ZKIZ Archives


關楚耀女友錫錫

1 : GS(14)@2016-03-13 02:40:31

【銅鑼灣】噚日係關楚耀嘅韓國女友Miu Kim生日,身為男友嘅關楚耀,梗係諗節目同女友慶祝喇!噚日見到佢哋兩個十指緊扣咁喺銅鑼灣禮頓道出現,話晒而家係熱戀中,一舉一動梗係sweet到爆喇,喺等過紅綠燈嗰陣,女方已經好熱情咁挨住男友嘅膊頭,仲見到佢喺男友耳邊喁喁細語,講講吓仲錫咗佢面珠一啖,關楚耀梗係好受落喇!之後佢哋兩個行咗去時代廣場嘅city'super,行咗冇耐佢哋分開咗,關楚耀即刻住家男上身,見佢專攻啲凍肉、刺身等等,睇嚟佢哋夜晚諗住喺屋企玩煮飯仔慶祝生日,隔咗15分鐘左右,女友會合關楚耀,最後佢哋發現記者,女友當然表現怕醜,仲匿埋喺男友後面,之後行返去利園二期拎車走人。採訪、攝影:朱志聰、羅德光





來源: http://hk.apple.nextmedia.com/entertainment/art/20160312/19526038
關楚 楚耀 女友 錫錫
PermaLink: https://articles.zkiz.com/?id=297741

關楚耀拖女搵食全程拍DV

1 : GS(14)@2016-04-12 18:16:11

■關楚耀同Miu喺餐廳門口影咗一輪先入店幫襯。








【大坑】關楚耀(Kelvin)同韓籍女友Miu Kim熱戀,得閒就孖咇出動搵食,佢哋日前就拍拖去到大坑開餐。近日氣溫回暖,Kelvin着住背心短褲,一身街坊裝,而着住紅色背心短裙嘅Miu就全程拎住部手提DV機周圍拍,影吓食肆外貌同啲餐牌,最後佢哋入咗間小店,好隨意咁揀咗門口高枱位坐,Miu叫男友幫佢影相又拍DV,跟住又要求調位,用唔同角度影,兼邊食邊影,Miu仲七情上面,好似拍緊YouTuber片喎!食飽之後,女友拎住外賣,二人行返屋企。採訪、攝影:徐錦池、畢紹基





來源: http://hk.apple.nextmedia.com/entertainment/art/20160412/19567102
關楚 楚耀 耀拖 拖女 女搵 搵食 全程 DV
PermaLink: https://articles.zkiz.com/?id=299096

馮仁昭四圍超:關楚耀激嬲內地客

1 : GS(14)@2016-05-21 18:29:55

關楚耀同郭思琳噚晚喺中環出席美容活動,關楚耀話最近返內地拍真人騷招呼遊客,但唔小心整濕咗人被粗口問候,佢話:「對方知我哋拍緊嘢,但唔知我身份,我已經不停講對唔住。洗廁所都冇問題,最重要接觸多啲內地市場。」佢話有留意舊愛衛詩出碟,會支持對方。而思琳話唔介意同好友余曉彤為《G-1格鬥會》第二輯對打,佢話:「佢係運動員,抱住運動心態去打唔會有咁多是非。」撰文:馮仁昭





來源: http://hk.apple.nextmedia.com/entertainment/art/20160520/19619277
馮仁 仁昭 四圍 關楚 楚耀 耀激 激嬲 內地
PermaLink: https://articles.zkiz.com/?id=300874

【爆相爆片】關楚耀孖韓模澀谷揀戒指

1 : GS(14)@2016-07-09 06:47:33

【蜜遊澀谷】■關楚耀前晚約8時現身東京澀谷,與女友拍拖逛街。讀者提供圖片


現年33歲的關楚耀(Kelvin)向來戀事多,令人印象最深刻莫過於他與衛詩(Jill)一段情,但二人09年分手後,Kelvin再有圈外女友Megan Lee,不過今年元旦倒數被本報影到他與韓籍索模Miu Kim啜住倒數,Kelvin對戀情亦直認不諱。



