「唔同人唔同作風」蔡陳葆心擬悉售長和
1 :
GS(14)@2018-03-19 04:28:07【本報訊】長和系改朝換代，一眾長情股東態度亦有變化。長實1972年上市，中潤證券主席蔡陳葆心當年已開始買入股份，中間多次賣出買入，直至2007年起長揸至今。蔡陳葆心相信市場對李嘉誠退休已有心理準備，故影響不太大，但會考慮悉售持有的長和系股份，「因為唔同人有唔同作風，李澤鉅一直都跟爸爸，有時都要聽爸爸話，（若完全接手）後生有後生一套，所以會放棄（股份）睇睇先。」蔡太持有長和系旗下所有股份，因好處是不會大上大落，「長揸都冇所謂，好過放銀行，股息又唔錯」，但她苦笑指「2007年（金融海嘯）升完又跌返，一直吽咁耐，喺度瞓覺嘅，1號仔成日都唔到一百蚊，係舊年先開始有啲生氣。
曾淵滄：揸咁耐已冇感覺
至於詹培忠目前亦持有長和（001）、電能（006）、長實（1113）及港燈（2638）等，持貨最多是港燈，貪其高息及穩陣。被問到會否因為李嘉誠退下來而減持長和系股份，他稱自己不是擁護式投資，「賺到錢就走，股價跌就買返」，將來發展如何，除了掌舵人的作風及發展大計外，亦要環境配合，會看時勢再決定投資方向。至於學者曾淵滄是長和「長情股東」，指自己不會理會李嘉誠是否退休，「我冇興趣研究佢個仔上陣，我成本5蚊箒，點變都唔會跌番去5蚊啦！」曾淵滄持有長和逾30年未沽過，他指「揸咁耐已冇感覺，已經係手中有股，心中冇股。」
來源:
https://hk.finance.appledaily.co ... e/20180318/20335358