澳洲註冊 9月香港擺酒海俊傑娶化妝師
1 :
GS(14)@2017-03-04 00:34:44■海俊傑前日在澳洲迎娶拍拖三年多的女友Effie。互聯網圖片
現年44歲的海俊傑去年7月出席活動時，事先張揚已向拍拖三年的化妝師女友Effie求婚，預告今年3月1日結婚。前日早上7時多，二人在澳洲墨爾本一間教堂舉行婚禮，Effie更即時在facebook貼出於當地拍攝的婚紗相，兩人深情對望，手持花球相擁，臉上掛上甜絲絲的笑容，新娘更留言：「I Do！」
■啜爆老婆的海俊傑，透露稍後於北京及香港設婚宴。
■海俊傑會在墨爾本逗留十日，周圍再影婚紗相。
流下開心淚
海俊傑前晚接受本報訪問，憶述婚禮時表示非常感動，他和太太也流下開心眼淚。問他可有說甚麼感動話逗老婆？他笑謂：「感動說話唔係我講，係個神父講。」問到為何選擇在澳洲結婚，海俊傑說本來是去當地做慈善演出，他說：「個騷係我uncle杜平叔搞，佢知我準備結婚，提議我嚟呢度蜜月旅行，話可以坐吓馬車，周圍影吓相，結果我決定唔等蜜月，直頭就喺呢度註埋冊。」
生B問大佬
海俊傑透露會在澳洲逗留十日，問他是否會在香港補擺喜酒？他說：「會呀！但4月會喺北京擺咗先，都係請啲好熟嘅朋友，大約擺八、九圍，9月份再喺香港擺，預計擺三十圍左右，都係大班朋友開心吓。」談到生B，海俊傑笑言已有造人大計：「有呀！但要問咗我大佬先，我大佬好大㗎，佢喺個天度，就係耶穌，交畀佢決定啦！佢同我決定咗第一步，第二、第三步都交畀佢，?家最緊要做好工作，做好自己先。」採訪：小米
來源:
http://hk.apple.nextmedia.com/entertainment/art/20170303/19945320