ZKIZ Archives


邱德根孻子邱達根無情講

2004-7-29  NM




邱德根曾經講過,會在七十五歲退 休,因為他自詡後繼有人,七子一女,沒一個是敗家兒。今年邱德根八十歲,每日依然工作十個鐘,他美其名說:「唔做嘢好易死㗎!」實情是,他沒有一個兒子有 力接棒,三子達成就曾因醉酒駕駛,撞死警察入獄四年。去年開始,邱德根將最後希望壓注孻子達根身上,帶他出席國慶活動和公開場合,擺明要捧他上位,冀望由 他,將上市公司遠東科技旗下的戲院、遊樂場業務發揚光大。誰知邱達根「新官」上場,大刀 闊斧結束東南亞娛樂業務,轉攻大陸資訊科技市場,與父親背道而馳。坐在新裝修辦公室內的邱達根毫不含糊的說:「為咗公司好,冇得話感情用事。」唱反調邱家 「八少」達根(Duncan)最近搬離父親頂樓的辦公室,新辦公室設計簡單實用,與父親那擺滿古董,輝煌而帶破落的格調正好相反。現在他一人主理公司的生 意,很少同父親商量。「我諗有重要嘢,我都會諮詢佢。」今年五月,邱德根八十大壽,口口聲聲說自己○五年會抽身而退,但眼前所見每行一步也要人攙扶,連上 廁所也忘記拉上褲鍊的老人家,對於退休之言又改了口風。「我個個都幫,盡量做到平均,所以我八十歲仲做嘢。」他換過兩次腎,動手術後不久便繼續工作。訪問 當日,他也只能有個半鐘空閒,接着又要開會。「我仲想做嘢,發展多啲事業俾子女。」雖然,他已盡量將手上的業務分散開去,又親自?嬤儦瞗A但生意年年虧 蝕。幼子達根九七年畢業回港,亦只剩下遠科給他打理。「遠東發展就俾David(邱達昌)攞咗,遠東酒店俾咗達偉,遠科係我管理,咪俾阿根囉!」在加州 Pepperdine大學讀工商管理的邱達根,早知自己是「水尾」無得揀。「我係被動式,被指示睇呢度咪睇呢度。」不過,他睇準時機發展自己心目中的事 業,轉搞公司未做過的資訊科技。「咁多年跟住屋企,好多行我哋都涉及,我覺得好多生意,都係一理通百理明。」年紀輕輕的邱達根,做生意比父親更狠,四年 前,他大刀闊斧將公司轉型,要放棄老豆的多年心血,投資國內重點軟件企業中軟國際,他覺得父親不能再泥足深陷。「嗰時見entertainment好難 做,你冇得話感情用事。」邱德根見兒子要走另一條路,就預了交學費。「邱達昌都唔知交過幾多千萬學費啦。我當然希望佢哋做得好過我,青出於藍,但青唔到冇 辦法。人生不滿百,常懷千年憂。」事實上,邱德根的身家逐步縮水。單是○二年,三間上市公司共蝕了四億多,交的「學費」確實驚人。多年來,他俾足機會每個兒子,即使四子達成坐監後,仍安排他到新加坡過新生活。眼看孻子雄心勃勃,他亦盡力栽培,過往多由「老虎仔」達昌陪他出席的國慶酒會,去年換了達根,似乎是想為他打通經脈。

老 婆影響大Duncan對記者說很孝順,經常抽空陪父母,即使有了意中人,也會先讓父母過目。「你要咩(拍拖)嘅話,要俾佢哋知係咩人。」可是邱德根對兒子 當年拍拖事,就顯得一頭霧水。「唔係啩!佢話有就有啦!」年頭,邱德根為兒子舉行百萬婚宴,自言喜歡大家庭熱鬧生活的Duncan,婚後選擇二人世界,邱 德根唯有送他千呎跑馬地豪宅。現在邱家的荃灣半山四萬呎大宅,只剩兩老。「冷清唔使講,年紀大梗希望同仔女一齊住。(有沒有叫他們同住?)你唔好咁天真 啦!」雖然Duncan說自己每星期也會回家住幾晚,但邱德根仍覺得與兒子的距離遠了。邱德根說兒子婚後,多少會受太太影響,他看得好開。「世界都係咁, 啲仔過咗十幾歲,邊個會聽話?」Duncan的新屋,設計簡單,不再像大屋富麗堂皇。「住咁多年都係老豆嘅style,年代唔同,依家你見有幾多人係宮廷 式裝修?」

