巨胸翠如奉旨親熱
1 :
GS(14)@2016-10-18 08:15:29鄭丹瑞（阿旦）自導自演的電影《小男人週記3之吾家有喜》，昨日於灣仔一所健身房拍攝，演員包括「巨胸翠如」鄧月平（Larine）、蔡瀚億（BabyJohn）、陳友、陳嘉莉及談善言。身材出眾的Larine飾演阿旦女兒，她說：「我同BabyJohn有親熱戲，都係攬吓，點到即止。」
■阿旦（右）自導自演的新片，請來陳友（中）及蔡瀚億演出。
阿旦指今次碌盡人情牌，當中陳友二話不說答應飾演他的老闆，陳友笑說：「講多句都傷感情，當我契弟得喇。」阿旦透露今次會有不少神秘演員，而他心目中的女神周秀娜更在戲中與他共浴，「上次拍《分手100次》，淨係畀鄭伊健同佢泡泡浴，今次我已經準備咗浴缸。」採訪：張俊銘攝影：仇志德
來源:
http://hk.apple.nextmedia.com/entertainment/art/20161018/19804016
巨胸翠如慶生變相睇
1 :
GS(14)@2016-12-03 05:12:36鄭丹瑞（阿旦）上月27日61歲牛一，生日前夕仍然要為電影《小男人週記3之吾家有喜》開工，當天在柴灣影電影海報，戲中的女友周秀娜和囡囡「巨胸翠如」鄧月平（Larine）送驚喜。Larine在熄燈後唱着生日歌、捧蛋糕出場，並跟娜姐左右開弓錫壽星佬阿旦臉頰，阿旦提到生日願望：「一家人齊齊整整。」後日便是Larine的18歲生日，劇組日前在煞科宴為阿旦及Larine提早慶生，Larine說：「媽咪話正日生日，帶個男仔嚟食飯介紹畀我，佢意思係相睇，佢驚我嫁唔出。」Larine生日撞正要為ViuTV節目《美選D.n.A》開工。撰文：楊定
來源:
http://hk.apple.nextmedia.com/entertainment/art/20161202/19851839
巨胸翠如唔介意上圍縮水
1 :
GS(14)@2016-12-04 17:34:21巨胸翠如鄧月平（Larine）與達哥林慧韡昨日到深水埗出席《八樓大廚》活動，齊齊炮製中東菜。Larine對廚藝非常有信心：「之前同旦哥（鄭丹瑞）拍戲，我整咗啲曲奇畀佢食，係全世界最好食嘅曲奇，哈哈。」今天是Larine的19歲生日，她透露：「終極願望係高啲、瘦啲，上圍縮水都唔緊要。」此外，《美選D.n.A》的天使組和魔鬼組的最後8強，早前分別到日本和泰國進行特訓，魔鬼組的2號陳意嵐和15號馬倩宜在酒吧即場表演鋼管舞，陳意嵐用雙腿夾實鋼管倒吊，其他ladies都睇到O嘴兼拍爛手掌。而天使組獲攝影大師米原康正拍即影即有相，考驗大家對鏡頭敏感度。張沛樂笑言：「冇諗過米原先生同我哋傾偈時表現咁怕醜，好得意。」採訪：盧妹攝影：仇志德
來源:
http://hk.apple.nextmedia.com/entertainment/art/20161204/19854229
巨胸翠如明益BabyJohn
1 :
GS(14)@2016-12-25 13:18:59鄭丹瑞、周秀娜及「巨胸翠如」鄧月平（Larine）合演的賀歲片《小男人週記3之吾家有喜》，戲中有幕爆笑場面，扮演同性戀者的談善言對Larine相當有好感，阿談和情敵蔡瀚億（BabyJohn）有心病，3人在健身室相遇，阿談單挑BabyJohn時處於下風，Larine即出手相助，攀上木箱想由高處躍下使出重擊，豈料胸部太大夾住BabyJohn頭部。
■BabyJohn與巨胸翠如有親密戲，他笑說艷福與否見仁見智。
