2010-06-1 AD
| ||||||
| 正當振聰哥忙緊 俾政府追稅追到氣咳之際，另一邊廂，小甜甜啲細佬妹就日日風騷都痹！噚日，俾「紅色新貴」黃英豪嘅香港資源（2882）買咗嘅金至尊，響華懋旗下嘅如心廣 場開咗一間新店，只係開間普通分店唧，估唔到大老闆黃英豪都親自落場打點。龔家更加厲害，喺龔仁心領軍下，幾乎闔家到齊，連一代宗師葉問個仔葉準都大駕光 臨齊齊剪彩，佢徒弟冼國林亦都有嚟撐場。 嘩……咁人強馬壯，係啲咩事可以將幾位高人拉埋一齊呢？原來，金至尊會sponsor《葉問前 傳》，而華懋亦好有可能同香港資源有大搞作！ 係咩搞作？龔醫生話，暫時都只係會喺華懋嘅商場開吓舖咁囉，至於增持香港資源嘛？佢話好有興趣 o架，但就要睇吓有無機會，而且要搵個合適時機先得，唔通佢嫌o依家股價貴未夠抵買？不過佢又事先張揚，話有興趣競投遲啲拍賣嘅何文田同山頂聶歌信山道豪 宅地皮，咁早爆響口，絕對夠透明度啦！ 講開又講，冼國林呢位詠春高手，噚日原來俾國藝控股（8228）委任做主席兼執行董事，真係恭喜恭 喜！ 李華華 | ||||||