爭風呷醋 監製捧陳敏之 徐子珊女一變花瓶
|
| |
無綫為挽救跌唔停收視，早前重金禮聘福將黃子華回巢，拍住兩大姐仔徐子珊、陳敏之參演新劇《My盛Lady》。以為坐定粒六做女一的徐子珊，開戲後先發現陳敏之戲份愈加愈多，甚至同黃子華對手戲多過自己一截。上週劇組分別在油塘及西環拍外景，徐子珊明擺一姐款，對陳敏之不瞅不睬，只有黐住黃子華，才變面有講有笑。明益愛將 深得監製文偉鴻歡心的陳敏之，在新劇《My盛Lady》中分別同黃子華及阮兆祥有感情線，大玩三角戀，戲份比徐子珊有過之而無不及。「阿Jazz（文偉鴻）之前喺第一集《怒火》同《法網狙擊》做導演同監製，已經好錫敏之，兩套劇角色都係為佢度身訂造！今次仲要由醜女變靚女，好有發揮，監製加咗好多同子華嘅對手戲俾佢，出街嗰陣一定搶晒鏡。」一名《My盛》幕後人員說。冇監製錫，徐子珊轉攻黐實黃子華，甚至出動私家保母車，接送對方出入片場。「子珊喺片場好黐子華，無論平時出外景，抑或喺電視城化妝，子珊次次都主動話車埋子華，叫佢唔使坐劇組車。」幕後人員續說。 有你無我 上週四（廿七日），劇組連踩十二粒鐘拍外景，下午兩點，黃子華及徐子珊到達油塘商場，子華見未埋位，於是走入咖啡店休息，子珊二仔底死跟，更挨實子華吹水。未幾，陳敏之坐低搭枱，徐子珊即扁嘴起身走人，無癮敏之唯有拎塊鏡補妝，淡化尷尬場面。有你無我，之後敏之被召埋位，子珊即刻返入咖啡店，同黃子華、阮兆祥等人繼續吹水，擺明杯葛陳敏之。至晚上八點，劇組移師至上環林士街取景，拍攝黃子華強吻陳敏之被兜巴星戲份。徐子珊當晚負責做路人甲，全程行行企企，唯有面燶燶坐埋一邊篤電話，直至記者要求三人合照，徐子珊才勉強擠出笑容配合。原本以為執到好籌，可以拍住收視福將黃子華拍劇，最後卻由女一變花瓶，難怪子珊條氣唔順到出面。 早有積怨 09年，陳敏之和徐子珊拍攝劇集《美麗高解像》時，已有積怨。其中一場戲講述陳敏之掌摑徐子珊，拍之前導演講明「嚟真」，希望一take過，拍完後，徐子珊即刻怒目陳敏之，更嗌停機要敷冰。其後有傳媒報導話陳敏之夾埋伍詠薇、苑瓊丹等「八婆團」聯手整蠱徐子珊，令她硬食幾十巴。新聞出街後，即惹怒陳敏之及伍姑娘等，指徐子珊放流料搏同情。 |
| |
捱義氣 徐子珊唔肯降grade 黃翠如執三攤拍新版《愛．-回家》
1 :
GS(14)@2015-06-11 12:43:592015-06-11 NM
收視持續插水的《愛•回家》，已鐵定拍到804集七月六日正式摺埋，大台原本篤定香香（岑麗香）接力孭正，點知香香原來早已被戲劇組其他監製徵用，女角懸空，製作部總監於是急call徐子珊幫拖；但做慣黃金檔女主角，徐子珊認為拍處境劇形同降格，一口拒絕。無計可施下，唯有起用余詠珊愛將黃翠如。黃翠如加張繼聰，叫座力有限，為保錢途，大台決定換血不換藥，接棒新劇，繼續沿用《愛•回家》吊命。廣告部詐晒型
一度是收視保證的《愛•回家》，由全盛時期的二十七點最高收視，跌至十七點，風光不再！為了吸納年輕觀眾層，大台原本安排岑麗香夥拍張繼聰，加埋一班奀到爆新人接棒，陣容卻因太弱，令外出
傳失寵離TVB徐子珊：等份約自動完
1 :
GS(14)@2015-08-03 08:58:32【約滿走人】■徐子珊昨承認即將約滿無綫不再續約，見她笑到見牙唔見眼，莫非因不用再接拍膠劇所致？攝影：陳慧安
