ZKIZ Archives


阿信屋林偉駿:我好驚衰!

2013-11-28  NM
 
 

 

近日,日本電影﹑新版《阿信的故事》,在香港上畫,勾起港人不少回憶。另一邊廂,名字取材自這套電影的零食店759阿信屋,亦在股市上演了一齣好戲。持有一百七十多間阿信屋的CEC國際(759),宣布進軍化妝品業,店還未開,觀眾,即散戶,已蜂擁入場,股價十日內爆升一倍,市盈率抽高至七十五倍。野心暴露,以對抗霸權口號起家的阿信屋,如今被斥是新的「阿信屋霸權」。一切吹捧﹑攻擊同時直指向主席林偉駿。這一次。鏡頭下的他,招牌笑容仍在,手心卻捏了一把冷汗。戲碼進入高潮,劇本卻開始失控,林偉駿和散戶一樣,最怕爛尾收場。

上週五晚上,林偉駿原定要出席電影《阿信的故事》首映禮,卻臨時甩底。記者再三提他,這次活動宣傳噱頭十足。「無辦法啦,做生意緊要。」他略帶無奈道,原來有兩個韓國供應商,當晚就要離港,他趕着和他們開會。自從宣布開設化妝品店Kawaii Land,林偉駿的壓力與公司的股價一同颷升。鏡頭外,他收起笑容道:「依家我同班同事都捱到胃痛,每日都睇住啲貨,今個星期又派多六個女同事去日本掃貨,加埋有九個人做緊採購,真係全民皆兵!」林偉駿擔心不無道理。由工業股變零售股再變炒股,七十五倍市盈率(P/E),較持有零食物語的四洲(374),以及化妝品股龍頭莎莎(178),分別高出四點七倍及一點四倍。負面消息接踵而來。有美資分析員指阿信屋利潤率只得百分之一點五,萬一供應鏈出現問題,隨時蝕錢,「阿信屋債務成四億幾,一年利息都要千四萬,比零食嘅利潤仲要高,如果將來加息,佢又唔加價,咁點算?」他強調,阿信屋的估值沒有實質的業務數據支持,股價隨時會坐過山車。面對種種質疑,林偉駿不再推銷員上身,反而自潑冷水,同時幫散戶降溫。

炒股

記:記者林:CEC國際主席林偉駿記:股價十日內爆升一倍,變成炒股,你開心還是擔心?林:(合起雙眼,神情凝重)平時好少睇公司股價,因為我揸住就唔會放。(註:林持股約七成)自從話搞化妝品,外界反應咁大,炒到咁高,我真係好大壓力。啲供應商見我賣零食賣到有啲成績,咪俾我賣吓凍肉,見凍肉賣到,咪俾我賣吓家品,再到化妝品。如果賣唔掂,人哋會以為阿信屋冇料到,以前累積嘅優良記錄會冇晒,仲邊有供應商肯俾貨我?邊有業主肯租鋪俾我?記:根據現時P/E,公司一三至一四年的盈利起碼要倍增,投資者才收貨。對此,你有沒有信心?林:(想也不想)阿信屋依家要賺嘅唔係錢,而係規模,目標係三百間分店。冇規模嘅話,供應商點會俾面?日本仔仲會「冧(林)生」咁叫你咩?當你有親呀?純粹因為我有一百七十間分店,仲唔使上架費。今年九到十二月,達到每月一億一千萬嘅營業額目標,明年第一季希望每月做到一億三千萬。日後規模再大啲,物流採購成本平啲,希望將利潤率提升到百分之二點五。

轉型

記:新開分店主攻千呎以上大鋪,街坊式零食店已無得做?林:(指着一枱零食)阿信屋賣貨靠量多及快,四、五百呎嘅鋪,擺得三、四百款貨,啲客入嚟買幾包薯片,買支汽水就走啦,生意唔會多。依家我哋每日都有十一個貨櫃嘅貨,要大鋪先夠位擺,市場焗住你去做大。來緊會執咗部分細鋪,新開嘅分店,起碼要兩千呎。明年主力做整合,唔會開新店,後年會主攻開微型超市,目標係三十間。記:由賣零食,到微型超市,甚至化妝品。做得太濫,風險大增?林:我都要為租金去諗,先踩過界,賣吓呢樣嗰樣。有人幫我哋改名,叫「佳寶阿信版」﹑「日本城冇電器嘅阿信版」﹑「家興阿信版」。呵呵,但我唔係「萬寧」,冇藥賣吖嘛!我希望以一間微型超市做中心,帶住幾間細鋪嚟做。根據該區需求,某啲鋪會做特色店,如凍肉鋪。係北角至灣仔嘅街鋪,未來一年會轉做廿四小時營業。

