📖 ZKIZ Archives

經紀檢討　御貓中銀結算日備300億決戰

2008-08-11  AppleDaily

港府8月14日入市打大鱷，最先起用四大本地證券商落盤買賣，分別是獲多利、中銀、和昇和鷹達；其後因攻防戰越趨激烈，有「御貓」之稱的經紀增至10家，最終於8月28日期指結算日慘勝而歸。

當時擔任中銀證券副董事長兼總經理的馮志堅，接受本報訪問時說，在8月13日晚突接獲金管局管理層致電，邀請出席翌日早餐會。總裁任志剛在會上要求四大「御貓」在早市即落盤，「佢問我哋做唔做，冇人反對，但『御貓』無畀買賣建議，開會唔多，純粹落盤。」

內地冇撥款只出口術

馮 氏指出，中銀之所以獲選為「御貓」，主要因為銀行彈藥（存款）充裕，被委派主力買入滙豐控股（005）和中國電信（941，現稱中移動）。當時中銀有30 台終端機直駁聯交所系統，要騰出10台專做政府盤，又擁有10個經紀牌可快落盤，「中小經紀行冇可能眼紅」。馮志堅強調，該行從未接受內地撥款，入市資金 悉數籌自集團旗下在港的姊妹行（當時中銀尚未重組），包括結算日激戰要預備的300億元。他指出雖有京官指可用國家外滙儲備購港股，但他相信只是出口術穩 定民心。他說當年是否需入市值得商榷。他認為不尋常現象於97年10月已出現，當時期指未平倉合約增至10萬張，較平時多一倍。他又說，98年4月監管機 構的報告指出，「港股並無出現造市和人為操控的現象」，某程度助長國際炒家「立體狙擊」。「佢哋大量買入遠期低息港元，金管局抽高拆息也不痛；港府掃8月 期指好倉，卻持有更多9月淡倉，都好蠢，反映任總對期指唔熟，對入市信心亦一般。」他又批評中央結算公司沒有嚴格執行「T+2」交收，放生未借夠貨即沽空 的大鱷，若嚴限的話，大鱷未必可在市場補倉，港府或可不戰而勝。

風 雲 人 物 李 兆 基 　 投 資 秘 笈 2 年 賺 500 億

2006-12-14  NextMagazine


李 兆 基 在 專 訪 中 ， 澄 清 他 並 非 放 棄 地 產 ， 他 說 ： 「 金 融 行 業 值 得 投 資 ， 亦 有 咁 機 會 ， 地 產 是 我 的 老 本 行 ， 有 穩 定 的 增 長 。 」
（ 何 少 忠 攝 ）


二 ○ ○ 六 年 ， 相 信 是 投 資 者 大 豐 收 的 日 子 。 過 去 一 年 香 港 股 市 暢 旺 ， 每 日 成 交 三 、 四 百 億 元 ， 而 國 企 股 更 獨 領 風 騷 ； 國 企 指 數 由 年 頭 五 千 三 百 多 點 ， 一 鼓 作 氣 升 至 現 時 的 八 千 七 百 多 點 ； 升 幅 達 六 成 四 。 到 港 上 市 的 中 資 企 業 ， 集 資 額 達 二 千 五 百 億 元 ， 較 ○ 五 年 多 出 一 倍 。
而 在 芸 芸 富 豪 當 中 ， 懂 得 捕 捉 這 個 投 資 黃 金 機 會 的 ， 要 數 基 主 席 李 兆 基 ； 經 營 逾 五 十 年 地 產 業 的 他 ， 及 時 於 ○ 四 年 轉 型 ， 以 私 人 資 金 成 立 「 兆 基 財 經 企 業 」 ， 四 出 在 本 港 或 海 外 搜 羅 股 票 、 債 券 及 地 產 項 目 ； 其 中 國 企 龍 頭 股 更 是 他 的 頭 號 獵 物 。 代 表 作 是 中 國 人 壽 （ 2628 ） ， 一 鋪 已 賺 過 六 十 七 億 元 。 短 短 兩 年 間 ， 兆 基 財 經 的 資 產 由 五 百 億 元 翻 了 一 番 達 一 千 億 。
七 十 八 歲 的 李 兆 基 眼 光 奇 準 ， 成 為 股 市 升 浪 的 大 贏 家 ， 被 冠 以 「 亞 洲 股 神 」 稱 號 ， 現 時 在 投 資 界 的 一 舉 一 動 ， 皆 成 為 小 股 民 的 參 考 指 標 ， 二 ○ ○ 六 年 風 雲 人 物 非 他 莫 屬 。 投 資 大 豐 收 ， 又 娶 新 抱 的 李 兆 基 ， 可 謂 雙 喜 臨 門 ， 心 情 大 靚 的 他 欣 然 接 受 本 刊 專 訪 ， 大 談 投 資 秘 笈 ， 叮 囑 投 資 者 要 把 握 機 會 。



踏 入 十 二 月 ， 可 說 是 全 民 皆 股 。 前 後 有 十 七 隻 新 股 登 場 ， 截 至 本 週 二 ， 仍 有 八 隻 新 股 正 在 招 股 。 「 熟 客 」 李 兆 基 當 然 不 會 「 走 寶 」 ， 首 選 仍 然 是 國 企 股 。 包 括 以 五 千 萬 美 元 入 股 中 煤 ， 及 早 已 買 入 九 百 萬 美 元 可 換 股 債 券 的 興 達 ， 另 外 中 交 及 已 上 市 的 招 金 ， 李 兆 基 亦 有 入 飛 。 在 「 四 叔 效 應 」 下 ， 多 隻 國 企 股 均 錄 得 數 百 倍 的 超 額 認 購 ， 令 股 市 如 虎 添 翼 。
準 備 飲 新 抱 茶 的 李 兆 基 心 情 極 佳 ， 在 本 週 二 的 基 股 東 大 會 上 大 談 其 投 資 心 得 ， 並 於 會 後 接 受 本 刊 訪 問 。
訪 問 中 ， 李 兆 基 首 次 爆 出 一 個 驚 人 數 字 ， 旗 下 私 人 基 金 — — 兆 基 財 經 企 業 ， 資 產 已 直 逼 千 億 元 。 「 差 唔 多 啦 ， 做 埋 呢 個 月 ， 應 該 可 以 翻 一 個 開 。 」 李 兆 基 一 臉 自 信 地 說 。
兆 基 財 經 企 業 成 立 於 ○ 四 年 十 二 月 ， 當 時 資 產 值 為 五 百 億 元 ， 公 司 的 投 資 大 方 向 由 李 兆 基 親 自 掌 舵 ， 是 其 進 軍 股 壇 的 私 人 投 資 平 台 ， 五 名 董 事 中 ， 除 了 李 兆 基 ， 還 有 兒 子 李 家 傑 及 李 家 誠 ， 妹 妹 馮 李 煥 瓊 及 基 副 主 席 林 高 演 。 「 大 約 兩 、 三 年 前 ， 我 就 開 始 投 資 金 融 股 票 ， 以 前 就 由 投 資 銀 行 的 基 金 經 理 做 ， 而 家 就 自 己 做 。 」 李 兆 基 透 露 ， 現 時 基 金 主 要 認 購 國 企 股 及 投 資 日 本 市 場 。
中 國 龍 頭 銀 行 股 是 李 兆 基 必 入 之 選 ， 去 年 六 月 買 入 的 交 銀 ， 已 升 值 近 兩 倍 。


玖 龍 紙 業 上 市 九 個 月 ， 股 價 勁 升 近 三 倍 ， 主 席 張 茵 賺 到 笑 ， 亦 帶 挈 李 兆 基 大 賺 超 過 四 億 元 。


三 招 揀 股 大 法
李 兆 基 教 路 ， 選 股 時 ， 有 三 招 基 本 功 最 重 要 。 「 首 先 係 揀 國 家 ， 我 最 睇 好 中 國 ， 經 濟 增 長 最 好 ， 其 次 係 日 本 。 第 二 ， 揀 行 業 ， 首 選 四 大 行 業 ， 保 險 、 銀 行 、 能 源 ， 同 埋 地 產 。 最 後 就 係 要 揀 龍 頭 股 ， 好 像 中 國 人 壽 、 平 安 保 險 、 中 石 油 ， 隻 隻 都 係 龍 頭 股 ， 我 都 想 買 國 內 地 產 股 ， 我 睇 好 ， 農 村 的 人 慢 慢 會 移 居 到 市 區 ， 到 時 就 鬧 樓 荒 。 但 現 時 冇 隻 龍 頭 地 產 股 ， 其 他 國 內 地 產 股 銀 碼 細 都 買 唔 得 多 。 」
談 到 投 資 心 得 ， 李 兆 基 越 講 越 起 勁 。 「 股 神 巴 菲 特 有 樣 好 ， 就 係 買 股 都 作 長 線 投 資 。 我 買 新 股 ， 都 係 長 線 投 資 ， 揀 鍾 意 ， 就 耐 ， 就 算 過 禁 售 期 ， 准 我 賣 都 唔 賣 。 」 像 中 國 人 壽 ， 當 年 李 嘉 誠 及 鄭 裕 彤 均 有 認 購 股 份 ， 但 在 ○ 四 年 禁 售 期 一 過 ， 便 分 別 在 五 元 多 水 平 ， 配 售 手 上 一 半 的 股 份 套 現 ； 相 反 李 兆 基 長 至 今 ， 因 為 他 買 股 票 是 作 長 線 投 資 ， 「 起 碼 等 佢 升 兩 、 三 倍 啦 。 」
他 於 ○ 三 年 十 二 月 ， 以 每 股 三 點 五 九 元 買 入 的 中 國 人 壽 股 份 ， 至 今 股 價 已 上 升 至 十 九 元 水 平 ， 單 是 一 隻 股 已 有 六 十 七 億 元 進 賬 ； 而 今 年 三 月 買 入 的 玖 龍 紙 業 ， 短 短 九 個 月 間 亦 翻 了 近 三 倍 ， 獲 利 超 過 四 億 元 。
翻 查 資 料 ， 兆 基 財 經 近 兩 年 認 購 的 十 七 隻 新 股 中 ， 有 十 三 隻 為 國 企 股 。 截 至 本 週 二 ， 單 是 持 有 這 批 新 股 ， 已 為 他 帶 來 超 過 一 百 二 十 億 元 的 利 潤 ， 相 等 於 地 ○ 五 至 ○ 六 年 度 的 盈 利 。



