩定嘅，先會有進一步，我下次揀男友一定揀亞洲人，等訂婚嗰陣先會對外公佈。」甩拖冇耐Candy就被影到同金融界猛人謝昭平撐枱腳，佢就話只係朋友否認戀情。問對方有冇家室？Candy表示：「做朋友唔會問人家庭狀況，不過知佢有小朋友。」



■Candy唔慣Kenneth太熱情，逼於無奈分手。資料圖片

■Candy噚晚又盛裝出動，去咗太古廣場食飯。



再盛裝食飯

噚晚7點45分左右，Candy着得靚靚喺舊山頂道住所離開步出，佢似乎佳人有約，一早已call定的士，所以一落樓就即上車，直駛太古廣場嘅Upper House，佢一入去就問bellboy餐廳位置，之後就上電梯直入餐廳，唔知着得咁靚約咗邊個呢？撰文：馮仁昭





來源: http://hk.apple.nextmedia.com/entertainment/art/20160602/19637096
PermaLink: https://articles.zkiz.com/?id=301950

馮仁昭四圍超：妍希生日男友送玫瑰

1 : GS(14)@2016-06-06 03:03:14

互聯網圖片








陳妍希前日33歲生日，下個月就係佢同未婚夫陳曉大婚嘅日子，所以今次係妍希最後一個單身生日喇！妍希BB生日仍然要開工，所以一班好友專登去北京同佢慶祝，陳曉當然有出現啦！噚日凌晨妍希BB喺Instagram晒幸福，見佢除咗收到水果生日蛋糕，又收到一大束紅玫瑰，妍希BB仲挨住陳曉頭貼頭影相，佢合埋眼個樣勁明顯冧，最後就留言：「生日快樂，你的我。」撰文：馮仁昭





來源: http://hk.apple.nextmedia.com/entertainment/art/20160602/19637099
PermaLink: https://articles.zkiz.com/?id=301957

馮仁昭四圍超：朱慧敏賣樓唔識投資

1 : GS(14)@2016-06-06 03:03:20

朱慧敏噚日接受港台節目《新紫荊廣場》訪問，大講理財心得，佢話出身自小康之家，婆婆做出入口貿易生意，細個同屋企人拜年有15,000蚊利是。朱慧敏又透露自己好早已有樓揸手，皆因佢母親48歲因乳癌過身，留低咗一個當時值500萬嘅銅鑼灣單位畀佢，不過佢唔想住喺嗰度以免觸景傷情，所以先賣咗層樓。朱慧敏覺得後悔當年冇用呢筆錢再投資買樓，長大之後先有投資概念投資冰室生意。撰文：馮仁昭





來源: http://hk.apple.nextmedia.com/entertainment/art/20160602/19637102
PermaLink: https://articles.zkiz.com/?id=301969

馮仁昭四圍超：香香加國探大肚嘉欣

1 : GS(14)@2016-06-06 03:03:20

岑麗香同高以翔噚日喺中環出席溫哥華一個住宅項目發佈會，香香話早排返溫哥華探親，都有探大肚鍾嘉欣，佢話嘉欣已見肚，但唔肯透露呢胎係仔定女。講到佢早前喺大坑泊車要朋友幫手睇位，又用手機影低兩車距離同車牌，香香話：「喺溫哥華我手車唔錯，但香港啲人好辣，我學得慢。影相係想保護對方，我小心得滯。」另外，高以翔話早排已經買樓，希望搵到女主人。撰文：馮仁昭





來源: http://hk.apple.nextmedia.com/entertainment/art/20160602/19637105
PermaLink: https://articles.zkiz.com/?id=301972