記:明年將有三十間鋪約滿,如何應付加租問題?為何不買鋪?林:大部分新租約都傾得七七八八,加得唔算多。係商場嘅分店,租金係用營業額分成計算,部分好生意嘅,交緊嘅租金基本已多過底租兩成。如果要加租,我會叫業主俾我賣多啲產品,之前佢受到超市或日本城嘅壓力,唔俾我賣咁多嘢,好似日用品只可佔鋪頭整體產品約百分之五。我有時都係偷雞,擺多兩個衣架,咁樣慢慢變。阿信屋依家有六間自己鋪,都係四、五百呎嘅細鋪,唔再買係因為太貴啦,唔想冒險!記:阿信屋貨種急增,如何控制入貨及存貨?林:我每日都揸住部iPad睇即時銷情,每個月只會入七千萬左右嘅貨,種類可以變,但金額一定唔變。如果今個月生意額達標,毛利率不低過兩成七,就會七折減價清貨。所以無定時,有時係月頭,或第三個星期又會有。

霸權

記:你當年斥責超市霸權時,有本地大型供應商不肯供貨給你,如何解決本地貨源?林:(電話響起,掛線後笑說)大昌行朋友打來話:『四洲十二月會召開武林大會(採購會),實係針對你啦!』佢(四洲)搞咪搞囉,我試咁多新嘢,對人哋嚟講係敵意,但我都要交租o架。現時主要搵外國供應商,日本佔六成半、韓國佔一成半、歐洲佔一成。至於本地貨,我會搵啲細供應商。佢哋通常入唔到大場(連鎖超市),我唔收佢哋上架費,賣得幾多得幾多。

記:坊間有人批評你創造咗新的「阿信屋霸權」,與當年維護小店權益的形象相去甚遠。林:(攤開雙手,語帶無奈)阿信屋唔係霸權。如果有霸權,我就會同領匯(823)講:『喂!唔准嗰間士多賣呢啲嘢!咁到時你就寫(衰)我啦!而且,我冇㩒到供應商價,日本仔話賣幾錢,我就俾幾錢,保持到百分之一點四至一點六嘅利潤就繼續拿貨。規模上,人哋(百佳及惠康)超市加埋便利店,計埋華潤啦,有成二千間分店,我得百幾間分店,濕濕碎啦!人哋生意額幾百億,我得十億八億。佢哋仲係控制好大嘅銷售渠道,我哋未影響到任何嘢。氣氛上,我搞風搞雨,實際上我哋影響好微o架咋,得話題囉!我仔女將來唔會入公司幫手,阿信屋交俾手下打理,佢哋知我性格,即使我退休,公司都唔會變成賺錢機器。

PermaLink: https://articles.zkiz.com/?id=83450

千嬅湊Torres好驚青

1 : GS(14)@2015-07-18 09:51:35

【中環置地】楊千嬅噚晚接近7點,帶住囝囝丁進諾(Torres)、外籍傭工同一女性友人現身中環置地廣場。鬆身褲襯件白底紫色tee打扮嘅千嬅,戴黑超保星味,而已經3歲嘅囝囝全程由工人抱住。


■千嬅囝囝Torres,全程由工人抱住。


當一大班記者忽然出現影相嘅時候,見慣大場面嘅千嬅起先都嚇一跳。問到千嬅去邊時,佢話約咗朋友食飯。唔想畀記者影嘅佢,全程急步行往太子大廈上車離開。採訪、攝影:潘冠恩





來源: http://hk.apple.nextmedia.com/entertainment/art/20150718/19223492
PermaLink: https://articles.zkiz.com/?id=291410