兆 基 財 經 企 業 部 分 投 資 項 目

今 年 ， 李 兆 基 （ 左 二 ） 私 人 及 以 發 密 密 增 持 煤 氣 。 圖 為 十 一 月 中 ， 出 席 煤 氣 引 進 天 然 氣 啟 動 儀 式 時 ， 與 煤 氣 執 行 董 事 陳 達 雄 （ 左 一 ） 、 常 務 董 事 陳 永 堅 （ 右 二 ） 及 營 運 總 裁 關 育 材 （ 右 一 ） 合 照 。 （ 《 蘋 果 日 報 》 圖 片 ）


強 攻 日 本 市 場
李 兆 基 更 首 次 公 開 其 在 日 本 的 投 資 。 「 日 本 股 市 ， 有 十 幾 、 二 十 年 冇 郁 過 ， 最 近 兩 、 三 年 開 始 復 甦 ， 息 口 開 始 有 起 色 。 我 之 前 買 入 日 本 四 大 銀 行 股 份 及 垃 圾 債 券 ， 都 有 一 至 三 個 開 （ 倍 ） 賺 ， 例 如 三 井 住 友 銀 行 債 券 ， 以 前 三 十 蚊 股 ， 而 家 已 經 升 到 一 百 三 十 幾 蚊 。 」 李 兆 基 看 好 日 本 市 場 ， 曾 買 入 日 本 地 產 股 ， 同 時 沽 空 美 國 地 產 有 關 的 股 票 ， 因 而 獲 利 過 百 億 元 。
他 解 釋 ， 投 資 日 本 市 場 是 看 到 其 經 濟 出 現 轉 機 ， 但 最 重 要 是 ： 「 睇 到 個 時 機 ， 仲 要 有 銀 紙 先 買 到 喎 ！ 」 相 反 他 指 出 美 國 經 濟 下 滑 兼 「 周 身 債 」 ， 因 而 沽 空 美 國 房 地 產 有 關 的 股 份 ， 「 依 家 用 衍 生 工 具 ， 一 邊 就 日 本 ， 另 一 邊 就 沽 美 國 。 」
炒 金 出 身 的 李 兆 基 反 而 沒 有 沾 手 黃 金 ， 「 金 只 係 保 值 ， 無 咩 增 長 ， 買 銅 、 鐵 或 錫 都 有 工 業 用 途 ， 金 就 無 水 出 。 投 資 ， 講 眼 光 睇 時 勢 ， 唔 能 夠 一 本 通 書 睇 到 老 。 」
問 到 基 金 運 作 ， 李 兆 基 表 示 ， 兆 基 財 經 與 不 同 的 投 資 銀 行 都 有 合 作 ， 如 美 林 、 高 盛 等 ， 所 以 同 時 間 全 世 界 有 幾 十 萬 人 在 幫 他 做 事 。 「 基 金 經 理 有 新 的 市 場 資 料 ， 都 會 通 知 我 ， 我 就 住 先 前 講 三 大 基 本 功 做 決 定 。 」 除 了 親 自 落 盤 ， 李 兆 基 亦 十 分 勤 力 ， 每 年 都 會 去 美 林 及 高 盛 的 總 部 會 見 投 資 銀 行 的 高 層 ， 交 換 意 見 。
御 用 經 紀 亦 發 達
當 記 者 提 起 他 的 金 牌 經 紀 ， 在 高 盛 任 董 事 總 經 理 的 私 人 銀 行 家 郭 得 勝 （ Kenneth Kwok ） 時 ， 李 兆 基 初 時 一 臉 興 奮 地 說 ： 「 你 又 知 ？ 」 言 猶 未 盡 ， 陪 同 在 旁 的 林 高 演 已 出 言 打 斷 ： 「 我 唔 會 評 論 個 別 人 士 ， 佢 只 係 sales ， 唔 係 頭 先 講 的 專 業 人 士 。 」
不 過 據 知 郭 得 勝 「 湊 」 四 叔 這 個 大 客 已 有 十 年 ， 凡 有 新 上 市 公 司 股 份 都 會 介 紹 予 他 。 這 位 富 豪 經 紀 收 入 亦 水 漲 船 高 ， 曾 榮 登 高 盛 top sales ， 年 薪 最 少 二 千 五 百 萬 元 ， 家 住 山 頂 ， 並 以 法 拉 利 代 步 返 工 。
雖 然 未 必 人 人 有 四 叔 的 眼 光 或 做 到 其 富 貴 經 紀 ， 但 李 兆 基 亦 奉 勸 年 青 人 ， 特 別 是 打 工 仔 ， 第 一 桶 金 很 重 要 ， 「 小 儉 就 致 富 ， 儲 到 第 一 個 一 百 萬 ， 然 後 去 投 資 ， 變 二 、 三 百 萬 。 」 不 過 年 青 時 的 李 兆 基 並 非 雄 心 壯 志 要 做 千 億 富 豪 ， 反 而 抱 平 常 心 。
李 兆 基 四 八 年 隻 身 由 家 鄉 順 德 來 香 港 ， 最 初 只 是 寄 住 姑 婆 位 於 跑 馬 地 成 和 道 的 家 中 。 當 時 他 口 袋 中 只 有 一 千 大 元 ， 最 初 只 是 在 中 環 文 咸 東 街 的 金 鋪 銀 號 掛 單 做 買 賣 ， 李 兆 基 說 ： 「 當 時 無 立 足 之 地 ， 只 求 溫 飽 ， 之 後 有 車 用 、 有 樓 住 就 已 經 心 滿 意 足 。 要 用 平 常 心 ， 靠 自 己 奮 鬥 ， 發 揮 自 己 能 量 。 」
長 子 李 家 傑 熱 愛 中 國 文 化 ， 出 席 公 開 場 合 時 愛 手 持 紙 扇 ， 現 主 力 打 理 中 國 地 產 業 務 。


基 旗 下 位 於 土 瓜 灣 的 翔 龍 灣 ， 年 中 出 動 海 、 陸 、 空 宣 傳 攻 勢 ， 更 成 為 地 產 建 設 商 會 推 出 新 的 預 售 樓 花 指 引 後 ， 首 個 推 出 的 樓 盤 。 （ 林 志 謙 攝 ）


李 家 誠 （ 左 ） 雖 是 地 副 主 席 ， 但 出 席 公 開 活 動 時 ， 仍 要 林 高 演 （ 右 ） 這 位 「 太 傅 」 傍 住 。 （ 黃 偉 傑 攝 ）






就 是 這 種 平 常 心 ， 令 他 在 商 場 上 贏 得 不 少 好 友 。 七 五 年 ， 市 傳 怡 和 與 港 燈 要 敵 意 收 購 中 華 煤 氣 ， 當 時 煤 氣 董 事 局 主 席 利 銘 澤 遂 與 董 事 李 國 寶 等 ， 經 股 票 經 紀 何 廷 錫 介 紹 ， 找 來 李 兆 基 入 股 ， 買 入 二 十 萬 股 煤 氣 ， 化 解 了 煤 氣 的 危 機 。 之 後 李 兆 基 更 透 過 莫 應 基 等 經 紀 ， 在 市 場 上 密 密 增 持 ， 還 應 李 國 寶 之 邀 請 ， 加 入 煤 氣 董 事 局 ， 至 八 三 年 利 銘 澤 過 身 後 才 擔 任 煤 氣 主 席 至 今 。
到 九 三 年 ， 美 麗 華 酒 店 大 股 東 楊 志 雲 家 族 ， 因 掌 舵 人 楊 志 雲 於 八 五 年 去 世 ， 兒 子 多 各 有 發 展 ， 欲 將 美 麗 華 出 售 ， 其 中 想 保 留 管 理 權 的 楊 秉 正 就 接 觸 李 兆 基 ， 當 時 美 麗 華 部 分 股 東 如 何 添 和 何 善 衡 等 ， 則 把 手 頭 股 份 售 予 長 實 及 中 信 泰 富 ， 因 而 產 生 富 豪 爭 奪 戰 。 最 後 楊 氏 家 族 對 長 實 及 中 信 較 為 抗 拒 ， 怕 入 主 後 會 撤 換 管 理 層 ， 最 後 還 是 選 了 李 兆 基 ， 他 以 三 十 三 億 五 千 多 萬 ， 買 入 美 麗 華 百 分 之 三 十 四 點 七 八 的 股 份 ， 並 信 守 承 諾 ， 讓 楊 志 雲 長 子 楊 秉 正 主 管 業 務 ， 因 而 贏 得 不 少 商 場 朋 友 「 念 舊 情 、 守 信 諾 」 的 稱 讚 。
對 於 這 兩 宗 交 易 ， 四 叔 笑 說 ： 「 當 時 買 煤 氣 係 順 其 自 然 ， 買 買 變 成 我 最 多 。 煤 氣 好 順 利 ， 最 數 ， 美 麗 華 冇 錢 賺 ， 買 時 二 十 蚊 一 股 ， 依 家 十 蚊 ， 呢 隻 眼 光 麻 麻 。 」 他 的 左 右 手 林 高 演 亦 補 充 ： 「 四 叔 與 煤 氣 、 美 麗 華 的 家 族 關 係 友 好 ， 人 家 信 得 過 四 叔 唔 會 買 間 公 司 返 來 將 佢 拆 骨 斬 件 。 」
有 份 創 辦 新 鴻 基 地 產 的 李 兆 基 ， 以 友 好 形 容 與 新 地 第 二 代 的 關 係 。 圖 為 去 年 十 月 ， 李 兆 基 （ 中 ） 與 新 地 副 主 席 郭 炳 江 （ 左 ） 及 主 席 郭 炳 湘 （ 右 ） 出 席 四 季 酒 店 開 幕 。


