「槍打出頭鳥」？ 黃書雅
1 :
GS(14)@2012-11-13 23:59:20http://www.skypost.com.hk/column ... 0%8D%EF%BC%9F/49869
公司的年度晚餐又快到，以往慣例都是由新來的練習生，與人事部及公關部代表組成工作小組，統籌各方面的工作。
Joyce：「我哋呢邊嘅Trainee最近真係忙！人影都唔多見，搞到我踢晒腳。」
Ada：「Trainees都去咗搞公司個周年晚會，所以會忙啲。」
Peter：「奇怪！我又唔覺得我哋個Trainee好忙，佢係咪冇份參加工作小組？」
Joyce：「唔會啦！我成日聽到我哋個Trainee講起你哋嗰個，成日唔開工作小組會議，交畀佢做嘅工作都冇如期做好，所以佢哋呢屆Trainees已經佢起咗個花名，叫佢做『霹靂俠』，成日都閃咗。」
Peter：「真係？我哋又唔覺得佢咁冇責任感，佢喺我哋部門嗰時，成日畀好有建設性嘅新建議，又識得先做好調研工作至提出建議，我哋好欣賞佢！」
Ada：「我都聽老闆讚你哋個Trainee喺上次董事局會議上表現出色。」
Joyce：「咁我真係替佢擔心！作為一個新人識得爭取高層注意係好事，但得罪晒身邊同級嘅同事，咁將來要上位就十分困難！有謂槍打出頭鳥，佢分分鐘未上到位，就畀人家打小報告打死！」
Peter：「希望佢聰明一啲同有危機感，識得分配好自己嘅時間，以後唔會顧此失彼。唔係就浪費咗一個大好人才！」
Joyce：「咁好睇佢嘅性格同價值觀。」
Peter：「仲要睇佢嘅際遇，同有冇一個好老闆提點一下喇。」
內地流行一個說法：「槍打出頭鳥」，意思是誰最突出誰就先死；這好像我們廣東話說的：「人怕出名豬怕肥」；指最精明的就是那些懂得「扮豬食老虎」的人。可能因為這樣，我們總是比外國人「慎言」，開會一般不做第一個講話的，甚至全個會議，我們都可以不發一言。
語言問題 獻醜不如藏拙？
有時這可能是語言問題，我們自覺英語說得不夠好，所以在外國人面前獻醜不如藏拙；但大部分時間還是我們不夠自信心、勇氣，害怕丟臉寧願放棄說話的機會。但這樣做容易令外國人老闆認為我們能力不夠。早期在跨國機構打工時，我看到大部分老闆都認為，英語說得好的就代表他們工作能力強，而那些不懂得發表個人想法的就被標籤為弱者；那時覺得很無奈，常想為何老闆們這麼膚淺。
但後來我發現有些較精明的老闆，其實並不是看一個人的英語能力，他們不太在意你的發音、文法，只是要看你的自信、勇氣和處事態度。他們認為一個有想法、但不敢說出來的人太懦弱，將來不會成為一個好領袖。我認為這種想法不無道理，所以我常鼓勵年輕人—尤其是能幹、有思考能力的人—多練習公開發表自己的言論，無論講中文或英語，希望他們都能做到長話短說、一語中的。
改善說話兩大技巧
要做到能言善辯和言之有物，必須從講話的內容和技巧兩方面同時着手。首先要豐富講話的內容，我們要多閱讀、多思考和增廣見聞，當我們的見識、閱歷愈多，自然講話內容就會豐富起來。
而要改善說話技巧，只需要兩個很簡單的方法：⑴細心觀察那些公開演說能力很強的成功人士，從中學習；⑵自己多努力，可參加培訓班，也可自己模擬一個演說，並錄像下來研究、改善自己的說話技巧。只要你做到講話有內容、夠技巧、懂分寸，對機構上下層的人都能發揮一種親和力和魅力，同時懂得避免功高蓋主，那就算你冒「出頭」來，也不會（亦不怕）被人家的「槍」打壓了。奧巴馬不就是一個好例子嗎？
（本欄逢周二刊登）