📖 ZKIZ Archives

逆向IPO 左丁山
2009-02-28  AppleDaily




 

世 姪W身為私募基金嘅亞洲主管，好謙虛咁話請左丁山到IFC利苑吃午飯，有事請教喎。一坐低，世姪W話已經叫咗一條東星斑，問仲要點乜嘢其他菜，哎吔，又食 東星斑，奢侈啲喎，世姪W話睇過左丁山幾日前講過，以為蒸東星斑係左丁山之favorite。左丁山連忙更正，話研究K贏馬開心，偶一為之啫，世姪W冇贏 馬，唔使咁客氣。不過世姪W堅持話已經叫咗，唔想收番柯打。

也罷，照吃可也。世姪W話留美多年，呢次返嚟香港，在中環工作，發覺有啲環境唔 同，周圍都講英文，十分國際化，佢自己就知道好多好多留學英美嘅學生返咗嚟，雲集中環，講英文差啲嘅，好似難以打入圈子。呢個圈子自不然係投資銀行、私募 基金、證券行、對冲基金、基金之基金（fund of funds），以及國際律師行等等，呢班圈中人當然思想西化，行為西化，係蘭桂坊、蘇豪區常客。可惜呢，金融風暴一到，不少圈中人「失蹤」，或者收入大幅 度減少，冇以前咁豪氣咯。

 

世姪W雖然話請教，其實教咗左丁山好多新事物。譬如佢講到Reverse IPO，左丁山就唔知佢講乜。要佢多加解釋，世姪W話幾年前美國興起一種新投資工具，就係將一隻完全冇資產，只有現金嘅公司在納斯達克市場上市，現金多多 少少都有，不一而足。如何賺錢呢？就係搵一啲有前景，有cashflow（現金流），但限於大環境（例如o依家）而上唔到市嘅A公司，作逆向收購（相等於 一間未上市公司A買入一間只有現金而沒有負債及其他資產，非常乾淨嘅上市公司B），收購以發行新股票支付，於是交易完成後，A公司變成納斯達克市場嘅上市 公司，B公司股東（基金）成為A公司之少數股東，A公司可以得到現金及上市地位，B公司原股東當作投資咗落一間有前景嘅公司，而且唔使等佢上市，隨時可以 沽出股票套現。世姪W講咗一輪，左丁山先至明白，果然係美國人想出來嘅一條財技妙計。世姪W話佢好有辦法搵到B公司，左丁山如果認識一啲上述A公司之類， 可以同佢傾吓喎！



PermaLink: https://articles.zkiz.com/?id=6195

失 業 中 年 再 搏 命 　 林 少 陽


2009-04-30  NextMagazine


林 少 陽 的 新 公 司 於 四 月 下 旬 正 式 營 運 ， 採 訪 時 辦 公 室 的 家 具 連 膠 袋 仍 未 拆 。



金 融 海 嘯 令 不 少 人 飯 碗 不 保 ， 就 連 亞 洲 股 神 東 尼 的 高 足 ， 名 牌 基 金 經 理 林 少 陽 亦 不 能 倖 免 ， 今 年 初 成 為 失 業 中 年 。
曾 被 傳 媒 捧 上 半 天 的 他 ， 突 然 跌 進 人 生 谷 底 ， 搵 工 處 處 碰 壁 ， 惟 有 看 海 釣 魚 打 發 日 辰 。 最 終 他 決 定 押 上 自 己 大 半 的 資 金 ， 自 立 門 戶 搞 對 沖 基 金 ， 在 上 環 再 搏 殺 。


新 公 司 的 事 宜 ， 他 都 親 力 親 為 ， 公 司 名 字 「 以 立 」 由 他 所 改 ， 意 指 以 信 立 業 。




金 融 海 嘯 將 很 多 人 趕 出 了 中 環 ， 像 林 少 陽 ， 去 年 還 在 中 環 花 園 道 的 甲 級 商 廈 工 作 ， 今 日 卻 遷 到 一 個 港 鐵 站 之 隔 ， 但 級 數 豈 止 差 幾 級 的 上 環 南 豐 大 廈 ， 一 個 面 積 不 到 一 千 呎 的 辦 公 室 。
他 除 了 親 自 跟 進 裝 修 ， 還 細 心 點 算 開 支 ： 「 傢 俬 兩 、 三 萬 蚊 ， 租 金 又 差 不 多 ， 最 貴 係 電 腦 伺 服 器 ， 埋 單 可 能 要 十 一 、 二 萬 元 。 」
記 者 建 議 他 養 魚 點 綴 ， 「 養 魚 要 成 本 ， 舊 公 司 以 前 養 一 缸 鹹 水 魚 ， 每 個 月 要 成 三 千 幾 蚊 保 養 。 」 他 笑 言 時 移 勢 易 ， 現 在 自 己 創 業 ， 全 公 司 計 及 他 才 得 四 人 ， 總 之 慳 得 就 慳 。
林 少 陽 檔 案
36 歲 　
已 婚 育 有 一 子
96 年 ： 中 文 大 學 經 濟 學 學 士
96 年 ： 任 職 《 經 濟 日 報 》 財 經 記 者
98 年 ： 任 職 《 壹 週 刊 》 財 經 記 者
99 年 ： 加 入 華 富 集 團 ， 位 至 投 資 總 監
08 年 ： 加 入 美 資 對 沖 基 金 Ramius ， 任 職 執 行 董 事
09 年 ： 開 設 資 產 管 理 公 司
林 少 陽 表 示 ， 當 初 加 入 華 富 是 希 望 跟 東 尼 學 習 ， 而 東 尼 對 他 亦 的 確 處 處 提 拔 。



第 一 次 炒 魷
他 坦 言 以 前 曾 想 過 幾 次 創 業 ， 但 念 頭 總 是 一 閃 即 逝 ， 今 次 勇 於 實 行 ， 無 疑 因 為 嘗 到 人 生 首 碟 「 豉 椒 炒 魷 」 ， 因 而 逼 上 梁 山 。 「 上 年 金 融 海 嘯 後 ， 舊 公 司 Ramius 決 定 全 面 撤 走 投 資 部 … … 」
中 年 失 業 ， 可 算 林 少 陽 職 場 生 涯 最 大 挫 折 。 他 大 學 畢 業 後 ， 便 做 財 經 記 者 ， 後 來 為 了 正 式 進 身 財 經 界 ， 寧 願 減 薪 跑 到 華 富 做 編 輯 ， 結 果 成 功 獲 東 尼 賞 識 ， 轉 職 分 析 員 及 資 產 管 理 。
在 華 富 期 間 ， 他 膽 粗 粗 問 老 闆 借 一 百 萬 元 投 資 ， 保 證 有 一 成 半 回 報 ， 賺 多 了 則 淨 袋 ， 結 果 獲 得 三 萬 元 花 紅 ； ○ 二 至 ○ 四 年 間 ， 他 管 理 的 基 金 勁 升 七 成 ， 跑 快 恒 指 一 倍 ， 因 而 名 聲 日 響 ， 電 台 電 視 台 爭 相 找 他 講 股 ， 坐 港 鐵 會 被 乘 客 認 出 跟 他 搭 訕 。 去 年 更 被 高 薪 挖 角 到 美 資 對 沖 基 金 公 司 Ramius 做 執 行 董 事 ， 做 香 港 區 三 位 話 事 人 之 一 。
作 為 一 個 精 於 計 算 風 險 與 回 報 的 基 金 經 理 ， 毅 然 離 開 工 作 九 年 的 華 富 ， 他 笑 言 計 足 數 ， 「 我 初 入 華 富 時 人 工 唔 高 ， 計 晒 喺 華 富 九 年 嘅 收 入 ， 都 唔 及 喺 Ramius 一 年 多 。 」 更 重 要 是 封 了 蝕 本 門 ： 「 當 時 我 已 經 睇 淡 股 市 ， 所 以 更 加 要 走 ， 因 為 Ramius 有 保 證 花 紅 ， 點 都 要 俾 ， 就 好 似 買 咗 保 險 ， 留 喺 華 富 收 入 反 而 有 機 會 跌 。 」
千 算 萬 算 ， 亦 勢 估 不 到 金 融 海 嘯 的 來 臨 ， 結 果 上 班 不 夠 八 個 月 ， 公 司 突 然 決 定 縮 減 香 港 業 務 。 消 息 一 傳 出 ， 各 大 傳 媒 即 時 大 字 標 題 ： 「 美 對 沖 基 金 Ramius 縮 港 規 模 — — 香 港 主 事 人 為 東 尼 門 生 林 少 陽 」
林 少 陽 的 兒 子 今 年 四 歲 ， 他 笑 言 開 公 司 之 前 ， 已 預 留 了 一 筆 錢 作 兒 子 的 教 育 開 支 。



