ZKIZ Archives


推介會幫手站台自爆用咗兩年女股神:美即媲美SKII 李華華


2010-9-9  AD





 

近排新股市場又熱鬧番,十幾隻新股排隊登場,要sell到俾啲客,無條絕世好橋真係搞唔掂!好似面膜生產商美即控股(1633)咁,竟然搵到自己嘅策略投資者、女股神劉央,喺投資者推介會上面幫手站台,推銷自家嘅MG面膜!

有 份睇劉央獻技嘅芬佬朋友同華華講,佢大姐噚日一上台,就勁讚美即啲面膜有效,話自己用咗成兩年,發覺用70蚊一塊、劉嘉玲有份代言嘅SKII,同用10蚊 一塊嘅美即效果差唔多,佢仲自爆用完美即之後,佢老公都覺得佢唔同咗;不過邊度唔同咗同埋點樣唔同法,佢就無講落去喇。

金利豐老闆娘朱太幫腔

除咗劉央勁讚MG,美即另一個策略投資者、金利豐老闆娘朱太都一樣激撐美即,佢話美即嗰款「流金絲語」面膜,論質素已經打敗SKII,自己都有用喎。

SKII班代言人,好似劉嘉玲、琦琦、李心潔等靚女,又真係幾夠號召力,睇怕美即都要喺代言人方面諗諗嘞!

李華華

LiWaWa@AppleDaily.com


推介會 推介 幫手 站臺 臺自 自爆 爆用 用咗 咗兩 兩年 年女 女股 股神 美即 媲美 SKII 華華
PermaLink: https://articles.zkiz.com/?id=17977

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019