📖 ZKIZ Archives

【馮仁昭四圍超】生日兼出道一周年盤菜瑩子：有啲驚

1 : GS(14)@2016-06-20 05:45:22

■盤菜瑩子得到第一個廣告做生日禮物仲
PermaLink: https://articles.zkiz.com/?id=302253

【馮仁昭四圍超】Lee Ann回歸做女模

1 : GS(14)@2016-06-20 05:45:25

曾同黎明拍過電訊廣告、爆過金句「我係唔係好任性」嘅中法混血模特兒Lee Ann（李鞍），嚟緊會返香港做模特兒。留喺法國多年發展嘅佢已經係兒童心理學家，仲結埋婚生咗兩個女，最近佢就開咗Ig，貼咗唔少佢復出做模特兒同兩個囡囡Sari同Lyla生活照。Lee Ann已經35歲，做咗人妻同人母，個樣就成熟咗唔少，告別晒佢當日出道嘅「任性」氣質。撰文：馮仁昭





來源: http://hk.apple.nextmedia.com/entertainment/art/20160620/19660903
PermaLink: https://articles.zkiz.com/?id=302263

【馮仁昭四圍超】葉家寶講走狗激動

1 : GS(14)@2016-06-20 05:45:25

葉家寶噚日喺灣仔三聯書店舉行分享會，圈中好友包括黃夏蕙、宮雪花（右）、施熙瑜以及前亞視暖男黃守東都有到場支持，花姨仲着住黑色低胸裝現身。家寶喺分享會度重提自己俾亞視股東蔡衍明話佢係王征嘅走狗，話當日自己表面平靜，但內心就好激動，所以即刻叫人幫佢搵走狗嘅典故同出處，佢又話當日蔡先生話會畀錢啲可憐人，即係亞視員工，但最後佢都係畀唔到出嚟。撰文：馮仁昭





來源: http://hk.apple.nextmedia.com/entertainment/art/20160620/19660907
PermaLink: https://articles.zkiz.com/?id=302264

【馮仁昭四圍超】Bob嫌頭髮太熱

1 : GS(14)@2016-06-20 05:45:26

林盛斌（Bob）同江美儀噚日到銅鑼灣宣傳電影《綁架丁丁當》，即場親手調製同試飲「訂情鹹檸七」，不過佢哋落檸檬汁時太重手，試飲後齊聲大叫：「嘩！咁鹹嘅！」講到佢哋喺戲入面有學生造型，江美儀話：「都開心㗎！好似返番去學生時代咁。」阿Bob就笑話唔係太習慣自己個Bob頭造型：「原來有頭髮都幾熱㗎！」撰文：馮仁昭





來源: http://hk.apple.nextmedia.com/entertainment/art/20160620/19660910
PermaLink: https://articles.zkiz.com/?id=302265

【馮仁昭四圍超】郭思琳見識爆炸肌

1 : GS(14)@2016-06-20 05:45:26

格鬥女郭思琳噚日到鑽石山荷里活廣場為街頭健身世界盃香港站擔任最佳表演獎評判，即場攀到欄上提腿鍛煉，又同健碩男吳雲甫做出互相重叠平板支撐動作。見到咁多勁量大隻仔表演，清楚睇到肌肉蠕動，令思琳大飽眼福，大讚班男士爆炸力驚人，自己睇到好投入。自從操肌之後，思琳嘅品味都由從前鍾意肚腩男士覺得好攬啲，轉為鍾意健碩型男。撰文：馮仁昭





來源: http://hk.apple.nextmedia.com/entertainment/art/20160620/19660914
PermaLink: https://articles.zkiz.com/?id=302266

【馮仁昭四圍超】Faith公司追討損失

1 : GS(14)@2016-06-20 05:45:26

MK Pop組合Faith所屬嘅「我的創意製作」負責人黃振忠（Percy），噚日就成員鄧鈞耀（Dawn）早排因私自接Job、失場、經常post半裸照上社交網，影響形象踢出局一事，帶埋曾鴻禧、蔡子軒、男臣BB梁家榮導演、姚嘉兒喺荔枝角開記招，同場發聲明總括係暫時仍然未同Dawn解約，但會向Dawn追討違約損失，其餘問題交畀律師處理。撰文：馮仁昭





來源: http://hk.apple.nextmedia.com/entertainment/art/20160620/19660917
PermaLink: https://articles.zkiz.com/?id=302267

