「前隊友」余文樂貼圖告別Kobe網民狂抽水
1 :
GS(14)@2016-04-15 16:30:06■余文樂讚拜恩是一代球王，表現無人能及。資料圖片
NBA湖人傳奇球星Kobe Bryant昨日最後一場職業比賽，結束20年嘅職業生涯，一個傳奇嘅結束梗係有唔少人祝福啦，當中包括另一位傳奇「Fishman Lok」余文樂！對於Kobe退休，余文樂就話：「他絕對是我們年代的球皇，他在場上的精神無人能及！」余文樂喺圈中出名嘅籃球迷，中學嗰陣已經係籃球校隊，佢2010年仲同柏豪BB仲有一班波友成立籃球隊「橫州工業」，仲時不時打比賽。上年余文樂俾網民惡搞，連維基都改埋，話佢曾經接受「天勾老伯」同「灣仔印度Iverson」教導，喺1999年參加NBA選秀。網民越玩越大，話Fishman Lok同Kobe做過隊友，又大炒過Micheal Jordan50分，仲話佢係被喻為「東方來的超新星」，不過因為「無法投身NBA」，Fishman Lok先「心灰意懶」返嚟香港投入娛樂圈，變成今日嘅余文樂……其實呢個惡搞已經係近兩年前嘅事，但昨日當余文樂重貼與Kobe合照以示敬意之時，網民即狂抽水留言:「無你無kobe!!」、「樂帝vs高比」、「今日好似見到比賽完咗佢同高比即刻有個擁抱」、「多謝呀樂締造NBA嘅傳奇」、「傳奇球星樂帝，想當年kobe仲係個執波仔」、「幾時復出呀fisherman lok」、「我以為p落去咖哈哈哈哈哈哈哈哈哈哈哈哈哈哈哈」
來源:
http://hk.apple.nextmedia.com/entertainment/art/20160415/19571605