「不死子珊」終於心死？繼胡杏兒後，加入無綫11年的徐子珊亦決定月內約滿後離巢。有傳子珊有感無綫冷待而心灰意冷離開，昨日她出席銅鑼灣活動，承認正在等約滿：「等份約完咗先，等佢自動完。」不過，子珊強調未來方向還未決定，並謂：「覺得自己係時候做新嘢。」據悉，杜琪峯旗下的銀河海潤正向子珊招手，做阿杜愛將還是繼續拍膠劇，不難選擇吧！
無綫小生花旦買少見少，繼林峯、吳卓羲和胡杏兒後，徐子珊亦盛傳今年尾約滿後不再續約。消息指加入無綫11年的徐子珊近期因為無綫多番跟她傾續約，她卻遲遲未有動筆，以致被無綫投閒置散，事後子珊受訪時雖否認被無綫冷待，但就承認決定在約滿後要「停一停」、「唞一唞」，畢竟多年來劇接劇已感厭倦，有意將自己的珠寶設計發展成事業。
【不死子珊】■在《神鎗狙擊》中炸極不死，離譜劇情令子珊被封「不死子珊」。劇照
【無緣視后】■年年戥人家攞視后高興的子珊，聲稱自己不恨攞視后寶座。
【慘遭冷待】■有傳子珊（右）失寵被高海寧取而代之成力捧對象。劇照
■子珊（中）昨為拉麵比賽擔任評判，獲贈食一世拉麵。
「係時候做新嘢」
昨日徐子珊到銅鑼灣出席拉麵活動，對於盛傳她今年10月與無綫約滿後不再續約，子珊說：「唔係嗰本雜誌講嘅時間，不過嚟緊個約係就快完，所有嘢未決定。」問何時約滿？子珊未肯透露，只表示：「就快完。」子珊指無綫一直有跟她傾續約，但未來方向還未決定：「自己忙緊學珠寶設計，所有嘢未決定住，想自己停一停先。」子珊透露有其他公司及內地公司接洽：「暫時每日專注返學，每日淨係諗到要交功課，都有內地經理人搵我傾，但真係未諗到、未決定點做。」那麼是否等合約完結後再作打算？子珊直認不諱說：「冇錯，等份約完咗先，等佢自動完。」近年子珊在無綫拍過不少膠劇，其中更因在《神鎗狙擊》炸極不死而被網民封為「不死子珊」。莫非今次離巢，是因屢拍膠劇？對此子珊否認道：「冇咁嘅事，我都拍過好多好好嘅劇，因為咁多年拍劇先有人認識，畀咗好多好好工作機會我，畀我做咗好多好角色。」記者問是否與多年未能取得視后有關？子珊繼續否認說：「唔關事，我都有好多電影拍緊，不嬲都唔係睇獎唔獎。自己係時候成長，覺得自己係時候做新嘢。」
■子珊近日四出為有份參演的新戲《有客到》宣傳。劇照
有望成阿杜愛將
早前曾傳高海寧取代徐子珊成為無綫老闆陳國強愛將，子珊過去一年在無綫主演劇集少之又少，在年初拍完《以和為貴》一劇後，已沒有任何新劇安排，明顯被投閒置散，對此子珊力撐說：「同公司有共識，自己都想減產，拍劇咁辛苦都需要休息，所以一套劇一套電影，唔想拍到成日黑眼圈。」子珊亦否認效法其他小生花旦離開，記者指她不跟無綫續約，今年肯定無望問鼎視后，子珊笑說：「唔驚！我驚咩呀？唔使諗啦，不嬲都冇諗呢啲嘢！」並揚言未來去向如何，會第一時間通知大家。據本報了解，現時除林建岳的寰亞娛樂外，杜琪峯旗下的銀河海潤亦向子珊招手，子珊分分鐘有望成為阿杜愛將。採訪：盧妹、鍾國仁
來源:
http://hk.apple.nextmedia.com/entertainment/art/20150802/19240033
徐子珊同無綫拜拜
1 :
GS(14)@2015-09-14 19:45:55■徐子珊將修讀珠寶課程，所以暫放下事業。資料圖片