位 於 中 半 山 麥 當 勞 道 的 惠 苑 ， 以 李 兆 基 前 妻 劉 惠 娟 的 名 字 命 名 。 現 時 李 兆 基 和 兒 子 家 傑 、 家 誠 及 幼 女 佩 儀 ， 同 住 大 廈 頂 樓 四 層 複 式 單 位 ， 天 台 更 設 有 私 家 泳 池 。


三 劍 俠 情 誼 細 水 長 流
在 商 場 上 ， 四 叔 有 不 少 好 友 ， 如 在 六 、 七 十 年 代 合 組 新 鴻 基 的 拍 檔 郭 得 勝 家 族 。 「 當 年 新 鴻 基 呢 個 名 ， 『 新 』 代 表 馮 景 禧 （ 來 自 馮 的 新 禧 公 司 ） 、 『 鴻 』 係 郭 得 勝 （ 來 自 郭 的 鴻 昌 行 ） 、 『 基 』 係 我 個 名 。 我 做 新 地 副 主 席 冇 衝 突 ， 好 似 我 一 齊 發 展 國 際 金 融 中 心 ， 成 本 二 百 億 ， 到 而 家 估 值 八 百 億 ， 到 今 日 都 仲 係 好 朋 友 。 」
李 兆 基 的 幼 子 李 家 誠 的 新 居 ， 亦 是 新 地 發 展 的 山 頂 施 勳 道 八 號 倚 巒 ， 成 交 價 一 億 七 千 多 萬 ， 是 新 地 特 意 預 留 給 李 家 誠 的 。 而 郭 得 勝 的 姪 兒 郭 炳 濠 亦 在 基 任 董 事 ， 三 劍 俠 家 族 關 係 細 水 長 流 。
至 於 經 常 與 他 「 孖 住 」 認 購 新 股 的 股 壇 拍 檔 ， 新 世 界 主 席 鄭 裕 彤 ， 他 亦 謙 虛 地 稱 呼 彤 叔 做 「 大 佬 」 。 「 大 家 都 係 順 德 人 ， 由 細 識 到 大 ， 我 當 佢 大 佬 咁 滯 ， 時 時 都 有 傾 （ 偈 ） 。 」 聽 到 四 叔 稱 他 做 「 大 佬 」 ， 彤 叔 笑 笑 口 說 ： 「 我 大 過 佢 一 、 兩 年 ， 炒 股 我 冇 佢 咁 叻 ， 我 有 唔 識 ， 都 會 問 佢 ， 大 家 一 齊 研 究 。 」
今 年 七 十 八 歲 的 李 兆 基 ， 身 體 仍 十 分 壯 健 ， 說 話 時 中 氣 十 足 ， 記 者 跟 他 做 訪 問 ， 他 一 開 始 便 連 珠 炮 發 ， 滔 滔 不 絕 地 講 投 資 股 市 心 得 ， 未 答 完 的 問 題 ， 絕 不 容 記 者 插 口 。 他 的 保 養 秘 訣 ， 在 於 做 運 動 。
國 金 軒 是 李 兆 基 飯 堂 之 一 ， 最 喜 歡 吃 竹 笙 扒 官 燕 （ 前 ） 、 雞 湯 炖 海 虎 翅 （ 右 ） ， 及 鮑 汁 鵝 掌 炆 生 麵 。 （ 林 志 謙 攝 ）


養 生 之 道 　 心 平 氣 和
他 說 喜 歡 每 日 早 上 去 打 波 ， 下 午 兩 、 三 點 才 返 回 公 司 工 作 。 以 往 便 有 傳 四 叔 曾 與 李 嘉 誠 、 鄭 裕 彤 和 林 建 岳 ， 在 粉 嶺 皇 家 哥 爾 夫 球 場 打 高 爾 夫 球 ， 並 且 口 頭 戲 言 一 洞 注 碼 數 十 萬 至 近 百 萬 ， 一 桿 二 十 萬 ， 結 果 四 叔 在 個 多 星 期 內 ， 輸 掉 一 千 四 百 萬 口 頭 注 碼 ， 以 後 都 不 敢 再 「 打 大 波 」 。 二 千 年 時 ， 四 叔 更 與 何 鴻 燊 、 鄭 裕 彤 、 何 厚 鏵 在 澳 門 出 席 國 際 高 爾 夫 球 公 開 賽 ， 閒 時 又 會 與 一 眾 波 友 去 外 國 打 波 ， 又 會 請 幾 個 教 練 及 買 錄 影 帶 回 家 研 究 ， 可 見 四 叔 「 波 癮 」 甚 深 。
閒 時 愛 盤 膝 靜 坐 的 四 叔 ， 每 次 打 坐 超 過 一 小 時 ， 他 曾 對 記 者 表 示 ： 「 養 生 之 道 在 於 不 輕 易 動 氣 ， 對 人 開 放 ， 涵 養 多 ， 性 情 平 和 ， 便 不 容 易 緊 張 ， 心 平 氣 靜 ， 自 然 健 康 。 」
對 於 食 ， 李 兆 基 亦 甚 有 要 求 ， 據 基 職 員 透 露 ， 四 叔 至 今 仍 在 國 金 的 總 部 內 ， 設 有 員 工 飯 堂 ， 每 日 都 有 老 火 湯 和 幾 道 小 菜 ， 免 費 讓 員 工 享 用 ， 讓 他 們 午 膳 時 不 用 在 外 面 逼 。 而 他 自 己 ， 則 另 有 私 人 廚 師 ， 為 他 準 備 午 餐 。
據 四 叔 的 一 眾 好 友 表 示 ， 四 叔 十 分 喜 歡 吃 順 德 菜 ， 包 括 炆 大 鱔 、 順 德 魚 腐 、 炒 雙 皮 奶 和 金 錢 湯 等 。 其 中 跟 隨 四 叔 打 江 山 的 開 國 元 老 ， 基 地 產 執 行 董 事 李 鏡 禹 更 說 ： 「 佢 喜 歡 去 上 環 鳳 城 食 飯 ， 最 鍾 意 食 一 味 『 龍 穿 鳳 翼 』 ， 係 將 菜 、 火 腿 及 瓜 釀 入 雞 翼 入 面 ， 好 特 別 。 」
李 家 誠 與 徐 子 淇 於 本 月 舉 行 婚 禮 ， 成 為 傳 媒 的 焦 點 。
（ 《 蘋 果 日 報 》 圖 片 ）


四 叔 以 一 億 八 千 萬 買 下 由 新 地 發 展 的 山 頂 施 勳 道 「 倚 巒 」 ， 作 為 幼 子 家 誠 和 未 來 新 抱 的 愛 巢 。


心 急 望 抱 孫
李 兆 基 有 三 女 兩 子 ， 由 於 與 妻 子 早 年 離 異 ， 他 便 父 兼 母 職 ， 假 日 帶 子 女 出 外 找 娛 樂 ， 又 為 了 迎 合 子 女 ， 特 意 學 滑 雪 ， 與 子 女 同 樂 。 他 兩 名 兒 子 家 傑 和 家 誠 ， 是 千 億 王 國 接 班 人 。 四 十 三 歲 的 長 子 李 家 傑 ， 現 任 基 中 國 的 董 事 長 兼 總 裁 ， 主 力 幫 四 叔 開 拓 大 陸 市 場 ， 由 於 為 人 低 調 愛 靜 ， 篤 信 佛 教 及 茶 道 ， 故 此 甚 少 負 面 新 聞 。
至 於 三 十 五 歲 的 幼 子 李 家 誠 ， 多 年 來 都 跟 在 四 叔 身 邊 學 習 ， 更 由 林 高 演 任 太 子 太 傅 ， 兩 年 前 首 次 在 嘉 亨 灣 亮 相 ， 初 試 啼 聲 ， 上 月 更 代 表 基 出 席 賣 地 。
對 於 兩 位 太 子 的 評 語 ， 李 兆 基 連 說 五 個 「 好 」 字 ， 「 咁 多 行 業 ， 各 有 各 打 理 ， 家 誠 樣 樣 都 有 負 責 ， 慢 慢 學 ， 將 來 愈 做 愈 好 。 家 傑 主 要 負 責 內 地 業 務 ， 佢 經 驗 都 夠 啦 ， 希 望 青 出 於 藍 。 」 他 又 希 望 兒 子 放 眼 中 國 ： 「 大 陸 前 途 好 好 ， 廣 闊 好 多 ， 香 港 地 方 細 、 人 少 ， 個 個 銀 碼 大 ， 就 唔 夠 闊 啦 ， 而 家 我 係 大 陸 都 買 好 多 。 」
上 週 五 ， 李 家 誠 宣 佈 與 女 星 徐 子 淇 結 婚 ， 有 傳 徐 懷 有 身 孕 ， 二 人 將 於 本 星 期 秘 密 飛 往 美 國 洛 杉 磯 舉 行 婚 禮 。 本 週 二 的 地 記 者 會 ， 便 引 來 大 班 娛 樂 記 追 問 四 叔 娶 新 抱 事 宜 ， 他 笑 笑 口 說 ： 「 佢 旅 行 結 婚 ， 環 遊 世 界 。 」 更 表 示 已 選 購 首 飾 作 為 給 未 來 新 抱 的 禮 物 。
對 於 未 來 新 抱 是 娛 樂 圈 中 人 ， 與 李 家 成 員 一 向 低 調 的 作 風 有 所 不 同 ， 他 表 示 並 不 介 意 ： 「 無 所 謂 ， 而 家 時 代 冇 咁 封 建 。 佢 結 婚 會 淡 出 ， 佢 有 細 藝 ， 又 唔 使 出 去 打 工 。 」 對 於 未 來 新 抱 是 否 有 喜 ， 他 便 說 ： 「 唔 知 呀 ， 佢 冇 講 喎 ， 要 返 去 問 ， 希 望 係 啦 ！ 」 新 老 爺 ， 始 終 都 恨 抱 孫 。



