📖 ZKIZ Archives

樂香園：中升幫銀行打工 海迪

1 : GS(14)@2012-08-21 16:07:14

http://hk.apple.nextmedia.com/financeestate/art/20120821/16621894
汽車經銷商中升（881）上半年銷售好勁，升48%，一睇以為發咗達咁款，點知再每一項睇落去，毛利收縮，經營利潤再縮，到純利已經變成倒退27%。海迪認為汽車經銷商的業績充份演繹了何謂「強國模式」：即一味谷大個開頭，最後可能收唔到科。
只睇損益表（ P/L），中升表現無預期咁差，雖然減價促銷令毛利率下滑，但售後服務開始進入高速增長期，並且利錢豐厚，足以支撐到公司一半毛利。之不過，汽車經銷市場原本就相當分散，競爭激烈，議價能力好明顯唔喺經銷商呢邊，有時為咗贏關係要拍心口向廠商勁入貨，遇上市況逆轉，好難周轉。上半年中升營運資金（ working capital）由舊年唔夠9億元（人民幣．下同），急升至今年33億元，經營現金流由以往淨流入，變為流出22億元！
呢個資金缺口去邊到填補？當然就係借！中升截至6月底一年內要還的銀行及其他貸款已高達130億元，流動負債已多過流動資產。就算中升立即時停止擴充，現金流加上手頭現金，都冇可能找到呢條數。當銀行肯 roll-out，中升每年淨係還息都頭痕。賣車有幾多 margin先？似為銀行打工多過為股東。
海迪
PermaLink: https://articles.zkiz.com/?id=281153

樂香園：再談碼頭霸權 海迪

1 : GS(14)@2013-04-12 00:50:08

http://hk.apple.nextmedia.com/financeestate/art/20130411/18223711

                其實碼頭業式微，唔單只係香港。近年整個珠三角碼頭的增長速度都越來越慢，深圳港舊年貨櫃處理量的增長速度，更是全國墊底。箇中原因與內地工業重心逐漸向西移不無關係。呢啲產業轉型大趨勢，就算碼頭營運商再買幾多高效機器、捽員工開多幾多晚通宵，長遠嚟講都真係難以回天。負責任的公司管理層，除了要諗方法令生意收縮的速度放慢之外，應該亦要考慮轉型、又或者發展新的增長點，而唔係不斷齋諗縮數，靠壓榨員工待遇，去提升佢嗰異常豐厚的50% EBITDA率。
不過現實係，香港財團做生意只擅長「靠壟斷」、「割和青」兩道板斧。例如買下公用業務，剝離晒啲靚地皮起樓後，剩返檔唔sexy的生意，就hea喺度唔好好管理。所以和黃（013）2011年把香港HIT碼頭及深圳鹽田港分拆做商業信託（HPHT）上市，套現逾400億元，拎返啲錢去其他新興市場大展拳腳，自己持有HPHT的權益就減少至27%。金蛋早已經在高位收成，之後香港碼頭方向點發展？相信誠哥早已經唔上心。

海迪                                                        
2 : 鱷不群(1248)@2013-04-13 12:16:04

轉型、又或者發展新的增長點是公司層面的事，但碼頭工人skill set不配合，又是否要轉型？
行業難以回天，碼頭工人想加幾多就幾多，又是否合理？
3 : greatsoup38(830)@2013-04-13 14:14:04

2樓提及
轉型、又或者發展新的增長點是公司層面的事，但碼頭工人skill set不配合，又是否要轉型？
行業難以回天，碼頭工人想加幾多就幾多，又是否合理？


但他們又唔肯，他們只顧住自己人工
PermaLink: https://articles.zkiz.com/?id=282496

樂香園：全城熱炒研究報告 海迪

1 : GS(14)@2013-05-01 15:13:36

http://hk.apple.nextmedia.com/financeestate/art/20130430/18244809

                  大市嚴重缺乏idea，最啱大行去搵啲turnround故仔，隨時呼風喚雨。皆因平時芬佬唔想浪費時間研究嘅股份，o依家都大把餘閒去收風，雖然錢就唔係有好多，但都總要搵啲嘢買嚇嘅。
好似日前摩通call咗隻比亞迪電子（285），報告一出即日爆升廿幾個百仙，滙豐唱好中鐵建（1186），同樣是即日見效。至於股價長期低殘的思捷（330），昨日瑞銀出個意義等同conviction buy的key call，當中理據亦相當合理，思捷立即彈升5%。有多年來一提起思捷就會自動收起隻耳仔的芬佬朋友，昨日都主動向海迪問起呢隻嘢。你話幾緊要！
不過，有經紀朋友講，最有趣是昨日大摩出咗份講香港地產股報告，當中upgrade及downgrade了部份地產股，目標價只係郁咗少少，但唱淡的恆地（012）、嘉裡（683）、信置（083）當日全跌，唱好的希慎（014）及合和（054）就齊升，真係夾埋都冇咁啱。
大市淡靜，大家都愛短炒report，但當中有堅有流，投資者上車炒一轉時，亦記緊要識落車。

海迪                                                        
PermaLink: https://articles.zkiz.com/?id=282677