看 海 的 日 子
正 所 謂 醜 事 傳 千 里 ， 很 多 人 因 此 知 他 快 將 失 業 ， 紛 紛 問 他 是 否 被 裁 ， 「 當 然 唔 好 受 啦 ， 咁 大 個 仔 ， 第 一 次 俾 人 裁 員 ， 覺 得 自 己 好 似 被 人 遺 棄 。 」 他 以 「 完 全 不 幸 事 件 ！ 」 來 形 容 這 一 段 落 。 惟 不 幸 之 中 的 大 幸 ， 是 公 司 付 了 一 大 筆 遣 散 費 給 他 作 補 償 。
失 業 的 日 子 ， 每 天 無 所 事 事 ， 「 起 初 半 個 月 好 唔 慣 ， 因 為 之 前 一 直 好 大 壓 力 ， 好 多 嘢 做 ， 突 然 間 變 得 好 清 閒 。 」 四 歲 兒 子 不 知 何 謂 金 融 海 嘯 ， 也 不 懂 什 麼 是 裁 員 ， 自 然 問 他 ： 「 爸 爸 點 解 唔 使 返 工 ？ 」 他 亦 不 懂 得 解 釋 ， 只 說 ： 「 依 家 放 大 假 ， 諗 緊 將 來 做 咩 。 」
他 試 過 到 跨 國 企 業 求 職 ， 惟 無 功 而 回 ： 「 見 過 幾 間 ， 入 職 點 都 好 低 ， 㩒 價 好 嚴 重 ， 有 啲 見 完 先 話 未 必 有 位 。 」 退 而 求 其 次 找 本 地 公 司 ， 他 又 心 有 不 甘 ， 「 係 有 朋 友 話 我 可 以 過 去 ， 但 我 無 認 真 問 過 。 老 實 講 ， 要 喺 本 地 公 司 搵 個 位 應 該 唔 難 ， 但 問 題 係 甘 唔 甘 心 走 回 頭 路 ？ 」
高 不 成 低 不 就 ， 他 索 性 過 退 休 生 活 ， 「 每 日 行 山 、 釣 魚 、 游 水 ， 慣 咗 之 後 其 實 都 幾 好 。 」 他 甚 至 想 過 就 此 退 下 來 ： 「 退 休 生 活 唔 成 問 題 ， 問 題 係 我 四 十 歲 都 唔 到 ， 點 都 要 搵 啲 嘢 做 。 」 左 思 右 想 兩 個 月 ， 終 於 決 定 自 立 門 戶 。
林 少 陽 以 往 經 常 出 席 財 經 講 座 ， 亦 曾 出 書 講 理 財 ， 每 次 出 場 總 被 大 批 散 戶 圍 着 。



東 尼 真 金 白 銀 支 持
決 定 創 業 後 ， 林 少 陽 第 一 時 間 找 師 傅 東 尼 撐 腰 ， 「 佢 好 支 持 ， 甚 至 話 如 果 我 有 需 要 ， 可 以 提 供 一 定 數 目 的 資 金 。 」 事 實 上 ， 自 從 他 踏 入 財 經 界 ， 東 尼 一 直 是 他 的 貴 人 ， 「 當 時 在 華 富 ， 本 來 我 只 幫 東 尼 翻 譯 ， 編 佢 啲 稿 ， 但 入 職 三 個 月 ， 佢 就 俾 機 會 我 自 己 寫 文 章 分 析 。 」 就 算 他 離 開 華 富 ， 師 徒 二 人 仍 保 持 緊 密 聯 絡 。
儘 管 沒 披 露 實 際 金 額 ， 但 東 尼 表 明 已 投 資 愛 徒 的 新 公 司 ， 惟 不 會 參 與 日 常 運 作 ， 「 我 對 這 門 生 意 好 樂 觀 。 」 就 連 新 公 司 英 文 名 稱 V3 ， 亦 是 由 東 尼 所 起 ， 林 少 陽 解 釋 ： 「 V 是 我 英 文 名 Vincent 簡 稱 ， 三 個 V 亦 代 表 Value （ 價 值 ） 、 Vision （ 眼 光 ） 及 Virtue （ 品 德 ） 。 」
創 業 之 路 不 易 行 ， 在 金 融 海 嘯 後 做 基 金 ， 更 是 難 上 加 難 ， 「 最 難 係 搵 人 俾 錢 投 資 。 」 以 前 ， 他 大 安 主 義 坐 在 辦 公 室 ， 自 然 有 大 筆 資 金 等 他 管 理 ， 現 在 則 要 靠 關 係 ， 賣 人 情 ： 「 依 家 大 部 分 錢 都 係 來 自 幾 個 好 熟 嘅 朋 友 。 」 他 想 向 機 構 客 敲 門 ， 又 非 易 事 ， 「 好 多 都 唔 願 意 投 資 在 新 公 司 上 ， 要 等 半 年 或 者 一 年 後 有 表 現 先 會 考 慮 。 」
失 業 的 日 子 ， 他 經 常 釣 魚 ， 有 時 出 海 ， 有 時 則 和 兒 子 在 碼 頭 垂 釣 。



失 業 期 間 ， 林 少 陽 間 中 寫 網 誌 ， 同 時 亦 替 被 譽 為 投 資 聖 經 的 《 Security Analysis 》 作 中 文 翻 譯 本 的 審 訂 。