李 兆 基 家 族 圖

李 兆 基 事 業 年 表
1928 　 於 廣 東 順 德 大 良 出 生 ， 父 親 李 介 甫 經 營 金 鋪 和 銀 號 。
1934 　 六 歲 開 始 跟 父 親 學 習 從 商 。
1941 　 十 二 歲 便 學 識 看 金 、 化 金 、 熔 金 之 術 ， 出 任 黃 金 買 手 ， 又 將 舊 紙 幣 漂 白 翻 新 ， 被 稱 為 「 神 童 」 。
1948 　 帶 一 千 元 ， 隻 身 來 香 港 ， 寄 居 於 姑 婆 跑 馬 地 家 中 ， 並 在 中 環 文 咸 東 街 的 金 鋪 掛 單 ， 及 後 發 展 貿 易 生 意 。
1958 　 與 郭 得 勝 、 馮 景 禧 等 八 人 合 組 永 業 企 業 ， 開 始 進 軍 香 港 地 產 業 。
1963 　 與 郭 得 勝 、 馮 景 禧 三 人 組 成 新 鴻 基 企 業 。
1965 　 發 生 銀 行 擠 提 及 倒 閉 風 潮 ， 之 後 內 地 十 年 文 革 開 始 ， 香 港 發 生 六 七 暴 動 ， 馮 景 禧 缺 乏 信 心 ， 移 民 加 拿 大 ， 李 兆 基 反 而 趁 低 吸 納 ， 在 港 買 入 大 量 地 皮 。
1972 　 新 鴻 基 企 業 以 新 鴻 基 地 產 之 名 上 市 。
1973 　 成 立 基 兆 業 有 限 公 司 ， 大 量 購 入 乙 種 換 地 權 益 書 ， 又 併 購 舊 樓 。
1975 　 與 長 實 、 新 地 、 新 世 界 等 ， 合 作 發 展 沙 田 第 一 城 ， 成 為 新 界 大 型 屋 苑 的 代 表 作 。 同 年 購 入 中 華 煤 氣 ， 助 當 時 的 中 華 煤 氣 主 席 利 銘 澤 擊 退 怡 和 及 港 燈 提 出 的 收 購 。
1980 　 開 始 投 資 中 國 地 產 ， 與 友 人 在 廣 州 合 股 興 建 中 國 大 酒 店 和 花 園 酒 店 。
1981 　 將 私 人 持 有 之 中 華 煤 氣 及 油 地 小 輪 股 份 轉 讓 予 地 ， 並 將 地 上 市 。
1984 　 中 英 前 途 談 判 展 開 ， 樓 股 皆 跌 。 收 購 永 泰 建 業 ， 易 名 基 兆 業 發 展 （ 發 ） 。
1991 　 安 排 長 子 家 傑 進 軍 中 國 地 產 業 。
1993 　 由 發 斥 資 $33.6 億 收 購 美 麗 華 酒 店 34.78% 股 權 ， 擊 退 中 信 泰 富 及 長 實 兩 個 買 家 。
地 及 發 在 市 場 集 資 $90 億 。
1995 　 成 立 私 人 投 資 的 仁 安 醫 院 。
被 美 國 《 福 布 斯 》 選 為 世 界 第 七 大 富 豪 ， 擁 $65 億 美 元 資 產 （ 約 $500 億 港 元 ） 。
地 配 股 集 資 $22 億 ， 翌 年 再 集 資 $35 億 。
1997 　 地 在 日 本 上 市 。
1998 　 乘 地 產 低 潮 ， 以 $24.4 億 向 地 購 入 新 都 城 一 期 商 場 及 上 水 中 心 商 場 連 車 位 ， 現 市 值 共 值 $40 億 。
2004 　 成 立 「 兆 基 財 經 企 業 」 ， 資 金 規 模 $500 億 。
2005 　 成 功 私 有 化 基 中 國 及 基 數 碼 ， 但 多 次 私 有 化 發 失 敗 。
12/2006 　 大 量 認 購 新 股 ， 以 大 陸 龍 頭 金 融 股 為 主 。
陽 光 房 地 產 上 市 。



他 們 眼 中 的 「 四 叔 」
老 友 鄭 裕 彤
新 世 界 發 展 主 席 ， 與 四 叔 同 是 順 德 人 ， 相 識 數 十 年 。
「 佢 梗 係 叻 啦 ！ 唔 叻 點 賺 咁 多 錢 ？ 我 好 好 朋 友 。 第 一 次 合 作 係 起 沙 田 第 一 城 ， 用 分 期 付 款 ， 合 作 得 好 開 心 。 我 炒 股 冇 佢 咁 叻 ， 有 時 互 通 消 息 ， 一 齊 研 究 。 大 家 成 日 一 齊 返 鄉 下 ， 佢 係 大 良 人 ， 我 係 倫 教 鎮 ， 差 幾 個 字 車 程 。 佢 娶 新 抱 未 請 我 呀 ， 佢 請 我 梗 去 ， 一 定 會 送 禮 ， 佢 個 新 抱 好 靚 女 呀 ！ 」



地 小 股 東 何 先 生
七 十 一 歲 ， 持 有 地 股 票 二 十 年 。
「 李 兆 基 私 人 炒 股 賺 幾 百 億 ， 講 炒 股 好 過 做 地 產 ， 唔 係 幾 好 ， 如 果 將 投 資 心 得 放 地 就 好 啦 ！ 我 買 咁 多 地 產 股 ， 淨 係 呢 隻 冇 錢 賺 ， 而 家 仲 住 六 千 股 ， 近 兩 年 派 息 仲 少 。 反 而 煤 氣 就 令 股 東 賺 錢 ， 好 彩 住 兩 隻 平 衡 番 都 有 賺 。 」



基 樓 炒 家 鄭 躬 明
玩 具 城 董 事 ， 經 常 大 手 掃 入 新 樓 炒 賣 。
「 基 賣 樓 都 君 真 ， 咁 多 發 展 商 中 ， 長 實 樓 價 企 得 比 較 硬 ， 基 樓 就 手 鬆 ， 炒 家 賺 水 位 亦 多 。 舊 年 九 月 我 用 一 億 買 十 四 伙 聚 賢 居 ， 而 家 賣 四 個 ， 每 個 賺 幾 萬 到 十 幾 萬 ， 不 過 都 唔 夠 兩 年 前 嘉 亨 灣 和 味 ， 我 用 一 億 掃 廿 個 單 位 ， 兩 星 期 內 就 摩 走 晒 ， 賺 二 百 幾 萬 。 」



公 司 下 屬 謝 偉 銓
基 地 產 營 業 部 總 經 理 ， 加 入 基 兩 年 ， 之 前 在 市 建 局 任 物 業 及 土 地 總 監 。
「 佢 係 執 行 上 最 高 決 策 人 ， 睇 好 掌 握 到 重 點 ， 大 方 向 佢 固 然 睇 ， 佢 仲 有 興 趣 睇 埋 則 。 呢 間 公 司 好 有 人 情 味 ， 過 時 過 節 有 利 是 之 外 ， 四 叔 生 日 仲 會 請 公 司 管 理 層 返 屋 企 食 飯 。 有 老 員 工 話 要 退 休 ， 四 叔 就 同 佢 講 ： 「 我 都 未 退 休 你 退 咩 休 呀 ？ 」



基 開 國 功 臣 李 鏡 禹
基 地 產 執 行 董 事 ， 八 十 歲 ， 認 識 李 兆 基 逾 五 十 年 。
「 我 未 被 人 討 厭 ， 咪 做 到 而 家 ！ 四 叔 好 勤 力 ， 返 唔 返 公 司 都 度 做 ， 公 司 咁 多 年 都 好 穩 定 ， 我 對 公 司 好 有 歸 屬 感 ， 返 屋 企 覺 都 諗 住 公 司 。 我 五 十 年 代 廿 幾 歲 就 識 四 叔 ， 當 時 佢 住 跑 馬 地 ， 大 家 都 係 做 出 入 口 行 家 ， 最 佩 服 佢 收 購 美 麗 華 同 煤 氣 ， 都 唔 會 將 公 司 拆 骨 斬 件 ， 好 重 舊 情 。 」