【女友細心】■Miu Kim細心替關楚耀試戴戒指,但最終都沒有買。

■關楚耀很喜歡日本,與Miu Kim不只一次到日本拍拖。資料圖片



逛街睇飾物

昨日讀者陳先生透過本報「爆相爆片」分享了數張相片及短片,表示前晚8時在日本澀谷遇見Kelvin與女友Miu Kim甜蜜逛街購物。陳先生表示:「大約8點,關楚耀同個女仔喺澀谷嘅Parco出現,佢孭住個大背囊,見佢哋喺Vivienne Westwood睇飾物,因為舖頭就關門,所以個女仔好快咁揀,揀啱就自己埋單。」陳先生續謂:「關楚耀趁個女仔畀緊錢,佢就去睇戒指,之後就同個女仔一齊揀,個女仔仲幫佢試戴戒指,不過舖頭就關門,佢哋最終都冇再買嘢,睇咗一陣就走喇!」


■關楚耀09年與當時女友衛詩在日本涉毒被捕,轟動娛樂圈。電視圖片

證感情未變

當年,Kelvin跟Jill同遊東京,最後兩人因涉毒被捕,雖然Kelvin被囚32日終獲悉,但已令事業急插水,其後他不斷接拍電影及參與公益活動洗底,如今舊地重遊,身邊已換了另一個人。而Kelvin早前被指趁女友去日本工作,在澳門參加Rave Party與同是模特兒的人妻林慧妍(Yen)攬頭攬頸,Kelvin回覆本報表示與Yen只是朋友關係,今次與女友甜蜜遊東京斷正,亦證明他與女友感情未變。採訪:王梓嫚





來源: http://hk.apple.nextmedia.com/entertainment/art/20160708/19685625
爆相 相爆 爆片 關楚 楚耀 耀孖 孖韓 韓模 澀谷 戒指
PermaLink: https://articles.zkiz.com/?id=303022

關楚耀DaDa齋拖冇癮

1 : GS(14)@2016-09-17 16:15:52

陳靜(DaDa)、關楚耀、林家棟和孫耀威前晚在尖沙嘴出席電影《此情此刻》首映,關楚耀和DaDa在新戲飾演戀人,但兩人並無親熱戲,問關楚耀會否失望時,DaDa插嘴說:「畀吓面好喎!」關楚耀即識趣笑說:「得拖手,係有啲失望!」孫耀威帶女友陳美詩捧場,又再一次被問到何時結婚?孫耀威說:「婚結生仔我一定會做,有好消息一定會公佈。」採訪:張俊銘攝影:陳慧安




來源: http://hk.apple.nextmedia.com/entertainment/art/20160915/19770855
關楚 楚耀 DaDa 齋拖 拖冇 冇癮
PermaLink: https://articles.zkiz.com/?id=309260

關楚耀狂奔阻截牛肉乾

1 : GS(14)@2016-11-10 07:39:49

■關楚耀和女友Miu撐枱腳食足一小時。DV圖片



關楚耀(Kelvin)今年元旦被影到跟韓籍女模Miu Kim擁吻倒數,事後Kelvin大方承認戀情。Kelvin上周三被發現跟女友在大坑撐枱腳,最後他們選擇了一間日本餐廳,並坐在近門口位置的卡位,食飯期間二人喁喁細語,似是有講不完的話題。吃了一小時後,他們前後腳離開,Kelvin突然一支箭跑出餐廳,原來有警察在街上抄牌,幸好他趕及上前阻截,可以省下320元「牛肉乾」。事後Kelvin接受本報訪問,他說:「我跑得快嘛!我平時有做開運動,同埋我着咗代言嘅波鞋,哈哈!」講到工作方面,之前有指他轉型做DJ歌手,他說:「打碟係我嘅興趣,下年會出新廣東歌。」採訪、攝影:梁繼光、羅德光


■關楚耀(箭嘴示)見警察抄牌,即刻跑去阻止。DV圖片

■Miu Kim勝在身材均勻,據知模特兒工作不斷。資料圖片



來源: http://hk.apple.nextmedia.com/entertainment/art/20161109/19827250
關楚 楚耀 狂奔 阻截 牛肉乾 牛肉
PermaLink: https://articles.zkiz.com/?id=314728

擺pose打碟樣樣掂關楚耀韓籍model女友冇得輸?!