湯唯拍到爆肺 青雲:好驚

1 : GS(14)@2015-09-02 07:19:42

■湯唯前晚被爆拍攝時曾經爆肺入院做手術。


由劉青雲跟湯唯主演、張婉婷執導的電影《三城記》,前晚在金鐘舉行慈善首映,金燕玲、李治廷、任達華跟太太琦琦都有到場支持。張婉婷受訪時大爆湯唯拍到爆肺,及於開工前曾在Google找青雲的資料,更透露青雲的「太空人」宣言令他成為劇組的男神,張婉婷說:「湯唯因為Google完知道青雲唔多講嘢,拍呢套戲時,一路唔敢同佢講嘢,直到有場戲湯唯要用擔挑提起兩個女,可能重得滯,搞到佢爆肺,爆完之後青雲先睬佢。」



■張婉婷表示可能這場擔挑挑小孩的戲而致湯唯爆肺。劇照

■事後才知被湯唯Google過的青雲在現場顯得尷尬。


■李治廷現身支持導演張婉婷及監製羅啟銳。

經常受傷

身旁的湯唯承認確曾爆肺,她說:「原本要搭飛機去美國,但最終去唔到,要去醫院做手術,休息咗3日復工,唔想阻住進度,老公都知。本身預咗探我班,驚照顧唔到老公,就叫佢唔好嚟。」她透露在醫院以微創手術補回肺內氣泡。湯唯笑言背脊及腳經常受傷,老公韓國導演金泰勇已見怪不怪。至於青雲則笑笑口澄清沒有不理會湯唯,他說:「其實一路有傾,只係我講說話唔多,現場好多嘢要記,對白又係普通話,所以唔多嘢講,直到有一日練琴大家對稿,見佢練練吓走咗,聽工作人員講爆咗肺,好驚。」對於被湯唯以Google起底及成為男神時,他笑言好在事後才知道,可避免尷尬。另外,李治廷早前在內地拍真人騷,被扯褲導致露毛,他笑說:「估唔到玩到咁,想睇嘅人先睇得到,要好留意。」他大方表示沒有嬲過亦不想報復。近日在內地被大媽圍到要躲起來,李治廷認為是fans支持自己的表現,但就不會考慮女fans的提議出寫真。採訪:譚倩宜攝影:陳俊強





來源: http://hk.apple.nextmedia.com/entertainment/art/20150902/19278727
PermaLink: https://articles.zkiz.com/?id=292103

盧大偉今火化盧太:好驚David會消失

1 : GS(14)@2016-03-28 14:16:10

■盧太昨日含淚向靈堂上盧David遺照豎起手指公,盛讚他是個極體貼的好丈夫。


愛搞爛gag的一代笑匠盧大偉(盧David)本月4日因癌病逝世,享年71歲。盧David喪禮昨日在大圍寶福紀念館以基督教儀式進行,今日出殯後隨即火葬。家人印製了盧David特刊送給弔唁親友,內有盧David工作和跟太太Quiency結婚等溫馨珍貴照片,以及盧太撰文悼念。盧太指結婚14年來僅與丈夫分開過4日,她說:「若能同度更多個14年該多好,能成為你的妻子是一生裏最大的榮耀……我是世上最幸福的人。」盧太指盧David每晚掃背令她入睡,天冷時將床鋪睡暖,又指靠在丈夫肩上可以變得堅強,並說:「老公,我愛你!」一字一句盡顯對丈夫的思念。



■靈堂門口擺放了一幅盧David的卡通肖像。

■家人印製盧David特刊送給到靈堂弔唁的親友,特刊內印有不少盧David生前的珍貴圖片。





昨日靈堂以白色玫瑰佈置,橫匾寫上永遠懷念,兩旁放滿了家人包括盧David兄長蕭亮(盧永華)、成龍、劉德華、汪明荃和苗僑偉等致祭花圈,好友阮兆祥、鄧英敏、陳友、江欣燕、王祖藍與太太李亞男、曾志偉、樂易玲、張崇德與太太劉美娟和學生等前來鞠躬道別。



遺願錄碟出書

靈堂內除播放盧David生前演出節目片段外,更播放他生前獻唱的《My Way》等7首英文歌曲。一身黑色素服的盧太,不時以紙巾拭淚,問心情可平復時,她說:「好驚聽日來臨,因為David就會消失。」她續說:「David想大家記住佢開心嘅精神,將愛散發出嚟。」她指堂內播的歌曲是盧David生前灌錄,想製作成CD送給她,奈何未能實現,問會否幫丈夫完成出碟心願時,盧太說:「考慮中,David有好多project想做,例如出書咁。」據悉,盧David胞兄盧遠昨曾到靈堂致祭,但移民外國的蕭亮則未見影蹤。採訪:卓寶花 攝影:陳俊強



