ZKIZ Archives


投資的智慧 黃美雲

1 : GS(14)@2014-06-01 12:30:55

http://lifestyle.etnet.com.hk/co ... ement/amywong/25118

  「我看到太多財富的迅速創造與毀滅。This is indeed a reality check!」他說。

  我聽過遇過不少股評人或自封的股神,眼前這青年才俊可算踏實有料。其一字眉顯示理智的性格,因此在投資上少交了學費。

  他的投資智慧包含了一手及二手的教訓:

  「當然,我犯過許多投資者嘅錯誤,幸好最初出道時做過股票經紀,見過太多起伏,嚇到精咗!有客戶200萬起家,狂借孖展,炒到幾億身家,但一個浪打過嚟,剩番200萬,如果佢肯早D止蝕,仲可以保住5000萬身家,有望東山再起。結果被逼斬倉,冇喇!真係好似發咗場夢一樣,還原基本步!」

  我問他除了看到別人的死狀而得啟發,有沒有從財經演員處得益?

  他說沒有,因為曾經在電台工作,負責接問股熱線,有一次做完節目,股評人對監製說:「以後唔好接D咁嘅電話入嚟,你估我真係乜都識?」

  自此他明白一定要靠自己,他一面靜心觀察、一面看書,又請教有料的老行尊。

  當他在經紀行工作時,發現一些有趣的現象,令他明白股海的詭譎變幻。

  有些公司籌不過幾億,卻付出龐大的上市費用,動輒數千萬,看來不划算,卻原來背後的目的,是過兩三年可以賣殼,資產先抽出來,無啦啦賺兩三億,真是小本生大利。

  除在「殼」上打主意外,「舖」也是關鍵。有些公司的大股東志不在上市公司的本業,自己其實是「舖王」,同時炒十幾個舖,全部租哂比上市公司,即係短線可以用上市公司D錢嚟養住D舖,中線可以善價而沽,進可以攻,退可以守。

  你唔好彩買著呢D股,管理層冇心機經營正業,任股價跌到海底,死的當然是老散。

  那麼作為散戶,點算呢!

  他的忠告是:

  1. 不要常常炒、番工咁番,一年只要捕捉到一兩個浪已夠。

  2. 股價若跌7%,即止蝕。此原則來自「How to make money in stocks」的作者William O'Neil,他是Investor's Business Daily的始創人,美國企業家兼著名的增長型投資大師。

  3. 每次買一隻股都是單獨一宗買賣,不要輕易「溝貨」,在那裏跌倒不一定要在那裏爬起來,通常只會越溝越「蟹」!

  4. 買一隻股前,要有策略,例如要決定是range trading還是trend trading,炒短期窄幅上落,還是炒中線走勢。不要徘徊猶疑,短炒變長期坐艇。

  最後他奉勸各位股民:

  「目前環境,放吓假啦!現在時勢,基金都損手,唔好講散兵游勇咧。」

  雖然以上提示,不會令你發達,但可以避免發霉——不會因攬住倒霉的股而沉淪股海、萬劫不復!
投資 智慧 黃美 美雲
PermaLink: https://articles.zkiz.com/?id=284603

「一億BB」黃美棋人肉攪珠

1 : GS(14)@2014-09-09 12:49:31

■黃美棋日前為六合彩做人肉攪珠,瞓身揀號碼。



黃美棋和謝安琪未必是明燈,卻同是高登女神,二人各揀出心水號碼給讀者參考。美棋BB日前進行人肉攪珠,在49個寫上1至49的氣球中,抽出六個心水號碼,她又攬實22號氣球,笑指是自己的年齡,自稱「一億BB」的她說:「平時冇買開六合彩,不過見今次獎金太吸引,所以都會買。細個爹哋成日叫我幫手揀號碼,我懷疑曾經中過獎,不過就冇分過錢畀我。如果中咗頭獎,都唔買樓住,等樓價回落少少先,之後再請父母去旅行,地點任揀,要買車揸吓,之後開花店同火鍋店。」至於謝安琪則笑說:「我揀嘅號碼,大部份係屋企人生日,自己同老公都冇買過,所以喺六合彩方面,我哋有『不敗紀錄』。」採訪:譚倩宜、藍文浩攝影:林德雄協力:毛宇軒服裝:MZJJ鞋履:Mel



■黃美棋自稱「一億BB」,中獎就請父母去旅行!

黃美棋心水號碼

1、14、21、22、34、38


謝安琪心水號碼

3、6、11、13、16、47




來源: http://hk.apple.nextmedia.com/entertainment/art/20140909/18859963
一億 BB 黃美 美棋 人肉 攪珠
PermaLink: https://articles.zkiz.com/?id=285488

【馮仁昭四圍超】鍾健威黃美棋變父女戀

1 : GS(14)@2016-06-21 07:39:15

樂隊sp'ACE噚日去商台宣傳新歌《生活道》,剛榮升為爸爸嘅周吉佩(中),前日過咗首個難忘父親節:「囡囡11個月大,噚日我瞓喺地下度,佢就爬埋嚟主動錫咗我一啖,嗰吓好感動,有眼淚流出嚟。」鍾健威(左二)亦收到第一份父親節禮物,原來女友黃美棋覺得佢照顧得好好,好似爸爸一樣,所以送咗變形金剛做禮物,即被大家笑佢哋變成父女戀。撰文:馮仁昭





來源: http://hk.apple.nextmedia.com/entertainment/art/20160621/19662532
馮仁 仁昭 四圍 鍾健 健威 威黃 黃美 美棋 棋變 父女
PermaLink: https://articles.zkiz.com/?id=302404