成熟童年當年邱德根愛帶着兒子在身邊巡視荔園、ATV,或多或少令Duncan見盡不少人和事。「荔園係個木人巷,你咩都見到, 咩人都有,我仲見過爛仔打交,連動物都要管(理)。」Duncan小時候,生母裘錦蘭忙於做公益事務,他經常跟在不同的哥哥身邊。「以前阿爸阿媽都忙,我 由阿哥輪流帶;跟八十年代嘅阿哥做呢啲嘢,跟九十年代嘅阿哥做第二啲嘢。」正因如此,廿九歲的Duncan世故謹慎,問他童年趣事,他說:「唔記得。」再 追問,他頂多說:「大笨象天奴囉,嗰陣有人俾釘混香蕉佢食,佢會對人噴水㗎。」反而邱德根好記得,達根出世當日,是荔園的老虎死期。「嗰日管理員唔記得閂 閘,隻老虎走咗出嚟,俾漁農處打死咗,直情好。」

捨得使錢邱德根節儉成性,對兒子,他一樣要求他們遵守。「唔俾嬌生慣養,有邊架車坐邊架 車,有咩餸食咩餸。」今時今日,他自覺兒子沒一個像他。戴着過萬元LV錶的Duncan說:「我覺得應用則用,貴我都捨得買。」Duncan喜歡打 golf,會買貴價球棍,衣服也揼本,西裝經常更新,閒時會同太太去外地旅行「充電」。Duncan做事有自己的一套,對於父親邱德根希望在有生之年重建 「宋城」,並不苟同。「實際上唔可能,我覺得凡事都要計數。」但他仍感激父親的安排。「你要明白個game點玩,好感謝爸爸媽媽俾咗咁多嘢我,呢啲冇得 ignore。」


德根 孻子 子邱 達根 無情
PermaLink: https://articles.zkiz.com/?id=25057

邱達根:六千萬打造新荔園!

