📖 ZKIZ Archives

中環在線：周凱旋契仔唔撈TOM 李華華

2008-09-04  AppleDaily



TOM 集團（2383）王雷雷唔撈傳聞，噚日終於變成事實。TOM集團出通告話，王雷雷一次過辭去副主席同執董、TOM在線首席執行官兼董事，仲有唐碼易趣中國 董事等職務，原因通告冇講明，只係話為咗個人事業發展。華華搵TOM仔問吓，回應只係話王雷雷係為咗「實踐個人抱負，再創事業另一高峯」。

人事又變散戶擔心

TOM 仔起初由張承勷揸fit，到最新話事人楊國猛，過去幾年，數度易帥。次次都引起市場唔少揣測。遠嘅唔講，先講新鮮滾熱辣呢單，王雷雷係超人紅顏知己周凱旋 嘅契仔，呢次劈炮，究竟係契媽叫嘅，定係契仔意思，華華要收吓風。不過，王雷雷一向負責集團最搵錢嗰瓣業務──TOM在線。據電訊界嘅朋友講，TOM在線 曾經喺mobile彩信上，同新浪、搜狐、QQ等，爭市場佔有率。佢一走，對TOM都唔可以話冇影響。睇番呢幾年TOM集團嘅人事變動，都唔到投資者唔擔 心，首先負責做刁、投資銀行家出身嘅王兟先走，跟住，最叻管數嘅湯美娟又話要湊仔唔做，家陣連銀嘅王雷雷都唔撈，咁TOM仔仲有乜搞作呢？

曾戲稱大股東做老頭

講 番王雷雷，佢長駐北京，好少落嚟香港。前年佢接受《北京晨報》嘅一篇訪問，可以反映王雷雷都幾快人快語，當時篇報道係有關盛傳TOM在線買起新浪，王雷雷 被問到TOM董事會有乜建議時，佢居然答：「大股東都是老頭兒老太太們，不知道TOM做的彩信彩鈴是甚麼玩意，他們只跟我聊些做人道理。」佢講嘅大股東係 邊個？大家心照。李華華電郵：[email protected]
PermaLink: https://articles.zkiz.com/?id=2037

好仔唔當差 揸刀切壽司

2015-08-03  NM

去年九二八，警察在金鐘施放催淚彈，一場雨傘革命改變了下一代。這天，對當差九年的阿賜（陳宗賜） 來說，亦是人生的轉捩點。做水警的他，被派往金鐘駐守，但那天是他的Last Day。不再揸槍的他，轉行揸刀切壽司、刺身。在屋邨長大的阿賜，小時與死黨Kenji（施毅軍）及Nick（馮紹南）夢想一起創業。三人兩年前一放工， 就會走到尖沙咀一間叫「古今」的壽司店拜師。略有小成，去年各自辭工，在觀塘商廈開店，為感激老闆，把新店改名為「古今二」。鋪頭卷物名字古靈精怪，如忘 不了您、午夜牛郎、大將軍等，不過名字與食物是什麼，根本無關；亦賣生果壽司，味道合格，成功挑「明將」機。即使外面多兇險，無論是客人或老闆，都可暫時 沉醉在這個「無厘頭」的世界。

中五畢業的阿賜，做了數年不同工作，最後選擇當差，「去過大大小小唔同嘅部門，好似PTU、守分區，最長時間都係水警。由細到大都有一個夢想，就是跟兩個 老死創一番事業。我哋都成日幻想有間鋪我哋會點做，一出到嚟做嘢我哋已經儲定錢，打算放落未來間鋪度。」三人想創業，但苦無合適主題，後來經朋友介紹，到 尖沙咀「古今」，一試難忘，Kenji答道：「好多壽司店都係大型連鎖店，好少整得咁靚，啲名好特別，好似『忘不了您』，叫咗都未知係咩，出到嚟又好有驚 喜，就覺可以喺香港發揚光大。」三人即時拜餐廳老闆為師，並主動提出不收分毫充當餐廳員工：「我哋同師傅講明，我哋都想開一間類似嘅鋪頭，我哋任勞任怨， 只要佢肯教我哋就得。」餐廳老闆Akina師傅一口答應，他說：「我以前喺日本同美國做壽司，早兩三年先返嚟香港開餐廳，志在過吓日辰，做幾年就退休，當 時無諗過會有人嚟拜師，見佢哋咁堅定，俾機會佢哋試吓。」師傅第一堂就要求三人徒手接壽司刀，「邊個夠膽接先過關。」

