📖 ZKIZ Archives

馮仁昭四圍超：家燕姐母親節忙

1 : GS(14)@2016-05-08 01:56:25

薛家燕噚日到石籬探訪安老院，佢話今年母親節唔可以同仔女慶祝，因為要同米雪、關菊英、李司棋去新加坡登台，不過已經提早食咗飯，亦都收到香薰味頸鏈加耳環嘅禮物。家燕姐仲話之前飛多倫多登台，當地落大雪，之後再轉飛馬來西亞做宣傳，兩地溫差大加上休息唔夠，所以患感冒，但因為忙到連睇醫生時間都冇，惟有靠喺新加坡買止咳止感冒藥粉。撰文：馮仁昭





來源: http://hk.apple.nextmedia.com/entertainment/art/20160505/19598056
PermaLink: https://articles.zkiz.com/?id=299887

馮仁昭四圍超：李家仁作小明洗手歌

1 : GS(14)@2016-05-08 01:56:25

前特首夫人董趙洪娉當年沙士期間，佢一句「千祈、千祈、千祈，洗手、洗手、洗手」成功出位。一向有唱開兒歌嘅李家仁醫生，為衞生署創作咗一首洗手歌《小明愛洗手》，佢近日同一名小男孩拍咗洗手歌短片，日內就會喺港鐵播出。李家仁噚日話：「想教導小朋友衞生意識，從小開始學習洗手，我哋呢個短片係短版本。」撰文：馮仁昭





來源: http://hk.apple.nextmedia.com/entertainment/art/20160505/19598058
PermaLink: https://articles.zkiz.com/?id=299888

【馮仁昭四圍超】心潔要彭順陪產：不然我不生

1 : GS(14)@2016-05-19 02:23:03

■李心潔未有透露預產期，由於孖B關係，就算着黑色裙都見到腹部已經好巨型。








鬼片影后李心潔自從同老公彭順陀孖B，就留喺馬來西亞安胎，日前佢就喺當地為佢同楊采妮、許茹芸、梁詠琪創立嘅「小黃花慈善教育基金」搞籌款活動，籌到13萬幾港元善款。心潔今年1月宣佈有喜至今，估計至少有6個月身孕，佢嗰日着咗一條黑色裙出席，由於陀孖B關係，個肚已經好大，佢話：「的確比較辛苦，走路都特別困難，說話也會喘氣。」提到孖B性別，心潔就透露係男仔，但就唔肯透露預產期：「這是秘密哦！其實因為懷的是雙胞胎，所以產期都很難說，我會盡力保持身心安定，好好讓兩兄弟在我肚子裏多待一會。醫生也好緊張，把自己的手提電話號碼隆而重之給我，要我一有甚麼問題就立即聯絡他。」提到佢老公彭順剛拍完戲，會否計劃陪入產房，佢就話：「當然！不然我不生了！他下半年唯一的工作就是陪伴我直到生產啦。」



■心潔自從陀孖B後，絕迹公開場合，日前就喺馬來西亞出席慈善活動。

■彭順剛完成電影工作，會留在馬來西亞陪心潔安胎等孖仔出世。資料圖片


■李樂詩在Ig以「見肚」相宣佈有喜4個月。互聯網圖片

42歲李樂詩又陀仔

此外，已有兩個囝囝嘅42歲李樂詩就喺Ig公佈有第三胎，已經有咗4個月，佢表示：「呢胎又係仔，雖然恨生女，但一樣開心，最初結婚仲諗住生5個，生咗兩個仔，原來已經好忙。」李樂詩透露B仔預產期同佢生日一樣係10月26號，到時會採取自然分娩。撰文：馮仁昭





來源: http://hk.apple.nextmedia.com/entertainment/art/20160516/19613170
PermaLink: https://articles.zkiz.com/?id=300257

【馮仁昭四圍超】陳嘉桓會多陪伴細佬

1 : GS(14)@2016-05-19 02:23:08

陳嘉桓同林盛斌（Bob）噚晚喺尖沙嘴出席火鍋店開幕活動，對於佢細佬之前企跳，陳嘉桓表示：「當時自己唔喺香港，細佬而家心情平復番啲，自己返嚟有了解件事，早排實在太多唔開心嘅事，小朋友心情受到影響，包括有感情、工作等，佢而家OK，始終佢唔係公眾人物，可能接受能力冇咁強，會陪吓佢。」另外，阿Bob就話相士指佢今年有生仔星，生咗三個女嘅佢想追生仔。撰文：馮仁昭





來源: http://hk.apple.nextmedia.com/entertainment/art/20160516/19613172
PermaLink: https://articles.zkiz.com/?id=300274

【馮仁昭四圍超】區文詩唔開咪學烹飪

1 : GS(14)@2016-05-19 02:23:08

區文詩（Angela）早排缺席好姊妹楊愛瑾（Miki）的婚禮，兼有兩個禮拜冇為電台節目開咪，噚晚佢終於現身中環一個饒舌比賽活動。佢話早排因為重感冒，發高燒兼頭暈到企都企唔穩，喺屋企閉關休息時，又唔小心扭親腳，所以唔方便出街。佢最近突然宣佈離開電台，話想去外國進修學烹飪：「可能會離開香港一段比較長嘅時間。」撰文：馮仁昭