■王祖藍和李亞男前來送別一代笑匠。

■盛傳為盧大偉介紹名醫的曾志偉到靈堂致祭。



來源: http://hk.apple.nextmedia.com/entertainment/art/20160328/19546914
PermaLink: https://articles.zkiz.com/?id=298641

Money Walker:其實有乜好驚喎

1 : GS(14)@2016-06-06 03:00:30

美國聯儲局加息魔咒又到,不過筆者唔太擔心呢兩個月加息,因為市場已經差唔多反映晒,最驚嘅其實係唔知儲局加完一次之後會唔會收手。睇番利率期貨市場,年底前加息嘅機會有74%,顯示大部份市場人士早已對下半年加息一次無懸念,既然有關預期已幾乎完全反映,係6月份定7月份加相信都唔會造成太大震盪,最令人憂慮嘅係今年加完一次之後,仲會唔會再加。再睇番利率期貨市場,年底前加息超過一次嘅機會率只有32%,意味大部份人都認為今年唔會加多過一次息。所以如果6月份議息會議,透露出今年餘下時間加息超過一次嘅線索,咁即使6月份唔加息按兵不動,呢次議息都將會對市場帶來極大的震盪。金融市場從來都係炒預期,預期到嘅嘢一般都好快反映咗,所以尚未被市場完全反映嘅負面事件,往往先係最不利資產表現嘅魔鬼。至於一街都有人講嘅風險,聽到識背嘅嘢,到真正發生嗰陣,資產價格好大機會反高潮地係咁意震一下就算。
El.
http://www.facebook.com/moneywalkerhk本欄逢周四刊出





來源: http://hk.apple.nextmedia.com/financeestate/art/20160602/19637245
PermaLink: https://articles.zkiz.com/?id=301896

好驚粗口嘅黃翠如遇上爆粗港姐馮盈盈

1 : GS(14)@2016-09-17 16:15:47

■好驚粗口的黃翠如(左)昨日遇上爆粗港姐馮盈盈,兩人正襟危坐眼神沒交流。



而馮盈盈昨到將軍澳出席活動,被問到在短片疑似講粗口?她死撐說:「咁其實疑似呢,實際係冇嘅,係為咗整個節目效果,我哋做呢個少少效果出嚟增加趣味。」對於她在片中說「嘟咗佢」,馮盈盈支吾說:「當時我哋係為咗整條片加少少有趣嘅位。」


翠如讚有智慧

至於曾表示「好驚粗口」的黃翠如,昨日跟爆粗港姐馮盈盈同場,兩人並排而坐沒眼神交流,問到會否接受馮盈盈講粗口?黃翠如說:「唔會唔接受,呢啲嘢好個人,但自己就冇呢個習慣。」對於馮盈盈被揭爆粗,她說:「佢好勇敢,啱啱入行多人關注,依然處理得好好,好有智慧,自己都要同佢學習。」問男友蕭正楠有否講粗口?她說:「以我記憶就冇,我們好少會嗌交,唔會嬲到要講粗口,尤其佢而家身體好弱,我都唔捨得蝦佢!」採訪:王梓嫚




來源: http://hk.apple.nextmedia.com/entertainment/art/20160915/19770895
PermaLink: https://articles.zkiz.com/?id=309244

靈探搵鬼好驚驚大合照有女鬼攝鏡?

1 : GS(14)@2016-11-16 04:54:01

英國一班靈異愛好者到有傳鬧鬼的荒廢醫院探險,結果他們拍大合照時「撞鬼」,一隻「女鬼」攝鏡(Photobomb)擠在眾人之間,還對鏡頭微笑,非常詭異。45歲男子巴倫(Phil Barron)帶領32人到利物浦一間醫院探靈,最後他用手機為一行人影大合照,其後他把照片上載,當時都未發現照片有古怪,「翌日我被一連串短訊弄醒,看到不少留言,令我再把照片看清楚」。原來相片正中間出現了一名「陌生」女子,面目模糊,似乎正在微笑,外貌猶如美國鬼片《七夜冤靈》(The Ring)中的女鬼。巴倫強調自己沒有對相片動過手腳:「沒有修圖,我只是將相片較光一點,因為太暗了,然後就傳出去。」巴倫又指以前經歷過不少異靈事件,但今次「撞鬼」特別興奮,「我看過鬼影在人類身邊走動,占卜板上的玻璃杯移動,在空無一人的地方聽到巨大的敲打聲,但我從沒看過整整一隻幽靈」。這間醫院的前身是維多利亞時代的孤兒院,傳聞環境惡劣而鬧鬼。英國《每日郵報》