馮仁昭四圍超：許鞍華任金馬評審主席

1 : GS(14)@2016-06-06 03:03:21

第53屆金馬獎頒獎禮將於11月26號喺台北舉行，香港導演許鞍華就出任呢屆嘅評審團主席，佢表示可以為金馬獎出一分力覺得好榮幸。1979年許鞍華首部執導電影《瘋劫》，獲提名第17屆金馬獎最佳導演，電影女主角就係現任金馬獎主席張艾嘉，佢笑話：「張姊叫到，不敢不從。」許鞍華以《千言萬語》、《桃姐》、《黃金時代》得過3次金馬最佳導演獎，同李行、杜琪峯、侯孝賢並列獲獎紀錄保持者。撰文：馮仁昭





來源: http://hk.apple.nextmedia.com/entertainment/art/20160602/19637108
PermaLink: https://articles.zkiz.com/?id=301973

馮仁昭四圍超：B .Gs渴望踩入紅館

1 : GS(14)@2016-06-06 03:03:21

女子組合B.Gs前晚喺旺角舉行首張專輯《B for B.Gs》簽唱會，五位成員周汶希（Jovi）、唐菲（Toffee）、霍柔心（Riley）、鄒莉盈（Ceci）、方堯（Yona）全數出席，有過百fans捧場。問到會否以Super Girls做假想敵？Ceci話：「呢行冇假想敵，最重要百花齊放。」講到FFx之前喺旺角開騷得300人捧場，B.Gs話：「目標係紅館，唔介意由細場做起。」撰文：馮仁昭





來源: http://hk.apple.nextmedia.com/entertainment/art/20160602/19637113
PermaLink: https://articles.zkiz.com/?id=301974

馮仁昭四圍超：王大陸約新女食日本菜

1 : GS(14)@2016-06-06 03:03:21

王大陸最近傳出撻着內地女星金晨，兩人喺橫店被影到嘆日本菜，撐完枱腳後就一齊返酒店，而為咗避嫌，王大陸先落車自己行入酒店，過咗陣金晨先落車，仲帶咗個助理做擋箭牌。


金晨


之前內地男星汪汐潮喺微博貼過朋友飯局相，就見到王大陸同金晨企埋一齊。而王大陸經理人噚日回覆話，王大陸同金晨喺橫店拍戲先約埋去吃飯，同場仲有金晨助手，食完各自返酒店。撰文：馮仁昭





來源: http://hk.apple.nextmedia.com/entertainment/art/20160602/19637117
PermaLink: https://articles.zkiz.com/?id=301975

馮仁昭四圍超：Juno執導搵番自我

1 : GS(14)@2016-06-06 03:03:22

麥浚龍（Juno）最近為護膚品牌拍宣傳短片，佢受訪時提起第一年參加頒獎禮：「當時喺台上，我感受到全場唔係拍掌、歡呼，而係噓聲，感覺觀眾想我死。」
Juno覺得跌落人生最低點，跟住變到唔識同人相處：「我希望透過創作音樂同電影，搵番自我。」終於喺2012年執導電影《殭屍》贏得口碑，事隔4年佢準備開新戲《風林火山》，Juno自豪咁話：「命運係自己創造。」撰文：馮仁昭





來源: http://hk.apple.nextmedia.com/entertainment/art/20160602/19637122
PermaLink: https://articles.zkiz.com/?id=301976

馮仁昭四圍超：As One想學FFx開騷

1 : GS(14)@2016-06-06 03:03:21

女子組合As One噚日到商台宣傳新歌，佢哋話出道4年未開過騷，有意喺今年8月開小型音樂會，原因竟然關FFx事：「連FFx都開咗啦！幾百人都好好，佢哋係個場太大啫！我哋到時會揀個細啲嘅場。」問到會唔會請嘉賓？Shin就話好想搵偶像歐陽靖，為咗引起對方注意，佢好似小粉絲喺Instagram咁狂like對方嘅相，不過歐陽靖就完全冇理過佢。撰文：馮仁昭





來源: http://hk.apple.nextmedia.com/entertainment/art/20160602/19637119
PermaLink: https://articles.zkiz.com/?id=301977
Next Page
ZKIZ Archives @ 2019