放下延伸的警棍

這場「入學試」合格，惟三人對廚藝一竅不通，一切由基本功學起，「由點抹壽司吧，點揸刀，到揀貨都要學，一收工就去幫手。」當水警的阿賜，返工時要較大的 體力勞動，放工後成個人都「散晒」，他想過放棄：「返工要喺海上四圍巡邏，長時間集中精神，揸小艇都要係咁出手力，去到鋪頭又要用陰力捏壽司。」不過，朋 友的支持就是動力，三人並肩作戰，才可撐足兩年。最後「古今」租約期滿，他們便乘機請打算退休的師傅到新鋪做顧問，阿賜亦回部門交辭職信，獲上司挽留，但 他頭也不回：「我上司話幫我準備升級試，但警隊始終都有咁多人做嘢，就算我真係升咗職，之後都要經好多人際關係先可以再行下一步，太多嘢控制唔到，反而做 生意好多嘢都係自己決定。」三人決定到觀塘開店：「東九龍愈嚟愈多寫字樓，見有發展潛力，租金仲平，所以就決定喺呢區開。」有師傅做顧問，上至聯絡供應 商，下至裝修、請人，故他們開始得較為順利，阿賜說：「入貨方面，師傅有好多相熟供應商，有個喺日本，就算香港嗰批供應商都好俾面佢，貨品有問題，會第一 時間同佢follow。」他們亦不用被騙，少行寃枉路，「外行人俾人呃咗都唔知！有啲sales見你入開三文魚，佢哋就會講用一半價錢就入到同一品質嘅 貨，但係用透明膠袋密封住咗，外行人買咗先發現唔新鮮，得不償失。」

新式卷物吸女食客

新鋪大部分食物種類沿用舊menu，好像「烈焰紅唇」、「火山」、「忘不了您」，但也有新創作，Kenji解釋：「『蕉魔』係源自之前電視劇『cool 魔』個角色，用了芝士、炸牛肉、牛油果及香蕉，到依家都好受歡迎！」與連鎖店不同，每個客人點不同壽司，上菜時都會有不同擺法，他們希望在沉悶的生活中， 為客人送上一些小驚喜，Kenji能夠將相同的壽司卷排出不同的造型：「試過有一晚要整一百五十條壽司卷，我就砌咗超過五十款唔同嘅擺法。」現場所見，不 少女食客在食物上桌後，都會先「餵飽」相機。來自澳門的遊客Heather稱：「要吸引到朋友『like』先會拍照放上網o架。」Kenji表示用水果作 配料亦是街外少見：「其實生果好難處理，唔可以放太耐，要即做即食，同壽司飯未必夾得埋。我哋都試過唔同款嘅生果，好似將香蕉炸完之後再搭牛油果，放落壽 司飯度，好多客都好鍾意。」他指生果是他們親自到果欄買，當中牛油果是最難搞，「買親都係唔熟嘅，要擺幾日先得。」他們又考慮會用水蜜桃做壽司，「其實有 客人試過俾個榴槤整壽司，都OKo架，不過唔係個個客鍾意，所以menu無o架。」

