范范餵孖仔飲人奶姐妹團探B破不和傳言
1 :
GS(14)@2015-01-22 23:13:17
前日台灣模範夫妻范范(范瑋琪)同老公黑人（陳建州）正式公佈一對「大小熊貓」嘅名，叫陳睿飛及陳睿翔。黑人仲po咗大仔陳睿飛嘅片上網，留言道：「我們的小River~飛飛！是不是很可愛呀!」爸爸先用兩隻手指握著大仔嘅手，等大仔眼仔睩睩咁望住佢，黑人就開始用食指，輕輕郁大仔嘅手仔哄佢玩，配上柔和嘅音樂，真係好溫馨!初為人母嘅范范開刀後，似乎已經調理好身體，開始餵孖B飲人奶，不過，昨早6點幾，貼上微博嘅人奶相，份量只係剛好夠一對仔仔飲，難怪范范留言：「每天進步一點點，再接再厲！」此外，范范一班姊妹淘亦相約一齊去探望范范，其中吳佩慈最近被指揀姊妹都係睇利益，仲同「S幫」疏遠，搞到佢前日喺微博嬲爆寫道:「愛編劇的人真多，也就是為了讓大家關注他，不惜傷害別人亂編造謠，看了也是覺得好氣又好笑。」不過吳佩慈同大小S以及梁靜茹、賈永婕等好朋友去到醫院探范范，黑人喺FB寫道:「從姐妹淘變成媽媽幫～這段友誼真的很不容易！感謝上帝讓我兒子有這麼多漂亮的乾媽～～哈哈！」吳佩慈亦在微博回應：「病房變得太歡樂了！在滿滿愛和喜悅中誕生的寶寶必當健康又快樂。」以行動粉碎不和傳言。
來源:
http://hk.apple.nextmedia.com/entertainment/art/20150122/19011764
陳敏之升Cup試飲人奶
1 :
GS(14)@2017-02-18 00:51:24■陳敏之自爆生仔後身材變得豐滿。
陳敏之的囝囝已經一個多月大，昨日她在商台受訪，透露生B後上圍由B升至C cup，所以家中的內衣都要買過。她開心分享人生的高峯期，還沾沾自喜說：「噚晚着住浴袍餵完奶，老公喺廁所沖涼，我入去廁所跳開心舞叫佢睇，話佢知我咁多年都冇呢個效果。」敏之被問到是否考驗老公的定力？她說：「?家冇時間理其他，掛住湊仔，咁好身材只能分享，老公冇福利。」更指老公不願意試人奶，她說：「自己試過甜甜哋似維他奶。」她表示明天將開工拍劇，一定不捨得囝囝，她笑說：「佢係我第一號愛人，BB全身由頭到pat pat我都聞，拍拖都冇呢個感覺。」採訪、攝影：王連連
來源:
http://hk.apple.nextmedia.com/entertainment/art/20170217/19930485
Next Page