觀 塘 訊 匯 股 票 行 ， 散 戶 阿 叔
阿 叔 股 齡 五 、 六 年 ， 自 稱 四 年 前 買 下 發 ， 賺 了 不 少 飲 茶 錢 。
「 李 兆 基 係 咁 多 個 富 豪 當 中 最 忠 直 ！ 跟 佢 搵 食 實 無 死 ！ 我 有 抽 佢 陽 光 啊 ， 九 釐 息 喎 ， 好 過 擺 銀 行 啦 ！ 煤 氣 減 價 ？ 梗 係 好 啦 ， 佢 好 忠 直 ， 唔 會 呃 我 錢 ， 就 算 第 時 加 價 ， 都 唔 會 加 好 多 ！ 」



御 用 收 地 經 紀 蕭 承 忠
六 、 七 十 年 代 起 ， 專 為 基 收 購 乙 種 換 地 權 益 書 ， 在 新 界 收 地 和 市 區 收 舊 樓 。
「 四 叔 白 手 興 家 ， 言 出 必 行 ， 計 數 又 叻 。 佢 係 超 級 大 富 豪 ， 不 過 就 完 全 冇 架 子 ， 唔 會 睇 小 人 。 以 前 佢 好 低 調 ， 行 出 冇 人 知 佢 係 李 兆 基 ！ 佢 好 念 舊 ， 我 請 佢 我 中 藥 診 所 周 年 紀 念 ， 佢 都 肯 。 」



報 章 專 欄 作 家 曾 淵 滄
城 大 工 商 管 理 碩 士 課 程 主 任 ， 最 愛 講 股 。
「 李 兆 基 投 資 眼 光 一 流 呀 ， 人 叫 佢 香 港 巴 菲 特 ， 佢 當 之 無 愧 。 可 惜 正 就 自 己 收 埋 做 私 人 投 資 ， 如 果 佢 用 基 名 義 去 買 ， 我 一 定 跟 佢 買 基 ！ 自 從 煤 氣 減 價 一 成 股 價 就 開 始 跌 ， 佢 可 以 唔 減 ， 而 家 佢 寧 願 自 己 主 動 減 ， 好 過 要 市 民 遊 行 示 威 叫 公 共 事 業 減 價 ， 長 遠 講 係 聰 明 之 策 ， 贏 得 市 民 好 感 。 」



股 票 經 紀 連 敬 涵
信 誠 證 券 聯 席 董 事 ， 每 日 接 觸 眾 多 散 戶 。
「 我 有 客 人 認 為 李 兆 基 欣 然 接 受 自 己 係 香 港 巴 菲 特 實 在 太 寸 ， 巴 菲 特 係 市 場 上 掃 貨 ， 而 唔 係 靠 關 係 貨 ， 富 豪 一 百 億 出 ， 人 人 都 俾 面 分 俾 佢 啦 。 而 家 個 市 咁 好 ， 冇 一 隻 衰 過 ， 唔 代 表 係 佢 眼 光 好 ， 明 知 買 升 梗 ， 我 有 錢 我 都 去 買 啦 ！ 」

英之見：認知變異 黃國英

2009-11-15  AD

十個賭徒九個半輸，無數人「輸完買，買完又輸」那種永不言敗的精神，並不合乎邏輯；當然有不少人是將賭博作為娛樂，可是這種行為的背後，理應有更大的心理現象作為解釋。 原來在一件事件發生後，人的認知是會有所改變。有下注的話，會歸究偏差，贏錢是眼光獨到、輸錢則是運氣使然、最衰是那球中楣中柱、去到90分鐘球員精神不集中，以至功虧一簣、又或者是球證誤判等等。但假如沒有下注，情況更加玄妙，事前毫不顯眼的線索，忽然間變得清晰明確，例如「包裝大師」爆大冷，馬後砲包括：本身曾在1,600米4捷，（但已是兩年前的事，只不過擊敗「駕進」），慢步速有利前領馬出頭，（但「花好月圓」出閘失機，全盤擾亂大摩步速部署）。 後見之明的存在，令人永遠高估自己，最衰沒有買或走寶的想法，這正是賭徒長期戰意高昂的主因。明白這道理，就知道為何不少人明明事前模稜兩可，市況突破後就大吹大擂自己是先知；至少有3個的士司機對筆者大嘆早知利物浦可贏曼聯。他們並非記憶有問題，只是認知出現偏差。要避免高估自己，藥方是無論有否下注，都要白紙黑字寫下自己的想法，用文字記錄對抗自己認知上的變異，這樣才可真正了解自己的水平。若戰績不堪入目的話，就要離場修練。 文：黃國英豐盛融資董事電郵：[email protected]

英之見：平均成本法穩陣取勝 黃國英

2009-07-24  AppleDaily

今 次升浪肯定是另一個泡沫，他日爆破之後有一定殺傷力。以往自己的心態，和提供的建議一樣，是密切留意市況，勢色不對便高速撤退，但溝通要照顧對方的水平， 究竟跌1000點、2000點抑或3000點才算是終極爆破要撤退？對大部份人而言，要執生根本不可能，像林少陽所言，是要一個普通人仿效電影人的特技動 作一樣。所以平均成本法雖然不算特別，亦難以指望可以作為發達之路，但如果本身有一定本錢，只是想投資股票賺取穩定現金流，順道抗衡通脹，平均成本法可以 說是不二之選。 棄昔日股王揀領匯 唯一值得提醒是不應再用昔日股王作為箭頭，等如皇馬買的已是C朗拿度，而不再是哨牙仔朗拿度 一樣。只求穩中有增長，領匯（823）會是不錯的對象，想博資本增值會有較多水位，就不妨買國企指數ETF。上述做法是悶到嘔，不似炒變身股一日可以升4 成，但還是那一句，人貴自知，沒有技術又不求炒股票發達，還是安份守己最好。管理銀行和管理資源公司，照計是有極大分別。以股價上升所增加的市值計，名人 效應價值逾20億元，市場用錢投票，升勢天公地道，作為旁觀者，也希望公司締造雙贏，只不過賠率實在有欠吸引。人貴自知，有些生意自己力有不及，沒有優勢 便不應投資，買股票永遠要買自己明白，覺得有值博率的公司。不清楚公司的底蘊，不能因為貪念而胡亂參與。博退休大班點石成金，倒不如買大股期權，後者極考 技術，絕不易贏，但起碼有章法，輸了是自己技不如人，不會怨天尤人。買變身股失手，一肚子氣之外，隨時被周邊朋友取笑。其實對於不少有錢人而言，如果不接 觸金融，日子應該會更加好過。時至今日，仍有不少海嘯中重創的苦主求救，多數是貪心兼無知，光顧私人銀行買結構性產品出事，其實如果安分守己，簡簡單單買 幾家中資銀行股，由於不用槓桿，就算最高位入市，也只是輸3成不到，不必傾家蕩產，又或者至少輸一半以上。申報：作者目前持有領匯（823）股份。黃國英 作者黃國英為證監會持牌人士電郵：[email protected]

中環在線：華人賓架入紐約聯儲銀行 李華華

2008-12-15  AppleDaily

美 國《僑報》報道，創辦當地華人銀行國寶銀行嘅孫啓誠，獲美國紐約聯邦儲備銀行委任做該行嘅銀行顧問。佢係第一個華人賓架參與美國金融政策，都咪話唔巴閉。 應該唔係好多香港人熟識孫啓誠，但佢同香港都算有啲淵源。話說孫啓誠細個時，適逢國共內戰，佢就同家人走難嚟香港，仲喺培英中學讀書，直到16歲先至跟父 母移民美國，完成農業經濟系學士，攞埋法律學博士，揸住美國最高法院執照，認真唔嘢小。睇番啲報道，佢84年創辦嘅國寶銀行，係以華僑為目標客嘅社區銀 行，家陣喺3個州有6間分行。不過，佢都唔係一帆風順，03年佢間銀行爆出分行經理盜取顧客存款醜聞，當時有傳言話國寶會執，搞到擠提，好彩有驚無險。孫 啓誠話，會向當局反映樓貸情況，同埋研究點樣防範再出現次按危機等，仲會好好把握機會，反映華資銀行業界嘅意見。

中環在線：靚女主播係股神？央視周瑛鋒疑揸值千萬股票 李華華

>2008-06-19 Appledaily

華 華噚日睇內地《現代快報》報道，央視新聞主播周瑛鋒炒股了得，之前揸住嘅新疆ST百花股票，值成千萬。率先爆出呢單傳聞嘅係內地著名娛樂界評人譚飛，佢喺 自己個blog話，某晚睇歐國盃，中場休息時轉去CCTV4睇《中國新聞》，見到周瑛鋒「外形像藤原紀香+關之琳」，為咗更了解呢位靚女，所以查吓佢背 景，發現新疆一間上市公司嘅股東同呢位女主播同名，咁啱靚女主播喺新疆出世同讀書，疑為同一人。網友堅明見到報道，繼續追蹤周氏買賣ST百花情況，發現佢 係短炒高手。

堅明話：「從最初買入時的50萬股，至去年底的80萬股，周瑛鋒在這隻股票上的盈利保守估計也會在500萬元以上。」據ST百花嘅十大股東持 股量顯示，周瑛鋒去年底持住80萬股，嗰時百花漲停板，以12月31日嘅收市價13.08元計，周氏喺手貨市值1046萬人仔。雖然今年隻股一跌再跌，到 噚日得6.78蚊，不過早喺今年3月底持股量顯示，周瑛鋒已經唔再喺十大股東之列。低買高賣，勁過唔少基金經理。