比親生仔更親

餐廳開店約半年，生意上了軌道，而師傅現在充當顧問角色，技癢時才會落場幫手，「睇住佢哋一日一日咁成長，都想睇住佢哋有一日超過我。」本身已有子女的師 傅，坦言對他們的時間比對自己的家人還要多：「見三個徒弟咁生性，都當佢哋係自己親生咁。」問到阿賜會否有招數留住師傅，他答：「我哋當然想佢繼續留喺 度，因為壽司嘅嘢就係學無止境，我哋得閒都會一齊出去飲吓酒，希望佢嘅退休大計可以再延遲！」

營業資料（06/2015）總營業額：$480,000租金：$30,000人工*：$150,000雜費：$190,000盈利：$110,000*八個全職，四個兼職

開業資料（02/2015）租金#：$60,000裝修：$750,000入貨：$80,000器材：$200,000雜費：$380,000總投資：$1,470,000#一按一上

壹點意見

「日本通」陳方藤（Meter）在港經營四間拉麵店，原來他對壽司卷物亦有一番研究，他對阿賜的餐廳有以下建議：

食物Meter試吃了三款食物，其中他對金龍卷（三文魚、芝士及炸蝦）最為滿意。惟他認為每一款壽司的醬汁太多，賣相就不欲評論，味道則太過複雜：「三種 汁帶唔出層次感，我覺得可以唔使再落甜醬油。」他建議醬汁可在客人面前淋上：「可以多啲互動，有時問過客人，唔落都得。」結論：要招牌菜Meter表示在 日本「下町」（即舊區）都有不少貴價食店，他覺得若做出水準，價格即使貴一些客人亦不太介意。但認為店鋪有不少菜式給人選擇，再增加就有備貨的風險，「做 fusion嘢多啲選擇無可厚非，但人手、存貨壓力就會大咗。」他認為店鋪新鮮期過後，能做出招牌菜方為上策：「我見過日本有鋪頭將一條好長嘅卷物，切都 唔切就咁俾客人，出到嚟反應好好，店主可以參考吓，有時簡單就是美，唔使太花巧。」

撰文：梁延宇攝影：關永浩、張國慶[email protected]


PermaLink: https://articles.zkiz.com/?id=156791

趣BLOG BLOG： 股場母子兵　要仔唔要乸

1 : GS(14)@2013-05-12 14:55:30

好似漏左554拆746，1同13拆808，17拆659，688拆3311....

http://hk.apple.nextmedia.com/financeestate/art/20130512/18256814
2 : GS(14)@2013-05-12 14:56:31

理文手袋倍升　母企倒輸

坊間經常質疑，由母公司分拆出來的資產，質素唔慌好，大股東純粹借此套現。因此分拆招股時，反應麻麻。股榮統計過去數年個案，結論恰好相反，純睇股價表現，要仔唔要乸。
為分散風險又好，擴展業務都好，上市公司一般經營數項業務，但估值上往往1+1<2，每股資產淨值（NAV）較股價低司空見慣。分拆業務，其中一個原因是令估值全面釋放，分析員較易評估單一業務表現，只要阿仔「生生性性」，最終可以回饋報答阿媽，股價齊齊報捷。
近年較矚目個案，分別是太古（019）分拆太古地產（1972），以及電盈（008）分拆電訊信託（6823），甫上市至今，阿仔齊齊跑贏、回報分別達61%及83%，領先阿媽約20個百分點（見表）。至於兩年前由理文集團（746）分拆出來的理文手袋（1488），差距更大，阿仔回報超過一倍，阿媽反而要輸54%。
磚頭升值，多隻由母公司分拆的房產信託公司同樣水漲船高，升幅動輒五成以上，反觀阿媽個別發展，鷹君（041）跑出錄得1.4倍回報算是異數。甚至乎，如果阿仔先上市，阿媽後上，仍然要仔唔要乸。中銀（2388）於02年上市，中行（3988）06年跟隨，七年間，貴為四大行、食正中國經濟急速發展的中行，連同股息等計算，回報不足50%，中銀期間卻反覆進賬1.5倍。
內銀支行敗家　累埋阿媽

