投領展商場 盼做特色舖
1 :
GS(14)@2017-01-06 02:05:40【本報訊】「波叔」鄧成波去年底首度染指領展商場，出價競投3個項目，最終投得荃灣石圍角及葵涌安蔭兩個商場，成交價共12.958億元，負責管理資產的鄧耀昇說：「我哋特登揀冇得拆車位嘅商場，因為我哋唔係賺快錢。」投得兩個領展商場，焦點都落在加不加租，他回應：「加租，一早已知唔可以超越市價，如果領展以前加開咁多，我哋會加返咁多，我哋見到空間唔係加租，而是做唔做到生意，有冇善用商場。」以今次投得的商場空置率高，他認為就是無善用商場空間，「之前商場以服務村民為本，導致今日出租率低，但如果商場做得好，點只吸引該邨啲人，其實隔籬村，以至10分鐘車程可到嘅，商場有吸引力，啲人都會到。」他強調不想搵大型連鎖店填滿商場，「想做本地特色店舖，可能較集中食肆。如果有個地方集中食，遠少少，香港人都會去，唔使一定好貴、好高級。做返靚個商場，如果個個場都係連鎖店，好悶啫！去到邊都係咁。」兩個商場今年2月成交，預計2018年初有動作。
來源:
http://hk.apple.nextmedia.com/financeestate/art/20170105/19886878