ZKIZ Archives


中馬勝食蟹 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20131016/18464903

十月九日晚在沙田馬會會所跑雙邊馬,正在凱旋廳刨馬之際,忽然被人拍膊頭,抬頭一望,乃食家李純恩與梁家權是也,呢兩位係馬場稀客,點解會走嚟沙田馬會?哦,原來呢兩位尖嘴食評家係應邀到會所二樓「銀袋」西餐廳試嚐星加坡特色食品咖喱蝦、胡椒蟹與肉骨茶,俾下意見。「銀袋」在十月十日至二十日有星加坡特色食品推廣,以上三款菜式乃主打項目,事先搵一啲識飲識食兼食得辣嘅食評家試吓是否對辦。
左丁山一來盡量少吃蝦蟹,二來不能食辣,李梁兩位要拖左丁山落去試味,梗係唔制啦,跑馬望贏錢,蝦蟹留番佢兩位自己食可也。呢晚有說冼為堅先生隻「友誼大使」過江到快活谷挑戰美國會所盃,跑一千八百米,左丁山有理冇理,立即主動捧場,學孫柏文口頭禪,一注獨贏第三場9號「友誼大使」,有韋達嘅2號「紅駿」成為大熱門孭飛,啱晒,隻馬嘅賠率愈嚟愈好分,由6.4倍跌到落7.8倍,最後有隻5號「勁友福」着綠燈落飛到2.7倍,成為大熱門,益咗9號分多啲。騎騎,9號一條直路如入無人之境,大勝兩個半馬位,左丁山當然笑到見牙唔見眼,冼先生善有善報吖嘛,捐二千萬元俾中文大學辦好文史哲,極為難得,抵佢捧盃嘅,隻馬贏得輕鬆,相信還有頭馬在手,下次再捧場。
急忙WhatsApp冼先生恭喜之餘,心情輕鬆,落去二樓搵李純恩與梁家權,睇吓佢地食成點,原來公關大姐大亦已趕到,食完咖喱蝦再吃黑白胡椒蟹,輔以炸饅頭,佢地話啲辣汁無以尚之,斯里蘭卡大蟹大把肉,食得過癮之至,讚不絕口,話到星加坡亦未必搵到咁大隻靚蟹,係要左丁山試一試,點敢制呀,唯有落荒而逃,走番上凱旋廳,剛好係第五場,二話不說就一注獨贏買5號「頌友」,馬主旋風團體有信興老闆蒙德揚在內,梗係要捧啦,果然又係輕易取勝,唉,有早知嘅話,預先買一口過關獨贏二穿三,三場9搭五場5,就肥過斯里蘭卡大蟹咯!各位會員朋友鍾意食辣食蝦及蟹嘅,不妨盡快向銀袋卜位一試,左丁山就得個恨字啫。

馬勝 食蟹 左丁 丁山
PermaLink: https://articles.zkiz.com/?id=78180

【蟹季特集】金澤關東煮店食蟹?香箱蟹爆多膏啖啖肉

1 : GS(14)@2017-12-18 04:50:38

香箱蟹多膏及蟹子,店家將它們挖出來,在加上拆好的肉,放在蟹蓋上蒸,非常鮮美。


全新旅遊專頁,即like籽想旅行:https://fb.com/travel.appleseed記得一年前去金澤,正值冬季蟹季解禁,想一賞「冬之味覺」,卻竟偏尋不獲。採訪的一位漁販私下說:「加能蟹太貴了,一隻過千元,怎會隨處有得食?一些食肆甚至標明有蟹食,也是用別縣的松葉蟹頂替。」高級料理亭當然有提供,價錢你也懂的;近江町市場卻又不像築地,鮮見餐廳即開即食,想食蟹,莫非真的無門路?


冬季來金澤想食蟹,卻通常只有高級料理店提供,這家關東煮店算是難得可以平食的地方。

1927年開店的赤玉,來到佐津川江實子而是第三代。

每日只預備約60個蟹蓋,最快試過1小時就賣完



在當地人介紹下,意想不到的,來到一間關東煮店。原來北陸地區向來有將蟹做關東煮的傳統。當然用的不是大隻的公蟹加能,而是細小的乸蟹香箱。「香箱蟹好細,連腳的長度計算,最大的也只30厘米,最小的10厘米也不夠,一隻手掌的大小。」1927年開店的赤玉,來到佐津川江實子而是第三代。比起平均800克至1公斤的公蟹,雌蟹只有120克左右,禁捕期更短,只於11月6日至12月26日之間,兩個月的時間,更為罕有。「用雌蟹是因為多膏及蟹子,非常好吃,通常將它們挖出來,在加上拆好的肉,放在蟹蓋上蒸一次,再放入關東煮裏面。公蟹就只得肉,做關東煮就不特別好吃。」用蛋白、清酒及味琳蒸熟,一打開蟹蓋,四條蟹肉下面,蟹膏及蟹子如湧泉爆出,好像挖極都有,非常鮮美。雖然小小一隻也要1,800日圓(港幣約$125),但由於冬天天氣差,漁民不是經常能出海,來貨不足,上年就幾乎沒有。現是每日預備約60個蟹蓋,最快試過一小時就賣完。採訪當日亦見人龍,要食趁早了。赤玉地址:石川縣金澤市片町2丁目21番地2號時間:12:00-0:00(星期一休息,遇上公眾假期則翌日休息)電話:+81(0)762233330記者:甄俊宇攝影:張志孟鳴謝:石川縣國際觀光課



來源: https://hk.lifestyle.appledaily. ... e/20171217/20246882
蟹季 特集 金澤 關東 煮店 店食 食蟹 香箱 箱蟹 蟹爆 爆多 多膏 啖啖
PermaLink: https://articles.zkiz.com/?id=345610


ZKIZ Archives @ 2019