中環在線：馬雲拉攏富豪再創業 李華華
| |
| |
內地富豪繼成立「中國企業家俱樂部」後，更大玩「關係」，將自己喺政經界嘅「關係」，變成一棵金光耀眼嘅搖錢樹──「雲鋒基金」。
據內地《中國企業家》雜誌報道，包括阿里巴巴集團主席馬雲（圖）、巨人網絡董事長史玉柱、新奧集團董事長王玉鎖、銀泰投資董事長沈國軍、五星電器創始人汪建國、聚眾傳媒創始人虞鋒等一班內地富豪，一齊再「創業」。
「雲鋒基金」規模有幾大？虞鋒賣個關子唔肯講，只透露基金將投資互聯網、消費品同新能源三個領域。不過，呢個基金最重要係整合各人資金、經驗同埋人脈關係，呢啲至係無價寶。
事實上，呢個超級組合甚有玩味，馬雲係互聯網業界一哥；史玉柱喺零售業曾失敗後又捲土重來，令佢充滿傳奇色彩；王玉鎖由清潔能源分銷起家；汪建國係家電行業資深老將。
|
Next Page