Larine坦言感到極度尷尬：「BabyJohn超級專業，導演嗌cut機，佢即刻推開我，仲快過我自己嘅反應。」BabyJohn則笑說：「係咪艷福就見仁見智，我諗住盡量一take過，點知收音NG，我哋懷疑係咪收音師想睇多次。」撰文：葉綠悠
來源:
http://hk.apple.nextmedia.com/entertainment/art/20161225/19876171
巨胸翠如受虐拒做花瓶
1 :
GS(14)@2017-01-17 01:55:20■鄧月平表示剛拍完另一部電影，片中要被無限虐待。
「巨胸翠如」鄧月平（Larine）、談善言，還有鄭丹瑞（旦哥）和大女鄭瑤（Zaneta）及細女鄭珉（Amanda）等，昨日在上環文武廟出席電影《小男人週記3之吾家有喜》新年拜神活動。Larine感激旦哥大膽用新人：「如果唔係旦哥，我唔會入行。我以前讀戲劇，一心想做演員，唔想做model或主持。」她剛完成另一部電影《掃黃》拍攝工作，她笑說：「尺度題材好大膽，戲中我被無限虐待，導演話我係花瓶，畀機會我表演。」
■鄭丹瑞昨日帶同大女鄭瑤（左）及細女鄭珉寓工作於家庭樂。
旦哥解釋帶囡囡到場原因時，笑謂：「媽咪去咗wet，我哋三個人唔知點好，相依為命。」細妹急忙補充：「因為星期日係family day。」旦哥即讚囡囡口齒伶俐。採訪、攝影：盧妹
來源:
http://hk.apple.nextmedia.com/entertainment/art/20170116/19898057
巨胸翠如被吊淋水：勁過俾人強姦
1 :
GS(14)@2017-01-23 07:45:14【麻繩綁口】■「巨胸翠如」鄧月平近日孭飛拍網絡電影《掃黃》，在戲中被人綁起虐待。
現年18歲的「巨胸翠如」鄧月平（Larine）落敗ViuTV的《美選D.n.A》，塞翁失馬，焉知非福，她憑天賦澎湃F Cup上圍身材，加上青春無敵，工作接踵而來，除拍了賀歲片《小男人週記3之吾家有喜》，最近又孭飛接拍了網絡電影《掃黃》，Larine為了演出不惜搏命豁出去。
Larine在《掃黃》中遭人綁起虐待，相中所見Larine被人用麻繩綁口，還要給吊臂吊起，幾個黑衣大漢圍着她輪流淋火水，雖估計只是清水，可是天寒地凍，衣衫單薄，吊足半日的Larine淋到全身濕透，面露痛苦表情，還嗌到聲嘶力竭，她的F奶濕身後隱約透出。
【兜頭淋水】■遭幾名黑衣大漢輪流淋水的Larine，面露痛苦表情。
■Larine直指戲中的尺度勁過被強姦，笑言差點在片場身亡。
「俾人逼去接客」
對於這次的尺度，Larine日前接受訪問時直認被嚇倒：「我喺戲中俾人無限虐待，仲要俾人逼去接客，尺度勁過俾人強姦，差啲喺片場身亡。有場戲要喺我身上綁爆竹，然後會引爆。本身劇本冇呢場戲，我都有問公司有冇幫我買定保險。」此外，Larine在賀歲片《小男人3》演鄭丹瑞囡囡，螢幕父女日前接受鄭裕玲（嘟姐）的商台節目《口水多過浪花》訪問，其實嘟姐曾演過電影《小男人》系列，但她怕辛苦婉拒邀請。
【慘變凹額】■嘟姐（中）在Ig貼與Larine（右）等人的合照，疑因改圖過度令Larine的右額變凹，其後嘟姐刪走並貼回原相（小圖）。
【原相】
遭嘟姐變凹額
嘟姐訪問後把合照貼Ig，最初貼出的相片，嘟姐皮光肉滑冇走樣，可是在身邊的Larine卻走樣，她的右額如被中拳打凹，同時又歪嘴哨牙，Larine的變臉是因嘟姐改圖過度所致，經網民提醒後，嘟姐馬上把相刪走，貼回原相，Larine得以還原靚樣，事後網民大讚嘟姐肯實事求是。採訪：王梓嫚
