ViuTV《太陽》打殘《御醫》收視TVB黃金檔暴瀉失20萬觀眾
1 :
GS(14)@2016-04-12 18:16:07《太陽的後裔》■宋仲基與宋慧喬主演的《太陽的後裔》成功威脅無綫黃金時段收視，令無綫流失約20萬觀眾。劇照
【電視執位】ViuTV上周三強勢開台，不但令到同日無綫黃金時段節目全線暴瀉，根據昨日收視報告顯示，原來無綫《六點半新聞報道》、《東張西望》、《愛回家之八時入席》和《末代御醫》自ViuTV開台後也齊齊插水。其中《末》劇撼正ViuTV播韓劇《太陽的後裔》，結果慘被打殘，收視與ViuTV開台前最少流失約20萬觀眾，無綫慣性收視神話終現危機！
亞視多年積弱令到無綫一台獨大，但隨着李澤楷旗下全新免費電視ViuTV上周三開台，無綫慣性收視終被擊倒。繼ViuTV開台日播映的韓劇《太陽的後裔》和真人騷《跟住矛盾去旅行》齊齊錄得約8點收視（約52萬觀眾），令無綫同日黃金時段收視全線暴瀉後，原來上周四和周五，無綫《六點半新聞報道》及黃金檔的《東張西望》《愛回家之八時入席》和《末代御醫》收視仍未見起色（詳見附表），未能追回ViuTV開台前的最低收視。
收視日日插水
其中ViuTV晚上以《8點新聞報道》硬撼毛舜筠和黎耀祥主演的新處境劇《愛回家之八時入席》，意欲打破觀眾在該時段煲劇的傳統框框，結果《愛》劇由周一28.3點收視高開，翌日26.4點，到周三Viu TV開台當日，收視狂跌至22.3點，到周四和周五亦只維持在23.4點和22.8點的低水平，證明ViuTV策略成功。至於郭晉安和楊怡孭飛的《末》劇，硬撼宋仲基和宋慧喬主演的熱爆韓劇《太陽的後裔》，收視更見慘淡，於周三開始《末》劇收視日日插水，始終徘徊在20.2點至21.9點的水平，對比ViuTV開台前後的收視，《末》劇至少下跌了3點，足足流失了近20萬觀眾，成績慘不忍睹。
《末代御醫》跌3點
《東張西望》跌2.4點■《東張西望》的收視亦被影響，平均流失約15萬觀眾。
《八時入席》跌3點■ViuTV以新聞對撼無綫《八時入席》，結果策略成功。
事實上，ViuTV兒童節目《快樂童盟》及體育節目《體育係…》亦令無綫《六點半新聞》和《東張》收視下跌，僅得《EU超時任務》和《Do姐有問題》在ViuTV開台日之後能追回之前收視，其中上周三晚ViuTV的《跟住矛盾去旅行》首播，鄭裕玲主持的《Do姐有問題》平均收視17點，成收視最低一日，但其後硬撼《G-1格鬥會》和《煮吧！換左我阿媽》，收視已略為回升。儘管剛開台的ViuTV要待至下月中才有正式收視報告，但無綫連番收視下跌，已證明ViuTV搶灘成功。
《快樂童盟》■ViuTV打破傳統於6點半時段播兒童節目。
■夏雨（右）認為ViuTV開台後令無綫收視下跌是好事。
■趙學而表示希望跟ViuTV合作。
學而
自家劇《瑪嘉烈與大衛》贏口碑ViuTV破格大膽愛 正視同性戀
1 :
GS(14)@2016-04-13 17:08:59■ViuTV自家製作劇集《瑪嘉烈》前晚首播，透過林保怡接載的兩名男同志講述戀愛困難。電視圖片
【電視執位】林保怡與周家怡為ViuTV主演的新劇《瑪嘉烈與大衛系列綠豆》前晚首播，最矚目的除了兩位主角自然流露的演技外，還有劇中破格出現男同性戀者拖手和攬抱劇情，有別過去無綫隱晦交代同性戀者的手法，ViuTV今次大膽創新，連電影人舒琪也大讚說：「起碼是香港電視史上難得一見的處理。」逢周一、二晚上11時播映過往無綫劇集對同性戀者感情戲總刻意迴避，或是以另類隱晦手法交代，不過，在全新免費電視ViuTV中，卻勇於面對。