中資股幾年來盈利皆有增長，可是A股卻背道而馳，與其說估值被低估，股榮更深信市場具有前瞻性，誠如央企中鐵建（1186）每年招待費動輒使十億、差旅費亦達十億，豪食送禮、無視肅貪。
內地審計署日前發表報告，指內銀違規放貸情況持續，農業銀行（1288）、建設銀行（939）2011年違規貸款共166億元人民幣，部份更已惡化成不良貸款。表面數字已經超過200億港元，何況暗地裏涉及的不當交易，農行前副行長欠30億元人民幣賭債，可能只是冰山一角。就算香港仔幾生性，其他省支行卻做敗家仔，阿媽最後仍然要褲穿窿。

股榮
PermaLink: https://articles.zkiz.com/?id=282882

功課多脾氣大 仔唔易教

1 : GS(14)@2014-06-16 12:53:06

http://www.skypost.com.hk/港聞/要聞/20140616/001/功課多脾氣大%20仔唔易教/142505
不少家長望子成龍，但有調查指逾四成家長管教子女感困擾；逾七成關注小孩品格及價值觀，但培養時間遠不及學業。有機構指多數小孩做功課至晚上十點，出現情緒問題及每天發脾氣，專家籲給予孩子自由時間。
有機構在四至五月進行問卷調查，訪問三至十二歲兒童家長，逾千家長中，74％關注小孩價值觀和品格問題，不過每周花超過十小時培養小孩品格和價值觀的家長，僅得6％；相反，32％家長每星期會花超過十小時在孩童的學業上。
最關注品格 惟投放時間較少
聖公會聖基道兒童院服務督導主任陳香君分析指，原因是功課、學業讓家長有指標可以跟從，家長每天只要催促子女「達標」溫習功課，就完成學業上的管教；相反在品格方面，因未有客觀的標準，令家長無從入手。
臨床心理學家陸詠詩表示，家長可以考慮每天自製「感恩練習」，教孩子欣賞身邊的小事，令他們思想更正面。陸又指，孩子的品格培養需要由父母身教，建議父母多留意個人言行。
做到晚上十點 難放鬆鬧情緒
另外，有66％受訪家長指，管教小孩的情緒方面感到困難。陳香君認為，現時孩子生活習慣令他們情緒受抑遏。她指，透過平日工作觀察，大部分小孩做功課至晚上十時，初小階段每天花至少兩小時在學業方面，令小朋友難以放鬆，容易有情緒問題。最極端個案是有小孩每天鬧情緒一至兩小時，她建議家長可以讓小孩做功課前有半小時休息，令他們放學後可先放鬆再工作。
調查又指，逾半受訪家長每星期給孩子少於兩小時進行社交活動。孩子每天社交時間平均少於二十分鐘。陳香君指，家長重視小朋友學業是可以理解，除了遊戲，建議每天為小朋友訂立故事時間，小孩可從中放鬆和建立正面思考。
陸詠詩亦表示，家長需要理解孩童的個別需要，以訂立功課時間和遊樂時間，而非隨波逐流，不斷為小孩子增加工作量。
兒童之家「爸爸」：勿事事「我為你好」
政府一直資助非政府機構，免費為有需要的孩子提供各類住宿照顧服務，服務名額共有3,671個，當中包括院舍及非院舍兩類。院舍服務如留宿幼兒中心、兒童院等；非院舍服務則有寄養服務及兒童之家。兒童之家的「家長」，更要擔當父母角色，以愛心扶助孩子們成長。
成為兒童之家家長八年的張偉良，過去曾照顧22名小孩。曾有小孩因媽媽精神有問題而不能同住，孩子視每個人為仇人，不願意溝通。張花了一年開解他，最終成為其母子溝通的橋樑。對於時下家長管教方式，張認為應少用自我期望作指標，不要一味以為「我為你好」，此舉既未能激發孩子的工作動力，亦會加重孩子的壓力；家長可鼓勵小孩思考，想想自身的行為和後果。張憶述曾有小孩愛打電動，較少溫習，他未有立即制止，反而鼓勵孩子思考沉迷電子遊戲的後果，配合獎勵方法，一周後孩子想通了，自動校鬧鐘起床溫習，默書取得100分。
PermaLink: https://articles.zkiz.com/?id=284675