滙 豐 供 股 亂 陣 腳
再 者 ， 相 信 林 少 陽 的 投 資 者 ， 大 多 追 隨 價 值 投 資 法 ， 偏 偏 這 段 時 間 優 質 大 藍 籌 也 重 創 ， 就 連 滙 豐 亦 要 伸 手 供 股 要 錢 ， 令 不 少 潛 在 投 資 者 五 癆 七 傷 ： 「 例 如 開 頭 話 肯 投 資 二 百 萬 嘅 ， 依 家 只 俾 百 五 萬 。 」 結 果 集 資 金 額 比 預 期 少 了 大 半 ： 「 本 來 預 計 能 集 資 二 千 五 百 萬 美 元 ， 依 家 只 有 一 千 萬 美 元 。 」
他 為 了 身 體 力 行 ， 證 明 自 己 信 心 十 足 ， 遂 將 逾 半 身 家 瞓 身 投 資 在 這 親 生 仔 上 ， 「 唔 計 自 住 物 業 的 話 ， 更 超 過 七 成 。 」 不 擔 心 一 鋪 清 袋 嗎 ？ 他 說 不 怕 ， 但 亦 留 有 後 着 ， 「 我 已 經 預 留 咗 一 筆 錢 做 家 庭 使 費 及 小 朋 友 的 教 育 開 支 。 」
集 資 困 難 ， 他 一 度 懷 疑 自 己 ： 「 喺 咁 嘅 時 勢 創 業 ， 係 咪 太 武 斷 ？ 尤 其 係 我 見 到 好 多 呢 行 嘅 後 生 仔 ， 無 乜 資 歷 ， 無 嘢 做 之 後 都 話 要 自 己 開 檔 ， 究 竟 我 係 咪 都 好 似 佢 哋 咁 ， 純 粹 因 為 無 咗 份 工 先 做 生 意 呢 ？ 」 而 且 打 工 和 做 生 意 是 兩 回 事 ， 「 打 工 ， 有 糧 出 就 得 啦 ， 但 做 老 闆 ， 公 司 無 錢 賺 要 攞 荷 包 俾 喎 。 」
幾 經 掙 扎 ， 最 終 在 家 人 及 朋 友 支 持 下 ， 還 是 決 定 一 搏 ： 「 就 算 市 況 不 明 朗 ， 我 有 信 心 自 己 有 應 變 辦 法 。 」 惟 做 對 沖 基 金 ， 規 模 普 遍 要 有 二 千 萬 美 元 才 可 收 支 平 衡 ， 「 我 計 過 就 算 一 千 萬 美 元 都 做 得 到 ， 唔 夠 錢 咪 慳 啲 使 ， 最 多 我 同 拍 檔 會 無 糧 出 ， 或 者 出 半 份 糧 。 」
他 睇 淡 後 市 ， 認 為 前 景 是 熊 非 牛 ， 「 都 係 上 落 格 局 ， 主 要 波 幅 喺 一 萬 二 千 至 一 萬 六 千 點 。 」 但 仍 勇 於 在 這 艱 難 時 期 開 檔 ， 顯 得 他 信 心 十 足 ， 「 往 往 喺 熊 市 嘅 時 候 ， 大 家 先 知 道 基 金 經 理 嘅 重 要 性 。 而 且 任 何 時 候 ， 市 場 都 有 機 遇 。 」

PermaLink: https://articles.zkiz.com/?id=7620

身家縮水追女慳皮中環在線：iBanker筍盤變神枱貓屎 李華華


2009-02-06  AppleDaily


 

銀行家，特別係投資銀行家（iBanker）曾經係唔少女士心目中嘅「筍盤」，但一場金融海嘯，令呢班過往喺異性圈內炙手可熱嘅金融才俊，身家兼身價大縮水，紛紛被情婦同埋女友離棄。才俊莫財自然吸引力不再，但最慘仲要喺網誌度「俾女唱」。

攞花紅俾人當打劫

華 華噚日係彭博睇到Matthew Lynn寫嘅專欄，佢話呢班iBanker以前份工雖然單調乏味，同事間嘅相處又爾虞我詐，但起碼都有豪裝辦公室同豐厚花紅，即使唔夠靚仔，識女仔同喺婚 姻市場都「有價有市」。不過今時唔同往日，iBanker已經唔再係一份夢寐以求嘅好工，o依家佢哋攞應得嘅花紅，都好似攞住支槍去打劫咁，情況簡直同神 枱貓屎一樣，人見人憎。Matthew仲話，有個紐約網誌收集咗唔少正在，或曾經同iBanker約會女士嘅痛苦經歷，而呢班自稱唔係「拜金女」口中嘅慘 事，只不過係唔滿意過去優質生活不再。好似有位網友話，佢男友出手冇以前咁大方，以往拍拖會去高級餐廳飲靚紅酒，如果呢招都唔能夠打動芳心，就隨時送 Tiffany名貴首飾，誓要博紅顏一笑。不過，o依家就要去必勝客食pizza，埋單時仲要用優惠券攞折扣，最慘係要聽埋男友呻公司裁員嘅遭遇。

飲靚酒淪為食pizza

拜金女仲話，花紅大減令iBanker吸引力大跌，話佢哋破咗產最好行埋一邊，唔好嘥大家時間。華華睇完之後喺度諗，唔知香港嘅銀行家，有冇遇到呢方面嘅感情煩惱呢？李華華[email protected]
PermaLink: https://articles.zkiz.com/?id=5646

自爆當年扮工程師中環在線：馬化騰靠QQ追老婆 李華華

2008-11-07  AppleDaily

家陣好多人上網都用假名，隱瞞身份識女仔，呢一招，原來騰訊（700）主席馬化騰都試過，佢就係咁追咗個老婆返嚟！

北京邂逅深圳行禮

綽 號「QQ之父」嘅馬化騰接受《上海證券報》訪問，自爆當年追太太，全賴QQ呢個網上溝通系統，最初仲隱瞞「QQ之父」嘅身份，但就冇講用乜嘢假名，「我和 太太就是通過QQ認識，不過當時她也不知道我是誰，我就說我是工程師。」為人低調嘅馬化騰，連結婚都一樣低調，冇乜傳媒報道過，據知騰訊04年喺香港上市 時，當年32歲嘅馬化騰仲係單身富豪，所以佢結婚應該係呢幾年嘅事。據網上路邊消息話，佢同太太最初係網友，第一次見面喺北京，婚禮喺深圳進行，只請幾個 老員工同老友，所以冇乜人知。佢仲自爆已經做咗老竇，「有小孩了，要照顧家裏，會佔用一些時間……」雖然有銀有仔有老婆，但佢唔覺得自己特別有錢，話都係 普通家庭，除咗住間屋大啲，生活冇乜大變化，「潮州人習慣喝粥，（現在）還是這樣。」家陣馬化騰依然成日上網，不過梗唔係追女仔啦，而係上拍賣網買嘢，買 乜唔重要，志在攞靈感，因為要學吓電子商務，為未來發展鋪路。

上拍賣網攞靈感

據《新華網》講，馬化騰預計3年後互聯網會進入「超級競爭」階段，增長率步入「平緩期」，所以呢幾年要盡量擴大版圖，圈多啲地（盤），佢又話：「在冬天裏過份謹慎反而會喪失機會，對於未來長遠發展不利。」李華華[email protected]
PermaLink: https://articles.zkiz.com/?id=3112

眾安不打減價戰

2008-10-06  AppleDaily

【本報訊】內地房地產商龍頭萬科旗下四個杭州樓盤共226伙，以打折迎接「金九銀十」的傳統銷售旺季。扎根長三角的眾安房產（672）主席施中安接受訪問時稱，包括眾安在 內的杭州大型房地產商並沒有跟隨降價，因萬科是次出售只是貨尾單位，惟日後業界會否降價售樓則「很難說」，須按各自經營狀況而定。施中安認為，萬科根本不 缺錢，打折只是用來減少競爭對手，打擊市場信心，繼而取得更多土地。他強調，杭州房地產的剛性需求仍在。不過，杭州透明售房網顯示，截至9月底，杭州主城 區累積可售房源約2.4萬伙，去年同期則為8000伙，反映銷情有所放緩。

調整策略抗宏調

眾安已開始調整發展策略，施中安透露，今明兩年擬增加未受宏調影響的安徽省開發量約40萬方米，至60萬方米，以對抗風險，確保明年銷情，預料2010年竣工面積將較原預期的75萬方米增30%。截至6月底止，眾安位於浙江省杭州市和安徽省的土地儲備總樓面分別是294.2萬及236.2萬方米。施中安預期，今年售樓入賬金額約24億元（人民幣．下同），截至9月中已完成目標的60%。眾安去年11月掛牌，集資淨額34.4億港元；今年上半年償還銀行貸款及地價後，手持現金23.17億元，負債比率36.8%；下半年將支付2億元地價及建築成本5億元，預計今年底是時機併購同業增加土儲。
PermaLink: https://articles.zkiz.com/?id=2504

