ZKIZ Archives


【男女之間】絲打注意 5種情場怪客避之則吉

1 : GS(14)@2016-05-21 13:15:06

成世人流流長,註定會愛上幾個人渣,係絲打的悲哀。想極速遠離情場怪客?美國作家Chiara Atik指出,有些男士具備一些令絲打厭煩的特質,每天增加負能量,宜速速遠離。


1.討厭份工不論開緊工,定係工餘時間,開口埋口就話自己點憎份工,做朋友已煩,遑論更進一步。與其浪費時間投訴,何解不積極行動轉工呢?2.裙腳仔淨係識講:「阿媽話唔好。」成年人冇啲主見,活在阿媽的五指山下,你的感受分分鐘佢當耳邊風。或者佢好憎阿媽,又會逼你企喺同一陣線,做夾心人實在太麻煩。3.需要全世界欣賞幽默、吸引、靚仔……這些詞語未足夠留住佢個心,他更需要其他人的稱讚,為此他可能結識其他異性,甚至出軌證明自己的魅力。4.不願意帶你見朋友成日出去搵朋友,又唔肯話你知搵邊個,帶你進入自己的社交圈子,佢未必呃你乘機出軌,但佢偏偏未肯跟你分享,證明他未對你完全信任。5.想拯救你於水深火熱中有些男士為了展示他的能力,他覺得某位女士越糟糕,便越想拯救她,找到自己的價值。但當女士狀態改善,他可能對她失去興趣。這種自卑男,缺乏安全感,絲打要小心。記者:梁慧琳資料來源:https://thedatereport.com





來源: http://hk.apple.nextmedia.com/su ... t/20160518/19616077