1 : GS(14)@2016-11-10 07:39:51

關楚耀出道10年,為人所知嘅感情就有三段。第一段就係同衛詩,不過就喺2009年分手。翌年佢就同圈外人Megan Lee拍拖,當時Kelvin仲話女友已經過咗父母嗰關,仲認定對方做結婚對象,可惜相戀兩年後分手,之後就keep住單身。直至今年初爆出關楚耀同韓籍model Miu Kim拍拖,講起呢個Miu Kim就真係犀利,今年30歲,來港兩年幾仲拍過唔少廣告,佢仲有做埋DJ打碟,不過佢最出色都係擺pose,喺IG同fb都開心share好多相。




來源: http://hk.apple.nextmedia.com/entertainment/art/20161109/19827461
pose 打碟 樣樣 掂關 關楚 楚耀 耀韓 韓籍 model 女友 冇得 得輸
PermaLink: https://articles.zkiz.com/?id=314731

關楚耀創業多計劃

1 : GS(14)@2017-02-02 02:34:14

關楚耀近來開拓飲食界的事業,在台灣已開設兩家餐廳,踏入新一年,再在台灣新竹開甜品店,而且他更滿腹計劃,在這個看似不景氣的娛樂圈,關楚耀扭轉乾坤,憑一雙手創事業,學用氣球扭個財神褔蔭。沒放棄娛樂事業的關楚耀,今年入行十周年,他剛簽了新唱片公司,打算舉行個人音樂會,他說:「公司係有計劃幫我開個音樂會嘅,當然自己都想,但係呢啲嘢唔可以急,要儲到歌,要好好計劃,唔可以太急進。」採訪:王連連攝影:葉君海道具提供:鴨仔哥哥場地提供:The AIR(The ONE)




來源: http://hk.apple.nextmedia.com/entertainment/art/20170201/19913926
關楚 楚耀 創業 計劃
PermaLink: https://articles.zkiz.com/?id=324979

關楚耀開舖親力親為

1 : GS(14)@2017-03-05 09:35:16

關楚耀和吳日言昨日在銅鑼灣為港台的《手語隨想曲5》宣傳,關楚耀稱正籌備在台灣開甜品舖,和朋友合資約600萬新台幣,凡事親力親為,員工士氣最重要。此外,有份到場採訪的無綫娛樂新聞台主播許文軒,被指與麥美恩暗撻,不過許文軒否認拍拖,他解釋紮花不是送給麥美恩,而是與另一位女主播夾錢,送給開騷的駱胤鳴。




來源: http://hk.apple.nextmedia.com/entertainment/art/20170305/19947747
關楚 楚耀 耀開 開舖 舖親 親力 力親 親為
PermaLink: https://articles.zkiz.com/?id=327905

關楚耀甩拖呻犯太歲

1 : GS(14)@2017-03-24 17:08:06

關楚耀昨到新城電台宣傳新歌《死亡之吻》,他透露年初與拍拖一年的韓籍模特兒女友Miu Kim分手,當時正灌錄新歌:「當時感情受到挫折分手,整個人感覺低落,作為男人眼淚在心裏流,分手因為少聯絡少見,?家保持朋友關係。」他又指最近與有份投資的餐廳股東出現拗撬,感情又落空:「我屬豬,唔知點解年年犯太歲,不過感情要講timing,勉強冇幸福,唔好嘥大家時間。」關楚耀今日34歲生日,前日獲同事及家人安排驚喜派對:「同事叫我去做訪問,去到媽咪攞住蛋糕,我都嚇一跳好開心。」採訪、攝影:張俊銘




