隔牆有耳：有機西瓜少甜 響應政府？
1 :
GS(14)@2015-07-10 08:54:07漁護署每年都同新界蔬菜產銷合作社舉辦本地有機西瓜節，今年仲最新引進咗來自泰國嘅品種「玉蘭」。新品種果身呈圓形，表皮係鮮綠色帶有條紋，肉質爽脆，最特別之處係果肉呈淡黃色，比較少見。雖然甜度唔夠其他西瓜高，但係政府都成立「降低食物中鹽和糖委員會」，咁「少甜」西瓜都不失為一個符合政府政策嘅另類選擇，況且「玉蘭」含較多葉黃素，對雙眼有益。本地有機西瓜節將會喺今個星期六、日喺沙田公園結客場舉行，時間由上午10時至下午4時，免費入場。大家除咗可以一試呢款黃色微甜西瓜，仲有另外3款近年引入嘅有機西瓜出售，包括「超甜黑美人168」、「黛安娜」同「鳳姬」，而參加展銷嘅43個農戶，仲會攞埋自家種植嘅時令有機蔬果出嚟㖭。
來源:
http://hk.apple.nextmedia.com/news/art/20150710/19214798