來源: http://hk.apple.nextmedia.com/international/art/20161115/19834547
PermaLink: https://articles.zkiz.com/?id=315531

藝發局選戰 一連兩日投票 傳建制聯線 周博賢:好驚

1 : GS(14)@2016-11-29 00:04:01

【本報訊】藝發局選舉由昨日起一連兩日進行投票,今屆以音樂和戲劇範疇的選情最為激烈,截至昨晚10時票站關閉,首日共有1,122人投票。音樂範疇候選人周博賢憂慮選情,坦言好驚,呼籲選民出來投票;對手費明儀則對選情有信心,但否認她與其他親建制候選人聯合拉票傳聞。記者:張文鈴



■藝發局元老費明儀(左)與黃秋生(中)被指聯成暗線拉票,兩人均否認。張柏基攝

今屆登記為選民有5,864人,比上屆選民人數8,512人,大幅減少2,648人。昨日是首日投票,早上時段有62人投票,較上屆相同時段164人投票少,截至昨晚10時票站關閉,首日共有1,122人投票。周博賢表示,昨早選民投票人數比上屆同時段低,「唔知乜原因,係咪同選民人數少咗有關,還是藝術文化人士習慣晏起身」。對於有傳聞指對手費明儀、黃秋生及數名親建制候選人聯成暗線,他稱對自己選情感到「真係好驚」,甚至擔心會拖累與他組成「跨界連結」的其他範疇候選人,坦言唯有盡力,呼籲更多有心求變的選民出來投票。周博賢對手、藝發局元老費明儀則對選情有信心,「見到好多朋友都嚟(投票),大家對呢件事嘅投入同認真,我覺得非常開心」。她又否認與其他候選人聯合拉票,「完全冇,我今日第一次見佢(黃秋生),平時都冇聯絡」。


楊雪盈:未收候選人傳單


戲劇範疇候選人李俊亮稱,昨早8時已到投票會場,感謝有選民一早來投票。對於昨早選民投票人數比上屆同時段低,他估計與天氣冷有關。對手黃秋生則對選情難以估計,「冇乜緊要啦,最緊要大家支持藝術同嚟關注藝發會(局)選舉」;他亦否認與其他親建制候選人聯合拉票。另外,周博賢早前向本報透露,選舉活動代理向候選人提供選民聯絡資料光碟,只載有2,196名選民的聯絡資料,僅佔總選民人數的三成七,質疑部份選民或在不知情下被歸類為「不願接收候選人資料」,慘變「隱形」選民。香港文化監察主席楊雪盈指,早前發信要求局方解釋,局方於上周五回覆,但對其回覆感氣憤。她直斥,局方未有解釋多個問題,包括為何逾兩個月仍未向逾千名選民聯絡是否同意收取候選人資訊、公關公司向選民發放那些候選人的資料等,又指她本人至今沒收到任何藝術範疇候選人的宣傳單張。她稱,未來會繼續跟進事件,冀民政局盡快交代有關問題和檢討整個選舉制度。




來源: http://hk.apple.nextmedia.com/news/art/20161128/19847790
PermaLink: https://articles.zkiz.com/?id=317319

【馮仁昭四圍超】麥家瑜泰國好驚撞靈異

1 : GS(14)@2016-12-27 12:32:18

女歌手麥家瑜好耐冇喺香港出現,噚日佢喺工展會出席活動,之前佢同惠英紅等劇組去咗泰國一個月,拍攝鬼片《綁靈》,佢慶幸冇遇靈異事,佢話:「我最初過去都驚㗎,其他演員又成日講啲恐怖嘢嚇我,好彩乜嘢事都冇發生過。」麥家瑜又話今次喺小紅姐身上學到點樣演戲。早前,佢同環球唱片續約,佢話公司畀好多機會自己,有好大自由度。撰文:馮仁昭




