ZKIZ Archives


周顯﹕據說大劉食餐飯 派出7位數利市

1 : GS(14)@2018-02-27 08:01:56

【明報專訊】前幾日,同某名莊家吃飯吹水,我們去吃中菜,當然是派利市派到手軟啦!普通酒樓廿皮一封,連廚房都要派埋,千幾銀埋單,富豪飯堂就要100元一封,泊車都有5個人,食一餐飯都要派五位數字利市,莊家朋友說:「那次派了3萬元,原來一間中餐廳居然有300個員工。」

我心想:「佢哋搵你笨啫!邊有咁多員工,連屋企人都叫埋出嚟逗利市。」不過沒說出口。聽說大劉食餐飯派利市,一派就是七位數字,真係唔講得笑。

有一年,稻香(0573)上市,據說其老闆隨手都派1000元利市,不過可能他覺得太過「喇脷」,第二年便改派回100元了。

莊家朋友說:「稻香其實好大間,喺大陸做得好好,好多基金入股,老闆咁有錢,派1000蚊都濕濕碎啦!」

炒家扭曲 千億垃圾股不是夢

我馬上看資料,14億元市值,8倍市盈率,然後對那莊家說:「你們這些炒細價股的,齋一隻殼價都六七億,一炒起來,幾十億市值閒閒地,其實做實業的公司,十幾億元市值,一年賺億幾元,好難得,好多錢㗎喇!不過你哋將啲市值和金錢完全扭曲晒!100億市值的股票,一年應該賺十億八億,1000億市值的股票,一年要賺一百幾十億元。不過,在炒股的世界,千億市值垃圾股不是夢!」

有名朋友參選立法會,發覺直至現在為止,居然還未有民調出現,覺得十分奇怪。我說:「也許是因為每一方的支持率都太差,所以沒有人敢公開吧!」其實這一次的立法會補選,區區都是最爛鬥最爛,個個都好嘔,大家都係講緊含淚投票,又或者是焦土,都係挑戰香港人的智力和忍耐力究竟可以去到哪個極限。

[周顯 投資二三事]


來源: http://www.mpfinance.com/fin/dai ... 2292&issue=20180226
周顯 據說 大劉 食餐 餐飯 派出 位數 利市
PermaLink: https://articles.zkiz.com/?id=348990

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019