來源: http://hk.apple.nextmedia.com/entertainment/art/20170324/19967786
關楚 楚耀 耀甩 甩拖 拖呻 呻犯 太歲
PermaLink: https://articles.zkiz.com/?id=328665

【守龍秘笈】球壇關楚耀 前港隊教你K腳飛撲死角

1 : GS(14)@2017-04-08 19:40:41

若如此刁鑽的死角波都救到,包你立即成為球隊英雄!



人人落場都覺得自己識踢波,球王上身,表現欠佳大可怪隊友跑得慢,波交唔到腳,不過守龍門只得一人,技術差冇得怪責人,而且對球隊的勝負非常關鍵,各位波友大可學幾招以備不時之需。



相信不少人的守龍門經驗都是源於俾人「恰」,香港足球代表隊前門將吳逸凱也不例外。「小時候為甚麼會踢波?因為被哥哥欺負,又取笑我球技差,所以逼我守龍門,怎知慢慢由青年軍開始踢上職業賽,我有今日成就都要多謝他。」外號球壇關楚耀的吳逸凱曾效力港甲球隊太陽飛馬,最輝煌是2009年東亞運為香港摘金,三年前的他28歲選擇掛靴,現為全職健身教練,周末仍兼職開班教守龍,以教練身份繼續貢獻球壇,我們就請阿凱教大家幾招。



龍門首先要學接波,第一接觸是掌心,然後以手指及手指公包住足球。

接波時留意手指公之間要有距離,貼實是錯的。

處理彈地波或頭以下的射門,就可以下手抱波。

龍門首先要學接波,但不同位置的射門都有不同處理方法。處理眼睛水平的射門,即正面接波時,手不能完全伸直與足球抗衡,手踭應維持90度左右,而接波的第一接觸是掌心,然後以手指及手指公包住足球,留意手指公之間要有距離,貼實是錯的。接到波後要順勢將波攬實,收入懷中,以防有其他對手衝撞會撞跌,對波對人也是最安全的做法。處理彈地波或頭以下的射門,就可以下手抱波,同時腳要「K」腳閘波,以防接波時跣手「痾蛋」,而且接側面來的地波時,動作可以更敏捷。如射門是偏側在左邊,左腳向左移半步,右腳做「K」腳,接波後向前傾再落地,就是全套完整的接波動作。



K腳閘波,以防接波時跣手「痾蛋」。

最難救是左下角地波,竅門是接波時踏前一步,收窄射門角度。

中腰以上的射門,波埋門時會飄,必須要雙手高舉擋住可能改變的路向。

阿凱征戰球場多年,認為最難救是左下角地波,「龍門闊24呎,人最多6呎高,不能單靠飛撲,竅門是靠步法收窄射門角度。」方法是接波時踏前一步,斜向前以K腳動作救波,比起水平移動,動作可大大收窄角度,然後將手伸展到最遠,才有機會撲到死角波。



香港足球代表隊前門將吳逸凱。

阿凱現為全職健身教練,真有幾分似關楚耀。 資料圖片

周末兼職開班教守龍,以教練身份繼續貢獻球壇。

收窄角度特別適用於中腰以上的射門,因為波埋門時會飄,可能會改變方向,飄得更高更遠,只靠單手飛撲未必趕得切救波,另一隻手也要高舉,擋住可能改變的路向,才有機會救到死角波。特別是12碼的緊張關頭,若如此刁鑽的死角波都救到,包你立即成為球隊英雄!記者:鍾溥敏攝影:林栢鈞2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170407/19982310
守龍 秘笈 球壇 關楚 楚耀 前港 港隊 隊教 教你 腳飛 飛撲 死角
PermaLink: https://articles.zkiz.com/?id=329608