林保怡與周家怡主演的ViuTV《瑪》劇前晚首播，劇中飾演的士司機大衛的保怡，接載了一對男同志情侶，二人在車上為同居問題爭吵，落車時其中一人捉實另一方的手，繼而在街頭相擁，劇情表達全不矯揉造作，一新觀眾耳目。不少網民看後大讚手法破格創新，就連電影人舒琪昨日凌晨也在facebook讚說：「《大衛與瑪嘉烈》（編按：該是《瑪嘉烈與大衛》）有啲偽中產吧，但中間一段用一對同志的感情來映照直couple主角的關係，卻起碼是香港電視史上難得一見（如果不是第一次的話）的處理。」被該劇易角的邵仲衡前晚也有捧場，並於fb大讚保怡靚仔。
■兩名男同志落車後在街頭攬抱，大膽手法獲網民讚賞。電視圖片
■兩名男同志在車上雖沒親密舉動，但言語間已明示交代同性戀問題。電視圖片
■周家怡讚《瑪》劇寫實貼地，有更多空間讓觀眾感受劇情。
■邵仲衡雖然被易角，但前晚首播時他也有捧場。資料圖片
家怡：吸引年輕觀眾
對於今次新劇被網民讚破格，周家怡昨在電話中回應說：「呢個戲同我以往拍嘅劇好唔同，因為個拍法好唔同，佢哋好講求個演員節奏，好寫實、好貼地，我希望大家睇嘅時候有共鳴。其實我哋同TVB劇唔係target緊同一班觀眾，呢個劇係吸引啲年輕啲觀眾睇，多啲空間畀大家去諗，個個睇嘅感覺好唔同。」問劇中可有大膽劇情時，家怡笑說：「有㗎！呢個戲寫實，都露骨㗎！但電視尺度去得邊吖，係個感覺囉！」莫非劇情有她與保怡之間的性趣？家怡笑說：「暫時冇去到咁入，但嗰場戲係女仔大膽，我挑起先嘅，又唔係叫挑逗，只不過係我開口先！」
保怡：加好多嘢表達
保怡則回覆說：「我哋都有好多床戲、好親密接觸，互相即同撩腳，其實劇本冇寫，我哋感覺劇本應該要加，先會表現嗰場戲兩個人關係。我哋加好多嘢，但我唔希望用床戲去吸引觀眾，我反而希望觀眾去感受一吓男朋友同女朋友真係有呢啲嘢。」《瑪》劇改編自新晉作家「南方舞廳」的系列小說，劇中飾演保怡好友的潘燦良，原來中學時對保怡曾有hehe感覺（游學修和林耀聲分別飾演年輕版潘燦良和林保怡），惟保怡一直只當他是好友。長大後，潘燦良覺得保怡女友周家怡並沒有真正愛上保怡，於是嘗試追求家怡來測試她的真心，結果卻令家怡深深愛上自己。採訪：魯吉
來源:
http://hk.apple.nextmedia.com/entertainment/art/20160413/19568447
洪永城忽現ViuTV
1 :
GS(14)@2016-04-13 17:09:00繼「坤哥」吳業坤日前倒米大讚新免費電視台ViuTV的節目有創意後，貴為無綫愛將的洪永城前晚被委以重任，以他主持的旅遊節目《在那遙遠的地方．古巴》，力撼ViuTV的《跟住矛盾去旅行》，會否再令無綫收視失守？留待下月初ViuTV公佈的收視成績自有分曉。不過事隔10多小時，即昨日下午2時半，竟然見到洪永城現身ViuTV，當時正播出他擔任主持的節目《食勻全中國》，莫非洪永城極速倒戈？原來洪永城未過檔無綫前，除了為有線拍過旅遊節目外，2008年曾轉投now TV，當時他主打做旅遊節目主持，包括《一個地球》及《食勻全中國》及遊戲節目《撳錢》主持，ViuTV目前主攻黃金時段的節目，在下午時分大多重播一些收費台自家製作的節目，結果變成洪永城VS洪永城。撰文：唐琛悠
來源:
http://hk.apple.nextmedia.com/entertainment/art/20160413/19568477
ViuTV 10歲小主持轉數快連環拋窒劉鳴煒
1 :
GS(14)@2016-04-15 16:30:07■劉鳴煒雖然被小主持Alvin的尖銳問題問到好尷尬，但亦讚對方牙尖嘴利及發問有point。
