伍允龍箍煲失敗鍾嘉欣棄8年情保事業
1 :
GS(14)@2015-04-09 19:04:35■鍾嘉欣昨日被指與相戀8年的伍允龍分手。資料圖片
今天31歲生日的鍾嘉欣跟37歲的伍允龍秘戀8年，昨日有雜誌報道他們經歷幾許風雨後，鍾嘉欣為自己前途着想，加上男友事業沒有起色，最終於2月初提出分手。上月底他們出席好友王祖藍及李亞男的婚禮時，兩人完全零交流。
■去年伍允龍出席鍾嘉欣的生日派對。
■鍾嘉欣與伍允龍因合演而相戀，可惜此情不再。資料圖片
■報道指伍允龍（右）近日常找Jessica C.（左）及安志杰相伴。
難頂高層壓力
至於被飛的伍允龍據聞曾經努力箍煲，可惜失敗告終，早前他出席演藝人協會聚會時，一向自制能力很高的他，飲到酩酊大醉，非常放縱，最後爆喊收場卻堅拒透露原因，據知他跟嘉欣早有分手協議，不會向外宣佈分開一事。孤身一人的伍允龍近日只好拉着老友安志杰及Jessica C.三人行解悶。而上月尾嘉欣出席香港影視娛樂博覽時，曾向好友胡杏兒傾訴心事，事後杏兒在微博留言叫嘉欣要開心，暗示她不要被情傷所困。嘉欣回復單身後工作開始增加，亦有機會錄新歌，工作明顯即時有起色。其實嘉欣自07年拍攝電影《十分愛》跟伍允龍相戀後，電視台及唱片公司高層都嫌棄伍允龍知名度低，怕男方會拖累嘉欣影響人氣，所有壓力全由嘉欣獨自承受。
■有傳伍允龍因事業冇起色，成為分手導火線。資料圖片
戀愛絕對自由
伍允龍昨日透過經理人回覆表示：「感情事唔回應。」他的經理人公司亦稱：「藝人私生活，公司唔會理，反而注重藝人品行及潛質，多於其他。」據知伍跟經理人公司的合約沒有訂明不可以拍拖、結婚及生仔。撰文：李森
來源:
http://hk.apple.nextmedia.com/entertainment/art/20150409/19105296
爭鍾嘉欣得個嬲字?陳展鵬伍允龍情敵開拖
1 :
GS(14)@2015-08-17 08:18:19■陳展鵬傳出介入伍允龍和鍾嘉欣的戀情後，兩位男主角終於碰頭。
鍾嘉欣和伍允龍的關係一直撲朔迷離，早前有傳兩人的8年情因陳展鵬介入而告吹，但當事人一直未有回應。最近有指無綫為力谷收視，有意將三人擺上枱合作拍劇，結果只有男男合作，女方落選。
■有指無綫會將嘉欣的緋聞谷收視。資料圖片
伍允龍暗示分手
伍允龍和陳展鵬昨日在將軍澳進行訓練，情敵碰頭份外注目，表現大方的伍允龍，被問與陳展鵬見面會否尷尬，他說：「唔會，我哋都係啱啱認識，我覺得合作會愉快。」再問首度拍劇有否向嘉欣請教，他說：「冇呀，我哋都有一段時間冇見。」談到兩人關係是否正式完結？他說：「我哋係朋友！」他亦不怕在電視城與嘉欣相遇。相比之下，陳展鵬一直迴避問題，再三追問下才連說三次「點會尷尬啫？」他再接着說：「而家件事又唔係真，點會尷尬啫？好奇怪。」他亦避談會否與伍允龍交流功夫，只稱同劇有很多武指和師傅，有時間可以自己練習。問到日前在中環與他同車女士的身份，他寸爆地說：「嗰個女仔？你問佢喇，唔好問我，點解我要講嗰個女仔係邊個？」撰文：張曦彤
來源:
http://hk.apple.nextmedia.com/entertainment/art/20150815/19256150
劉佩玥搵伍允龍扮色狼
1 :
GS(14)@2016-08-08 00:17:07■劉佩玥坦言現在都是工作行先。
劉佩玥（Moon）昨在觀塘出席活動，她透露將開channel分享日常生活逸事，如教煮餸及唱歌等，問會否找緋聞男友伍允龍幫忙？她說：「佢仲係咩？教人功夫都幾好喎，搵埋展鵬同阿Ben（袁偉豪）做色狼，教防狼術。」但不少網民希望阿Moon跟張彥博真的「在一起」，她笑言只能一起唱歌，問是否嫌對方年紀大？她說：「佢個樣咁細個，唔關年齡事，佢眼大又靚仔，老土啲講，而家工作為重。」提到陳凱琳拒回應鄭嘉穎離巢一事，阿Moon代好姊妹講好話﹕「可能佢唔方便交代，或者做緊嘢，趕時間箒，大家唔好胡亂揣測。」採訪、攝影：羅慧敏