年方31已經結婚

《現 代快報》記者打電話去央視，希望搵周瑛鋒問吓，但「一位女士接到電話後停頓了一下，說自己『不清楚』，隨即掛斷電話。」咁究竟周瑛鋒係咪主播股神？鶽家仲 係個謎。據報道，主播周瑛鋒今年31歲，烏魯木齊讀小學至高中，01年喺北京廣播學院播音主持藝術專業畢業，之後去新疆電視台工作，旋即留學英國，舊年開 始喺央視做主播。雖然智慧美貌兼備，但一眾男士可以死心，因為佢已經結咗婚，據講愛人係投行高層，亦係有家底之人。電郵： [email protected]

中國城之父重出江湖

2008-06-07  NextMagazine
由 享 盡 榮 華 到 一 無 所 有 ， 鄧 崇 光 面 上 添 上 了 滄 桑 ； 但 他 強 調 做 人 不 可 以 洩 氣 ， 一 洩 氣 就 會 玩 完 ， 所 以 他 無 時 無 刻 都 想 機 會 翻 身 。


鄧 崇 光 ， 前 上 市 公 司 靈 頓 及 環 球 飲 食 主 席 ； 創 辦 的 中 國 城 夜 總 會 ， 聖 地 牙 哥 酒 店 ， 及 元 綠 壽 司 ， 都 曾 是 所 屬 行 業 的 代 名 詞 ； 高 峰 期 他 控 制 七 間 夜 總 會 、 四 間 酒 店 ， 以 及 數 十 間 食 肆 ， 身 家 十 多 億 元 。 十 多 年 前 ， 他 將 所 有 資 產 及 心 血 ， 傾 注 在 國 內 房 地 產 上 ， 準 備 踏 上 「 地 產 大 亨 」 之 路 。
這 條 康 莊 大 道 ， 不 用 多 說 ， 在 金 融 風 暴 後 成 了 掘 頭 巷 。 鄧 崇 光 一 鋪 清 袋 ， 過 貨 倉 ， 諗 過 自 殺 ， 亦 破 了 產 。 直 至 近 月 ， 他 頂 下 香 港 滿 江 紅 及 深 圳 滿 庭 芳 兩 間 川 菜 館 ， 在 飲 食 界 重 出 江 湖 。 對 昔 日 挫 折 ， 他 說 ： 「 我 感 謝 天 ， 我 頂 得 住 ！ 」
不 過 ， 事 業 剛 露 曙 光 ， 上 天 又 給 他 一 個 精 神 打 擊 。 上 週 四 凌 晨 ， 他 與 十 多 年 好 友 、 藝 員 黎 姿 的 弟 弟 黎 嬰 同 吃 晚 飯 ， 並 一 起 搭 的 士 離 開 。 他 先 下 車 ， 不 到 三 分 鐘 ， 黎 嬰 便 遇 上 車 禍 重 傷 ， 然 而 鄧 崇 光 仍 堅 持 在 翌 日 趕 到 深 圳 應 約 進 行 訪 問 。 經 歷 過 破 產 的 他 知 道 ， 守 信 是 重 建 信 譽 的 重 要 一 步 。

上 週 四 下 午 ， 懷 沉 重 心 情 的 鄧 崇 光 ， 匆 匆 趕 到 位 於 深 圳 東 園 路 的 滿 庭 芳 川 菜 館 。 平 復 心 情 後 ， 他 立 刻 打 點 一 切 。
這 天 ， 他 新 請 回 來 ， 負 責 演 奏 中 樂 及 跳 舞 娛 賓 的 一 眾 美 女 正 進 行 綵 排 。 但 拉 二 胡 及 彈 古 箏 的 ， 穿 紅 色 旗 袍 又 著 白 色 高 靴 ， 衣 著 老 土 ， 唱 歌 那 個 又 只 會 勁 歌 熱 舞 ， 與 餐 館 雅 致 的 氣 氛 格 格 不 入 ， 鄧 崇 光 愈 看 臉 色 愈 沉 ， 帶 團 的 經 理 人 見 不 對 路 ， 馬 上 陪 笑 問 他 有 何 不 妥 ， 鄧 崇 光 即 道 ： 「 你 問 我 想 點 ？ 我 請 你 返 來 ， 就 當 你 係 專 業 ， 就 係 想 你 話 我 知 應 該 點 ！ 」 他 說 時 沒 有 動 怒 ， 但 反 而 更 見 權 威 ， 經 理 人 只 有 唯 唯 諾 諾 。
深 圳 滿 庭 芳 現 成 鄧 崇 光 的 心 血 ， 餐 館 於 多 年 前 由 已 故 風 水 師 陳 伯 創 辦 ， 陳 伯 四 年 前 過 身 ， 轉 由 其 中 一 名 股 東 經 營 。 但 對 方 近 來 無 心 戀 棧 ， 將 其 放 盤 ， 鄧 崇 光 遂 以 近 年 積 蓄 ， 聯 同 香 港 銅 鑼 灣 的 姐 妹 店 「 滿 江 紅 」 一 併 接 手 。



九 七 年 ， 經 營 元 綠 壽 司 及 水 車 屋 的 環 球 飲 食 上 市 ， 鄧 崇 光 （ 中 ） 在 上 市 儀 式 上 表 現 得 意 氣 風 發 。 左 為 現 時 財 經 事 務 及 庫 務 局 局 長 馬 時 亨 。

深 圳 滿 庭 芳 將 飲 食 「 娛 樂 化 」 ， 吃 飯 時 會 有 美 女 在 旁 跳 民 族 舞 助 興 。


飲 食 娛 樂 化
由 於 上 手 經 營 無 突 破 ， 鄧 崇 光 不 斷 諗 計 改 革 滿 庭 芳 。 他 除 了 聘 請 正 宗 四 川 師 傅 ， 還 在 當 地 成 立 十 多 人 採 購 組 ， 直 接 選 購 蔬 果 ， 「 用 料 當 造 同 正 宗 ， 識 食 一 啖 就 食 得 出 。 我 連 菜 籽 油 都 一 定 要 用 四 川 出 產 。 而 且 一 定 要 做 時 令 菜 ， 幾 個 禮 拜 轉 一 次 款 ， 客 今 次 來 食 到 側 耳 根 （ 四 川 特 有 的 野 生 菜 ） ， 下 次 就 有 胭 脂 蘿 蔔 ， 次 次 新 鮮 才 會 返 頭 食 。 」
四 川 菜 的 精 髓 ， 是 以 幾 十 種 醬 料 ， 調 製 出 六 味 — — 酸 、 甜 、 苦 、 辣 、 鹹 及 麻 。 鄧 崇 光 以 此 為 基 礎 ， 做 到 味 道 正 宗 之 餘 ， 亦 配 合 廣 東 菜 自 創 菜 式 ， 「 人 人 做 水 煮 牛 肉 ， 我 就 做 水 煮 東 星 斑 。 個 個 做 剁 椒 蒸 魚 頭 ， 我 就 整 剁 椒 蒸 盤 龍 鱔 。 」
而 最 過 癮 的 ， 是 他 準 備 將 娛 樂 混 合 飲 食 ， 「 我 新 請 十 幾 個 侍 應 ， 會 從 中 選 最 靚 五 、 六 個 做 『 公 主 』 ， 負 責 呢 度 五 、 六 間 貴 賓 房 ， 佢 每 月 可 有 貴 賓 房 百 分 之 五 營 業 額 分 紅 ， 招 呼 客 人 自 然 落 力 。 而 負 責 傳 菜 侍 應 ， 上 菜 時 會 以 大 轎 擔 出 小 菜 ， 仲 有 小 姐 旁 邊 拉 二 胡 、 彈 古 箏 ， 要 幾 豪 有 幾 豪 。 有 錢 佬 來 應 酬 會 覺 得 夠 face （ 面 子 ） ， 自 然 肯 多 來 傾 生 意 。 」
夜 總 會 風 光 歲 月
面 前 的 鄧 崇 光 談 吐 斯 文 ， 滿 口 食 經 ， 一 句 粗 口 也 沒 有 ， 難 以 想 像 就 是 人 所 共 知 的 「 夜 總 會 之 父 」 。 他 生 於 內 地 ， 十 二 歲 跟 家 人 從 大 陸 來 港 ， 中 五 畢 業 後 在 工 廠 當 過 雜 工 ， 做 過 裝 修 。 後 來 與 朋 友 合 資 搞 日 本 時 裝 ， 由 於 經 常 往 當 地 採 購 ， 對 日 本 料 理 及 夜 總 會 等 文 化 有 深 切 了 解 ， 成 為 他 日 後 搞 飲 食 與 娛 樂 王 國 的 靈 感 泉 源 。
七 十 年 代 尾 ， 自 稱 曾 在 夜 總 會 做 裝 修 、 人 脈 廣 博 的 他 ， 與 哥 哥 崇 驥 等 合 作 搞 第 一 間 夜 總 會 「 中 國 皇 宮 」 。 由 於 食 正 香 港 經 濟 起 飛 ， 有 錢 佬 都 愛 到 銷 金 窩 傾 生 意 ， 中 國 皇 宮 一 擊 即 中 ， 其 後 開 設 的 中 國 城 、 新 杜 老 誌 等 夜 總 會 ， 亦 晚 晚 爆 棚 。 當 時 中 國 城 是 全 港 最 大 ， 公 關 最 多 的 夜 總 會 ， 不 少 金 融 地 產 界 猛 人 幫 襯 。 捧 場 時 經 常 會 撞 到 熟 人 ， 大 家 打 招 呼 猶 如 日 間 中 環 區 一 樣 ， 傳 聞 中 國 城 每 年 純 利 達 一 億 元 以 上 。
說 到 當 時 的 風 光 歲 月 ， 鄧 崇 光 才 露 出 難 得 的 笑 容 ： 「 以 前 中 國 城 女 真 係 好 高 質 素 。 我 有 專 案 小 組 教 儀 容 、 談 吐 ， 有 個 公 關 做 六 個 月 就 搵 到 三 千 萬 ！
「 當 時 就 連 洗 廁 所 都 好 搵 。 我 英 國 請 個 鬼 仔 大 學 生 返 來 ， 負 責 廁 所 遞 毛 巾 ， 滿 足 有 錢 佬 自 大 心 態 。 領 事 館 寫 信 來 投 訴 ， 個 鬼 仔 就 喊 住 叫 我 唔 好 趕 佢 走 。 因 為 佢 係 度 搵 幾 皮 一 個 月 ， 仲 多 過 佢 出 來 打 工 ！ 」



