📖 ZKIZ Archives

馮仁昭四圍超：黃婉曼單拖超巿買壽司

1 : GS(14)@2016-05-08 01:44:16

黃婉曼前晚靚太出更，接近7點左右，OL打扮嘅佢，單拖出現中環ifc嘅city'super，當時佢喺蛇餅人群中，耷低頭排隊等畀錢，起碼都排咗15分鐘。黃婉曼唔係入去買餸煮飯，佢當時手上攞住一盒現成雜錦壽司同埋一包parma ham，咁配搭嘅晚餐好簡單喎，佢話：「買完嘢就去接老公放工。」跟住佢買完嘢就匆匆離開咗超巿。撰文：馮仁昭





來源: http://hk.apple.nextmedia.com/entertainment/art/20160506/19599540
PermaLink: https://articles.zkiz.com/?id=299769

馮仁昭四圍超：麥秋成自認聽女友話

1 : GS(14)@2016-05-08 01:44:17

蔡思貝男友麥秋成噚日喺銅鑼灣出席品牌活動，喺街頭同二十幾個舞蹈員跳舞，佢話平時都鍾意同女友研究着衫心得：「佢會畀意見，成日都challenge我，因為我着衫唔叻，都會聽佢意見，但唔會嗌交，我好聽話。」講到成日俾人影到同居關係，佢就唔否認咁話：「唔話畀你聽。」問到會唔會有計劃拉埋天窗？佢話：「太遠，自己未諗，工作為主。」撰文：馮仁昭





來源: http://hk.apple.nextmedia.com/entertainment/art/20160506/19599555
PermaLink: https://articles.zkiz.com/?id=299770

馮仁昭四圍超：鍾舒漫搵家人做白老鼠

1 : GS(14)@2016-05-08 01:44:17

鍾舒漫（右）噚日喺中環宣傳新碟，佢請咗屋企人、洪卓立、泳兒同噚日生日嘅王君馨嘆私房菜。佢親自下廚：「整嘢食令人開心同溫暖，好似我今次啲歌咁，我喺網上平台都好多整嘢食嘅片，屋企人仲成日做我嘅白老鼠。」洪卓立同女友湯怡亦會喺YouTube開頻道，請好友整嘢食。嚟緊母親節，泳兒亦要開工，佢希望唔好因媽咪中風住院而影響表現。撰文：馮仁昭





來源: http://hk.apple.nextmedia.com/entertainment/art/20160506/19599562
PermaLink: https://articles.zkiz.com/?id=299771

馮仁昭四圍超：湯駿業巴黎遭黑人狂追

1 : GS(14)@2016-05-08 01:44:17

湯駿業噚日現身新城宣傳新歌，早前同白只仲有Shine做完舞台劇後，佢放自己10日假去倫敦同巴黎旅行，佢話：「我一個人去，攞住相機行到邊影到邊，公司同事讚我影得好。」佢話拍攝過程，都遇到驚險事：「試過半夜兩三點喺巴黎周街搵嘢影，咁啱有個好似飲醉酒嘅黑人喺街度屙完尿，以為我影佢相，即刻追住我，嚇到我走都走唔切。」撰文：馮仁昭





來源: http://hk.apple.nextmedia.com/entertainment/art/20160506/19599568
PermaLink: https://articles.zkiz.com/?id=299772

馮仁昭四圍超：組合J.I新MV玩暗戀

1 : GS(14)@2016-05-08 01:44:17

二人女子組合J.I噚日喺RoadShow宣傳第二首新歌《卡布奇諾的泡泡》，MV借用咗經典檸檬茶廣告作橋段，講佢哋追蹤暗戀男生，點知每次期待佢擰轉背時都係出現一個肥仔，嚟自台灣嘅成員黎芙君話讀書時曾暗戀學長，但太細膽唔敢表白，而嚟自香港嘅張艾琦就靠情信同暗戀嘅人傳情，問到感情狀況？佢哋話：「單身好耐，過去幾年過時過節都係兩個人一齊過。」撰文：馮仁昭





來源: http://hk.apple.nextmedia.com/entertainment/art/20160506/19599572
PermaLink: https://articles.zkiz.com/?id=299773

