王菲天價個唱門票 送Céline限量250個手袋
1 :
GS(14)@2016-12-31 10:18:06王菲昨晚在上海舉行《幻樂一場》演唱會，只此一場，門票最貴7800人民幣，依然引起樂迷瘋搶。之前有網民笑言門票超貴，莫非買飛有Céline袋送？昨日新消息，真的有Céline手袋送！當然不是人人都送，據知，票價13,888人民幣的VIP package，將會附送王菲愛牌Céline手袋及Tiffany& Co.頸鏈。兩個品牌為王菲演唱會打造的限量精品，Céline特製限量250個Solo pouch，彩藍拼酒紅是原有配色，限量版精髓在於袋內縫有刻上「FAYE'S MOMENTS LIVE2016 SHANGHAI」皮tag。至於珠寶品牌Tiffany& Co.的特別版，就在經典系列Return to Tiffany迷你孖心純銀鏈刻上圓形「fw」標誌，作為王菲騷的VIP禮物，VIP可憑演唱會門票到上海香港廣場店換領。又計一計數，Céline普通版Solo pouch索價$4,100，Tiffany& Co.頸鏈索價$1,150，即使VIP需付13,888人民幣，但坐靚位之餘，又收到總值$5,250（約4700人民幣）禮物，似乎比單買7800更值回票價。更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20161231/19882559
23場個唱結束不捨山頂歌迷學友感慨：再開都62歲
1 :
GS(14)@2017-01-05 08:07:15■學友前晚完成23場騷，更籌到60萬善款捐「快樂港仁」助長者睇中醫。
歌神張學友於紅館舉行的23場「A Classic Tour世界巡迴演唱會2016」前晚落幕，吸引楊千嬅夫婦、舒淇、梁詠琪、林嘉欣、譚詠麟等朝聖，學友在台上依依不捨：「四面台係一樣好經典嘅嘢，特別係『山頂嘅朋友你哋好』，呢句說話係香港人先會有反應，其他地方觀眾係冇反應。」
■楊千嬅孖老公再睇學友演唱會，握手時笑到四萬咁口。
■梁詠琪陪完大肚婆楊采妮後，返港即到紅館看學友尾場騷。
■學友舉行尾場騷，吸引了舒淇和譚詠麟等朝聖。
■學友被讚個唱水準高，對其他歌手造成壓力。
「返香港做好緊張」
完騷後學友在後台舉杯慶祝，瘦了很多的他說：「好多人問我點解要辛苦自己，其實自己想做好啲，所以就算辛苦都係開心嘅，證實我又真係做到，已經過咗半百，再唔做都做唔到。每次返嚟香港做都好緊張，?家鬆咗一口氣，之前喉嚨有少少發炎，仲要食消炎藥。」 前晚送畫環節揀了一家三口觀眾，當時學友跟女孩說：「多啲時間陪父母，唔好激佢哋。」問到是否經常被囡囡激？學友睩大眼說：「佢哋好錫我，錫到我不得了。」他坦言太太羅美薇看了兩場，囡囡就看了三場。
「做騷係同自己比」
問到以後還會開演唱會嗎？學友說：「今次同自己講要做得最好，因為人係會衰退，體力會減，兩年後完咗巡迴都57歲，等多五年再開都已經62，到時大家見到我跳，都唔想我咁辛苦。」至於今次香港站獲眾星朝聖，陳奕迅、鄭秀文、容祖兒等都讚好睇，有指學友對其他歌手造成壓力，將演唱會的底線拉得太高，學友坦言：「做騷係同自己比較，而唔係互相比較。」對於有網民將他的騷和王菲騷比較，指王菲走音，學友說：「咁比較唔係太公平，佢唱得一場，得就得，冇得操，我有咁多場就可以調整嘅。」採訪：馬建華 攝影：仇志德
來源:
http://hk.apple.nextmedia.com/entertainment/art/20170104/19885354
慧嫻個唱揭戀上攣男鄺祖德衝出嚟認
1 :
