吳肇軒街頭拉客食檸檬
1 :
GS(14)@2017-02-02 02:34:14影圈新人吳肇軒、胡子彤、朱鑑然憑青春新面孔成功闖娛圈，三位小鮮肉日前到銅鑼灣鬧巿高唱賀年歌《財神到》搞氣氛，向大家拜年，三人在街上找途人加入，更主動向女士埋手，可惜頻頻食檸檬被當場拒絕。吳肇軒和朱鑑然不甘心，再接再厲，繼續以人盯人的攻勢，終於成功找到肯伸出援手的市民一齊唱歌拜年，估不到對象竟然是男士居多，當中還有外籍遊客跟着唱歌講恭喜發財。多次被請食檸檬的前香港飛魚王子朱鑑然說：「最初都感到好尷尬，之後就豁出去。」吳肇軒表示：「我哋大大聲唱財神到都係夠膽啦，唔會尷尬，我個性比較活潑主動。」採訪：卓寶花攝影：陳俊強
來源:
http://hk.apple.nextmedia.com/entertainment/art/20170201/19913924
嘉玲、吳肇軒師生戀
1 :
GS(14)@2017-02-03 03:10:25劉嘉玲、謝君豪、吳肇軒及余香凝等主演、新晉導演譚惠貞執導的新片《以青春的名義愛你》日前在西貢煞科。一直致力支持新導演的嘉玲，對該片的劇本甚為欣賞，所以決定接演，嘉玲說：「呢三年有唔少優質本土電影，但適合我演出嘅唔多，我覺得呢部戲嘅劇本好完整，而且團隊亦都好認真。」由於製作費有限，所以拍攝過程頗為艱苦，完成一刻，嘉玲即場宣告過年後請食飯慰勞劇組人員。
■電影煞科，嘉玲亦將守諾請食飯。
至於戲中和嘉玲展開一段曖昧師生戀的吳肇軒，坦言心情難捨難離，他說：「我好鍾意《阿飛正傳》呢部電影，發夢都冇諗過可以同嘉玲姐合作，呢個組合好新鮮，拍攝過程好難忘。」撰文：葉綠悠
來源:
http://hk.apple.nextmedia.com/entertainment/art/20170202/19914783
嘉玲俾吳肇軒索簽名嚇親
1 :
GS(14)@2017-02-09 23:44:23劉嘉玲、吳肇軒和謝君豪主演的電影《以青春的名義》日前煞科，戲中嘉玲與吳肇軒發展一段師生戀，吳肇軒拍完即向戲中老師嘉玲送上電影《阿飛正傳》歐洲版海報索簽名，令她十分驚喜，嘉玲看到巨型海報即大叫：「嘩，呢張海報比我仲要高。」嘉玲簽名時，吳肇軒含情脈脈望着，他表示海報由西班牙空運返港。吳肇軒大讚嘉玲這位前輩：「起初以為佢嘅氣場好強，相處後發覺佢完全冇架子，佢教咗我好多拍戲知識。同佢做對手戲壓力唔大，反而呢個搭檔令我有較大壓力，始終嘉玲姐係演技成熟嘅演員，我都要出十二萬分力先可以。」撰文：劉敏
來源:
http://hk.apple.nextmedia.com/entertainment/art/20170209/19922070
Next Page