2015-05-28 NM 「荔園小天地,最多快樂陪住我哋。」 當年麗的電視兒童節目主題曲再次響起,荔園,返來了。 今年三月,一代娛樂大亨邱德根突然在家中暈倒後離世,兩個月後,孻仔邱達根宣布重開荔園,投資六千萬元,將父親的代表作之一,在中環海旁重現。 父親離開兩個月,邱達根在訪問中仍語帶哽咽,為他呈上這份遲來的「禮物」。 四十歲的邱達根,自小得父親寵愛,帶在身邊,年紀輕輕已接掌上市公司遠東控股(36)。 典型的富二代,醉心資訊科技,意氣風發之際,卻捲入官司。蟄伏數年,邱達根帶着集體回憶重踏舞台。當年的少爺仔,如今為三子之父,磨走菱角,科技達人變身歡樂大使,成為本週最紅人物。 樂園未開,回報未知,已先贏一仗。禮物•遺憾 上週四,邱達根以荔園主席的身份召開記者會,宣布新荔園將於六月二十六日,在中環海濱重開。樂園佔地二十萬呎,設有五十個遊戲,包括數個荔園的經典遊戲,如鬼屋及旋轉木馬等,甚至大象天奴,亦會以機械身重生。 記:重開樂園是誰的主意?為何有此計劃? 邱:一路以來,在家庭聚會中,父親不時口噏噏想做番荔園。佢喺我眼中係個創業家,成日想開新嘅生意,新嘅業務,佢睇到其他遊樂場,感慨話我哋都應該留番荔園嚟做。到○五年,政府曾就發展欣澳展開諮詢,我做咗個proposal,同爸爸講,不如試吓喺嗰度起番樂園,但後來政府因環保問題收番塊地。 記:爸爸對新荔園有何要求或意見? 邱:去年底,我發現可以租到中環塊地,專登帶佢去國金軒食飯,嗰度望到塊地,當時AIA做緊(嘉年華),想俾佢睇吓。爸爸強調新荔園要與時並進,有多啲新嘢,唔可以令人覺得冇進步。如果佢仲喺度,一定俾好多意見,佢會有好多諗法。 記:爸爸看不到樂園開幕,成為遺憾? 邱:係。當個plan出來,有幅地圖,已趕唔切俾佢睇。但佢知道幾時開,我叫佢mark低,當時話你記得來。(語帶哽咽)我相信佢覺得我有能力做到。 記:除了荔園,爸爸還曾計劃在荃灣川龍地皮重開宋城? 邱:唔係宋城,係想起《紅樓夢》嘅大觀園,同埋荔園,佢不嬲鍾情中國文化。 起跌•天使 孻仔孻心肝,深得父親寵愛的邱達根,三十歲不到,已出任家族三間上市公司之一的遠東控股(當時名為遠東科技)的董事總經理,進攻資訊科技市場。一○年,邱達根惹上官非,被控於○七年時,違規向父親借出六千多萬元貸款。審訊期間,邱達根辭去上市公司所有職務,轉趨低調,一二年獲判無罪。邱現仍持有約一成八遠東控股股份。記:打造新荔園的資金,是個人或家族投資?邱:係我個人嘅project。當然我開始嘅時候,個個阿哥都有通知,佢哋都話:「好呀,好呀,你去搞吖。」記:何不以上市公司名義發展荔園?邱:暫時不會。因為short term形式唔適合放入上市公司,會計師問數都問到你傻,冇可能計到。如果有長遠計劃先再諗。記:經過單官司,你有何體會?邱:係一次好好嘅經驗,擔心一定有。當時老豆同我講:「驚咩呀?你又冇做錯嘢,我都打過唔少官司啦。」那次官司,令我有個機會去replan自己嘅人生。人總有起起跌跌,那一刻先諗自己真正想做咩。可以話因為咁,所以我先搞荔園。記:離開遠東後在做什麼?邱:我自己有個天使基金,投資早期嘅資訊科技公司,香港、大陸及以色列都有,幫佢哋發展。今次荔園,會加入一啲用科技來玩嘅遊戲。依家嘅樂園,係咪仲係硬邦邦擺喺度?點都要同你嘅生活,如手機,有互動,離開樂園後,仲可以玩同交流。但因為審批問題,今次只係做到少少。 兄弟•巧合 邱德根有兩個老婆。第一任妻子裘錦秋為他生下四子一女,後遇空難去世。邱再迎娶亡妻胞妹裘錦蘭為繼室,生下三名兒子,包括邱達根。在父親安排下,兩房子女分庭抗禮。上月底,長房次子、花名「老虎仔」的邱達昌,宣布向通訊局申請免費電視牌照。兩兄弟,不約而同走上父親的舊路。記:同一時間,哥哥搞電視,你搞荔園,是時機促成或其他原因?邱:絕對係巧合,(收起笑容)因為我哋都冇預計到爸爸會突然過身。(低頭抆一抆嘴,聲音略震)我哋都想爸爸喺度o架。記:你和大房兄姊的關係如何?邱:爸爸係個好重視家庭嘅人,個個星期都會聚會,食飯、見面。咁多個哥哥,對我來講都一樣。出面用一房二房來形容(有不和傳聞),我哋不嬲無澄清,其實你睇番我哋屋企嘅history,大媽咪同媽咪係兩姊妹,關係好好。大媽咪不幸過身後,爸爸再娶媽咪,所以,一、二房係咪apply到呢?記:爸爸如何影響你?你和爸爸名字中都有個「根」字,特別寵你?邱:佢嘅座右銘係自強不息。佢有種威嚴,大家兄弟都驚佢,但佢唔會管我哋,唔會打仔。我讀到中六先去外國,啲阿哥就十一、二歲就出去讀書。另外,我長大嘅時間,佢年紀大啲,冇之前咁搏殺,尤其是ATV之後。到佢七、八十歲,成日會同我哋講吓笑,係一個幾好玩嘅人。至於個名,我估佢改到悶悶哋,七個仔,呵呵。佢最後都冇答到,點解將佢個名俾我。
達根 六千 千萬 打造 荔園
PermaLink: https://articles.zkiz.com/?id=149662