鄧 崇 光 創 辦 的 中 國 城 夜 總 會 ， 當 年 是 全 港 最 高 級 的 夜 總 會 。 但 隨 經 濟 不 景 ， 易 手 後 常 以 「 cheap 」 招 招 徠 。 圖 中 的 「 人 肉 壽 司 」 ，
讓 人 記 憶 猶 新 。
英 雄 莫 問 出 處
然 而 「 盜 亦 有 道 」 ， 當 說 到 傳 聞 有 亞 姐 冠 軍 及 知 名 歌 星 系 出 中 國 城 ， 他 即 避 忌 地 說 ： 「 唔 講 得 。 當 個 女 仔 成 名 ， 我 循 例 會 即 時 將 佢 檔 案 抽 出 銷 毀 。 」 至 於 在 夜 總 會 發 生 的 江 湖 人 江 湖 事 ， 如 九 二 年 梅 艷 芳 被 掌 摑 事 件 ， 他 亦 輕 輕 帶 過 ： 「 好 多 問 題 ， 歸 根 究 底 都 係 飲 醉 累 事 ， 所 以 我 從 來 都 唔 飲 酒 。 」
除 了 夜 總 會 ， 鄧 崇 光 還 採 取 「 一 條 龍 」 服 務 ， 開 設 多 間 酒 店 （ 聖 地 牙 哥 酒 店 、 海 灣 酒 店 ） 及 食 肆 （ 水 車 屋 、 元 綠 壽 司 ） 等 。 其 中 元 綠 因 與 無 合 作 電 視 節 目 《 超 級 無 敵 獎 門 人 》 而 為 人 熟 識 ， 晚 晚 排 長 龍 。 全 盛 時 期 ， 鄧 崇 光 擁 有 七 間 夜 總 會 、 四 間 酒 店 、 六 間 時 裝 店 、 一 個 會 所 、 及 數 十 間 食 肆 。 他 又 進 軍 內 地 房 地 產 ， 大 量 購 入 上 海 、 北 京 等 項 目 發 展 。
九 二 及 九 七 年 ， 鄧 崇 光 先 後 將 中 港 兩 地 物 業 及 食 肆 注 入 寧 頓 及 環 球 飲 食 兩 間 公 司 上 市 ， 晉 身 上 市 公 司 主 席 ， 身 家 逾 十 一 億 元 。
不 過 ， 鄧 崇 光 去 得 太 盡 。 他 投 資 逾 十 億 元 發 展 內 地 房 地 產 ， 傾 盡 金 錢 ， 甚 至 將 所 持 上 市 公 司 的 股 份 抵 押 融 資 。 結 果 ， 一 場 金 融 風 暴 ， 銀 行 收 緊 信 貸 ， 公 司 負 債 高 達 十 一 億 。 在 周 轉 不 靈 下 ， 鄧 崇 光 股 份 被 斬 倉 ， 靈 頓 拱 手 讓 予 內 地 富 豪 張 揚 ， 變 成 現 時 的 國 中 控 股 ， 而 環 球 飲 食 亦 由 楊 受 成 及 成 龍 接 手 。 此 外 ， 由 於 經 濟 逆 轉 ， 多 間 夜 總 會 生 意 大 跌 ， 同 告 易 手 。 鄧 氏 王 國 隨 之 瓦 解 ， 鄧 崇 光 亦 過 漂 泊 生 活 。 他 過 貨 倉 及 朋 友 的 內 地 員 工 宿 舍 ， 從 此 在 商 界 銷 聲 匿 跡 。



鄧 崇 光 認 為 做 飲 食 最 難 是 控 制 員 工 質 素 ， 所 以 他 新 請 來 十 多 名 侍 應 ， 並 以 分 紅 作 獎 勵 ， 採 取 「 責 任 制 」 管 理 。
去 年 鄧 崇 光 以 顧 問 身 份 ， 搞 起 灣 仔 「 杜 老 誌 會 」 ， 但 半 年 後 已 離 開 。


鄧 崇 光 讀 至 中 五 畢 業 ， 便 出 來 做 雜 工 及 裝 修 ， 闖 蕩 江 湖 。


無 一 得 之 喜 　 無 一 失 之 憂
「 我 做 得 最 錯 係 每 樣 都 太 身 。 我 一 向 睇 輕 金 錢 ， 結 果 下 半 生 就 要 受 佢 所 折 磨 ！ 」 鄧 崇 光 感 嘆 說 ， 其 時 不 懂 面 對 事 業 失 敗 ， 整 整 一 個 月 ， 沒 有 睡 覺 ， 沒 有 進 食 ， 「 完 全 唔 知 自 己 做 乜 、 諗 也 ， 神 志 去 到 零 。 」 最 後 他 被 送 往 醫 院 吊 鹽 水 。
「 當 時 日 日 都 有 人 來 探 我 ， 不 過 就 係 逼 我 還 錢 ， 佢 驚 我 死 無 錢 還 ！ 」 他 一 時 感 懷 身 世 ， 竟 然 想 到 自 殺 。 「 平 時 一 日 處 理 一 百 個 問 題 ， 突 然 有 一 萬 個 ， 根 本 無 能 力 解 決 到 。 最 大 痛 苦 係 連 累 夥 計 、 朋 友 ， 佢 愈 係 相 信 你 ， 愈 捱 到 最 後 ， 同 時 亦 輸 得 愈 多 。 」
當 晚 他 走 上 靈 頓 的 寫 字 樓 ， 呆 望 一 片 豪 華 的 宮 庭 式 擺 設 ， 推 開 一 扇 窗 ， 準 備 「 縱 身 成 一 快 」 ， 「 就 跳 落 去 前 一 剎 那 ， 我 突 然 諗 起 父 母 ， 佢 已 經 好 老 ， 無 理 由 因 為 自 己 過 錯 ， 連 累 佢 受 苦 。
「 好 奇 怪 ， 突 然 醒 覺 ， 你 咁 痛 苦 為 乜 ？ 『 無 一 得 之 喜 ， 便 無 一 失 之 憂 』 ， 人 就 係 因 為 睇 得 自 己 太 重 要 先 睇 唔 開 。 換 個 角 度 睇 ， 其 實 無 錢 唔 需 要 去 死 。 呢 都 係 老 生 常 談 ， 不 過 我 經 歷 過 ， 講 出 來 較 有 說 服 力 。 」



鄧 崇 光 風 光 時 ， 崇 泰 、 崇 天 等 幾 兄 弟 都 跟 他 「 搵 食 」 ， 現 時 鄧 崇 光 （ 右 ） 頂 下 深 圳 滿 庭 芳 ， 亦 找 來 弟 弟 崇 泰 （ 左 ） 幫 忙 。
上 週 四 在 深 圳 訪 問 時 ， 鄧 崇 光 不 斷 以 電 話 和 香 港 的 友 人 聯 絡 ， 查 問 黎 嬰 最 新 進 展 ， 期 間 忍 不 住 落 淚 。


手 上 的 八 達 通 錶 ， 已 戴 了 三 、 四 年 。


重 出 江 湖 遇 挫 折
○ 一 年 ， 鄧 崇 光 被 頒 令 破 產 ， 四 年 後 解 除 破 產 令 ， 期 間 主 要 到 陳 伯 開 設 的 川 菜 館 及 楊 受 成 旗 下 的 英 皇 「 駿 景 軒 」 當 飲 食 顧 問 。
去 年 中 ， 股 壇 中 人 蕭 炎 坤 等 人 想 重 搞 「 杜 老 誌 」 ， 並 找 來 鄧 崇 光 當 顧 問 。 鄧 崇 光 決 意 一 改 近 年 夜 總 會 「 人 肉 市 場 」 式 的 低 級 格 調 ， 決 心 搞 一 間 全 港 最 豪 最 高 級 的 夜 總 會 。 「 我 請 十 個 大 學 生 做 公 關 ！ 」 他 又 在 報 章 上 賣 廣 告 ， 內 容 大 意 為 一 位 老 公 寫 信 給 老 婆 ， 表 示 杜 老 誌 是 高 級 社 交 場 所 ， 一 定 要 帶 兒 子 見 識 云 云 。 結 果 鄧 崇 光 的 號 召 力 ， 令 夜 總 會 晚 晚 爆 棚 ， 部 分 人 更 逼 到 要 站 在 大 堂 「 攬 女 」 。 不 過 ， 做 出 成 績 後 ， 以 為 可 東 山 再 起 的 鄧 崇 光 便 被 一 腳 踢 走 。
鄧 崇 光 無 奈 說 ： 「 當 經 營 者 同 股 東 目 標 唔 一 致 ， 呢 樣 係 必 然 會 發 生 。 」 協 助 打 理 「 滿 庭 芳 」 的 弟 弟 鄧 崇 泰 則 補 充 ： 「 都 係 利 益 問 題 。 始 終 阿 哥 破 過 產 ， 有 腦 都 無 用 ， 人 都 唔 信 佢 。 佢 個 嘴 只 係 郁 一 下 ， 人 都 以 為 佢 偷 過 食 。 」
鄧 崇 光 去 年 在 跑 馬 地 開 設 私 人 佛 堂 「 萬 佛 閣 」 ， 內 裡 讓 人 供 奉 佛 像 ， 並 每 日 提 供 多 款 創 新 齋 菜 ， 不 設 定 價 ， 隨 緣 樂 助 。