向華強太太酒店當家
2009-08-06  NextMagazine




近日見中國星主席向 華強揸住杯紅酒，為自己做大股東的澳門蘭桂坊酒店賣廣告，側邊仲挨住個謝婷婷，又搵埋兒子向佐亮相，呢個廣告都幾爆笑。向生和兒子負責對外宣傳，向太就主 內睇晒酒店的設計、裝修，就連傢俬、材料都當正是自己屋企用到最靚，酒店四周還放滿私人或朋友送的珍藏，甚至一條毛巾都親自睇辦，向太笑瞇瞇說：「連啲廠 都話我傻嘅，佢哋話酒店消耗咁高，唔使用到咁好，但我要用過好先可以俾人用。」老公大晒

上週六，澳門蘭桂坊酒店開業前一天，仍然看見裝修師 傅作最後趕工。向太乘坐升降機時，有工作人員跑進『車立』內，看見老闆向太，即緊張得跑出『車立』，向太立刻叫着他說：「你趕住做嘢，快啲（入『車 立』）。」向太表面似很惡，其實好客氣，「對同事要客氣啲，佢先幫你賣命。」員工在旁細細聲說：「我哋開咗幾個通宵。」有人建議向太遲開一個月，身為酒店 老闆兼行政總裁的她，從心理和生意角度解釋：「你拖到明年開都得，但你set好咗（日子），佢哋十日唔瞓都趕出嚟。我唔可以嘥咗個暑假，依家裝修工錢要 俾，八百個員工嘅錢要俾，早一個月開早一個月有收入。」

向華強娶了陳嵐這個精明太太，真是幫自己不少，向太卻自嘲：「我完全係清兵，向生話 買酒店，接落嚟嘅嘢咪你做。我好傳統，佢負責指揮我，老公叫我撞牆我都做。」接下來的事，還包括游說酒店前身的股東把股份賣給她，「我用咗三個幾月時間去 傾，日日打電話約佢出嚟傾，誠意打動。」而賭場牌主屬何鴻燊，她又要說服何生授權她去管理，「何生話推咗好多人，點解要俾我？第一，當初澳門回歸，好多明 星我幫佢叫，啲明星錢我幫佢俾，我又做得好過人，咁何生話好。」

住的藝術

之後她集中做裝修，設計以花做主題，無論是 feature wall、地氈抑或吊燈，總之花影處處，「依家好流行花嘅pattern，但我兩年前已經有這concept。」酒店四周更放了向太的收藏，其中包括賭廳 內的一盞由永利老闆Steve Wynn送的六百多萬藝術品，向太興奮說：「真係心想事成，我上網搵時，呢件藝術品已賣咗俾博物館，永利一班老闆及設計師幫我搵個藝術家用個半月時間重吹 一盞，送咗俾我，設計師仲親身嚟裝，七百幾支裝咗三日，無人敢掂佢。」

去到客房，向太忍不住賣花讚花香，「我啲細微嘢，用咗好多心機。」她 要記者試穿軟綿綿的浴袍，瞓落床感受滑溜溜嘅床單枕頭，「我要用四百針嘅埃及棉，床褥枕頭嘅羽絨要無骨，無骨無味嘅羽絨又貴啲。我以前買過好多貴嘅毛巾， 我俾個廠話我黐線，要咁嘅毛巾損耗好大。」客房的洗頭水沐浴露亦用名牌Bulgari。酒店先天缺陷是樓底矮，為了增加空間感，她選用淺色建材，「太深色 太暗有壓迫感。」她又把睡房浴室打通，「雙人房係我設計，要有通透感。」遮擋浴室的百葉簾是紗造的，「我屋企都係用呢啲，十年唔壞。」她連風筒也管，「我 要馬力大，千八火，我啲嘢，要人哋真係用到。」

自己入貨

向太毫不吝嗇，把兩幅合共百萬的藝術品掛在酒店入口及check- in大堂，又鋪Missoni地氈。她還專登去峇里島搜購藝術品，「我無享受過Bulgari酒店，因為由朝到晚行咗三日，全程食肯德基、麥當勞，搵咗兩 個貨櫃藝術品，俾晒錢點知無運嚟。（損失幾多？）唔係錢問題，嘥咗心機。」

為追求完美，向太還在酒店開了間花店，「澳門啲花好醜樣我頂唔順，我想改變花嘅文化，你要送花俾我就喺我指定花店訂，否則對唔住，我會掉咗！」

問向太會否叫兩個兒子幫手？她鬼馬地說：「大仔鍾意演藝，細仔鍾意設計，我話如果你哋曳，我會將家產捐出，俾個基金你，等你餓唔死又食唔飽！」說罷，她也不禁豪爽大笑。

廿億翻新

位於澳門新口岸的澳門蘭桂坊酒店，前身是澳門金域酒店。由收購到裝修共花了廿億，由於酒店無ballroom，向太用七百多萬在外搭建一個圓形場館舉行開幕酒會，請來舞蹈員在酒店低層跳影子舞（右圖），搞搞氣氛。
 



PermaLink: https://articles.zkiz.com/?id=10166

賤賣飛機大屋撻訂　水緊陳振聰爆艷史


2009-06-04  NextMagazine


自 從 炒 燶 股 票 要 賣 樓 賣 飛 機 後 ， 年 初 還 要 向 加 拿 大 法 院 追 討 二 百 萬 加 幣 買 樓 按 金 ， 可 見 陳 振 聰 已 今 非 昔 比 。 （ 關 永 浩 攝 ）



休 庭 十 日 的 龔 如 心 千 億 遺 產 爭 奪 戰 ， 本 週 一 再 度 開 審 ， 並 陸 續 由 龔 家 中 人 上 庭 作 證 ， 把 這 場 爭 產 官 司 推 上 另 一 高 潮 。
近 日 甚 少 露 面 的 陳 振 聰 ， 再 次 低 調 放 售 寶 雲 道 楠 樺 居 大 宅 和 山 頂 倚 巒 獨 立 屋 ， 隱 隱 透 出 水 緊 跡 象 。 而 他 的 私 人 飛 機 ， 年 初 已 脫 手 ， 頓 然 失 去 了 一 部 空 中 行 宮 。 本 刊 取 得 獨 家 法 庭 文 件 ， 發 現 陳 振 聰 去 年 八 月 曾 於 加 拿 大 卑 斯 省 ， 以 一 億 三 千 萬 買 下 豪 華 度 假 屋 ， 可 惜 一 場 金 融 海 嘯 淹 至 ， 令 炒 燶 股 票 的 他 最 終 要 忍 痛 撻 訂 一 千 四 百 萬 ， 還 要 被 賣 家 入 稟 告 毀 約 ！



陳 振 聰 看 中 的 這 間 連 地 牢 共 三 層 高 超 豪 大 屋 ， 位 於 加 拿 大 卑 斯 省 滑 雪 聖 地 Whistler ， 四 周 被 大 樹 包 圍 ， 私 隱 度 極 高 ， 業 主 安 坐 豪 宅 平 台 ， 更 可 近 距 離 觀 看 該 處 二 ○ 一 ○ 年 冬 季 奧 運 會 滑 雪 場 地 。 大 宅 總 樓 面 高 達 七 千 一 百 二 十 五 呎 ， 共 有 五 間 房 七 個 浴 室 ， 大 屋 的 裝 修 和 布 置 頗 為 講 究 ， 例 如 地 板 便 用 法 國 南 部 石 灰 岩 和 白 橡 木 鋪 成 。 客 廳 和 主 人 房 都 設 有 火 爐 ， 令 大 屋 顯 得 更 有 氣 派 。
這 間 豪 華 度 假 屋 還 設 有 可 容 納 多 人 共 浴 的 spa ， 地 牢 又 有 可 放 置 二 千 瓶 酒 的 恒 溫 酒 窖 ， 而 娛 樂 室 除 設 有 七 十 五 吋 等 離 子 大 電 視 ， 更 附 有 桌 球 枱 。 大 宅 旁 邊 還 附 設 另 一 五 千 呎 物 業 可 做 客 房 、 私 人 健 身 室 及 商 務 中 心 。 難 怪 即 使 豪 宅 售 價 高 達 一 千 八 百 萬 加 幣 （ 約 一 億 三 千 萬 港 元 ） ， 陳 振 聰 仍 對 其 情 有 獨 鍾 。
大 宅 業 主 Larry Honghton 入 稟 當 地 法 院 ， 指 控 陳 振 聰 與 妻 子 譚 妙 清 毀 約 ， 要 求 賠 償 ； 陳 亦 不 甘 示 弱 ， 抗 辯 書 中 向 Larry 反 索 償 ， 要 求 取 回 二 百 萬 加 幣 按 金 （ 黃 框 ） 。