邱達根評送禮app:難儲熟客

2016-04-07  TNM

對一班無甚心思的港男來說,要諗送咩禮物俾女朋友,足以頭痛過諗如何打爆機。三個好友:Mable(劉智美)、Samantha(周綺霞)和Fung(林方龍)的共通點,都是喜歡花心思、諗禮物。結果他們夾手夾腳想出送禮app—Pressie,將不同牌子的商品重新組合,「打包」成禮物或活動,解救一眾港男。可惜此app只紅個別product不紅公司本身。今次,本刊找來想出用手機app捉鬼的荔園後人、香港資訊科技聯會會長邱達根品評。他認為此app似event company(活動統籌公司)多過購物app,要發圍要諗計。我點sell:幫人製造驚喜!

依家香港人工作太忙,壓力又大,我哋推出Pressie呢個app,希望可以透過送禮物去氹人開心。Pressie係一個送禮app,喺我哋平台上,有不少產品俾顧客挑選,大部分嘅產品我哋都重新包裝,背後隱藏驚喜。例如我哋分別搵到做餐廳及餐酒嘅商戶,將兩者結合為一個產品,客人在餐廳食飯後會送支紅酒。又或者客人選購咗份禮物後,我哋會幫你包裝好,送到朋友屋企。有時我哋仲會與不同品牌合作,推出獨家商品。例如之前就同花店合作,在花束旁加上小王子擺設,再用玻璃罩住售賣。呢個產品反應非常好!我哋希望透過貼心嘅服務,及出售特別產品,令香港人唔會錯過任何一個重要時刻,同屋企人、愛人或者朋友分享快樂。暫時Pressie推出咗半年,已有八千幾位用家。我哋亦試過同K-11、HMV、The Grand Cinema合作搞活動,反應都唔錯。我哋九個人的團隊,會不時諗好多創新idea,務求令每個客人都可以喺Pressie度,搵到適合又特別嘅禮物送俾身邊人,可惜我哋唔夠media budget去賣廣告,只好不停搞co-branding event,希望打響名堂,呢方面要請教邱達根先生。

專家盤問:產品唔夠exclusive

邱:邱達根P:Pressie

邱:Pressie現時有幾多download?有無做咩marketing去宣傳?P:Pressie大約有一萬九千個download,我哋試過落facebook和Google廣告,亦會透過和不同的品牌合作做推廣。我哋之前試過和HMV合作,情人節時喺HMV店內做宣傳去谷download,客人如果下載Pressie app,在HMV內買嘢可以享有九折優惠。透過每次和不同品牌合作搞活動,有助增加Pressie的交易量和下載量。

邱:暫時最多人在Pressie買咩?送禮對象是女朋友定小朋友多?P:送俾女朋友多啲。我哋嘅對象係young professional,佢哋部分有自己的family和小朋友。我哋有時都有相應的產品賣,但Pressie唔係專注喺family或者baby gifting。我們賣得比較好的產品,大部分都有talking point,好似我哋會和不同品牌合作,在Pressie推出一些獨家商品,例如搞藝術團,去ATUM品嘗dessert及搵巴塞隆拿的文字藝術師喺筆記簿刻名。一般嚟講co-branding嘅商品都賣得比較好。