發哥勸放棄爭影帝華仔唔肯讓學友：我都未攞

1 : GS(14)@2016-02-02 15:57:35

■華仔（左）和發哥在台上互相整蠱，大放笑蛋。


今個農曆新年在西片讓路下，變成三部華語片周星馳的《美人魚》、郭富城的《西遊記之孫悟空三打白骨精》和王晶拍了N次的賭片大對決。前晚王晶新戲在灣仔舉行首映禮，周潤發、劉德華、張學友、劉嘉玲、張家輝等先後現身會場，吸引半百傳媒採訪。



嘉玲被笑冇乜着衫

當晚五位主角輪流在台上搞gag製造氣氛，當司儀問劉嘉玲要在發哥和學友中揀選一個做對象，嘉玲即表示二人無論戲外戲內都是好男人，很難選擇，此時張家輝即插科打諢說：「咁你又點睇我？」嘉玲笑言：「你係新演員嚟喎，唔係好識你！」嘉玲又說戲中男演員着靚衫多過自己，學友就話：「因為嘉玲喺戲入面係冇乜着衫！」



■穿上價值47,000元Marc Jacobs最新春裝裙的劉嘉玲，貴氣十足。

■鍾采曦（圖）和莊思敏冒寒搏到盡拋胸上陣。

莊思敏



最後輪到發哥和華仔發功，發哥指今次有三個影帝合作，因為華仔、學友和家輝均有份入圍今年金像獎爭最佳男主角，發哥笑指華仔和家輝要讓路給學友，事關學友未奪過金像影帝，華仔即愕然地說：「我都未攞，點讓呀！」


■經常被指是「孖生兄弟」的學友和家輝，預祝電影有20億票房。


對於近日有網友杯葛罷看王晶新戲，王晶就霸氣哥上身，指香港只是內地票房的25分之1。王晶言論沒放香港票房在眼內，但當記者問學友會否擔心因為王晶言論而影響票房時，學友卻一臉認真地說：「晶哥同呢部戲係冇關係㗎，你哋同我講番出去啦。」身旁的發哥亦幫手解畫說：「係呀，佢（王晶）喺片場淨係瞓覺，不過佢瞓醒就知拍到邊。」採訪：卓寶花、張俊銘攝影：陳俊強





來源: http://hk.apple.nextmedia.com/entertainment/art/20160202/19475436
PermaLink: https://articles.zkiz.com/?id=295068