【電視執位】青年事務委員會主席劉鳴煒自從被封做「男神」後，廣受邀請上電視，早前他被黃之鋒指拒絕一齊拍ViuTV的《跟住矛盾去旅行》，但又現身ViuTV另一節目《晚吹：一大一路》，接受五位8到10歲的小朋友訪問。節目前晚播出，主持黃奕晨先問劉鳴煒怎樣看自己被港女選為「男神」？他說：「唔好玩我啦！我係由12個女仔選出嚟，冇乜代表性嘅！」
■Alvin追問：「即係你每次去日本使成百幾萬？」劉鳴煒即時扁晒嘴。
■黃奕晨直言小朋友童言無忌，他要做緩衝角色。
「去日本使百萬？」
之後小主持輪流對「鳴煒哥哥」發問，當中以10歲的Alvin最尖銳，劈頭便問有否後悔講過「睇少場戲去少次日本，就可以月儲3,000蚊買樓」的言論？劉鳴煒窒一窒說：「冇後悔。買樓就係要儲錢，儲錢就係要做少啲嘢（指消費），如果真係想買樓就要做呢啲。我唔可以叫人食少啲着少啲㗎嘛！」Alvin再補一句突破盲腸：「即係你每次去日本都使成百幾萬？」劉鳴煒再扁嘴想了一想：「去日本玩唔使咁貴，係唔可能係3,000蚊咁平……應使則使應慳則慳。」事後劉鳴煒都讚Alvin牙尖嘴利及發問中重點。最令劉鳴煒尷尬的問題，由8歲的繁忙兒童劉小華（劉皓嵐）提出：「啲人話你離地到上太空？」劉鳴煒反問：「咁你覺得我離唔離地？」劉小華答：「少少。因為有啲人話你唔去旅行唔去睇戲咁樣。」劉鳴煒呼籲小朋友到18歲記得去投票，Alvin直言最想特首有普選，但劉鳴煒冇回應。劉鳴煒昨以電郵回覆表示，與小朋友相處很愉快。
■下集嘉賓趙式浩（右）的對答堅離地，令全廠捧腹大笑。
下集寸趙式浩肥
據悉下集嘉賓同樣是富二代，邀請到趙世曾的兒子趙式浩，不過趙式浩竟然將平民的「呃like」誤解為「Art Light」，全場笑爆。其他嘉賓還有盛品儒太太蔡一鳳、天文台台長岑智明等，黃奕晨昨日在電話中說：「我哋有畀hints小朋友，但多數問題係佢哋自己諗，小朋友童言無忌，話趙式浩好肥，嘉賓都有啲錯愕。」採訪：嵐山
來源:
http://hk.apple.nextmedia.com/entertainment/art/20160415/19571426
千嬅ViuTV追劇
1 :
GS(14)@2016-04-23 18:37:44時裝品牌Dior Homme昨日以「THE ART OF FALLING APART」概念舉行時裝騷，除男神宋仲基專程由韓國飛來港出席，其他出席嘉賓包括吳尊、楊千嬅和老公丁子高、何超瓊、何猷君、竇驍、林德信、黃愷傑、樂基兒、吳雨霏及日本男星赤西仁等。千嬅表示也有看《太陽的後裔》，但媽咪比她熟悉，因為一直有追看。問她見到宋仲基可會集郵？她說：「可能打個招呼同點吓頭微笑就走，相信好多人爭相影佢風采。」問她是否在ViuTV追劇？千嬅表示：「有喺好多地方睇，ViuTV都有睇，自己除咗係女藝人仲係主婦，個仔瞓咗再睇劇，有新電視台了解吓都係好事。」千嬅更爆老公稍後會上ViuTV節目《一大一路》，昨晚還笑問老公怕不怕被小朋友問頭髮問題，丁子高即笑言：「我唔落樓梯咪冇嘢囉！」採訪：盧妹、羅慧敏攝影：仇志德
■日前遇交通意外撞傷眼角的何猷君，昨日傷癒現身。
■超蓮被爆與柯震東的緋聞後首度現身公開場合。
來源:
http://hk.apple.nextmedia.com/entertainment/art/20160423/19582759
無綫ViuTV收視爭拗李澤楷反譏廣告商唔理
1 :
GS(14)@2016-05-08 01:44:05■ViuTV真人騷《跟住矛盾去旅行》以梁國雄與曾鈺成作系列頭炮，綜合收視高達10.6%，但遭無綫質疑誇大數據。