GS(14)@2017-03-23 06:27:23現年51歲嘅陳慧嫻，有學識、有唱功，眼大大又靚女，事業很OK，但情路硬係多波折，眾所周知，喺佢仲做緊歌手嘅年代，戀上唱片監製歐丁玉，可惜慧嫻於1990年要去美國讀書，同歐丁玉分手收場，結束6年情。畢業後回流返香港嘅慧嫻，喺1995年戀上因工作關係認識嘅形象設計師張卓文，可惜呢段情又係拍咗6年後劃上句號。慧嫻後來喺受訪時提到同張卓文分手後，試過患上焦慮症。有指慧嫻因焦慮症求診時，認識主診醫生謝國麟，其後共墮愛河，但到06年兩人決定斬斷5年情絲，慧嫻甩拖後一度情緒不穩兼暴肥。到前年6月，慧嫻參演填詞人潘源良「最愛潘源良是誰作品展」時向對方自爆：「我80年代係暗戀過你。」嚇到潘Sir譁然：「80年代上世紀。你早響嘛！」不過，要數慧嫻最「出位」嘅一段「戀情」，係佢舊年喺紅館舉行個唱時，自揭dry足10年終遇上心儀對象，已屆半百嘅佢鼓起勇氣直接向對方求愛，點知遇上攣男，慧嫻當時直言：「聽到嗰一刻猶如晴天霹靂！10年冇開齋，一開齋就遇到Mr. Impossible！」原本慧嫻冇開估，都冇咁快有人知道Mr. Impossible嘅身份，點知男歌手鄺祖德就衝出嚟「自首」，佢喺自己個fb打破沉默，以大篇幅回應，並直認與慧嫻拍過拖，但有感雙方年齡相距太大（鄺祖德細過慧嫻12年），加上家人有意見，所以決定分手。仲講到慧嫻開騷期間，佢亦特意同家人去法國滑雪，似係避開女方。不過鄺祖德呢番回應，換嚟慧嫻話佢「無厘頭」，網民亦批評鄺祖德冇口德，更加人指鄺祖德喺戀情「曝光」之前，仲喺社交網交貼佢去探慧嫻班嘅相，擺明係借女方宣傳。
來源:
http://hk.apple.nextmedia.com/entertainment/art/20170322/19966338
周柏豪個唱賣情歌
1 :
GS(14)@2017-03-25 10:34:22周柏豪和吳雨霏（Kary）等昨日在銅鑼灣時代廣場，出席服裝品牌新店開幕。周柏豪接受訪問時表示近來每日都很疲倦，他說：「因為演唱會就嚟開始，每日早上就做運動，搞到日日都好攰，?家每日做gym跑步，增咗七至八磅。」又謂演唱會上會有不少情歌送給太太，他說：「情歌都係我啲風格，近排都忙分飛同cut飛，好難同人講。」對於陳瀅自薦擔任嘉賓，柏豪笑說：「唱歌咁大膽，會唔會俾人?凳？」
■Kary要自己執屋煮飯，大叫無奈。
Kary近日因工人姐姐離職，忙於打理家庭，她說：「本來佢做得好好、好乾淨同錫啲狗，不過佢出面借咗錢，好多追債電話打嚟，最後都要炒咗佢。」自從工人離職後，Kary要負責每日煮早餐及打理狗狗，得着是現在炒蛋很出色。採訪：羅慧敏攝影：陳俊強
來源:
http://hk.apple.nextmedia.com/entertainment/art/20170325/19969036
秋官操弗備戰個唱
1 :
GS(14)@2017-05-18 02:08:23鄭少秋慶祝入行50周年的世界巡迴演唱會，將於本月28及29日在紅館舉行。為求有最佳狀態演出，秋官近日積極排舞練歌，他表示今次要排十隻舞步。本身瘦底的秋官，在地獄式排練之後，比不少同場男舞蹈員看來更弗，他說：「最近塊面係削咗啲，可能今次要跳嘅舞太多，舞步、節奏、歌詞，稍為用神，自然瘦咗。加上保靚聲，平日已少食油膩、刺激食物，呢個月連朱古力、生冷食物，甚至最愛嘅榴槤都一律戒口，可能食太清，體力消耗大瘦咗。」他又自爆太太官晶華忙於還「飛債」，他說：「老婆不斷收到朋友訂飛電話，但飛一早賣晒，真係冇辦法。」撰文：李森
來源:
http://hk.apple.nextmedia.com/entertainment/art/20170516/20022374
劉美君個唱換十套衫
1 :
GS(14)@2017-08-02 05:59:46劉美君昨日到新城宣傳10月假紅館舉行「劉美君千色演唱會2017」，之前一直想保持神秘，為觀眾帶來驚喜，但近日不停被身邊朋友歌迷查問究竟演唱會內容後，她昨日決定率先透露。講到演唱會，劉美君興奮指今次是創新意念，於紅館舞台上先後出現十個場景，每唱兩首歌左右就會轉一次場景服飾，不間斷演十個人物，她說：「我會一直喺台上面，唔會離開個台，換衫轉妝都喺台上做，所以事前同拍檔高世章開好多會，傾場景同衫點轉。」而今次概念來自她首張專輯，當時以十個不同年紀女性愛情故事為題。採訪、攝影：馬建華
來源:
http://hk.apple.nextmedia.com/entertainment/art/20170802/20108623
Next Page