馮仁昭四圍超：馬天佑小便搵千語睇水道歉林峯拍拖睇醫生　父母傍實

1 : GS(14)@2016-05-08 01:56:16

【女友陪伴】■戴住口罩嘅林峯患感冒，噚日同女友千語BB喺養和醫院等睇醫生。








林峯噚日同女友吳千語（Karena）現身跑馬地養和醫院，連林峯嘅爸爸媽媽都拎埋嘢食去咗陪佢，等千語BB同助手畀錢兼拎埋藥之後，佢哋一家大細坐七人車走人。



【父母出動】■林峯嘅爹哋媽咪都有同行陪住囝囝睇醫生。

【服侍周到】■林峯同爹哋坐埋一邊，千語BB就幫手畀錢同拎藥。


■馬天佑日前當街小便，搵千語睇水。

馬天佑：對唔住

問林峯係咪攰得滯病咗？佢就話：「感冒啫！」當問到馬天佑當街小便嗰件事，林峯話：「回應咗喇喎！唔講喇！」不過問多兩句之後，佢就話冇嬲，得個笑字囉！反而千語BB全程冇出聲，一直跟喺男友後面行，然後一支箭上車走人。講番馬天佑件事，事關噚日有周刊報道，影到馬天佑日前同老死林峯嘅女友千語BB去咗數碼港公園放狗，點知人有三急，佢竟然拉咗千語BB去草叢幫手睇水，再背住千語放尿。噚日馮仁昭搵馬天佑問番呢件事，佢話：「對今次發生呢件事，感到十分十分十分十分十分抱歉，真係……係第一次同最後一次。希望呢件事唔好影響到任何人，包括我朋友，所以真係對唔住。」講到千語幫手睇水？馬天佑就勁尷尬咁話：「嗰刻咁啱得咁蹺佢喺度，佢幫手……喺公眾地方做呢樣嘢係唔恰當，一人做事一人當，冇得怪Karena，全部都係自己責任。」撰文：馮仁昭





來源: http://hk.apple.nextmedia.com/entertainment/art/20160505/19598044
PermaLink: https://articles.zkiz.com/?id=299868

馮仁昭四圍超：Chilam封伍姑娘飛機王

1 : GS(14)@2016-05-08 01:56:24

伍詠薇主持嘅有線節目《伍姑娘真識食》最新一集請嚟張智霖（Chilam）做嘉賓，伍姑娘打開話題話自己曾經被「問價」，Chilam話：「我未試過，可能我唔吸引啩！」但如果出5億Chilam會考慮。Chilam即場踢爆伍姑娘係朋友圈中嘅飛機女王：「伍姑娘最乞人憎嘅係成日放飛機，無論做運動、食飯、去旅行佢都會甩底，離譜到我幫佢起咗個朵叫『Queen of Cancel』！」撰文：馮仁昭





來源: http://hk.apple.nextmedia.com/entertainment/art/20160505/19598047
PermaLink: https://articles.zkiz.com/?id=299883

馮仁昭四圍超：陳嘉容大頭蝦跌鑽石

1 : GS(14)@2016-05-08 01:56:24

陳嘉容（Eunis）噚日去中環為珠寶展擔任模特兒，佢戴住過億元名貴首飾，當中一隻鑽戒約值1億5千萬，佢笑話就算買唔起有得戴都開心。成日做騷，間唔中都會有蝦碌，Eunis話：「頭先戴綠寶石耳環，原來未扣好，好彩接得住，另外有次頸鏈斷咗，跌咗粒鑽石喺我鎖骨。」佢又話未收過異性送名貴珠寶：「價值同心意我會揀心意。」撰文：馮仁昭





來源: http://hk.apple.nextmedia.com/entertainment/art/20160505/19598049
PermaLink: https://articles.zkiz.com/?id=299884

馮仁昭四圍超：湯唯新片內地收5億

1 : GS(14)@2016-05-08 01:56:25

湯唯同吳秀波主演嘅《北京遇上西雅圖》3年前上映時，票房收咗約5.2億人民幣，最近續集《北京遇上西雅圖之不二情書》喺內地黃金周上映，去到噚日已經上咗6日，票房有5億，好厲害！不過幾日假期過後，票房明顯有回落。其實《北》片續集收得咁勁，最主要係呢個黃金周假期完全冇對手，如果《美國隊長3：英雄內戰》唔係拖到聽日喺內地上，就未必會有咁嘅票房。撰文：馮仁昭





來源: http://hk.apple.nextmedia.com/entertainment/art/20160505/19598052
PermaLink: https://articles.zkiz.com/?id=299885

馮仁昭四圍超：廖子妤演智障難抽離

1 : GS(14)@2016-05-08 01:56:25

湯怡、廖子妤同吳浣儀噚日喺黃大仙拍港台節目《同行者》，劇情講述患有中度智障同自閉症嘅廖子妤學講「媽媽，我愛你」，搞喊咗演社工嘅湯怡同扮廖子妤媽媽嘅吳浣儀。影相嗰陣，湯怡心情仲未平復。廖子妤話第一次演身體殘疾人士，好大挑戰，好彩有老戲骨吳浣儀帶入戲。湯怡話：「佢（廖子妤）有時收工，都不期然做番抽搐動作。」撰文：馮仁昭





來源: http://hk.apple.nextmedia.com/entertainment/art/20160505/19598054
PermaLink: https://articles.zkiz.com/?id=299886
Next Page
ZKIZ Archives @ 2019