邱:你哋exclusive產品唔夠多喎!P:我哋有啲產品睇落平平無奇,但唔少都暗藏驚喜。睇落似normal deal,其實大部分都有add-on service喺入面,例如你可以在app上面買一間餐廳的晚餐,但食飯嘅時候可能會送多一個生日蛋糕,或者一支酒俾你。

邱:有不少香港人都鍾意用好抵嘅價錢去「執筍嘢」,你們有沒有類似的優惠?P:雖然Pressie唔會玩劈價,但我哋都有weekly surprise,有時可能是價錢上平少少,可能是咖啡半價。有時就有特別的產品推出,例如我們有推出過99蚊自己調配香水,反應都唔錯o架。

邱:其實你賣俾個客的價錢要盡量平,唔可以貴過出面,咁中間的margin夠唔夠你營運和用作將來擴充?P:暫時嚟講算OK,因為我們和團購嘅形式唔同,有啲知名的團購公司都係先劈半價,然後再扣commission rate,要好多成交量先cover到筆數。但我們是透過出售exclusive嘅商品,客人喺外面買唔到呢啲商品,自然可以drive sales,變相我們賣的量唔需要好大,但我哋可以做到佢哋(團購)的成績,兼且有餘。

邱:如果你靠搞活動不停在small group drive下載量,每次一千、幾百人,個量唔夠大之餘,上一批嘅客又未必啱你下一個event,咁樣可能會流失之前嘅客,然後你又再搞event去吸客,咁樣其實你會唔會好似一間event company?P:Co-branding event,只是我哋其中一個方法去提高知名度。我哋每個月和不同品牌搞活動,只是想將更多特別嘅禮物放上Pressie app,令客人喺繁忙嘅時候,都唔會錯過任何一個機會去愛身邊的人。所以event並非主導,只是我們缺乏media budget,只好透過活動去令更多人認識我哋。

終極判決:要成為一個trend

唔好講幾多分啦,我唔鍾意用分數嚟衡量一件事,但Pressie透過送禮物去帶俾人開心感覺,和link up朋友間友誼,呢個出發點唔錯。加上現階段香港未有太多同類型app,都是他們的優勢。但透過搞不同marketing events,雖然可以吸到不同嘅客,但要注意點留住佢哋,令佢會繼續在app上面買嘢,之後要重點做多啲同類型活動。Pressie現時的用戶人數不多,知名度亦唔夠高,我認為無論在facebook,抑或喺手機app,都要令佢成為一個trend,先可以吸引更多用家去download。我覺得送禮物俾朋友並唔係大趨勢,唔會有好多人日日送禮物俾朋友,所以我建議他們從慈善方面入手,當客人在Pressie app上買嘢,原來過程中幫到人,做咗件善事,或有助Pressie打響名堂,令更多人認識呢個app。

撰文:蔡璿驩攝影:關永浩攝錄:廖健昌ed_bn@nextdigital.com.hk

達根 送禮 app 難儲 熟客
PermaLink: https://articles.zkiz.com/?id=191656

邱達根脫盜公款罪 官斥企業管治差 轉介證監調查

1 : GS(14)@2012-05-09 22:42:47

http://www.mpfinance.com/htm/Finance/20120509/News/ec_gha1.htm

遠東控股前行政總裁邱達根(左)脫罪後,與妻子、香港仔昌記魚蛋太子女蘇健恩(右)牽手離開法庭。(劉焌陶攝)

【明報專訊】遠東控股(0036)前行政總裁邱達根聲稱憑父親邱德根名氣可多抽新股,被指聯同兩名下屬3次動用公司6100萬元轉至父親的私人戶口。3人經審訊後,雖然洗脫串謀詐騙等罪,但法官指案件反映企業管治差勁及鬆散,令公司蒙受損失,表明會把案件轉介證監會等跟進。

