|
||||||
|
新城財經台為成 立二十年，在紅磡海逸酒店舉行盛大酒會，請商務及經濟發展局局長蘇錦樑主禮兼致辭，因場內人士太多，聲音嘈雜，左丁山一時之間，都聽唔清楚蘇局長講乜嘢。 到場嘉賓之中，除局長、議員、銀行家及廣告大客戶之外，還有好多青春美女，左丁山都唔知係邊個，問吓旁邊人士，佢地話係某某歌星、某某明星、某某樂隊成 員，左丁山完全未聽過，只係認得容祖兒，旁邊人士見左丁山咁無知，都冇興趣講落去，轉頭行開。不過靚女之中，點都認得出嘅就有一位，就係now電視嘅林燕 玲，點知佢送上卡片，竟然係渣打銀行嘅「認股證銷售副董事」，老闆就係翁世權Simon，翁世權專請靚女銷售窩輪，從now掹走林燕玲，梗係佢策劃嘅啦。 從電視台走去銀行嘅靚女，記得前有趙海珠（法巴）、張敏華（花旗），現在又有林燕玲，似乎在電視台講新聞，係上位捷徑。 一切儀式完畢後，幾 百名賓客走得七七八八，宴會廳唔再嘈嘞，港大民意調查計劃主持人鍾庭耀博士行過身邊，立即捉住佢問一問：「嗱，邊個講大話先，究竟七一遊行有二十二萬人還 是六萬人，數字相差太遠喎！」鍾博士斬釘截鐵咁講：「我地做調查，點會講大話，據我地調查所得，今年七一遊行人數約係六萬人，上下加減五千，範圍在五萬五 至六萬五之間，數多三次都未夠二十萬人。」然則民陣如何數出二十二萬人，俾傳媒日講夜講？鍾博士話：「我唔評論人地點數，但係相信我地嘅調查正確，遊行人 數就係咁多，六萬左右，一定冇二十二萬。」講得咁肯定，有無證據？鍾博士話：「我地會將高清拍攝嘅遊行影片放上網，市民如有興趣，可以逐格數，但高清畫面 佔好多記憶體，我地將畫面濃縮，電腦睇可能有啲矇。真有興趣求證求真嘅人士，可以要求我地出示影碟，睇真啲。」哦，有影碟為據就費事花唇舌爭論啦，大學畢 竟有更高要求嘅求真精神，唔係口噏噏，當秘笈。不過咁，傳媒為求有大數，已經講開咗二十二萬，講一千次就會變成真理！ |
||||||