海 嘯 前 買 大 屋
去 年 八 月 四 日 ， 陳 振 聰 便 聯 同 妻 子 譚 妙 清 ， 與 豪 宅 業 主 Larry Houghton 簽 署 買 賣 合 約 ， 更 落 訂 二 百 萬 加 幣 （ 約 一 千 四 百 三 十 萬 港 元 ） ， 誰 知 後 來 陳 振 聰 未 能 完 成 交 易 撻 訂 收 場 。
根 據 本 刊 獲 得 的 一 份 卑 斯 省 最 高 法 院 入 稟 狀 指 ， 該 物 業 佔 地 共 兩 個 地 段 ， 分 別 由 原 告 人 Larry Houghton 及 其 兄 弟 Glenn Houghton 擁 有 ， Larry 受 Glenn 委 託 ， 將 兩 個 地 段 合 併 出 售 。 合 約 定 明 買 家 須 於 ○ 八 年 十 二 月 三 日 完 成 交 易 ， 然 而 在 限 期 當 日 ， 陳 振 聰 的 律 師 才 以 電 郵 通 知 Larry ， 指 因 合 約 條 款 問 題 ， 難 以 完 成 交 易 。 Larry 旋 即 入 稟 當 地 法 院 ， 指 控 陳 振 聰 和 譚 妙 清 毀 約 ， 令 其 損 失 遠 超 其 沒 收 的 按 金 ， 要 求 追 討 物 業 差 價 、 利 息 損 失 及 其 他 因 事 件 導 致 的 成 本 開 支 。
據 知 陳 振 聰 的 私 人 飛 機 Gulfstream G450 ， 年 初 已 售 予 一 名 叫 車 峰 的 內 地 商 人 ， 此 人 名 字 跟 高 陽 科 技 （ 818 ） 主 要 股 東 車 峰 同 名 ， 但 未 知 是 否 同 一 人 。



輸 打 贏 要 　 追 討 訂 金
其 實 陳 振 聰 簽 約 買 入 加 拿 大 這 豪 華 度 假 屋 後 不 久 ， 就 傳 出 他 在 香 港 炒 燶 股 票 ； 包 括 蒙 古 能 源 （ 276 ） ， 並 且 沾 手 蒙 能 的 衍 生 工 具 。 蒙 能 股 價 因 蒙 古 國 總 統 選 舉 出 現 騷 亂 而 大 瀉 ， 到 去 年 八 月 中 ， 陳 戶 口 內 的 蒙 能 股 票 及 其 他 藍 籌 股 ， 已 被 大 行 統 統 斬 倉 ， 估 計 損 失 四 、 五 億 元 ； 至 十 二 月 三 日 加 拿 大 物 業 要 完 成 交 易 的 限 期 ， 陳 振 聰 撻 訂 收 場 ， 在 香 港 這 邊 廂 還 被 瑞 銀 逼 倉 ， 急 急 以 一 億 一 賤 賣 中 峽 道 大 屋 。
今 年 初 爭 產 官 司 如 箭 在 弦 ， 陳 振 聰 一 方 面 四 出 籌 錢 打 官 司 ， 另 一 方 面 向 卑 斯 省 最 高 法 院 提 出 抗 辯 及 反 索 償 ， 要 求 Larry 退 回 二 百 萬 加 幣 按 金 。
○ 七 年 底 ， 小 甜 甜 屍 骨 未 寒 ， 陳 振 聰 再 次 買 入 空 中 巴 士 A350 XWB ， 花 費 高 達 十 五 億 。



蝕 賣 飛 機 套 兩 億
此 外 ， 陳 振 聰 去 年 底 已 開 始 低 調 放 售 ， ○ 七 年 初 落 地 的 私 人 飛 機 Gulfstream G450 ， 據 知 在 今 年 一 月 左 右 已 經 成 功 以 二 千 六 百 萬 美 元 （ 約 兩 億 港 元 ） 脫 手 ， 單 是 賬 面 已 蝕 六 千 萬 。 為 免 行 蹤 敗 露 ， 他 通 常 都 會 選 擇 凌 晨 起 飛 、 又 或 清 晨 到 達 等 非 繁 忙 時 段 使 用 機 場 。 「 佢 有 時 話 飛 就 飛 ， 有 時 一 去 到 目 的 地 ， 在 酒 店 剛 check-in 又 馬 上 要 走 人 ， 非 常 神 化 。 」 陳 振 聰 一 名 朋 友 說 。 雖 然 陳 振 聰 經 常 身 在 外 國 ， 但 對 香 港 有 關 他 的 新 聞 仍 非 常 留 意 ， 一 有 關 於 他 的 新 聞 刊 出 ， 即 命 人 幫 他 買 齊 各 份 報 章 雜 誌 ， 還 令 秘 書 仔 細 閱 讀 ， 推 敲 文 章 內 的 爆 料 者 是 誰 。
至 於 他 在 ○ 七 年 十 一 月 以 十 五 億 買 入 的 空 巴 A350 XWB ， 估 計 他 只 交 了 訂 金 而 未 需 上 會 。 雖 然 飛 機 要 二 ○ 一 三 年 才 能 付 運 ， 但 當 時 仍 十 分 心 雄 的 他 ， 已 馬 上 計 劃 組 織 私 人 飛 行 隊 伍 。 據 知 他 曾 向 自 己 曾 入 股 的 飛 機 管 理 公 司 BAA 入 手 ， 向 部 分 相 熟 機 師 和 空 姐 高 薪 挖 角 。 「 佢 想 挖 四 、 五 個 機 師 過 檔 ， 點 知 事 件 被 BAA 知 道 ， 立 即 將 幾 個 有 離 心 嘅 機 師 炒 魷 以 儆 效 尤 ， Tony （ 陳 振 聰 洋 名 ） 知 道 後 卻 無 遵 守 承 諾 請 番 佢 哋 。 就 算 部 分 過 咗 去 幫 佢 手 嘅 人 ， 後 來 都 因 為 員 工 薪 俸 、 福 利 貨 不 對 辦 ， 而 同 佢 鬧 得 不 愉 快 。 」 有 認 識 陳 振 聰 的 人 士 說 。
陳 振 聰 昔 日 的 行 宮 ， 半 山 寶 雲 道 十 六 號 楠 樺 居 （ 圖 ） ， 以 及 其 弟 陳 振 鴻 現 居 的 山 頂 倚 巒 ， 現 正 低 調 放 售 ， 可 見 陳 氏 銀 根 緊 絀 。 （ 何 少 忠 攝 ）