樂香園：網購顛覆遊戲規則 海迪

1 : GS(14)@2013-05-10 01:36:14

http://hk.apple.nextmedia.com/financeestate/art/20130509/18253805

                自從有了智能電話和穩定網絡呢兩件神之利器後，呢個世界已經唔同咗。大家太多時間停留喺internet，習慣大量資訊同選擇，手指一click之間就隨手可得。商家如果唔開始調較生意模式，貼近消費者的生活習慣，有可能會被淘汰。
好似快餐店KFC，最近都搞app，畀顧客未到舖頭已經可以用電話落order兼畀錢，連排隊都慳番。呢個服務首次喺倫敦推出，之後會擴展至全球。KFC估計，mobile payment明年就可以佔集團收入5%，未來會以幾何速度增長。

                呢種由實體店反攻網上的手法，帶網上人流回歸線下，似乎已成為潮流，好多香港零售商亦已加入戰團。科技界朋友仔話，最近香港Starbucks都已經引入咗mobile payment，只要買張卡登記，就可以以後用電話畀錢。低層次一啲嘅，有壽司舖亦已發展用app來排隊攞位，到時到候就有人打電話叫你去餐廳。I.T（999）同D-mop最近亦出咗自己e-shop。呢啲例子相信仍陸續有來。
有零售業管理層坦言，今時今日，消費者已全面拎番話事權，商家無力量再要求消費者跟自己的遊戲規則走。
要適應新玩法，仲有好長的路要走。
PermaLink: https://articles.zkiz.com/?id=282754

樂香園：Catch me if you can 海迪

1 : GS(14)@2013-08-06 23:35:50

http://hk.apple.nextmedia.com/financeestate/art/20130806/18365580

                證監會上周出咗張「溫馨提示」，令一眾投行人士牙痛咁聲。一般上市公司配售舊股，或者做俗稱「先舊後新」的top-up placement時，認購的投資者一直「自我感覺良好」地認為，只要獲確認分配通知，肯定自己有貨分，就算未到T+2股票正式交收日，配股後都可以即刻沽空去lock up利潤。只要趕及兩日後有貨到手，咁就無有怕啦！點知打虎越打越勇的證監，決心要掃清呢個「灰色地帶」，上周就警告大家要正式有貨到手先short得，講明會嚴打呢類偷步沽空活動。
有投行經紀就話，近月證監真係嚴到嚇親人，甚至派員入投行駐場check單。賓架慨嘆，市況差deal flow本來就少得可憐，而家生意亦只會越來越難做。事關咁event driven的市況，如果接貨後無得即沽，仲邊有客肯接？在證監緊盯之下，以後三、四線公司要批股會難上加難。又或者，要畀好大discount先做到。
至於buy side反應？坦白講，有芬佬仍抱住一種「Catch me if you can」的心態，事關芬佬們有多個投行account，在A行接貨在B行沽空，其實很難查，此外亦有很多「張良計」可技術性地避開呢個問題。如果證監真係要杜絕呢類活動，睇怕難免要來一招「殺一儆百」，方可收阻嚇之效了。

                  海迪
PermaLink: https://articles.zkiz.com/?id=283627

《他約我去上海迪迪尼》驚喜四伏

1 : GS(14)@2016-06-21 07:39:10

全球獨一無二的上海迪士尼，上周才正式開幕，已聞到陣陣濃烈強國味，除了好地地的米奇米妮，無故鍍了一層土豪金外，中文版《獅子王》音樂劇也加入了大聖爺孫悟空陪襯，至於丁滿與彭彭則來個京腔《智取威虎山》，認真詭異。當然不能不提的是，一班興奮過度的大媽為爭取時間玩樂，帶住小孩隨處方便，令餐廳外草叢中傳出陣陣屎臭，相當符合國情。《蘋果動搞作》團隊將KellyJackie的《他約我去迪士尼》改編成《他約我去上海迪迪尼》，等大家隔住個芒都感受到樂園的「濱紛」氣氛。《他約我去上海迪迪尼》原曲：:《他約我去迪士尼》歌手：GoldenMickey填詞：金米奇穿過幾條村　肺腎已勞損各陸客在埋怨　條龍就快隊穿百度旅途中　發現有熱點網上買入場券　原來仲貴點算到達了　這是門外自拍打卡的勝地美不美　卻是無渠道去send
wechat先至畀畢生也願記起　Shanghai迪迪尼煙頭鋪滿地原來叫仙氣你老鼠竟通處便溺成家踎晒地
MK公廁也沒法比金磚堆砌任你J不想再對住呆滯俗氣金色嘅米奇終於可以坐低但原來在凳上有分泌公主變胖變粗　因中國製造她想跟我在長夜裡申訴見泰山哥　本想半空吊威吔卻做拋樽耍棍變雜戲佬
Li~~ on King夾大聖爺加丁滿冇悶場齊用上京腔嚇細路點解不見彭彭原來成為扣肉太恐怖





來源: http://hk.apple.nextmedia.com/entertainment/art/20160621/19662834
PermaLink: https://articles.zkiz.com/?id=302391
Next Page
ZKIZ Archives @ 2019