來源: http://hk.apple.nextmedia.com/entertainment/art/20160516/19613174
PermaLink: https://articles.zkiz.com/?id=300275

【馮仁昭四圍超】柳妍熙恨再拍拖

1 : GS(14)@2016-05-19 02:23:08

柳妍熙噚日到旺角行人專用區出席「GP25之香港頑童日」活動，佢話會跟隨活動團體，下個月會到學校為學童打氣，兼會為一啲學校籌務善款：「好開心可以做公益活動，又幫到小朋友，我本身好鍾意小朋友，將來結婚一定要生兩個，我本身冇兄弟姊妹，覺得一個好孤獨。」柳妍熙仲話因工作忙，經上次分手後仍未有再拍拖：「希望有機會識男仔，年幾冇拍拖，家人都有催婚。」撰文：馮仁昭





來源: http://hk.apple.nextmedia.com/entertainment/art/20160516/19613176
PermaLink: https://articles.zkiz.com/?id=300276

【馮仁昭四圍超】FFx谷個唱30人捧場

1 : GS(14)@2016-05-19 02:23:09

女子組合FFx為谷今個月28日個唱四出宣傳，噚日到灣仔電腦城舉行簽唱會，佢哋會喺fb同粉絲互動，只要粉絲喺FFx張唱片嘅post留一啲鼓勵嘅說話再tag朋友，最具創意嘅可以獲得380元飛。噚日現場只有近30個粉絲捧場，反應冷淡，FFx話：「我哋噚晚直播送出包裝嘅CD，超過300人問我哋詳情互動，今日目標係令粉絲開心。」撰文：馮仁昭





來源: http://hk.apple.nextmedia.com/entertainment/art/20160516/19613184
PermaLink: https://articles.zkiz.com/?id=300277

【馮仁昭四圍超】徐天佑忙完工作趕造人

1 : GS(14)@2016-05-19 02:23:09

徐天佑（左）日前接受商台《1圈圈星光背後》訪問，重提重遇老婆經過：「18歲前已識Olive（老婆），佢係我中學師妹，當年冇拍拖，但有曖昧，07年喺舊同學聚會見番，因為投契就喺埋一齊。拍拖8年，覺得係時候畀個名份佢，佢冇畀壓力我，係我自己覺得應該結婚。」做咗人夫，下一步當然係做人父啦，佢自爆以前唔鍾意小朋友，但而家好鍾意，但先忙完工作先。撰文：馮仁昭





來源: http://hk.apple.nextmedia.com/entertainment/art/20160516/19613179
PermaLink: https://articles.zkiz.com/?id=300278

【馮仁昭四圍超】Dear Jane讚黎明個場正

1 : GS(14)@2016-05-19 02:23:09

樂隊Dear Jane噚日喺紅磡出席音樂活動，佢哋透露下月初舉行音樂會，主音Tim話：「新歌《哪裡只得我共你》為主題，大家而家可以喺一個有意義嘅地方影幅相，講關於幅相嘅故事，俾我哋揀中，嗰晚請佢哋嚟睇。」講到香港少場地搞活動，佢哋話：「近排黎明個場都幾正，如果永久搞到露天都幾好。」撰文：馮仁昭





來源: http://hk.apple.nextmedia.com/entertainment/art/20160516/19613187
PermaLink: https://articles.zkiz.com/?id=300279

【馮仁昭四圍超】10日內訂1萬隻即拍板　黎明騷出碟找數

1 : GS(14)@2016-05-19 02:33:51

■黎明演唱會Blu-ray Disc噚晚6點開賣，喺3個小時左右就賣咗超過一半喇。互聯網圖片








黎明（Leon）今個月6號尾二嗰場演唱會，畀咗個好大驚喜核心內圍同外圍嘅樂迷，就係宣佈今次經歷一波幾折嘅演唱會係會出碟，仲話盡量會簽名，正所謂一言既出，男神Leon噚日「找數」，仲喺facebook開團叫人落單買碟，不過因為成本問題，講明有1萬隻定單先會成團，如果唔係就退錢唔賣。



行快步或可炒賣

Leon又化身明福俠同大家講：「其實你愛定係唔愛係冇得揀㗎冇得逼㗎，你鍾意買就買，唔買就唔會逼你買，OK？自由選擇就最好㗎喇，由而家開始10日內，喺上面個online store，即係呢個page嘅第一頁，你click入去就可以決定到買定係唔買，10日之內做唔到1萬隻我哋就唔賣㗎喇，唔好話我唔提你，一個唔覺意你走快咗，你就有炒賣價值，hahahahahaha」。



■黎明話如果喺截止訂購前有1萬隻，就會出碟。資料圖片

■黎明噚日用明福俠身份通知樂迷Blu-ray Disc開賣。互聯網圖片



不過呢，根據訂購表上嘅內容，今次呢張Blu-ray只限香港同海外地區嘅朋友訂購，內地嘅朋友呢就因為系統暫時唔支援，所以內地樂迷要買就要自己諗計喇。而團購會喺今個月26號晚上11時59分結束，成唔成到團，咁就要睇核心內外圍有幾撐男神Leon同明福俠喇。撰文：馮仁昭





來源: http://hk.apple.nextmedia.com/entertainment/art/20160517/19614573
PermaLink: https://articles.zkiz.com/?id=300380
Next Page
ZKIZ Archives @ 2019