【ViuTV風雲】自ViuTV上月開台後展開新一輪電視大戰，大前日ViuTV公佈開台後首兩周的綜合收視，即包括大氣電波、電腦上網及手機App等跨平台總收視成績，其中第一集梁國雄跟曾鈺成的《跟住矛盾去旅行》，綜合收視率有10.6%，即約68.9萬觀眾捧場。無綫集團行政總裁李寶安前日聲稱無綫一向採用傳統收視數據，狂轟ViuTV起用「綜合收視」對無綫不公平，又質疑ViuTV收視數據有「僭建」、取巧及誤導之嫌，對此ViuTV公關部王小姐昨表示：「冇回應。」
■熱播中的韓劇《太陽的後裔》首集綜合收視有9.3%。電視圖片
無綫有計MyTV
然而，無綫其實自2013年8月開始，除大氣電波收視數據外，亦公佈了「跨平台總收視率」，即包括大氣電波、手機App及電腦等平台收視，當年無綫還召開記者會，指隨着觀眾收睇電視習慣改變及新媒體普及化，所以增設跨平台收視報告。如今李寶安指ViuTV收視「僭建」，有自打嘴巴之嫌。撇開ViuTV收視報告不談，無綫在ViuTV開台後收視連番插水，其中《晚間新聞》曾跌到單位數，下跌原因相信大家心中有數。對於無綫質疑ViuTV收視統計，李澤楷昨在電訊盈科股東會中表示，收視點只對短期有影響，長期廣告商則未必只看收視點，而是如何以最節省成本的方法推廣其產品及服務。
■李澤楷昨在股東會表示，長期廣告商不會看收視點的。資料圖片
對於收視爭拗，資深電視劇監製鄧特希昨回應：「收視報告係應該與時並進，先至反映到實際情況。真係有觀眾透過電視機以外其他終端包括電腦、智能電話收睇，ViuTV認為都可以公佈，冇問題。幾年前TVB都有加埋MyTV公佈收視。如果TVB真係要同ViuTV比較收視，應該只係比較高清數碼的翡翠台，因為ViuTV只可以係數碼收睇，而TVB都仲有佔十幾點收視的模擬頻道。」採訪：魯吉
來源:
http://hk.apple.nextmedia.com/entertainment/art/20160506/19599420
ViuTV玩謝70後馬仔阿芝小學雞嗌過癮
1 :
GS(14)@2016-05-08 02:56:19【ViuTV風雲】無綫近日就收視點數，咬實對家ViuTV唔放，不過ViuTV對數字遊戲一於少理，繼真人騷《G-1格鬥會》、《跟住矛盾去旅行》和《晚吹》成功製造熱話後，新一輪強勢節目亦等住出籠（詳見附表）。《G-1格鬥會》將於本月15日播完，緊接21日播出的有馬浚偉及卓韻芝參與的《同2047特首上學去》。節目中，兩個70後重返小學，並要在學校寄宿一星期，二人要和其他同學仔一齊上堂、測驗及做功課，兼要定時定候沖涼和上床睡覺。
阿芝：過緊阿婆生活
對於在節目中要重過小學雞生活，44歲的馬浚偉與37歲卓韻芝都大呼過癮。身在美國的馬浚偉昨日在電話中回覆說：「拍呢個節目好多趣事好開心，因為真係跟足時間表返學，學校啲枱同凳都縮細晒，唯一冇變嘅，係我嘅數學依然咁差，分數、乘數同除數都唔識計，畀同學仔笑我，考試嗰陣仲唔及格。」至於卓韻芝亦回覆表示：「喺寄宿學校裏面，係要過住冇手提冇電腦嘅生活，晚晚9點上床，朝早6點幾就要起身，嗰個禮拜我直情係過緊我阿婆嘅生活，見班同學仔又要緊張學業成績又要參加課外活動，其實都幾辛苦。」
■卓韻芝笑言要晚上9時上床，早上6時起床是顛覆自己多年來的生活。電視圖片
■蔡雪瑩和陳子豐主持的《歐遊全細界》，會帶觀眾遊覽歐洲多個小國。
■唐紫睿（右）和鄧穎芝會在今晚的《G-1格鬥會》埋身肉搏。
