【《蘋果》專訪】89歲何柏江腦退化難接劇
1 :
GS(14)@2017-05-19 05:43:49■89歲的何柏江慨嘆腦退化難記對白，想再拍劇都無能為力。攝影：陳俊強
何柏江這個名字，也許大家會感到陌生，由50年代黑白粵語長片拍到今日數碼化年代，何柏江的影視作品逾千部，《無字天書》、《肉蒲團》及《最佳拍檔》他都有份演出，掌櫃、睇相佬、扯皮條、司機等全都演過，是電影御用惡霸和嫖客，亦是香港資深足球評述員何鑑江和何靜江的親大哥。日前何柏江接受本報專訪，年屆89的他仍中氣十足，他自言記憶力衰退，但講到入行和日本侵華走難經歷時仍記憶猶新：「我十幾歲入粵劇先，我爸爸做佈景部，好多老倌好鍾意佢，任劍輝最鍾意。」
■何柏江（左）於《警花肉搏強姦黨》飾演惡霸，奉大佬之命捉陳惠敏。劇照
■近年何柏江拍過無綫劇《公公出宮》，他大讚胡定欣好有禮貌。
日打兩份工養家
在廣州出生的何柏江，因中日戰爭而隨家人逃來港，未料又經歷香港淪陷，他說：「我好憎日本仔，如果唔係我?家做銀行經理都唔定，?家我盲字都唔識個。」做特約演員做足65年，何柏江表示做得最多是惡霸和嫖客：「惡霸、帶人哋叫雞嗰啲咪多囉。」當年他正職在市政局，每晚拍戲收工後要繼續通宵工作，為生活，就算辛苦也頂硬上，何柏江說：「我養起一頭家喎！」
讚胡定欣有禮貌
由日薪30蚊拍到日薪500蚊，何柏江合作過的老倌、巨星多不勝數，近年以《公公出宮》飾演他女兒的胡定欣印象最深：「胡定欣我好讚賞佢。我拍咁多年戲，未試過有人自我介紹『我叫胡定欣，我係做緊你個女！』呢個女演員真係好得意，好有禮貌。」今時今日，何柏江仍熱愛演戲，但因記憶力衰退，不得不減少演出：「腦退化，記唔到對白，TVB打電話嚟我就講，對白多唔好搵我，無能為力。」採訪：戴彩煥、馮國康場地提供：龍華酒店
來源:
http://hk.apple.nextmedia.com/entertainment/art/20170519/20025639