中環在線：飲霸王凉茶甄子丹未降火 李華華
|
|
講開代言人，又 點能夠唔提「中藥世家」嘅霸王（1338）！繼一個成龍「動L」廣告震撼全個地球後，霸王喺4月份賣埋凉茶，呢鋪仲勁，搵嚟「全宇宙最好打」嘅甄子丹代 言，實行要創造第二個廣告界神話！呢隻「全宇宙最好飲」嘅凉茶，霸王主席陳啟源話鐵定6月上市，首先目標係攻陷廣東市場，然後再推廣全國。陳總仲話，甄子 丹最鍾意唔會肥嘅無糖口味，前排甄生拍新戲（即係《葉問2》啦）嘅時候，仲特別叫佢哋送咗幾箱過去俾佢喺片場飲。不過佢飲完之後，依然亂噏嘢搞到是非一籮 籮……唔通隻凉茶最大功效唔係下火，而係會令人講大咗？
李華華
|
Next Page