豪 宅 再 度 放 售
度 假 屋 買 不 成 ， 飛 機 又 已 放 售 ， 陳 振 聰 在 香 港 的 物 業 亦 不 能 倖 免 。 去 年 他 先 後 賣 掉 殷 樺 花 園 、 御 林 皇 府 及 中 峽 道 大 屋 三 物 業 ， 合 共 套 現 約 一 億 九 千 萬 元 ， 上 月 他 連 九 十 年 代 初 曾 住 過 的 麥 當 勞 道 百 年 順 大 廈 單 位 ， 亦 賣 予 前 旅 發 局 總 幹 事 臧 明 華 。
自 今 年 初 起 ， 市 場 已 傳 出 陳 振 聰 正 低 調 放 售 楠 樺 居 和 山 頂 倚 巒 ， 其 後 放 售 速 度 一 度 減 慢 ， 近 月 再 傳 出 陳 積 極 接 受 買 家 洽 購 。 這 兩 幢 市 值 估 計 約 六 億 五 千 萬 元 的 物 業 ， 前 者 正 進 行 重 建 ， 而 倚 巒 據 悉 正 由 陳 振 聰 弟 弟 陳 振 鴻 居 住 。
除 了 出 售 資 產 應 付 一 場 燒 銀 紙 的 官 司 ， 陳 振 聰 亦 節 省 開 支 。 最 近 陳 振 聰 已 將 約 十 名 前 英 兵 及 啹 喀 兵 保 鑣 ， 減 至 五 名 ， 而 早 前 聘 請 來 搜 羅 華 懋 資 料 ， 及 對 各 華 懋 證 人 進 行 跟 蹤 、 起 底 的 數 十 名 情 報 專 家 及 私 家 偵 探 ， 亦 已 解 散 。
陳 振 聰 資 產 大 傾 銷




上 月 底 華 懋 證 人 之 一 的 梁 錦 濠 ， 作 證 完 畢 離 開 法 庭 十 二 樓 時 ， 記 者 發 現 一 直 在 同 層 等 候 的 陳 振 聰 保 鑣 即 以 電 話 互 相 通 報 。 而 梁 錦 濠 離 開 法 院 大 樓 時 則 不 斷 回 頭 察 看 是 否 遭 人 跟 蹤 ， 並 說 ： 「 頭 先 好 似 有 個 男 人 成 日  住 我 ， 你 見 唔 見 到 ？ 我 驚 被 人 點 相 呀 ！ 我 叫 華 懋 喺 香 格 里 拉 酒 店 開 間 房 俾 我 出 庭 前 等 ， 佢 哋 又 唔 肯 。 」
在 庭 上 被 陳 振 聰 一 方 律 師 Ian Mill 揭 出 曾 因 賄 選 入 獄 、 豪 賭 破 產 及 與 前 女 友 爭 奪 英 國 物 業 等 舊 事 ， 以 質 疑 其 誠 信 的 梁 錦 濠 ， 是 華 懋 重 要 證 人 之 一 。 梁 錦 濠 除 了 是 陳 振 聰 的 老 友 ， 亦 是 他 的 客 仔 。 而 在 梁 之 前 ， 陳 透 過 他 的 風 水 「 專 業 」 ， 結 識 了 不 少 政 商 界 名 人 。
九 十 年 代 初 ， 陳 振 聰 透 過 朋 友 介 紹 自 薦 找 金 象 苑 泰 國 菜 館 創 辦 人 王 麗 明 看 風 水 ， 之 後 再 透 過 王 認 識 當 時 土 地 發 展 公 司 總 裁 石 禮 謙 與 律 師 葉 宏 德 。 由 於 葉 宏 德 信 風 水 ， 遂 派 其 高 李 葉 律 師 行 律 師 朱 偉 民 ， 去 跟 陳 學 風 水 ， 朱 亦 自 始 成 為 陳 振 聰 左 右 手 。 石 、 葉 二 人 經 常 相 約 陳 振 聰 到 馬 場 看 跑 馬 ， 陳 於 是 得 以 在 馬 場 認 識 梁 錦 濠 。 由 於 梁 當 時 的 測 計 師 樓 ， 經 常 幫 華 懋 處 理 新 界 換 地 、 補 地 價 等 工 作 ， 陳 振 聰 遂 藉 梁 搭 路 ， 得 以 結 交 龔 如 心 ， 從 此 踏 上 富 貴 之 路 。
因 岳 父 鍾 江 海 的 關 係 ， 梁 錦 濠 （ 右 ） 早 年 已 經 認 識 王 德 輝 （ 中 ） 、 龔 如 心 （ 左 ） 夫 婦 ， 圖 為 八 七 年 梁 的 測 計 師 行 搬 至 尖 沙 咀 中 心 ， 王 氏 夫 婦 前 來 酒 會 祝 賀 。



淡 化 風 水 師 形 象
在 庭 上 被 翻 出 曾 以 風 水 師 身 份 結 交 權 貴 及 幫 人 看 風 水 等 陳 年 舊 事 的 陳 振 聰 ， 據 悉 面 對 傳 媒 時 ， 表 示 自 己 連 羅 庚 也 不 懂 看 ， 更 不 知 道 「 法 科 師 傅 」 和 「 風 水 遺 囑 」 為 何 物 ， 把 自 己 過 去 的 事 蹟 一 掃 而 空 。
華 懋 一 方 卻 在 庭 上 指 出 ， 龔 如 心 在 ○ 五 至 ○ 六 年 間 ， 曾 分 三 次 將 巨 款 存 入 陳 振 聰 戶 口 ， 每 次 款 項 為 六 億 八 千 八 百 萬 元 ， 並 指 這 些 巨 款 是 支 付 予 陳 振 聰 在 華 懋 旗 下 物 業 「 種 生 基 」 的 服 務 費 ， 而 非 餽 贈 ， 但 陳 振 聰 卻 另 有 版 本 。
據 知 他 曾 向 人 表 示 ， ○ 五 年 底 龔 如 心 與 老 爺 的 爭 產 案 終 審 上 訴 得 直 後 ， 他 即 飛 到 美 國 波 士 頓 與 分 開 了 數 年 的 龔 如 心 相 聚 ， 後 來 龔 說 要 把 七 億 送 給 他 。 這 些 錢 是 龔 變 賣 海 外 資 產 得 來 ， 而 由 於 龔 喜 歡 六 、 八 等 幸 運 數 字 ， 於 是 將 七 億 變 成 六 億 八 千 八 百 萬 。 陳 振 聰 又 自 稱 曾 拒 絕 小 甜 甜 的 餽 贈 ， 但 為 報 答 她 的 支 持 ， 於 是 建 議 小 甜 甜 將 錢 用 於 投 資 宏 霸 數 碼 的 股 票 。
陳 的 代 表 律 師 曾 引 述 華 懋 風 水 證 人 司 徒 法 正 的 報 告 ， 指 進 行 「 風 水 遺 囑 」 這 種 法 事 ， 要 歷 時 七 七 四 十 九 日 ， 當 事 人 亦 要 瞓 一 晚 棺 材 。 而 當 時 龔 如 心 已 經 病 重 ， 與 癌 魔 搏 鬥 。 陳 振 聰 曾 向 人 透 露 曾 與 龔 如 心 留 宿 在 華 懋 旗 下 銅 鑼 灣 海 景 酒 店 。
梁 錦 濠 （ 右 三 ） 與 陳 振 聰 （ 右 二 ） 、 譚 妙 清 夫 婦 （ 右 一 ） 早 年 非 常 老 友 ， 梁 更 曾 到 當 時 二 人 位 於 沙 田 河 畔 花 園 家 中 作 客 。 圖 為 九 三 年 三 人 出 席 滘 西 洲 洪 聖 誕 的 聯 歡 會 。