來源: http://hk.apple.nextmedia.com/entertainment/art/20161227/19877646
PermaLink: https://articles.zkiz.com/?id=320231

建制潑曾俊華冷水「難取商界提名」曾:好驚,好驚好驚好驚

1 : GS(14)@2017-02-11 18:32:57

■曾俊華會見自由黨時,獲田北俊握手迎接。謝榮耀攝



【特首戰開打】【本報訊】距離特首選舉提名期只餘5天,盛傳仍未取得足夠提名的特首參選人曾俊華、胡國興及葉劉淑儀均稱,不會在下周交提名表,曾俊華更稱會在「策略最佳時間」才交表,不過有建制派向曾潑冷水,指他連50個商界提名也未必有,而有傳手握逾400提名票的林鄭,昨再獲有194張選委票的友好協進會支持,林鄭競選辦主任陳智思稱林鄭仍未取得逾600票、即過半選委提名。記者:林俊謙 陳雪玲 呂浩然林鄭月娥、曾俊華、胡國興及葉劉淑儀昨分頭出動見選委,希望在下周提名期開始前,爭取150張選委票入閘。其中被視為最能威脅林鄭的曾俊華,在京官及中聯辦封殺下,要爭取商界支持越來越困難,有建制派消息則稱,曾俊華難在商界取得100個提名,即使取得50個亦有難度。繼早前中總表態所有選委提名林鄭月娥,擁有194名選委的香港友好協進會,昨與林鄭見面後,會長戴德豐大讚她是「香港人嘅光榮,亦都係香港女性嘅光榮」,希望林鄭能夠擔任特首,又指昨日在席18名選委都會提名林鄭,至於該會194名選委將全數提名林鄭,戴稱要開會再討論。面對林鄭再獲建制選委提名票,曾俊華昨先後與中華出入口商會及自由黨會面,曾與中華出入口商會會面後,被問到他連商界50票也沒有,他說未計算手上有多少票,「我就唔知點解其他人咁具體知道一啲嘢,連我自己都未知道」,民建聯進出口界立法會議員黃定光昨指,中華進出口商會的選委各有心意所屬,各選委尚未決定投給誰,但商會不會綑綁,亦不會作推薦。


曾:策略最佳時間交表

曾俊華之後與自由黨見面時,再被問是否驚很多選委已支持林鄭時,曾即手按心口笑說:「好驚,好驚好驚好驚」,引來自由黨員一陣笑聲。曾俊華指,不會具體講述現有多少提名票,指何時遞交提名「係策略性的決定,會喺策略最佳的時間,提交我的提名票」。自由黨黨魁鍾國斌與曾俊華會面後指,曾俊華理念與自由黨接近,相信除田北俊外,將有其他自由黨選委會提名曾俊華。胡國興昨日與經民聯會面後則稱,不打算提名期一開始就報名,因有些選委仍未考慮完,否認與未取足提名有關,「如果第一日就可以去提名,咁就唔需要兩個禮拜提名期啦」,他有信心獲150個提名。至於另一參選人葉劉淑儀指,估計要本月底才提交選委提名,因為不少界別都在近日才開始接見參選人,見完又稱要考慮。葉劉拒透露自己至今獲多少提名,指這是「冇意思」,只強調自己有信心獲足夠提名。


民主派明商提名策略

林鄭競選辦主任陳智思昨在林鄭與自由黨會面前稱,縱使獲有194張選委票的香港友好協進會支持,他們仍未信心十足,「如果信心十足,你就唔會見到我走來走去啦,我每日瞓得少過五個鐘」,又稱現時要求見林鄭的團體「多到難以想像」,亦有不少選委仍未決定提名取向。問到現時是否已取得600至700票選委支持時,陳智思稱:「今日肯定冇咁多票喺度,即係仲做緊啦」,指會盡量爭取提名。而民主派選委組織「D300+」將於明天開會商討提名策略。據了解,不少泛民選委決定支持曾俊華、胡國興參選,當中以支持曾俊華數目佔優。




來源: http://hk.apple.nextmedia.com/news/art/20170210/19923892
PermaLink: https://articles.zkiz.com/?id=326210

Next Page

ZKIZ Archives @ 2019