候選港姐神秘家世大起底
1 :
GS(14)@2016-08-22 02:55:392016-08-10 EW
今屆港姐破天荒玩大堆頭，足足有三十名佳麗入圍，但先後有兩次淘汰，剩下的十位才可出發到日本拍外景，爭奪港姐后冠。
一眾佳麗鬥樣鬥學歷外，其家底背景亦有得揮，不但有「蒙古群主」代蓮曦丹美（Daisy）、華姐亞軍陳雅思（Bonnie），還有魏韵芝（Joyce）、張寶兒（Bowie）、關可欣（Angellica）等一班「麥明詩好友團」，個個大有來頭，未埋身比賽已被睇高一線。
陳雅思 華姐冠軍
廿六歲的陳雅思（Bonnie）是來自加拿大的過江龍，被視為今屆大熱。一一年畢業於加拿大Western University金融系的她，現開設網站代理時裝生意。
她的選美經驗豐富，一三年當選《多倫多華裔小姐》亞軍，事隔三年轉戰香港，似乎銳意摘后冠，但她表示：「兩地嘅賽制不同，係一個非常不一樣嘅經驗，之前比賽好開心，學到好多嘢，今次都會盡力而為，唔想畀自己太大壓力。」談到優勝之處，她自言「夠Positive」：「我為人好正面，好鍾意笑同令身邊人開心，希望用正能量去感化身邊嘅人。」代蓮曦丹美 成吉思汗後人自參選以來，代蓮曦丹美（Daisy）的背景一直備受關注，皆因她是蒙古郡主，家族顯赫。她解釋：「其實睇我個姓（塔塔爾木華黎）就知我家族係蒙古貴族，因為呢個係成吉思汗第四位夫人嘅姓氏。」對於外間一直誤傳她是德、蒙混血兒，她也作出澄清：「我冇德國血統，只係父母一早過咗德國工作，家姐都喺嗰邊讀書，我就揀咗嚟香港。」從小在海南讀書的她，一一年參加內地高考，獲731高分（滿分810分）成功入讀港大教育系，將於今年碩士畢業，並已申請做中學教師教通識科。雖曾自言家境令她不愁經濟，但在港只租住西營盤唐樓，她說：「上一代畀咗我追求夢想嘅條件，令我可以做自己鍾意嘅嘢，已經足夠。我 家做緊Fashion Blogger，又創緊業，想靠自己。」
魏韵芝 關之琳前夫孫女
身材出眾的魏韵芝（Joyce）在英國倫敦政治經濟學院修讀法律，去年正式畢業成為律師，故被封為「導彈律師」，不過為專心參賽，不惜辭去律師一職。來頭不小的她，外公是金融公司老闆王國旌，亦是關之琳的首任丈夫，其胞兄Mark則是歌手JW（王灝兒）的男友。JW亦坦承在中學時已認識Joyce，更大讚她靚女：「佢讀書叻又靚女，個個都覺得佢係女神，我對佢都好有信心！」據知情人士爆料，她的男友Philip Chan亦是富二代，兩人都是夜蒲一族：「成日喺夜場見到佢，佢選港姐之前叫啲friend盡量刪除佢啲相，唔好俾傳媒搵到，亦都唔想自己隱形富豪男友個樣曝光。」故其社交網現時只剩下她跟女性朋友遊山玩水的旅行照，做足保密功夫。
張寶兒 麥明詩閨蜜
現年廿四歲的張寶兒（Bowie）畢業於英國排列前十名的著名學府倫敦大學學院（UCL），曾於牛津大學Environmental Change Institute當研究員，亦曾任職廣告公司，現時是李錦記旗下手機應用程式的產品經理。愛心爆棚的她，曾於ITSA 非牟利機構做過義工，分別在非洲、克羅地亞和東歐等多地逗留，協助當地學校籌建校舍設備，人靚心善。
與上屆港姐麥明詩識於微時的她，透露公開亮相前曾跟對方見面「取經」，並獲傳授心得：「佢叫我be natural同be nice，平常心面對。」麥明詩更大爆：「我上年參選時，佢都有問我參選港姐嘅事。」看來已一早做足功課。對於樣貌被指似周迅，她笑稱：「好驚訝！第一次有人咁講，反而聽過有人話我似鞏俐，哈哈！我都希望朝呢個路線發展。」
關可欣 創科公司老闆
除了張寶兒，「劍橋Angel」關可欣（Angellica）更是麥明詩的大學師姐。畢業於劍橋大學物理系的她，大半年前自行創業，現時是一間創新科技公司的IT項目創辦人和業務總監。她直認不諱：「之前係做investment banking，之後同朋友喺上海成立咗間創新科技公司，主要研發App，結合咗我嘅興趣同物理背景， 家公司係香港set up。」有樣有腦，難怪連麥明詩也睇好她：「我同佢講咗啲參選程序，要注意啲咩，都有提醒佢練定才藝表演。我都睇好佢，因為佢有樣，人又好Nice！」撰文、採訪☆娛樂組 攝影☆娛樂攝影組 設計☆蔡宛真