除了《同》節目外，另一話題節目《慳啲啦！Honey》亦會在月尾緊接《跟住矛盾去旅行》上架。雖然《慳》節目沒有藝人明星作招徠，但以四對真情侶在十日內接受不同體能和耐力測試，挑戰情侶互信和默契，同樣有睇頭。而另一個全新旅遊節目《歐遊全細界》，主持陳子豐和蔡雪瑩會帶觀眾去遊覽歐洲小國，但並非純介紹風景名勝，而是兩個主持每到一個國家，都會進行抽籤或比賽，以獲得窮遊或富遊的信封。富遊主持一日有300歐元，窮遊主持就只得10歐元，要維持一日生計，窮主持就要扭盡六壬想辦法賺錢。至於是非多多的《G-1格鬥會》，今晚便會播出唐紫睿和鄧穎芝落場激戰，同樣兩戰兩勝的她們，雖然賽前均稱對方是好姊妹，但落場無父子，相信二人在比賽中將有一番激鬥。採訪：王梓嫚
來源:
http://hk.apple.nextmedia.com/entertainment/art/20160507/19601262
ViuTV開台滿月豪請200員工慶祝
1 :
GS(14)@2016-05-08 14:54:05【ViuTV風雲】免費電視ViuTV前日開台剛滿1個月，台前幕後前晚在柴灣一間酒樓大搞「富貴彌月宴」，筵開十幾席，約有200位員工出席，包括ViuTV總經理魯庭暉、真人騷節目《SE7EN》主持陳子豐、駱振偉（Thor）、陳俞希（Hailey）、黃奕晨（Dixon）、岑樂怡（阿妹）和《G-1格鬥會》的格鬥女鄧洢玲（阿旦）等，配合台徽顏色，大家跟足藍色dress code打扮到場。
■Hailey依足dress code穿了藍色花花裙出席。
■ViuTV總經理魯庭暉前晚也有出席ViuTV滿月宴，還跟員工打成一片。
■眾ViuTV年輕主持雖是新面孔，但他們都充滿活力。
派酸薑紅雞蛋
ViuTV開台1個月，自家製作節目贏盡口碑，收視大挫無綫，真人騷《跟住矛盾去旅行》開台日首播「曾鈺成VS梁國雄」，綜合收視率10.6%，突破雙位數字，約有68.9萬名觀眾收看，成績斐然，前晚席間台前幕後都表現振奮。前晚滿月宴甚至依足傳統派酸薑和紅雞蛋，一班年輕藝人又逐枱敬酒，台前幕後打成一片，究竟場中誰玩得high爆？阿旦昨在電話中爆料：「大家情緒高漲，仲起哄玩咀嘴，有個幕後錫咗魯生（魯庭暉），魯生其實好玩得，佢仲瀟灑作狀用手抹一吓個嘴，玩得好開心。」Hailey也說：「去到先知有紅雞蛋食。」採訪：楊定
來源:
http://hk.apple.nextmedia.com/entertainment/art/20160508/19602288
主持ViuTV《歐遊全細界》蔡雪瑩跳脫追夢
1 :
GS(14)@2016-05-21 13:13:37■蔡雪瑩離開主播崗位，化身準媽媽及ViuTV節目《歐遊全細界》主持，在鏡頭前回復活潑個性實現夢想。攝影：陳慧安
【ViuTV專訪】繼《跟住矛盾去旅行》後，ViuTV全新旅遊節目《歐遊全細界》找來前年除下新聞主播光環的蔡雪瑩，與陳子豐到訪7個歐洲小國。蔡雪瑩實現了在鏡頭前跳脫表現的夢想，不過她卻大呻後悔，忍不住說：「點解露出真我！」陳子豐大讚拍檔說：「我哋公司都係實況娛樂，其實除咗去廁所之外，所有嘢都畀你睇晒！」撰文：何慧斯蔡雪瑩現懷有5個半月身孕，她和陳子豐主持的ViuTV節目《歐遊全細界》今晚10時半首播，兩人日前在柴灣接受本報訪問，重提拍攝時的旅遊點滴，仍然密密傾密密笑：「我哋今次係20日去7個國家拍攝，但係其實如果計埋我哋留咗腳毛嘅地方，直頭有十幾個，淨係內陸機都坐咗5次，就算坐車都要喺凌晨出發。」今趟過程趕急，不過提到旅遊模式，蔡雪瑩笑說：「我哋去咗7個地方，我就做咗6次有錢人，試過連啲工作人員未玩都認定子豐係輸家，搞到子豐都忍唔住投訴！」子豐續說：「10蚊歐元（約88港元）真係好難用，只係夠用嚟坐晒車，變咗我食飯嗰陣都會黐住佢哋，食佢哋跟餐啲麵包充飢。」接着蔡雪瑩又說：「佢仲試過喺盧森堡一間中國餐廳幫手洗碗先可以有飯食，搞到啲老闆以為啲亞洲女仔成日都糟質啲男人。」可惜他們很少會去到旅遊區，商舖早早關門，大部份金錢都花在食物上。