關楚耀禁師妹地下情

1 : GS(14)@2017-04-08 20:44:39

關楚耀、黃婉曼、董嘉儀(大埔LuLu)、JW昨出席中環來佬餐廳派對,懷孕5個月的黃婉曼仍穿4吋高跟鞋,行動自如,她透露預產期是8月。關楚耀宣佈大埔LuLu與他同屬同一唱片公司,關楚耀笑言叫大埔LuLu「醒目啲」,要帶眼識人,他說:「你識男仔,我哋會幫眼睇,不過記住唔准呃我哋,唔准講大話。」似乎暗寸鄭俊弘與何雁詩的戀情!




來源: http://hk.apple.nextmedia.com/entertainment/art/20170408/19983219
關楚 楚耀 耀禁 師妹 地下
PermaLink: https://articles.zkiz.com/?id=329714

關楚耀新歌憶前女友

1 : GS(14)@2017-04-16 14:41:16

關楚耀昨日跟樂隊野佬等於尖沙嘴演出,提到已經很長時間沒有在香港演出,今次會演繹新歌《死亡之吻》,創作時正值跟前女友分手,問到獻唱時候會否特別感觸?他說:「會㗎,嗰幾段經歷會湧番出嚟。」他又稱暫時單身未有新戀情:「等我free吓先。」另外,關楚耀跟游學修合作的電影《同囚》,將定於下月初上映,他稱屆時都會出席宣傳。




來源: http://hk.apple.nextmedia.com/entertainment/art/20170416/19991303
關楚 楚耀 耀新 新歌 歌憶 憶前 女友
PermaLink: https://articles.zkiz.com/?id=330765

關楚耀留意衛詩動向

1 : GS(14)@2017-04-30 15:22:20

關楚耀日前接受商台節目《1圈圈星光背後》訪問,談到和前女友韓籍模特兒Miu Kim的分手原因,二人聚少離多,最終決定和平分手:「冇辦法,勉強冇幸福。」舊愛衛詩重新在樂壇出發,他揚言見面也不會尷尬:「雖然冇聯絡,但一直有留意佢嘅新歌,若果有緣再見,會打招呼。」關楚耀又重提八年前發生藏毒事件而要暫別樂壇,指當時曾想過一走了之:「覺得冇面見人,亦有諗過轉行跟舅父揸的士,或者去加拿大屋企人間餐館幫手。不過爹哋同我講錯就要認,發生乜事都要自己承擔,最後我都決定留低。」撰文:葉綠悠



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170430/20006085
關楚 楚耀 留意 衛詩 動向
PermaLink: https://articles.zkiz.com/?id=332064

陳柏宇爆關楚耀冇畀人情

1 : GS(14)@2017-07-05 03:42:28

陳柏宇和符曉薇前晚在九龍灣舉行婚宴,接近凌晨12時才散席,新娘換了deep V裙送客,一臉倦容的柏宇表示:「自己全晚掛住喺台上影相,忙到連一滴酒都冇飲,不過原來飲醉酒同唔夠瞓嘅反應係一樣,小寶寶撐唔住啦!」跟着撒嬌挨落老婆的膊頭,十分搞笑。



■關楚耀(左)被新郎踢爆沒有給人情利是及飲醉酒。

問有否賓客飲醉酒?柏宇玩踢爆:「阿關(關楚耀)啦!」記者則指關楚耀到場受訪時指自己沒有帶利是封,所以會將人情直接塞錢入柏宇的袋入面,怎知柏宇再爆料:「吓!冇喎,如果佢發現啲錢仲喺佢個袋入面,聽日應該會請我食飯。」採訪:馬建華攝影:陳順禎




來源: http://hk.apple.nextmedia.com/entertainment/art/20170704/20077751
陳柏 宇爆 爆關 關楚 楚耀 耀冇 冇畀 人情
PermaLink: https://articles.zkiz.com/?id=337893

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019