荷包傷元氣 婚禮睇吓點石詠莉個唱 由頭喊到尾
1 :
GS(14)@2016-10-11 08:11:56■石詠莉在處女騷入面，獨唱Freeze時代的《金睛火眼》。
石詠莉（Sukie）前晚在九展Star Hall舉行個人演唱會，Sukie台上三度感觸落淚，演唱會尾聲，她在台上感謝鄧健泓（Patrick）救命之恩，還向對方示愛。Sukie處女騷獲得Patrick的好友支持，嘉賓有孫耀威、盧巧音、甄詠珊及蔣志光。
■Freeze成員之一甄詠珊（左）畀面前隊友石詠莉，擔任其個唱嘉賓又唱又跳。
■石詠莉苦練鋼琴一個月，自彈自唱新歌時感觸爆喊。
■背後的男人鄧健泓完騷時上台，拖實未婚妻石詠莉答謝觀眾。
「失敗令我長大」
穿上一襲紅色貼身露背晚裝出場的Sukie，唱出《聽不到的說話》及《結他低泣時》後，有點眼濕濕：「歡迎大家嚟到自己首次個人演唱會。」講完便落淚。接着出場的嘉賓孫耀威爆Patrick見女友喊，即摺一長心形紙巾，叫他交給Sukie。之後，Sukie自彈自唱《聽聽》，又突然喊起來：「好多嘢冇諗清楚，大個之後先知道好多嘢做得唔好，會令到日後失敗，但我唔怕失敗，失敗會令自己長大。」演唱會尾聲，Sukie在台上再喊，她表示要感謝P先生在懸崖邊救她，又出錢出力支持她唱歌，完成她的夢想。Sukie唱出男友名曲《阿四》，現場播放兩人的生活照和婚紗照，螢幕上更出現「我愛你，阿四」，完騷時，鄧健泓走上台跟Sukie手拖手向觀眾謝幕。
「有色眼鏡睇我」
Sukie在騷後接受訪問，提到三度爆喊：「已經盡量忍住，但係每當講到家人同以前嘅經歷就控制唔到自己，又覺得好感動，因為自資做演唱會係一件好難做到嘅事。」被問到之前不想提前組合Freeze時，她說：「因為以前會有好多好難聽嘅聲音，但而家成熟咗，覺得越過咗困難。」問她是否怕被指整容？她說：「唔單止啦，同埋有好多人用有色眼鏡嚟睇自己，以前淨係想努力唱歌。」對於未有與Patrick合唱，Sukie說：「佢太忙，付出已經太大，佢話如果喺度唱，婚禮就冇驚喜。」兩人明年計劃舉行婚禮：「搞今次演唱會已經元氣（金錢）大傷，要好好療傷先，要埋晒數睇吓點先。」採訪：盧妹攝影：仇志德
來源:
http://hk.apple.nextmedia.com/entertainment/art/20161011/19796715
阿Sam三代谷個唱
1 :
GS(14)@2016-10-13 08:09:38歌神許冠傑（Sam）將於本月尾假紅館舉行3場演唱會，請了何傲兒、糖妹及陳凱彤做Sam女郎，門票已經賣得八八九九，只餘27及28日的少量480元門票讓觀眾搶購，日前阿Sam和兩子拍短片作最後召集，一對孖孫都出動撐爺爺，溫馨爆燈。阿Sam強調絕不加場，錯過今次機會，不知等多久才可再睇歌神開騷。他在短片說：「今次我哋全家喺紅館同大家玩足一晚，包你夠皮，我已經定晒我嘅旅遊大計，騷完就起行，我絕不加場，下次再喺香港同大家見，記得早啲買飛。」之後自彈自唱幾句《學生哥》，三父子齊說：「We are ready，紅館見！」撰文：皓騫
來源:
http://hk.apple.nextmedia.com/entertainment/art/20161013/19798806
【馮仁昭四圍超】阿Sam個唱延續獅子山精神
1 :
GS(14)@2016-10-28 06:24:27現年68歲「歌神」許冠傑（阿Sam）一連3場嘅演唱會，噚晚喺紅館開鑼。頭場吸引食物及衞生局局長高永文、趙雅芝夫婦、戴夢夢同陳奕迅等捧場。阿Sam嘅四面台設計好特別，有棚架同廣告牌，舞台上有街道水龍頭同郵筒等道具，充滿香港懷舊街道特色。8點半準時開騷嘅阿Sam，穿上以獅子山剪影嘅紅白藍長褸、捧着結他自彈自唱，由升降台升上嚟，台邊都圍住經典紅白藍帆布，阿Sam第一首唱出《鐵塔凌雲》，然後係《獅子山下》同《加價熱潮》。
■歌神阿Sam自彈自唱《鐵塔凌雲》，為演唱會揭開序幕。
■阿Sam雖係天主教教徒，但噚晚都有上香同化寶，祈求演出順利。