證監會發言人對本案沒有評論。至於控方會否上訴,律政司發言人指出,會研究法官判決理據和主控官報告,才決定是否進一步跟進。

3名被告分別為邱達根(37歲)、遠東控股前財務總監呂鴻光(52歲)及前高級投資經理容劍冰(52歲),3人均沒有案底。法官姚勳智裁判時稱,控方指遠東控股未有召開公司大會批准轉帳,董事會亦沒有書面決議,實際上並沒有把新股轉至遠東控股,更沒有股份分配紀錄。

邱達根自辯時指出,案發期間新股上市熾熱,他希望多抽新股,如可借助其父親、主席邱德根名氣,把資金集合或可取得更多股份,邱遂借用父親戶口當作公司戶口抽新股。

稱借父名氣多抽新股

姚官指出,邱首次處理大額轉帳,不可能沒想過要獲董事局的書面決議,故相信他只是把公司的錢當作「自己錢」,沒有理會最終錢銀去向。另外,遠東控股亦有名氣,實在毋須借助父親,故不接納邱的自辯。

辯方:資金有紀錄 不存隱瞞

但姚官同意代表辯方的資深大律師包樂文陳辭,指資金轉向有所紀錄,根本不存在隱瞞,加上邱德根兩戶口內有足夠餘款,毋須以公司資金作私人投資,控方未能證明眾被告不誠實地串謀轉帳予邱德根作私人投資。

官﹕邱把公司錢當「自己錢」

惟裁定眾被告脫罪後,姚官特意指出,本案屬家族式上市公司缺乏透明度、小股東利益容易遭擺佈的例子。另外,負責遠東控股審計的德勤發現問題並召開會議,但眾被告、會計師和所有董事均同意,假稱遠東控股投資變成邱的私人投資,毋須修改公司總帳,避免發出有保留意見的審計報告。

姚官對此感到驚訝,全因眾被告的企業管治差勁、鬆散,導致公司有所損失,指示把案轉介予證監會或其他合適機構跟進或制裁。

【案件編號﹕DCCC1086/10】
2 : GS(14)@2012-05-09 22:43:44

http://www.mpfinance.com/htm/Finance/20120509/News/ec_gha2.htm
籲公私資金清楚分割

浸大財務及決策學系副教授麥萃才表示,亞洲不少企業均由家族持有及管理,決策時可維繫家族利益。麥指出,雖然有時家族及小股東利益會一致,但上市公司需向小股東負責,家族式上市公司部分成員未必太了解如何管理公司,或會公私不分,把家族利益凌駕股東利益之上。

麥萃才稱,現時不少公司限制股東動用資金上限;另外,為免如本案般有董事挪用公司資金,他認為應「公司還公司,私人還私人」,把兩類戶口完全分割。

3 : GS(14)@2012-05-10 00:28:09

http://hk.apple.nextmedia.com/news/art/20120509/16320144
邱德根幼子甩串騙罪
官指公司管理差 建議證監會跟進
達根 脫盜 公款 官斥 企業 管治 轉介 證監 調查
PermaLink: https://articles.zkiz.com/?id=279230

邱達根:擬設流動式荔園

1 : GS(14)@2015-07-14 11:46:23

http://www.mpfinance.com/htm/finance/20150714/news/ec_ech1.htm

【明報專訊】曾經負責擔大旗,並且專責打理遠東控股(0036)投資項目的邱達根,自5月份淡出遠控後,即專心處理家族原有的荔園遊樂場業務,及繼續打理原有的私人投資基金。他指出,荔園自6月下旬移師到中環添馬艦對出空地開業以來,首10日人流已經突破30萬,合乎理想。雖然荔園目前需要「打游擊」,到9月份之後要交還場地,但是他期望荔園設計的手機Apps可供遊客下載遊玩,並且擇機及視乎場地,再於香港開設移動式的荔園,讓港人重拾舊日回憶。