而 早 前 陳 振 聰 的 律 師 曾 在 庭 上 大 爆 小 甜 甜 曾 希 望 為 陳 振 聰 生 兒 育 女 ， 令 人 為 之 嘩 然 。 陳 振 聰 亦 曾 向 相 熟 友 人 透 露 ， 小 甜 甜 曾 接 受 賀 爾 蒙 治 療 ， 九 四 年 初 ， 即 龔 如 心 五 十 六 歲 之 時 ， 她 更 為 自 己 能 再 次 來 月 經 而 感 到 十 分 興 奮 ， 還 叫 陳 為 她 在 酒 店 房 內 的 洗 手 間 拍 照 留 念 。
陳 振 聰 自 爆 與 妻 子 譚 妙 清 新 婚 不 久 便 出 軌 ， 而 太 太 對 此 亦 「 十 分 無 奈 」 。 原 來 龔 譚 二 人 早 有 交 手 ， 九 二 年 八 月 陳 振 聰 曾 安 排 她 們 一 起 去 北 京 旅 行 ， 據 知 譚 妙 清 當 時 對 此 安 排 十 分 不 滿 。 陳 振 聰 又 曾 經 將 龔 如 心 所 贈 ， 由 日 本 漫 畫 家 五 十 嵐 優 美 子 所 畫 的 小 甜 甜 卡 通 畫 掛 在 家 中 ， 結 果 因 為 譚 妙 清 的 不 滿 而 要 掛 在 廁 所 內 。 九 三 年 陳 父 中 風 ， 龔 如 心 亦 曾 前 往 探 望 ， 並 送 他 佛 像 作 禮 物 。
陳 振 聰 曾 向 相 熟 友 人 透 露 ， 龔 如 心 經 常 和 他 討 論 華 懋 的 各 個 項 目 和 生 意 ， 又 聽 從 他 的 建 議 改 變 髮 型 令 自 己 看 起 來 更 年 輕 。 陳 曾 建 議 她 紮 馬 尾 ， 但 被 龔 如 心 拒 絕 ， 陳 指 那 是 因 為 譚 妙 清 亦 是 紮 馬 尾 ， 後 來 龔 如 心 決 定 將 頭 髮 由 髮 髻 換 成 孖 辮 ， 之 後 再 剪 成 短 髮 。
陳 振 聰 亦 向 人 透 露 二 人 經 常 相 約 到 清 水 灣 或 粉 嶺 郊 遊 ， 並 多 次 陪 小 甜 甜 到 波 士 頓 醫 病 ， 每 晚 替 小 甜 甜 按 摩 和 抱 着 她 睡 ； ○ 七 年 三 月 當 她 病 情 惡 化 時 ， 陳 振 聰 又 放 棄 與 家 人 前 往 北 海 道 度 假 ， 陪 在 小 甜 甜 身 邊 。
陳 振 聰 曾 向 人 透 露 ， 自 己 曾 多 次 陪 同 龔 如 心 到 美 國 波 士 頓 醫 病 。 照 片 攝 於 ○ 五 年 九 月 ， 當 時 龔 如 心 與 老 爺 的 爭 產 案 剛 在 終 審 庭 取 得 勝 利 ， 隨 即 從 香 港 坐 飛 機 先 到 倫 敦 ， 再 轉 機 至 波 士 頓 。



小 甜 甜 （ 右 ） 昔 日 與 陳 振 聰 （ 左 ） 曾 拍 下 不 少 絕 密 閨 房 照 ， 如 今 照 片 都 已 成 為 陳 振 聰 的 呈 堂 證 物 。 圖 中 的 聖 誕 老 人 公 仔 ， 據 稱 是 陳 贈 予 龔 的 禮 物 。



小 甜 甜 照 片 即 將 曝 光
華 懋 證 人 ， 有 份 替 小 甜 甜 掘 窿 「 種 生 基 」 的 地 盤 判 頭 王 良 煥 作 證 時 指 ， 龔 如 心 十 七 年 來 未 曾 支 付 過 買 早 餐 的 費 用 ， 暗 示 龔 為 人 孤 寒 。 然 而 龔 如 心 多 年 來 卻 對 陳 振 聰 十 分 慷 慨 ， 曾 贈 予 他 不 少 禮 物 ， 當 中 包 括 她 到 長 實 副 主 席 李 澤 鉅 家 作 客 時 的 照 片 、 長 實 主 席 李 嘉 誠 送 給 龔 如 心 的 兩 個 雕 像 、 董 建 華 送 給 龔 如 心 的 郵 票 、 前 台 灣 副 總 統 連 戰 送 予 龔 的 花 樽 ， 以 及 二 人 在 北 京 旅 行 時 ， 一 起 穿 著 情 侶 裝 合 照 的 情 侶 杯 。
據 悉 陳 還 「 珍 藏 」 一 批 龔 如 心 的 絕 密 閨 房 照 ， 當 中 包 括 一 些 在 酒 店 房 間 由 陳 振 聰 替 她 拍 攝 的 照 片 。 以 往 龔 如 心 面 對 傳 媒 的 閃 光 燈 ， 都 喜 歡 擺 出 淘 氣 的 姿 勢 ， 亦 喜 歡 傳 媒 把 眼 光 和 注 意 力 投 射 在 她 身 上 的 打 扮 。
據 悉 龔 如 心 曾 將 一 幅 由 日 本 漫 畫 家 五 十 嵐 優 美 子 所 畫 的 漫 畫 送 予 陳 振 聰 ， 龔 更 指 自 己 是 畫 中 公 主 ， 陳 是 她 背 後 的 王 子 。



陳 振 聰 上 位 之 路




本 週 二 ， 陳 的 律 師 夏 利 士 在 庭 上 表 示 基 於 要 保 持 龔 如 心 的 尊 嚴 ， 要 求 龔 如 心 胞 妹 龔 因 心 將 陳 作 為 呈 堂 證 物 的 照 片 帶 回 家 仔 細 翻 閱 ， 並 會 於 本 週 三 開 庭 時 ， 就 照 片 內 容 再 作 盤 問 ， 未 知 該 批 照 片 會 否 正 是 陳 的 「 珍 藏 」 。
華 懋 慈 善 基 金 和 陳 振 聰 除 了 在 庭 上 「 開 片 」 ， 私 底 下 亦 以 風 水 較 勁 。 陳 方 陣 營 ， 包 括 陳 振 聰 及 其 律 師 團 隊 ， 不 時 以 紅 領 呔 和 紅 襪 子 出 場 ； 而 華 懋 一 方 ， 包 括 證 人 吳 崇 武 、 王 良 煥 等 ， 則 不 時 打 上 黃 色 領 呔 。 有 玄 學 家 指 ， 紅 代 表 火 ， 黃 代 表 土 ， 土 能 淹 火 ， 火 亦 能 催 旺 土 ， 故 此 推 測 華 懋 選 擇 以 黃 制 紅 。 這 場 世 紀 爭 產 官 司 ， 庭 內 庭 外 火 藥 味 十 足 。
梁 錦 濠 ○ 七 年 向 華 懋 以 一 百 零 一 萬 買 入 的 大 埔 林 村 梧 桐 寨 地 皮 ， 現 被 村 民 邱 振 昌 霸 佔 作 果 園 。 （ 林 志 謙 攝 ）