來源:
http://hk.apple.nextmedia.com/entertainment/art/20160807/19725967
伍允龍順友意帶劉佩玥聚會
1 :
GS(14)@2016-09-09 05:09:14有傳伍允龍帶緋聞女友劉佩玥（Moon）去好兄弟安志杰和Jessica C.的家庭聚會，不過Moon死口否認，堅稱單身。昨日伍允龍在商台受訪，第一時間不是講感情：「自己首部荷李活電影《龍之誕生》將會上映，稍後去多倫多參與國際電影節，之後會返芝加哥探家人。」伍允龍稱不會過溫哥華探舊愛鍾嘉欣，因為距離遠兼不方便。問伍允龍會帶Moon行紅地毯？他說：「唔會，等公司安排。」對於帶劉佩玥到朋友聚會，他說：「因為朋友睇完劇鍾意佢嘅角色，而佢又覺得安志杰BB得意，所以一齊聚會。」採訪、攝影：王連連
來源:
http://hk.apple.nextmedia.com/entertainment/art/20160908/19763468
劉佩玥關心伍允龍傷勢
1 :
GS(14)@2016-12-04 17:34:21劉佩玥（Moon）昨日到天水圍出席新商場開幕，緋聞男友伍允龍日前為東華綵排時受傷，手部骨折要休息十二個星期，Moon表示知情：「佢有同我講。」伍允龍受傷是否第一時間通知你？她說：「我咁啱喺公司所以知，唔止佢我都見展鵬有整親，作為朋友緊係希望佢快啲好番，知道佢都有其他工作安排要調動。」可會照顧對方？她說：「咁大個男人OK㗎啦，希望佢早日康復。」講到台慶頒獎禮Moon透露未決定服裝，她說：「我好鍾意粉色，想趁今年27歲着到好公主咁。而家有deep V、大露背同透視三款衫選擇緊。」採訪、攝影：曹家誠
來源:
http://hk.apple.nextmedia.com/entertainment/art/20161204/19854277
撇伍允龍短裙劉佩玥耍功夫情挑黃子恒
1 :
GS(14)@2017-07-07 02:42:20今年27歲嘅前港姐季軍劉佩玥(Moon)，舊年同伍允龍合作《城寨英雄》撻着，不過日前有周刊就話，Moon因為男友伍允龍長期返大陸拍劇，喺芳心寂寞下，同圈中「花王」周志文暗交。而伍允龍事後就透過經理人回應，話最近的確同Moon少咗聯絡，講到咁樣樣，睇嚟「玥龍」戀都係凍過水。雖然Moon就話自己o依家係單身冇拖拍，不過拍劇有收兵前科嘅佢，最近就同之前搭上人妻裕美嘅黃子恆拍新劇。日前，二人喺中環皇后像廣場拍外景，劇中飾演情侶嘅佢哋，鏡頭前都好合拍，唔使半個鐘冇乜點NG，話咁快就拍完一組戲。至於鏡頭後又點樣樣？當晚着住通花藍色短裙嘅Moon，俾劇組安排同黃子恆喺公園石壆上談心調情，原本氣氛好浪漫吓，弊在石壆嘅高度有番咁上下，着短裙仲要對腳吊吊揈，就好易出事。現場所見，Moon死命用雙手㩒實條裙，而雙腳亦夾到實一實，以免走光。其實，早喺舊年9月，Moon已經同過黃子恆合作拍另一齣新劇。有指識食嘅黃子恆好快就瞄中Moon，仲做柴可夫送女方返君臨天下香閨。難怪佢哋再合作會咁合拍。而《蘋果》當晚就見到二人未埋位前，Moon不時以電眼電黃子恆，又主動向對方切磋武功，迷到黃子恆一陣陣，話時話，唔知Moon嘅功夫，係咪前度伍允龍教落呢？
來源:
http://hk.apple.nextmedia.com/entertainment/art/20170705/20079311
Next Page