一直等約滿的徐子珊，今個月終於與效力11年的TVB娘家「分手」！子珊昨日接受電話訪問時承認已約滿，但暫時未定去向，有傳除有內地公司以千萬利誘外，邵氏和曾志偉的公司亦有向子珊招手，子珊說：「其實由頭到尾都冇話唔簽無綫，無綫都係考慮之列，係因為呢幾個月我真係報讀咗一個珠寶設計課程，冇理由專登攞假去讀書，所以好多嘢遲啲先決定，有新動向會同大家講。」是否想進軍電影或返內地搵錢？子珊說：「作為一個藝人，希望會有更多新挑戰，只要係有好劇本、好角色，無論係劇集、電影或微電影都會做。」採訪：嵐山
來源:
http://hk.apple.nextmedia.com/entertainment/art/20150913/19293309
徐子珊設計珠寶踩過界
1 :
GS(14)@2015-10-05 07:58:03徐子珊、翁狄森、何驥與妻女一家三口、陳志雲及政務司司長林鄭月娥等，昨晚在灣仔出席「典亞藝博2015 FINE ART ASIA十週年開幕典禮」，子珊透露剛完成9星期密集式的珠寶設計課程，自己也有參觀珠寶展偷師學習。問她是否進軍珠寶界？子珊說：「算係，我都有啲新設計，會同珠寶公司合作，不過自己唔係咁識做生意，數學白癡。」
■何驥（中）與太太及女兒到場支持。
子珊強調並非淡出娛樂圈，目前正接洽電影工作，下月更會開演唱會。對於有傳內地有公司開價千萬邀加盟，子珊避談說：「內地同香港都傾，錢唔重要，會睇合作同自己度。」此外，談到黃秋生批評港姐演技欠佳，她笑言自己也常受批評。採訪：羅慧敏攝影：陳俊強
來源:
http://hk.apple.nextmedia.com/entertainment/art/20151004/19319791
四叔擺百日宴 捧孻孫做千里駒徐子淇透視晒巨鑽 宣佈封肚
1 :
GS(14)@2016-01-18 00:57:52【勁閃巨鑽】■作為主人家的子淇昨晚接受訪問時，不經意大晒手中巨鑽。
恒基千億新抱徐子淇昨晚為孻仔李建熹（Preston）在中環摩天輪旁搭巨型帳篷，斥資千萬搞超豪百日宴，建熹貴人出門招風雨，生日會要在雨中舉行。子淇笑言兩個「好」字夠晒數，宣佈封肚，四叔更大讚孫仔相貌端正，精乖伶俐，希望他能成為李家千里駒。千億新抱徐子淇與恒基二少李家誠所生的孻仔李建熹（Preston）上年10月初出世，萬千寵愛在一身，李家更斥資千萬，為他一連兩晚在中環摩天輪旁，搭建巨型帳篷搞超豪百日宴，盡顯他孻仔孻心肝的超然地位。昨晚為首晚的百日宴，建熹出門招風雨，生日會要在雨中舉行。昨晚約7點15分，作為主人家的子淇與夫婿李家誠坐Bentley房車到場，相信二人的子女，包括「主角」的建熹BB已秘密入場。子淇夫婦會合「四叔」李兆基，齊齊行到傳媒接待區影相，當時天公造美，忽然停雨，打着紅呔襯西裝的四叔全程笑笑口，之後就揮手先返回會場。
兼賀結婚10周年
子淇身穿本地時裝設計師Vivian Luk設計的白藍色透視刺繡晚裝襯鑽飾，相當性感，她與老公留下做訪問，問到她準備甚麼給BB？她表示：「BB唔係好識，因為好多朋友冇見過BB，所以就搞一個party畀親朋戚友一齊高興吓。」再問到籌備時間，子淇表示：「唔係好耐，好多嘢都係自己搞。」記者提到連埋建熹已湊成兩個「好」字，是否會封肚？她笑言：「好開心好開心好開心，唔追啦。」
