市況低迷 財金書失寵 齋睇唔買
1 :
GS(14)@2012-07-20 15:52:09http://hk.apple.nextmedia.com/financeestate/art/20120719/16527252
記者在其中一間出版社的財金書籍專區觀察，買書的人少，不少人坦言，買財金書的真正目的不是投資，而是消閒。之後又到了另一大型書店的攤位示察，一幢幢財金書的四周圍了不少讀者翻看，當中不少人花上約十數分鐘「打書釘」，但實情「旺丁不旺財」，買書只是少之又少。在付款的人龍中，就算不計流行小說類，手持政治時事、社會科學類書籍的都遠比財金類為多，難免令人覺得財經書已經隨市況轉淡而失寵了。
[買咗乜嘢書？《金融黑洞》黃生：「同投資都冇直接關係，只當係增長財經常識。我真係都係會以睇報紙 Update財經資訊為主。」] 買咗乜嘢書？
《金融黑洞》
黃生：「同投資都冇直接關係，只當係增長財經常識。我真係都係會以睇報紙 Update財經資訊為主。」
「睇報紙好過睇財金書」
眾多財經書籍當中，以開宗明義教人投資股市的書籍就是銷情重災區，不少人拿起翻兩翻就放低，明顯沒有引起買家的興趣，相信和大市氣氛差有關。
多位受訪者表示，最近投資意欲低，「手上啲貨都壓死晒啦！」他們都認為睇財金書對投資直接的幫助有限，甚至話「如果我想知道有關投資的心得，我會寧願睇報紙專欄。」
不過，財金書籍不是全軍覆沒的，其中一類成功殺出一條血路的，就是和內地政經相關的財經書。有受訪者表示，會希望透過睇這些書去了解國內經濟。亦有受訪者表示，希望可以知道中國經濟的去向，「（中國經濟）會唔會爆煲呢？會唔會硬着陸呢？都要睇多些資訊留意吓，特別香港和中國經濟咁密切，如果中國經濟爆煲，香港點算呢？」