生仔唔靠醫生藥物野外自然分娩都得？

1 : GS(14)@2016-07-17 15:41:32

現代媽媽們生孩子，如臨大敵，要在大自然裏自行產子，似乎難以想像。現居於美國猶他州的瑟伯（Simone Thurber）卻以此為「夢想」，而且成功了。瑟伯4年多前在澳洲昆士蘭一條溪流，在沒有醫生、沒有藥物止痛的況下誕女，並把短片上傳到YouTube分享，吸引逾5,200萬人次觀看。儘管不少人質疑她的決定，但瑟伯指女兒如今已經4歲半，而且身體健康，是個「棒極了的小女孩」，強調當時的決定是正確的。現年43歲的瑟伯是4子之母，在大自然分娩是她的夢想，她與當時的伴侶尼克(Nick)住在澳洲墨爾本，決定到昆士蘭一個熱帶雨林產女。瑟伯曾接受分娩訓練，她開始作動後，帶着薄墊子來到河邊，全裸的她四肢着地，然後看到寶寶的頭出來了。瑟伯說︰「她有點卡住了。尼克本在錄影，他把攝錄機交給我們的朋友，為寶寶的肩和頭調整一下，然後她就出來了。我立即抓緊她把她抱在胸前。」她三名女兒也在旁邊看着妹妹出生。瑟伯說上載影片是希望讓人理解如何在野外誕子，但從沒想過迴響會那麼大。在沒有醫護人員和止痛藥的協助下，瑟伯順利誕下女兒彼魯茲（Perouze），她之後更將胎盤部份打成奶昔來喝。瑟伯說：「我每次分娩後都受產後抑鬱之苦，這樣做有幫助，我感到精力充沛頭腦清醒……而我們美麗的小女孩健康又安好。」她又按澳洲土著傳統，把剩餘的胎盤埋在溪流旁邊，完成「回歸大地」的傳統。瑟伯說女兒成長一直順利，她說：「知道逾5,200萬人花時間看我誕下彼魯茲、無數父母多謝我分享這親密的體驗，幫助他們減少壓力和恐懼是非常美好的。」她的短片甚至啟發有電視台製作野外分娩的真人騷。不過她強調，並不建議孕婦在未諮詢醫生的情況下進行野外分娩。英國《每日郵報》





來源: http://hk.apple.nextmedia.com/international/art/20160716/19697673
PermaLink: https://articles.zkiz.com/?id=303941

生仔唔駛60秒 企喺醫院門口分娩咁奇妙

1 : GS(14)@2016-08-08 00:17:04

英國北林肯郡一名準媽媽到醫院準備分娩，寶寶似乎急不及待「搶閘」，結果媽媽在大堂門口站著將寶寶誕下，全程不超過1分鐘，看來非常輕鬆。事發在上周日凌晨，斯塔賓斯（Jessica Stubbins）說其實前一日已到過醫院，但一過了午夜不久，她就意識到自己快要分娩。斯塔賓斯在丈夫湯姆（Tom）駕車護送下再到醫院，她著丈夫先送她到醫院門口，再去泊車，她說：「之後我嘗試很快關車門，我就知道寶寶要來了。」由片段所見，體形魁梧的斯塔賓斯才走進第一道門，還未走進第二道門，她就伏在一旁，只見她稍為蹲下將手伸入褲襠，不久抱了一個寶寶出來。此時湯姆才泊好車剛走入大堂，斯塔賓斯大叫：「是個女孩！是個女孩！對不起！對不起！。」湯姆說：「她感到非常內疚，因為我錯過了這一幕。我完全震驚，不知道發生甚麼事。那只是約百呎之遙，我仍是錯過了。」斯塔賓斯分娩時無須躺下或坐下，看來非常輕鬆，她說：「她就是來了，任何事也不能阻止她，我也沒時間坐下。」斯塔賓斯分娩後一眾護士趕至為新生女嬰保暖，並把兩夫婦帶入醫院內，斯塔賓斯母女平安。英國《每日郵報》





來源: http://hk.apple.nextmedia.com/international/art/20160807/19726580
PermaLink: https://articles.zkiz.com/?id=304811