拜神遲45分鐘
另外，阿Sam都依傳統開騷前喺後台進行拜神，儀式原定6點開始，但就遲咗45分鐘，阿Sam由林建名、糖妹、譚詠麟（阿倫）同何傲兒陪同下出嚟，現場圍觀嘅粉絲好熱情，大叫阿Sam。身為天主教教徒嘅阿Sam都隨俗有上香，之後佢拎住點燃咗嘅衣紙準備化寶，但又分心行去同粉絲握手，工作人員即醒目幫佢拎走衣紙，阿Sam同粉絲握完手後，切埋燒豬，前後十分鐘就返入後台。撰文：馮仁昭
來源:
http://hk.apple.nextmedia.com/entertainment/art/20161028/19814234
朱咪咪明年最後個唱
1 :
GS(14)@2016-11-10 08:02:45朱咪咪昨日在九龍塘出席記者會，透露明年2月3及4日舉行兩場紅館演唱會，並會是最後一次個唱。她解釋因每次個唱都要閉門度橋，又怕觀眾反應不似預期，感到有無形壓力，令她身心疲累，才有如此決定，但強調不是退休。今次個唱朱咪咪原本想找許廷鏗任壓軸嘉賓，可惜對方沒檔期。問她跟深圳一間牙科醫院的代言合約是否已完結？她沒好氣說：「冇簽年期，好似曾江嗰個廣告仲耐過我，佢都冇計，不過我已經出咗信。」提到她早前在微博中發出遲了17天的「國慶節快樂」，她解釋是丈夫擺烏龍。採訪：黃曉妍攝影：葉君海
來源:
http://hk.apple.nextmedia.com/entertainment/art/20161110/19828237
SG患個唱後遺症
1 :
GS(14)@2016-11-17 11:30:40Super Girls（SG）昨日在銅鑼灣為綠色音樂會擔任活動大使，但比原定時間遲了20分鐘才現身，她們解釋說：「本身預咗着大會提供服裝，但有啲改動，Aka同Heidi都要即刻買一條黑色褲換，服裝上出咗誤會，下次會預早啲。」
SG日前舉行完演唱會後，拉大隊去尖沙嘴慶功，並順便為前日30歲生日的Jessica慶祝，各成員亦希望盡快告別單身，Heidi笑說：「唔好成日提住，可能啲桃花就會嚟。」她們又指演唱會後出現後遺症，失眠、胃口欠佳、睡覺也會記着排舞情景。採訪：卓寶花攝影：陳慧安
來源:
http://hk.apple.nextmedia.com/entertainment/art/20161117/19835973
王菲個唱秒殺內幕 黃牛飛票源來自贊助商？
1 :
GS(14)@2016-12-24 10:55:37喺呢個興「炒嘢」嘅年代，iPhone炒、個唱飛炒、紀念鈔又炒……想買心頭好，第一水就未必有，之不過「你有你張良計，我有我過牆梯」，有時炒唔出，隨時搞到周身「燶」味!!話晒阿菲場上海騷有VR直播，啲門票要炒得起都唔係咁易。天后王菲年底喺上海搞個唱「幻樂一場」，門票喺12月5號開賣，由於大陸官方售票網站「大麥網」開賣即秒殺，黃牛飛不斷喺其他平台湧現，惹阿菲歌迷不滿，主辦媒體受訪嗰陣亦承認，除贊助商同內部認購，公開發售嘅門票僅有800張。大陸媒體人楊樾上周喺個人微博爆料指，王菲演唱會全場8900張票，大麥網僅拎到800張，唔少人猜測主辦單位只係釋出部分位，卻將大部分門票轉賣俾其他平台牟利。另一大陸媒體訪問過主辦單位「白玉蘭文化」董事長莊鳴，對方坦認演唱會贊助商有10幾間，每間都會拎到相約門票，加上「不管是對於王菲還是我們來講，大家都有親朋好友，內部購票的情況也是不可避免的」。至於，網路上出現大量「黃牛」，莊鳴則就話贊助商拎到飛之後，使用權已經歸屬於對方，無論贊助商點處置，譬如送人或再次銷售，主辦單位都干涉唔到，唔通「黃牛飛」票源來自贊助商嘅!?網上見有啲「黃牛飛」將原價7800元人民幣嘅飛炒高幾倍價錢，第一排座位甚至傳出抬高天價約96萬元港幣，由於歌迷唔買帳，導致「黃牛飛」滯銷，啲黃牛黨最後要將門票降至比原價更低嘅價錢，甚至推出買票送贈品等促銷手法嚟賣。
來源:
http://hk.apple.nextmedia.com/entertainment/art/20161224/19875756
Next Page