明報記者 陳偉燊

邱達根日前接受本報記者查詢時說:「以前入荔園的遊客,已經為年長一輩並為人父母,今次他們很多都有重遊中環荔園,希望可以借此讓他們下一代知道,以前父母兒時遊玩時的境,希望令兩代之間有機會溝通。」他為了籌備今次荔園再現,已經用了8個月時間,聯同工作團隊設計遊戲場地、整理地方及籌備開業。開業前他更親自和兒子測試園內遊戲,並且向記者了解鬼屋是否夠恐怖,他的一問頓時令在場記者莞爾。在中環荔園開業後,他更基本日日駐場打點一切。

懷舊遊戲結合Apps

中環荔園除了將過往在荔枝角經營的「掟楷磚」換香口膠、「碰碰車」、「咖啡杯」、「恐龍屋」、大象「天奴」及鬼屋「魔靈小學」等,移師過來,讓遊客回味之外,邱達根說,他們更增加科技元素,加添Apps,讓遊客可以在鬼屋內追蹤鬼怪,亦可以繼續參與玩Apps內由他們設計的其他遊戲儲下積分。因此在中環荔園連同Apps,前後共有50組遊戲及節目。

過往「掟楷磚」消費只需5毫,現在中環荔園「掟楷磚」要用銀幣投擲,均價5元,較以往大幅漲價,現場所見卻不乏大、小朋友不斷「掟錢」;同時場內亦有外籍及內地遊客過來玩樂一番。邱達根期望,待荔園在9月份告別中環後,到日後重開時,可讓遊客在Apps儲下的積分繼續過來新的荔園遊玩。

自6月25日開業起計首10日,中環荔園已經累積入場人數超過30萬。邱達根形容情理想,並且期待日後有更多遊人過來。相對荔園在1993年3月31日結業當日,單日吸引超過25,000人過來,在短短10多日累積的人數,與當年可以互相媲美。
2 : GS(14)@2015-07-14 11:48:20

http://www.mpfinance.com/htm/finance/20150714/news/ec_eci1.htm

私人投資獲利以倍計
2015年7月14日

【明報專訊】邱達根近年淡出遠東控股(0036),甚至以近2.06億元,盡沽手上約18%遠控股份,主要希望將精力用於投放在荔園及私人的投資上。他在遠控任內,曾將前身為亞洲電視控股,化身為投資公司,專攻準上市公司,當中見證到中國軟件國際(0354)及「財仔」公司第一信用金融(8215)上市,賺價最少以倍計,實行「刀仔鋸大樹」。

入股中軟第一信用

他對投資準上市公司頗有心得,早於2000年科網熱期間,便以2000萬元入股還未上市的中軟國際,後來後者上市後,遠控手上的中軟帳面價值即時大漲逾倍,前後分段出售手上原來逾27%股權,賺價超過1億元以上。後來遠控亦聯同其他10多名投資者及投資銀行界出身的人士,以1500萬元參與投資由冼國林發起的第一信用金融,參與發展「財仔」生意,佔股12.2%。後來第一信用更索性在偏遠地點兼一般財務公司沒有覆蓋的西貢設店,專吸需求較大的菲傭市場,殺出血路,最終成功以估值約2億元上市。遠控亦因此從過往投資亞洲電視,重新找得投資主題,變身成為專門的投資控股公司。
達根 擬設 流動式 流動 荔園
PermaLink: https://articles.zkiz.com/?id=291361

「只炒股炒樓 拒投資科技」邱達根批評港人短視初創公司難生存

1 : GS(14)@2017-11-05 15:23:33

【周一專題】傳統本地家族逐漸進軍科技產業,遠東發展(035)已故創辦人邱德根孻子邱達根創辦的慧科資本,斥逾2億元投資30項早期科技,當中三成屬以色列初創。即使家族與朋友均屬地產界,他仍批評港人只愛炒股炒樓,「口袋裏有100元都不願付出1元投資科技」,結果令本地創科企業難以生存。記者:周家誠