【超豪派對】■中環摩天輪首次以私人用途租出給徐子淇夫婦搞百日宴，盡收維港及中環摩天大廈夜景。攝影：陳海威
■「四叔」李兆基與子淇夫婦冒着風雨接受訪問。
■百日宴動用了過萬朵紫藤、牡丹花及樹等，營造園林美景。攝影：陳海威
席間，四叔在台上致辭，大讚孫仔：「孫仔相貌端正，精乖伶俐，令我十分安慰，希望佢長大後做到才貌雙全，將家族發揚光大，成為吾家嘅千里駒，家誠同子淇結婚踏入第10個年頭，已經育有兩仔兩女，湊夠兩個好字，為屋企增添好多歡樂同生氣，而我百忙之中都會抽空去海洋公園同佢哋睇海豚、去迪士尼遊戲玩樂，閒時會遊山玩水，其樂無窮。」
【三代同堂】■四叔捉着建熹小手，與子淇夫婦影合照。
■肥嘟嘟的建熹BB相造型百變，以電腦加工在生菜上，十分可愛。
【裸照曝光】■光豬仔的小建熹在馬蹄蘭上酣睡。
今次百日宴以花園為主題，皆因子淇夫婦於06年在澳洲完婚時，也以此為主題，而今次百日宴亦同時慶祝二人結婚10周年。李家設計了綠色調子的禮物盒作回禮，內有掛了建熹的BB相的摩天輪相架，及印有Preston字的餅乾。另外，大會發放兩張子淇與李家誠輪流抱着建熹BB與四叔的合照，三代同堂十分溫馨。還有建熹BB的單頭裸照，造型趣致。採訪：張俊銘、盧妹攝影：陳俊強、仇志德
來源:
http://hk.apple.nextmedia.com/entertainment/art/20160116/19454036
徐子淇又晒仔建熹坐荷李活星級BB凳
1 :
GS(14)@2016-03-02 15:16:54千億新抱徐子淇先後為李家生咗兩個「好」字，今年1月仲豪使千萬於中環摩天輪旁搭巨型帳篷，為孻仔建熹搞百日宴，似乎特別錫佢咁。其實除咗豪搞百日宴，子淇仲不時會喺IG晒建熹靚相。日前，佢就po咗建熹近照，相中建熹所坐嘅凳仲係出自荷蘭嘅nuna BB名牌，呢個品牌旗下嘅「Nuna Leaf」BB凳出名舒服，據稱BB坐上時就可好快覺覺豬。而呢個品牌嘅BB車亦深受荷李活星媽追棒，好似Gwen Stefani、名模Miranda Kerr和Jamie King都係用家。
來源:
http://hk.apple.nextmedia.com/entertainment/art/20160302/19512018
徐子淇孖黎姿玩假槍
1 :
GS(14)@2016-03-18 23:56:26■徐子淇（左）用假槍指向黎姿擺甫士。互聯網圖片
千億新抱徐子淇與夫婿李家誠前晚出席邱德根孫女邱詠賢（Wendy）的生日會，同場還有Wendy細佬邱華瑋、周國豐及黎姿等。
■子淇去開P都要攬住老公晒恩愛。互聯網圖片
子淇昨貼了三幅相上Instagram，當中她恩愛攬實老公，另一張則是子淇與黎姿合照，兩位幸福人妻齊以黑衣紅唇打扮，子淇拿玩具手槍指着黎姿，相當搞笑。其實44歲的黎姿甚少去party，就算她大子淇足有11年，依然搶眼，真係凍齡有方，不少網友都留言讚她靚。撰文：唐如
來源:
http://hk.apple.nextmedia.com/entertainment/art/20160318/19534151
Next Page