鄧 崇 光 對 訪 問 極 認 真 ， 他 還 預 早 做 準 備 ， 以 自 問 自 答 方 式 ， 寫 下 自 己 對 政 治 及 人 生 的 睇 法 。


再 受 打 擊 　 當 眾 落 淚
千 帆 過 盡 ， 鄧 崇 光 現 租 住 跑 馬 地 ， 手 上 戴 的 是 八 達 通 錶 ， 出 入 乘 地 鐵 ， 有 時 神 情 上 會 不 自 覺 流 露 一 絲 的 落 寞 。 已 六 十 歲 的 他 多 次 強 調 ， 沒 了 信 譽 （ 破 產 ） 是 件 很 痛 苦 的 事 ， 沒 有 信 譽 ， 令 他 很 難 東 山 再 起 。
所 以 ， 上 週 四 他 身 邊 人 雖 遭 逢 變 故 ， 但 他 仍 遵 守 承 諾 。 上 週 四 凌 晨 ， 他 和 皮 膚 科 醫 生 黎 嬰 吃 過 晚 飯 ， 一 同 乘 的 士 離 開 。 他 先 下 車 回 家 ， 不 到 三 分 鐘 ， 該 的 士 便 被 另 一 部 的 士 攔 腰 撞 去 ， 黎 嬰 被 拋 出 車 外 ， 頭 部 撞 地 ， 當 場 昏 迷 。 曾 和 電 視 藝 員 黎 姿 傳 緋 聞 的 鄧 崇 光 ， 與 其 弟 黎 嬰 相 識 十 多 年 ， 感 情 深 厚 。 未 結 婚 的 他 ， 早 已 視 黎 嬰 為 親 生 仔 看 待 ， 幾 乎 晚 晚 吃 飯 聊 天 。
出 事 後 鄧 崇 光 趕 到 醫 院 ， 黎 嬰 由 凌 晨 兩 點 做 手 術 到 翌 日 朝 早 七 、 八 點 。 還 未 過 危 險 期 ， 鄧 即 匆 匆 趕 到 深 圳 ， 按 約 定 進 行 訪 問 。 來 到 時 他 強 忍 淚 水 ， 心 情 悲 痛 地 說 ： 「 情 況 好 危 險 。 我 都 有 叫 佢 小 心 ， 佢 靚 仔 又 有 學 識 ， 我 知 上 天 一 定 拎 返 某 走 … … 」
由 享 盡 榮 華 到 一 無 所 有 ， 重 新 振 作 又 再 遇 精 神 上 的 打 擊 ， 究 竟 應 該 以 怎 麼 樣 的 心 情 去 面 對 ？ 鄧 崇 光 寫 下 了 一 段 感 想 給 記 者 ：
「 我 也 不 知 道 是 否 已 到 了 谷 底 ， 前 面 是 否 還 會 荊 棘 滿 途 。 當 然 我 希 望 現 在 已 是 谷 底 了 ， 下 一 步 當 然 會 反 彈 ， 但 如 果 還 有 一 段 崎 嶇 的 路 要 我 走 的 話 ， 我 還 是 會 面 對 的 。 」



鄧 崇 光 曾 與 電 視 藝 員 黎 姿 （ 左 ） 傳 緋 聞 ， 與 其 弟 黎 嬰 （ 右 ） 亦 是 多 年 深 交 。 黎 嬰 撞 車 重 傷 昏 迷 ， 對 鄧 崇 光 來 說 是 一 個 沉 重 打 擊 。 （ 《 蘋 果 日 報 》 圖 片 ）
鄧 崇 光 三 十 年 起 落
47 年 　 內 地 東 莞 出 生
58 年 　 隨 家 人 來 港
79 年 　 在 灣 仔 經 營 第 一 間 夜 總 會 「 中 國 皇 宮 」
83 年 　 先 後 創 辦 中 國 城 夜 總 會 及 接 手 杜 老 誌 夜 總 會
92 年 　 將 物 業 資 產 注 入 上 市 公 司 萬 年 置 業 ， 並 易 名 靈 頓 國 際 集 團
97 年 　 經 營 元 綠 壽 司 及 水 車 屋 的 環 球 飲 食 上 市
98-00 年 　 金 融 風 暴 後 ， 兩 間 上 市 公 司 先 後 易 手
01 年 　 被 法 庭 頒 令 破 產 ， 四 年 後 解 除
07 年 　 頂 下 滿 庭 芳 及 滿 江 紅 兩 間 川 菜 館

撰 文 ： 區 嘉 儀
攝 影 ： 黃 偉 傑
[email protected]

中環在線：億元國美股份陳曉贈愛女 李華華

2009-07-07  AppleDaily

自黃光裕出事7個月嚟備受壓力嘅國美電器（493）主席兼總裁陳曉（圖），不但為國美引資復牌，亦為自己同埋班前永樂電器舊部與相關利益人士所持有嘅6.97%國美股份做股權重組，由原先「集體持有」，改為「各人自己揸番自己個份」。 為舊部散水鋪路？ 華 華唔知陳生係咪為咗方便舊夥計散水，但就發現佢喺自己個份撥出7000萬股送畀囡囡，華華按國美噚日收市價1.76元計，呢筆饋贈成1.2億銀，而陳生自 分身家後，雖然剩番2.4億股或4億幾，之不過經已厚過好多人，睇怕佢都唔係幾在意。點解華華咁講？因為陳曉近日接受內地傳媒訪問時話，黃光裕出事加上金 融危機對國美造成雙重打擊，佢同班同事力撐咗7個月，如今國美終於度過危機，呢個對佢嚟講反而係「一筆重要嘅人生財富」，做好以上安排後，下一步就要搞番 國美嘅管理層期權激勵計劃，嚟保持團隊穩定，至於佢頭上兩頂帽，佢話應該會喺適當時候培養接任人做總裁，各位國美高層，聽到啦。

澳門實德：濠江賭場人流未大跌

2009-02-02  Appledaily

【本 報訊】證券界普遍看淡今年澳門博彩收益，料跌逾10%；澳門實德（487）副主席兼執行董事馬浩文接受訪問時卻預期，09年當地博彩收益會增長10%至 15%，「金融海嘯對亞洲影響較細，始終仲有好多有錢人仍然會消費同去旅遊，o依家睇唔到賭場人流有大幅回落。」澳門08全年賭場毛收入按年增長31%至 1087.7億澳門元新高，但受累中央自去年5月再收緊廣東省赴澳自由行簽證，按季度比較，則是連跌3季。 瞄準拓中東俄羅斯 當 市場炒作澳門回歸10周年，內地今年有望放寬相關政策，但他認為，國家既定政策難望短時間作出更改，反而有機會放寬國內其他省市赴澳自由行，而集團亦會瞄 準拓展中東、俄羅斯及東歐等市場。澳門實德持股約44%的十六浦開業將近一年，他稱，日均人流維持約1萬人，節日假期則達1.5萬人次，當中逾半是內地遊 客，香港客佔30%，中場每日換碼數逾1000萬元，至於高額投注區每日轉碼數亦達1000萬元；而酒店部份入住率平均達60%至70%，日均房租介乎 1300至1400元。貴賓廳開幕日期一再延遲，他指「貴賓廳大部份牽涉放數問題，喺呢個經濟環境，經營風險較大」，故現計劃上半年先開6張貴賓賭桌。至 於十六浦興建商場的計劃，將於農曆新年後有定案，他預計，投資總額介乎4億至6億元，而集團已為應佔權益部份作資金準備。台灣容許在澎湖開賭，他曾前赴當 地視察，指當地適合發展優閒式娛樂場所，惟集團須待有關當局設定框架後才能作出部署。

中環在線：夾錢炒股鬧上法庭 李華華

2008-08-06  AppleDaily

唔 係個個識炒股，就算識都未必有時間成日『目及』實個市。北京就有對父子，出錢搵人幫佢哋手炒股。點知受聘嘅贏咗錢，對父子居然唔認數，幫人炒股嗰個梗唔會 就咁算數，於是鬧上法庭，結果係點？據《新華網》報道，北京有對姓趙嘅父子，前年搵咗位姓呂嘅散戶幫佢哋炒股，雙方仲簽咗合同，趙氏父子存200萬人仔落 自己嘅股票戶口，然後就授權畀姓呂嘅用個戶口嚟炒股，為咗保障自己，趙氏父子要呂生存100萬入個股票戶口度做保證金。一年之後，呂生無論贏輸，只需要畀 222萬人仔趙氏父子，其他贏到嘅全部可以自己袋。呂散戶不負所託，一年之後，股票戶口由300萬變咗688萬，點知趙氏父子過橋抽板，換咗個戶口密碼， 咁你係阿呂生都唔會罷休啦，搞到法庭相見。喺庭上，趙老先生居然話唔識姓呂嘅，之但係白紙黑字有晒合約，結果趙氏父子輸官司，要畀351萬銀人仔兼利息。