■陳子豐跟蔡雪瑩合拍，回憶一年前旅遊趣事相當開心。
今晚10時半首播【盧森堡】■蔡雪瑩與陳子豐暢遊歐洲7小國，體驗當地生活。
■蔡雪瑩展露真我，身旁的陳子豐亦受感染。
同住青年旅社
提到行程難忘經歷，原來三男三女拍攝隊曾入住青年旅社睡上下格床，蔡雪瑩笑說：「有朝早起身化妝見到洗手盆全部都係鬚，跟住咪叫佢哋要檢點啲，點知有個攝影師好快自首，不過佢又話試過喺洗手盆見到一條完整嘅假眼睫毛。子豐知道自己鼻鼾聲好大，佢通常會等我哋瞓晒先再上床，真係好有公德心！」子豐搞笑地說：「其實除咗去廁所之外，所有嘢都畀你睇晒！」曾經是新聞主播的蔡雪瑩，參與過不少主持工作，今次是首次主持旅遊節目，她笑說：「嗰陣做啲節目好資料性，好正經又斯文，但係今次唔係，有好多地方都係未開發，唔單止令我體驗自然環境，仲實現咗我喺鏡頭前好跳脫嘅夢想，但係我而家好後悔，點解露出真我！」子豐亦說：「出發前只係見過一次，點知佢一落機就咁樣，佢仲係一個好捱得嘅女仔，搞到我上咗癮同其他主播做節目。」至於會否希望繼續合作？蔡雪瑩笑說：「本來同監製講咗，下次再做記得預埋我，但係我而家又有個囝囝，未必可以行到咁耐。」服裝： Weekend Max Mara（蔡雪瑩）
來源:
http://hk.apple.nextmedia.com/entertainment/art/20160518/19615933
卓韻芝遇車禍缺席ViuTV記招鄒凱光教小學生蒲老蘭
1 :
GS(14)@2016-05-21 18:29:52【ViuTV風雲】女子組合Robynn& Kendy（R&K）與導演鄒凱光昨日下午，出席ViuTV在觀塘舉行新節目《同2047特首上學去》的記者會。原先答應出席的卓韻芝，因發生交通意外而缺席，可幸她沒有受傷。原來卓韻芝在銅鑼灣禮頓道遇上交通意外，有貨車司機差點鏟上行人路，倒後鏡險撞倒她的化妝師，卓韻芝昨在電話中說：「好彩我一手拉住化妝師，佢事後都話心寒。」雖然冇人受傷，但卓韻芝被司機控告撞毀其車門，卓韻芝無奈說：「架車鏟埋嚟，我隻手好自然掂到佢車門，係對方要求報警，話我毀壞佢架車。我都有打畀ViuTV道歉，話晒自己係主角，唔能夠出席。」鄒凱光及R&K均穿着校服現身，配合早前他們以學生身份返學，體驗現今學童苦與樂。會上鄒凱光獲頒「最喊得大獎」，Robynn跟拍檔Kendy獲發「堅離地大獎」。鄒凱光接受訪問時透露，在節目中要跟一名跨境學童返學校上堂，同時住在該學童位於深圳的家，他說：「嗰個學生讀小三，每朝返學都要搭校車，一朝早5點幾就要起身去天水圍。」他表示幸而學生不覺有壓力，自己更教班小朋友去玩，還帶他們到蘭桂坊識女孩子，他說：「喊係因為拍完之後，班學生逐個同我擁抱，仲喺我耳邊叫我『畀心機做嘢』、『快啲攞金像獎』，個心即時軟一軟就忍唔住喊，最後仲要停機。證明自己仲係有血有肉有衝勁嘅人，仲有童真。」
■卓韻芝事後獲頒「最好勝大獎」，以表揚她「唔輸得」性格。
■Robynn（右）和Kendy笑言拍攝時，將自己調整至10歲心智融入同學中。
「男同學好早熟」
R&K表示跟足一班小五學生返學一星期，Kendy說：「真係同佢哋做咗朋友，仲開咗群組交談。我哋任務係講兩性，青春期小朋友好多鹹濕笑話，發覺有男同學好早熟。」採訪、攝影：王連連、嵐山
來源:
http://hk.apple.nextmedia.com/entertainment/art/20160520/19619434
Next Page