來源:
http://hk.apple.nextmedia.com/entertainment/art/20170122/19904736
Do姐為執靚樣P到巨胸翠如變ET
1 :
GS(14)@2017-01-23 07:45:14今時今日喺相機行先嘅世代，好多人影完相都第一時間擺上網，同朋友開心share，而時下又有唔少美圖Apps，美白瘦面磨皮修身功能要乜有乜，藝人話晒靠樣搵食，執靚個樣都無可厚非，可惜由於唔係個個都係P圖高手，所以時不時都會出現P到過晒火嘅情況。
DoDo鄭裕玲日前喺商台節目《口水多過浪花》，訪問呢排宣傳緊新戲《小男人週記3之吾家有喜》嘅阿旦鄭丹瑞同巨胸翠如鄧月平(Larine)。通常做完節目，DoDo都慣性會將自己同拍檔余迪偉、麻利再加受訪者嘅合照，放上Ig。不過平時做大騷，執生了得嘅DoDo姐，執相技術就似乎麻麻地。睇番DoDo出事張相，DoDo姐皮光肉滑冇乜走樣，不過企佢隔籬嘅鄧月平，右邊額好似俾人打咗一拳咁──凹咗，仲要嘴歪加哨牙，真係同平時巨胸翠如個樣差十萬八千里……經好心網民提醒，DoDo用咗唔夠10分鐘，就刪咗出事嗰張相，貼返原相出嚟，而巨胸翠如就好似食咗還原靚靚拳咁，話咁快變番個靚樣！事後有網民讚DoDo實事求事，話改就改，做事絕唔會拖泥帶水咁話。
來源:
http://hk.apple.nextmedia.com/entertainment/art/20170122/19905308
【《蘋果》專訪】「娜姐巨胸翠如身材都咁好」阿旦享受60歲禮物
1 :
GS(14)@2017-01-26 07:44:04由鄭丹瑞（阿旦）監製、導演兼擔正的賀歲片《小男人週記3之吾家有喜》，賣點是找來身材逼爆的周秀娜與「巨胸翠如」鄧月平（Larine）做女角，戲中娜姐內衣上陣勁騷魔鬼身材，大戰阿旦女兒Larine的半裸嬉水。早前三人接受本報專訪，談到兩位女神，阿旦說：「身材係一個賣點，小男人一定有當代女神，咁娜姐真係當仁不讓，Larine就係up coming嘅。」被阿旦讚女神，娜姐說：「其實我都驚㗎，《小男人週記》係好經典，睇過一同二好多女神，真係好正，搵我去做旦哥嘅情人，嘩，可以將自己同自己好鍾意嘅鍾楚紅、李美鳳做類似嘅位置，梗係即刻去做。」
「逼娜姐收少啲」
今次阿旦選擇拍第三集，原來是要送給自己的生日禮物，他說：「呢個係我送畀自己嘅60歲生日禮物，我覺得應該做一樣嘢畀自己，曾經有人叫我拍電視劇，但我想拍戲，想享受拍港產片嘅感覺，時間好少、好趕，但係一條心嘅精神，初初係想自己投資，逼娜姐收少啲，了一個心願，誰不知遇到蕭定一，佢話畀佢搞，我唯一條件係要港產片，我好享受。」
■鄭丹瑞拍小男人第三集，最想享受拍港產片的感覺。
■周秀娜在片中飾鄭丹瑞女友，二人有不少親熱戲份。劇照
片中主線是父女情，阿旦說：「經歷過兩個女出世，離開我去讀書，牽腸掛肚，初期返嚟嗰種陌生感覺，從呢啲感覺攞到靈感，13年冇見嘅女，點去handle，仲要身材咁好，個情人又身材咁好，咁點呀？」可有想過找回第一、二集的女神演出？阿旦說：「曾經有過遐想，當然第一個想搵紅姑，李美鳳都有打過招呼，但係佢哋個個幸福快樂嘅時候，都無謂打搞佢哋，永遠存喺我哋記憶入面。」採訪：羅慧敏
來源:
http://hk.apple.nextmedia.com/entertainment/art/20170124/19906425
Next Page