傳統本地家族僅長實李嘉誠投資創科最有標誌性,其餘僅以少量私人資金參與,或仍在物色項目階段,新近有信置(083)主席黃志祥表示將到以色列尋找投資項目。邱達根接受專訪時表示,外國投資者願意長線投資科技企業,相反香港投資者重視短期盈利,令本地科技公司難出頭。他批評香港欠缺早期投資,「個個都係做上市前投資,冇人願意投資早期創業公司,都係興嗰時先投吓咁」,他又形容基金要交數,「最好2至3年即食,上市後走人」。至於私人家族對創科投入亦不大,「都係要3年賺到錢,唔會投資一間初創10年,冇資金支持人哋咪走囉」。邱達根承認,若傳統地產商忽然投資風險較高的科技產業,或惹來投資者批評,但股東家族私人資金其實有能力投資,「唔係話履行社會責任,將資金扔落鹹水海,好多有潛力嘅公司係有回報」。邱達根指出,投資者毋須將所有資金放落科技產業,舉例每100元可拿5元投資科技,「但香港情況係1蚊都冇,咁你成個發展咪傾斜囉,話樓好貴,咁你99%投資去呢啲,冇辦法㗎喎」。

稱成功故事可吸引資金

要改善整體創科投資氣氛,邱達根認為香港首先要有成功故事,例如電子錢包TNG、GoGoVan,雖然是走大眾市場而非尖端科技,但進一步壯大可令人鼓舞,或吸引更多資金投資初創。邱達根大學時修讀工商管理,1999年因緣際會投資中軟國際(354)而接觸科技,不過2000年香港科網爆破,他目睹不少資金即時撤走,令到有潛力的科技公司「死晒」。他於2014年創辦慧科資本,專攻擁有尖端科技及具有知識產權的初創項目,並進行7至10年長線投資,現時投資規模約3,000萬美元(約2.34億港元)。慧科資本7月獲得證監會批出9號牌(提供資產管理),被問會否藉此希望其他家族青梅竹馬一起投資?邱達根坦言一直有向他們推介,「如果10年前叫佢哋投通常會話你傻,但呢兩、三年會有人直接問我有乜好項目,心態改善咗。」不過說到底,香港尚未有大量長期基金進駐,仍是一大憂慮,邱達根說:「好似我每月都接待一批以色列嚟嘅團隊,講真猶太人好現實,佢問你有冇人投資先?有我咪搬過嚟囉」。他認為家族若願意承諾長期提供更多資金,將有助初創落戶本港。



來源: https://hk.finance.appledaily.co ... e/20171030/20198745
炒股 炒樓 投資 科技 達根 批評 港人 短視 初創 公司 生存
PermaLink: https://articles.zkiz.com/?id=343688

邱達根投資逾百萬 開設荔園中菜館

1 : GS(14)@2019-02-21 17:25:51

https://www.mpfinance.com/fin/da ... 5481&issue=20190221
【明報專訊】港人集體回憶荔園,其設於荔枝角D2 Place TWO的全新中菜館「荔園.流金歲月」昨日正式開幕。荔園主席邱達根表示,荔園早年在荔枝角發揚光大,故回歸荔枝角設中菜館,是集團擴展業務的其中一步,未來不會局限於飲食業的發展,將朝多元娛樂的方向發展,延續「簡單的快樂」的精神。

「咖啡杯」及「過山飛龍」變身卡座

荔園總經理袁國基表示,「荔園.流金歲月」佔地約6400方呎,提供180個座位,其中荔園遊樂場內的「咖啡杯」及「過山飛龍」等遊樂設施改作卡座。此外,商舖內部分樓面設中環民園麵家牌檔「復原版」,讓顧客可一邊回味荔園遊樂場及民園麵家,一邊用餐。

「荔園·流金歲月」今年1月起試業,昨日正式開幕,投資額逾百萬元,將視乎市場反應再決定集團的未來發展。
達根 投資 逾百 百萬 開設 荔園 菜館
PermaLink: https://articles.zkiz.com/?id=352157

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019