【馮仁昭四圍超】黃美棋孖男友意國送嫁

1 : GS(14)@2016-09-06 04:42:21

黃美棋同男友鍾健威(Ray)日前出發歐遊,此行重點係出席美棋閨密喺意大利舉行嘅婚禮,美棋首次被邀做姊妹,佢喺fb向新娘子送祝福:「見證你人生嘅重要時刻,其實真係好感動,眼淚真係眼度淌淌吓,你要一直幸福快樂。」美棋喺婚宴中孖住男友係咁影相留念,唔知有冇畀氣氛感染到恨嫁?美棋話:「唔恨呀,搞婚禮好攰呀,結婚會同屋企人商量計劃,想尊重佢哋。」撰文:馮仁昭




來源: http://hk.apple.nextmedia.com/entertainment/art/20160905/19760042
馮仁 仁昭 四圍 黃美 美棋 棋孖 男友 意國 國送 送嫁
PermaLink: https://articles.zkiz.com/?id=307669

黃美棋想生兩個

1 : GS(14)@2016-12-01 00:01:32

黃美棋與男友鍾健威昨日到尖沙嘴出席「夢飛行2016」慈善飛行之旅記者會,兩人將會陪同傷健及低收入家庭兒童乘坐飛機到台灣旅行。擅長氹小朋友的鍾健威表示照顧女友似照顧小朋友,他說:「食飯每10次有8次跌筷子,又成日鯁親。」美棋指自己都鍾意小朋友,她說:「生兩、三個小朋友都OK,最好一仔一女。」採訪:張俊銘攝影:葉君海




來源: http://hk.apple.nextmedia.com/entertainment/art/20161130/19849488
黃美 美棋 棋想 想生 兩個
PermaLink: https://articles.zkiz.com/?id=317678

黃美棋男友扮已婚

1 : GS(14)@2016-12-04 17:34:21

黃美棋和男友鍾健威昨早出發台灣,與一班殘疾及低收入的家庭兒童參與夢飛行活動,今次是兩人首次以情侶檔出埠工作。提到近期興結婚,鍾健威口快快說:「我哋結咗啦,兩年前去LA拍節目扮結婚。」差點被嚇親的美棋即指:「當時我哋未拍拖,冇簽紙。」鍾健威表示3年後才計劃結婚,美棋直言婚事不能隱瞞媽媽。採訪、攝影:黃曉妍




來源: http://hk.apple.nextmedia.com/entertainment/art/20161204/19854279
黃美 美棋 男友 已婚
PermaLink: https://articles.zkiz.com/?id=318233

黃美棋拒做雞新娘

1 : GS(14)@2017-01-31 16:02:00

黃美棋與拍拖一年的男友鍾健威經常大晒恩愛,早前二人相約在觀塘煮甜蜜湯圓慶新歲。二人搓糯米粉時,鍾健威從後搭住美棋雙手唱情歌,但遭美棋阻止。當湯圓煮好時,二人又互餵對方。美棋廚藝了得,鍾健威為此讚不絕口:「如果佢開舖,出面嗰啲唔使做。」問美棋有沒有計劃做雞年新娘?她笑說:「我唔鍾意做雞新娘,其實我幾迷信,我會睇生肖夾唔夾,同埋都未諗(結婚),等佢儲吓錢先!」二人透露農曆年會到對方家中跟長輩拜年,鍾健威說:「上年佢整咗年糕,媽咪都話好食。」採訪:黃曉妍攝影:陳慧安場地提供:Dolce Dolce Kitchen& Gourmet




來源: http://hk.apple.nextmedia.com/entertainment/art/20170131/19913207
黃美 美棋 棋拒 拒做 做雞 新娘
PermaLink: https://articles.zkiz.com/?id=324829

黃美棋魚翅孝敬準奶奶

1 : GS(14)@2017-03-04 10:18:38

黃美棋與蔡國威昨晚在青衣為青年節活動做司儀,胖了少許的美棋笑言:「新年食多咗嘢。」提到新年,她表示與男友鍾健威都有互見家長:「有同auntie拜年,送咗魚翅、鮑魚,而男友鄉下喺沙井,出名金蠔同花膠筒,買咗嚟送畀我屋企人。」問到雙方家長有否催婚,她表示未有:「應該冇咁快,佢都係我結婚對象,大家有傾過,都係專心工作先。」此外,蔡國威表示離開亞視後,工作量不俗,收入更勝之前,而他簽約無綫將近一年,問到他有否泊到碼頭識高層,他笑言:「鍾意四圍飄泊,少泊碼頭,嚟緊公司50周年,都希望參與大型劇集。」採訪、攝影:王連連




來源: http://hk.apple.nextmedia.com/entertainment/art/20170304/19946668
黃美 美棋 魚翅 孝敬 奶奶
PermaLink: https://articles.zkiz.com/?id=327768

【馮仁昭四圍超】黃美棋怕封童顏巨乳

1 : GS(14)@2017-05-27 00:06:58

黃美棋噚日到商台受訪,提到佢復出初期被網友封「童顏巨乳」,黃美棋承認初時聽到呢個名會驚,有諗過係咪要紮胸出街。驕人身材惹來書商邀請出寫真,佢話:「呢幾年一直有人問,但要有原因先得,我未過到自己嗰關,連泳衣都冇deep V或三點式。」黃美棋仲表示:「男友每逢聽到影寫真,就叫啲人搵佢,由佢代我影。」至於性感相就留待大肚照時先影。撰文:馮仁昭




來源: http://hk.apple.nextmedia.com/entertainment/art/20170526/20033690
馮仁 仁昭 四圍 黃美 美棋 棋怕 怕封 童顏 巨乳
PermaLink: https://articles.zkiz.com/?id=334080

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019