三藩市遊客命仔唔值錢？觀光巴竟得三成有驗車

1 : GS(14)@2016-08-14 14:29:14

三藩市是觀光遊客在美國的首選城市之一，但竟爆出全市的觀光巴士僅有三成曾通過驗車檢查的荒唐數據。而對於接連有觀光巴士在三藩市發生致命車禍，民間團體表示「已忍無可忍」，呼籲政府盡快通過數項由華裔加州議員推動的州法案，加強對觀光巴營運安全的監管。駐三藩市記者：唐芷瑩去年11月13日下午，三藩市匯聚最多遊客的知名景點聯合廣場（Union Square）發生一宗駭人交通意外。當時一架載有約30人的兩層觀光巴在馬路突然煞車失靈猛衝，造成廿人受傷，其中多人傷勢嚴重；除車上乘客外，也包括路上踩單車人士和其他車輛上的乘客受傷。後來傳媒踢爆，這輛出事巴士從未被加州公路巡警（CHP）檢查過。公路巡警平時只會隨機抽查每間巴士公司的少數車輛，整體檢查率僅三成；加上當局每次上門前，都會事先跟巴士公司「約訪」，等同給予負責人掩飾車輛狀況的機會。州眾議員丁右立（Phil Ting）因而提出法案AB1677，要求CHP與各市政府更頻密檢驗觀光巴。他於周五記者會上呼籲大眾支持法案：「我們要令道路零意外，再沒有行人或單車騎士被撞倒，終日提心吊膽都不要。」這項法案已獲眾議院同意，但尚需通過參議院和州長簽署這兩關。除此之外，州眾議員邱大偉（David Chiu）和州參議員希爾（Jerry Hill），也正分別推動相關法案AB1574及SB812，確保杜絕「幽靈巴士」（未妥善登記的觀光巴），以及提高觀光巴的驗車、用路安全標準。巴士因為體積龐大，轉彎幅度廣，若發生車禍常釀成死亡悲劇。行人維權組織「步行三藩市」（Walk San Francisco）統計顯示，市內包括觀光巴在內的大型車輛雖只涉及4%的車禍事件，但高達17%的交通意外死者，都是被這類車輛撞死。單車聯盟（San Francisco Bicycle Coalition）主席威登邁耶（Brian Wiedenmeier）對《蘋果》說：「單車是三藩市最便捷的代步工具之一，我希望這次的立法過程對大眾而言，也是一個警號，提醒他們這些大型車輛在路上可能帶來的危險。很多（單車）聯盟會員曾向我反映，大巴司機常作一些危險的轉彎，危害他們安全。」




來源: http://hk.apple.nextmedia.com/international/art/20160814/19735789
PermaLink: https://articles.zkiz.com/?id=305775

洗米仔唔跟老竇媾女：使佢教？

1 : GS(14)@2016-08-18 06:04:28

■洗米仔周柏豪與姑姐（左）都十分支持Heidi。資料圖片



洗米華與前妻所生的長子、洗米仔周柏豪完全得到爹哋的遺傳，父子都甚有生意頭腦，洗米仔於十多歲時於英國讀中學，當時已經與老師創立了學生折扣App，賺到約200萬港元做本給自己創業，完全沒有問過家人取分毫。洗米仔表明父親並非他的理想投資拍檔，主要是覺得爸爸不熟行。洗米仔曾接受雜誌訪問，被問到父親洗米華可有傳授他媾女絕招？洗米仔笑言：「使佢教？」但透露老竇會用肥胖打擊他，而洗米仔與繼母陳慧玲（Heidi）感情好，非常支持她。撰文：劉敏




來源: http://hk.apple.nextmedia.com/entertainment/art/20160818/19740624
PermaLink: https://articles.zkiz.com/?id=306373

【馮仁昭四圍超】青雲爆古仔唔識游水

1 : GS(14)@2016-08-18 06:04:33

導演陳木勝、洪金寶、劉青雲同彭于晏噚日去馬來西亞，為電影《危城》宣傳。呢次古仔冇去就畀佢哋講壞話。彭于晏被問到假如青雲同古仔跌落水，會救邊個？青雲居然搶答：「梗係救古天樂啦，佢唔識游水㗎嘛！」又乘機投訴陳木勝安排危險位置畀自己：「拍爆炸戲嗰陣，陳木勝成日都安排我最遲走，以前仲要多數真爆，我就企喺個炸彈隔籬，成日會借啲意行前兩步，點知就俾人叫返後。」撰文：馮仁昭




來源: http://hk.apple.nextmedia.com/entertainment/art/20160818/19740392
PermaLink: https://articles.zkiz.com/?id=306392
Next Page
ZKIZ Archives @ 2019