【馮仁昭四圍超】艾美琦33C鬆鬆哋

1 : GS(14)@2016-06-20 05:45:26

艾美琦噚日以超性感美人魚look，喺旺角行人專用區為髮型產品宣傳，佢要被淋濕頭髮，仲引嚟大批男士影相。擁有33C上圍嘅艾美琦，件衫似乎唔太合身，佢話：「大會以為我虎背熊腰，所以買大咗，不過我有打底貼膠紙。」提到有好多男士影相，佢話：「係呀，但佢哋好好人，會提我走光。」影完相先提佢走光？艾美琦竟然答「係」。覺唔覺尷尬？佢話：「唔尷尬，除都得，電影都拍過。」撰文：馮仁昭





來源: http://hk.apple.nextmedia.com/entertainment/art/20160620/19660919
PermaLink: https://articles.zkiz.com/?id=302268

【馮仁昭四圍超】港姐複試最細19歲

1 : GS(14)@2016-06-21 07:39:07

無綫港姐選美又開始喇！噚日進行面試複試，75人中質素、水平明顯比首輪面試正常啲，年紀最細有19歲、讀心理學嘅龍小姐（圖），其中更有麥明詩個UCL倫敦大學畢業嘅朋友張寶兒，勝在樣子夠甜美，笑容夠殺食。其他仲有喺英國畢業、現時任職會計師嘅Jacqueline，佢話平時去旅行都會影吓泳衣相，唔擔心被起底。但當中亦出現虎背熊腰抓舉女、白裙花環女、金髮肉女！撰文：馮仁昭





來源: http://hk.apple.nextmedia.com/entertainment/art/20160621/19662538
PermaLink: https://articles.zkiz.com/?id=302383

【馮仁昭四圍超】「一個人去食雲吞麵」麻利復工重返正軌

1 : GS(14)@2016-06-21 07:39:10

■麻利噚日坦言感到難受，覺得累咗其他人，大家都好無辜。








迷戀商台DJ鄧慧妍（麻利）嘅27歲陳姓的士司機，上周一晚喺九龍城茶餐廳打傷商台三個男DJ，當中包括甩骹兼穿頭嘅唐劍康（當奴），陳姓的士司機最後連人帶車失蹤44小時後被捕，而休息咗一星期嘅麻利噚日正式復工仲同傳媒見面，着住民族裙嘅麻利睇嚟精神奕奕。麻利話案件已進入司法程序，所以唔方便講太多。問佢而家仲會唔會好驚？佢話：「唔驚喇！因為知道佢喺邊度，而家有相熟司機車我。」雖然已經唔再驚，但麻利諗番件事仲有心寒感覺，又話初初怕講出嚟冇人理，後來知道好多人有相同經歷。佢話：「有事真係要講出嚟，唔可以自己啃晒，之前會驚人哋覺得自己唔係高，又唔係好受歡迎同生得靚，但其實呢啲事係冇原因，好多謝同事之前陪我同信任。」今次當奴遇襲受傷，麻利坦言感到難受，覺得累咗其他人，因為大家都好無辜。問佢有冇叫公司加強保安？麻利就讚保安已經好好，佢每次離開電台都會幫佢先睇睇有冇可疑車輛。麻利又笑話而家自己一個人去食雲吞麵，都俾同事話佢大膽，佢笑說：「我都要回復正常生活。」



■當奴遇襲受傷後，日前已復工開咪。資料圖片

■森美噚日話遇襲事件後，佢嗰幾日返工都會等埋小儀一齊。



森美：見轉角有人都驚

另外，森美同小儀噚日出席一項慈善義賣活動，森美講開當奴時笑住話：「唯一對佢磨滅唔到嘅係佢喺電視上嘅包頭形象太唔有型，其實佢都驚。」之後佢又話大家嗰幾日都好緊張：「行開行埋見到轉角有人都驚，嗰幾日返工都會等埋小儀，所以影響都大。」佢又話唔知點解地球好多怨恨，希望唔好咁多戾氣。撰文：馮仁昭





來源: http://hk.apple.nextmedia.com/entertainment/art/20160621/19662508
PermaLink: https://articles.zkiz.com/?id=302390

【馮仁昭四圍超】杜琪峯北大揭創作秘密

1 : GS(14)@2016-06-21 07:39:15

杜琪峯前日喺北京大學出席「杜琪峯·北大：三人行必有我師」講座，除咗講吓拍電影《三人行》嘅過程，仲有分享自己嘅電影情懷、人生選擇同偶像情意結等。現場播出林澤秋導演拍嘅《三人行·杜琪峯的銀河創作》紀錄片，講解杜sir同銀河班底嘅創作秘密，仲有播映《三》片兩場重頭戲，就係腦手術同長鏡頭槍戰嘅拍攝過程。另一幕花絮有古天樂同趙薇互相掌摑，觀眾竟然睇到大笑。撰文：馮仁昭





來源: http://hk.apple.nextmedia.com/entertainment/art/20160621/19662512
PermaLink: https://articles.zkiz.com/?id=302401
Next Page
ZKIZ Archives @ 2019