是 非 之 地
陳 振 聰 一 方 曾 在 庭 上 就 大 埔 梧 桐 寨 地 皮 交 易 連 番 狙 擊 證 人 梁 錦 濠 ， 指 他 於 ○ 七 年 五 月 為 華 懋 錄 取 口 供 後 約 一 個 月 ， 向 華 懋 以 一 百 零 一 萬 「 筍 價 」 買 入 估 值 一 千 萬 的 土 地 ， 質 疑 雙 方 有 利 益 衝 突 。 記 者 前 往 這 幅 農 地 視 察 ， 原 來 多 年 來 這 幅 地 一 直 引 起 不 少 爭 拗 。
這 幅 五 千 呎 地 皮 由 八 十 年 代 初 開 始 荒 廢 至 今 ， 早 年 曾 有 發 展 商 打 算 在 該 地 起 樓 ， 但 遭 村 民 去 信 規 劃 署 阻 止 ， 「 地 皮 後 面 個 山 坡 供 奉 咗 「 伯 公 」 神 位 㗎 ！ 起 樓 咪 擋 到 實 晒 ， 影 響 條 村 風 水 呀 ！ 」 梧 桐 寨 村 村 長 丘 官 年 說 。 現 時 該 地 皮 已 被 村 民 邱 振 昌 霸 佔 ， 在 該 處 設 立 「 華 光 花 園 」 ， 並 種 滿 碌 柚 和 菠 蘿 蜜 等 果 樹 。 邱 振 昌 說 其 父 當 年 在 上 址 被 該 地 業 主 拆 掉 寮 屋 ， 兩 年 前 他 跟 梁 錦 濠 談 判 ， 要 求 三 十 萬 賠 償 未 果 ， 遂 強 行 霸 佔 地 皮 補 數 。
梁 錦 濠 向 華 懋 購 入 這 幅 地 後 ， 打 算 與 友 人 開 設 骨 灰 龕 。 不 過 ， 現 任 兩 位 梧 桐 寨 村 村 長 表 示 ， 正 打 算 向 規 劃 署 申 請 「 禁 制 令 」 ， 禁 止 梁 起 骨 灰 龕 。 這 幅 地 引 起 的 爭 拗 ， 似 乎 沒 完 沒 了 。

PermaLink: https://articles.zkiz.com/?id=8350

中環在線：金融巨頭聚港傾救市 李華華


2008-12-16  AppleDaily


 

國家領導人同財金官員，先後發表對明年內地經濟表現嚴峻嘅講話，適逢金融穩定論壇亞洲區會議，噚日喺香港金管局閉門舉行，人行行長周小川、銀監會主席劉明康，同埋中證監副主席姚剛，聽講都會出席，當然唔少得主人家金管局總裁任志剛。

講番呢個會議，係由區內多個經濟體系嘅央行行長、財政部官員共同參與，商討金融風暴後國際市場跟進情況，o依家金融海嘯已經波及全世界，所以個會話就話地區會議，但都有歐美各國代表出席，包括英國金融服務監管局主席Adair Turner、美國財政部助理副財長等。

歐美亞代表有齊

會議今朝早會繼續喺金管局舉行，晏晝就喺金鐘港麗酒店有公開嘅午餐演講，由意大利央行同埋泰國央行行長主講。
 
PermaLink: https://articles.zkiz.com/?id=4648

筆論天下：非常時期 陸日勤

2008-10-28  AppleDaily

九 一一恐怖襲擊之後，好幾年內，人們減少了乘搭飛機的次數，並增加購買空難保險，但類似九一一規模的空難沒有再發生。我們經常錯誤估計災難發生的經常性，在 風平浪靜時低估了它，在嚴重的災難發生後，我們卻高估了它──主觀地將類似的災難，幻想成為平常事。據心理學家說，這就是恐懼的來源。在股市上，這個心理 除了受股市下跌影響，股市越跌，越令人相信它會再跌深一些，這個心理又反過來影響股市的表現。

海嘯元凶公開認錯

現在，我們就 是站在類似的災難時刻、非常時期，曾被譽為最偉大的中央銀行家、聯邦儲備局前主席格林斯潘，現在被指為金融海嘯的元凶，他亦公開表示犯錯。全球政府正積極 合作化解危機，新興市場、冰島出現財政困難。在香港，藍籌中信泰富（267）投資失利，導致重大虧損，並接受監管機構調查，早前雷曼迷你債券投資者上街， 以至東亞銀行（023）爆發小型擠提。一連串事件除了反映金融市場動盪，亦反映思想上和價值觀的變改，包括對自由市場的質疑、金融業作為社會重要支柱的可 靠性，甚至對投資活動本身的信心，投資藍籌是否有保障呢？銀行推銷的產品風險是否較低呢？這些思想上的改變，相信影響深遠，正好奠定這個非常時期的戲劇 性。這個非常時期，和其他大型災難一樣，我們不應將之看成平凡日子，股市不可能每天都上新聞頭條，恒指不可能每個月都像今個月一樣急跌7000點。一旦將 災難想像為慣常，我們的悲觀情緒便容易像雪球一樣越滾越大。反而，任何人如果能察覺到07年是個非常時期──不平常的日子，可以減少損失。其實，恒指在短 短兩個月之間急升一萬點，要看得出其反常之態亦不難。

忌將災難視作慣常

信貸緊縮引發的基金贖回潮，令港股進一步下跌，恒指成 份股價格對比07年企業盈利降至歷史低位──市盈率低於7倍，去年10月高位是27倍，現時的往績市盈率等於98年恒指6544點的市盈率水平，遠低於 03年沙士期間的12倍。最新的美國二手房屋銷售量，在樓市轉弱以來首次錄得增長，顯示金融海嘯的源頭──房屋市場，有暫時穩定的迹象。這都有助紓緩股市 資金緊縮的情況。股市幾時靠穩，視乎海嘯對全球實體經濟和企業盈利的影響，更視乎新興市場會否出現海嘯可能引發的連鎖效應。陸日勤 http://penandsky.blogspot.com
PermaLink: https://articles.zkiz.com/?id=2875

國美配股本周落實涉兩成新股料折讓20%

2009-05-04  AppleDaily




【本報訊】自上年底停牌至今的國美電器（493），有望最快本周復牌。消息指，國美與基金就出售股份洽商已完成，現只餘細節仍需商討，國美將向基金出售最多約20%股份，公司將復牌。有分析員料配股價最少較停牌前折讓20%。記者：陳健文

國美於上周一公佈08年度業績，純利跌7.02%至10.48億元人民幣。國美原於當日召開記者會，並舉行最少兩場投資者會議，但最後於周一早上突取消所有會議。消息指，取消會議的原因正是當時售股商討已屆最後階段，希望完成後再一併作「解畫」。

集資額料約20億

消 息人士指，自大股東兼前主席黃光裕被拘留後，有很多基金均對國美有興趣，但由於未能確定事件對公司的影響有多大，亦需要時間對賬目作詳細審核，故有關商討 一直拖延至今才成事。消息指，出售股份的其中一個目的是增加公司資金實力。外資分析員直言，等國美公佈業績後才落實入股，做法較安全，因為很多地方都存在 不明朗因素。他相信配股價最少將較停牌前約有20%折讓，以反映風險。國美停牌前報1.12元，以此計算配股價約為0.896元，規模約為20億元。國美 於上周公佈業績前，副總裁何陽青向內地報章表示，料公司在公佈業績後可復牌，惟當時沒有解釋箇中原因。他亦透露，公司會於本月中旬召開股東會，清楚交代管 理層大變後的具體營運情況。該報道亦指國美將大削店舖並改造舊舖提高效益。

三私募基金有意認購

上月中曾有報道引述消息人士 指，包括Kohlberg Kravis Roberts及貝恩資本等私募基金正在競投國美股權。報道指，持有少於5%國美股份的華平投資，亦會參加今次配售，以增加於國美的持股量。於今年初，市 場曾傳出嘉誠亞洲是今次配售的安排行。花旗於國美公佈業績後發表報告指業績令人失望，相信與第4季營業額急跌22%，及毛利率低於預期有關。該行對公司前 管理層被拘留持審慎態度，並擔心將在下年到期的可換股債券會對公司構成財務壓力。花旗現給予「沽出」評級，目標價0.6元。



PermaLink: https://articles.zkiz.com/?id=7717
Next Page
ZKIZ Archives @ 2019