財經老師好搵過補習天王
1 :
GS(14)@2010-11-07 18:00:122010-10-27 EW
做財經好搵大家都冇乜異議，但即使周邊行業，都可以有唔少利益，好似財經名嘴，近年就好吃香。由於佢哋有知名度又有傳媒地盤，啲上市公司老細又想班大哥大姐美言幾句，於是頻頻邀約見面，大魚大肉不在話下，周不時仲奉上股票貼士；加上名嘴本身份人工，又寫吓專欄出吓鏡，收入都幾和味。
之但係既要講股又要返工，邊有咁多時間？特別咁多上市公司，稍有名氣嘅財經名嘴簡直應接不暇，於是乎有啲公司要見名嘴，就要好似啲富豪約女明星出席飯局，咁即係點？直接講咪畀錢囉！
老細要請食飯，需付費先請得郁某啲名嘴，聽聞話市場有啲星級名嘴收費隨時要三到五萬銀。嘩，你話幾巴閉，食頓飯要幾萬銀，唔知遲吓會唔會好似股神飯局，要放喺網上畀人競投？
財經老師好搵過補習天王
財經世界千奇百怪，過去大家以為開補習社好搵，補習天王隨時年薪幾百萬，羨煞旁人。但一言知道，?家有個新興行業，收入絕對媲美補習天王，每個課程收費吓吓兩三萬，整個課程約莫十堂，每班講緊六七十人，一班收入已過百萬。呢行係乜？咪就係辦投資補習班嘅財經老師。
呢啲財經老師部分係財經名嘴，有啲係做證券或者期貨經紀，佢哋慣常手法係喺報紙雜誌大賣廣告，話有免費財經講座，名額十分有限，有興趣者要預先留位。到講座時，講解投資知識或心得的時間唔多，但就不斷宣揚自己威水史，講到自己幾掂幾有料，總之就希望將你洗腦。
然後就會向出席者推介課程，例如乜嘢期指或期權投資、乜嘢技術分析，甚至乎必贏秘技等等，總之收費個個都萬萬聲。
財經老師好識捉心理，會跟學生講，唔係有錢就可以參加，佢會畀份試題啲與會者，要達到某個分數先會接受，無他嘅，等你覺得唔係人人可以參加，咁先矜貴嘛。同時，佢又會話，若果即場報名，費用會較原價平三到四成，目的不外乎要逼你早決定，情況有點似發展商賣樓，唔畀時間你想清楚。
佢最精明處，就係即場報名嘅收費金額，通常跟政府持續進修基金個上限金額相近，而佢哋啲投資課程又已經攞到政府認可，咁樣啲報讀人士就幾乎等同免費報讀。既然所費無幾，財經老師又講到個課程幾咁有用，試吓都無妨。
最貴課程每小時過萬元
唔好以為定價貴就冇乜人讀，偏偏相反，原來班財經老師經過分析，發覺人好奇怪，收得平啲人會認為冇料到，反之收得貴先覺得好嘢，簡單講係貴先有市場。行內有位老師，誇張到開一堂收兩至三萬，成堂只有兩個鐘，即係話每小時收費過萬。
不過，上完呢堂後，佢未來一年每日會畀個貼士啲學生，透過呢啲貼士炒期指，成功率極高。至於貼士係乜，最終又準唔準，一言未試過唔敢妄下判斷。呢位老師仲話，佢教過唔少高官，一個課程動輒數十萬，一言都奇怪，究竟邊個高官咁捨得肯用咁多錢讀呢啲課程？
2 :
亞力士(1473)@2010-11-07 22:28:10而家打開d免費報日日都有幾個，有冇讀過可以分享下？
3 :
abbychau(1)@2010-11-07 22:39:09之前RF 都有幾個呢d 廣告
4 :
龍生(798)@2010-11-07 23:46:48有冇勇者去闖佢一闖?
番黎再寫番篇文, 講下發生乜事?
寫手arthur 好似有類似經驗, 請現身說法
富事通：賣衫真係咁好搵？
1 :
GS(14)@2012-08-10 10:04:43http://www.sharpdaily.hk/article ... 1%E5%A5%BD%E6%90%B5
香港天價地舖，幾乎絕大多數係時裝連鎖店。
Fast Fashion，好似Zara、H&M又或者UNIQLO，股價又真係幾厲害。單純睇股價表現，H&M同UNIQLO（母公司Fast Retailing）過去一年，派息加股價，總回報超過3成。但係，佢哋都唔夠Zara勁，一年投機總回報，超過6成。
賣衫真係咁好搵？大家如果睇吓香港嘅時裝零售，完全係另一個故事。最簡單嘅解釋，就係話呢類牌子，衫換款夠快，價錢夠平，薄利多銷，所以比起傳統時裝零售更勁。論銷量，幾個Fast Fashion牌子都算升得快。尤其是過去幾年，呢幾個牌子擴張得真係好快。
不過，近來經濟不景，無論都有啲影響。幾間Fast Fashion牌子，市盈率仍然有24至27倍，絕對配合宏觀經濟環境。睇真啲，原來呢幾間Fast Fashion都有幾個特點：一，超低負債；二，現金流超勁。三；毛利率超高。
唔講大家可能唔知，Fast Fashion毛利近6成！賣實物毛利都有6成，真係暴利。再者，超低負債，甚至手頭有大量現金，意味幾間Fast Fashion，大把條件派息。事實上Fast Fashion派息真係幾穩定。
香港嘅上市公司裏面，又有冇類似嘅概念呢？思捷（330）有冇可能轉型成功呢？
李兆富
殺戮職場：迪士尼Part-time好搵過正職
1 :
GS(14)@2012-09-13 23:14:03http://www.sharpdaily.hk/article/sup/20120911/132349
說到飲食業欠缺人手，就想起早前《蘋果》爆迪士尼樂園員工大逃亡的報導。一位迪士尼開業任職至今的中層員工E告訴我，樂園員工流失問題的確嚴重。
「唔只F&B（餐飲部）缺人，商品零售部都係咁，其實報導出街前都話會加人工，咁啱俾人爆咗先！但係基層員工都係加咗幾百，同出面仲差大截。」 E說。
我奇怪：「唔夠人手，點樣維持運作？」
「請part-time囉！一個鐘$46，請咗好多學生同退休人士做兼職；同埋時薪有得加，做夠500個鐘加到$48，滿1,000個鐘加到$50，滿1,500個鐘加到$52，鼓勵人長做，所以好多舊人都寧願放棄樂園啲福利，轉做part-time，日日返10個鐘，計落條數好過做正職！」
「其實樂園由最初員工比例8：2，即係八成全職兩成兼職，到o依家兼職差唔多佔咗五成！不過太多part-time我哋（中層管理）就慘啲，有啲後生仔女冇交帶，唔返就唔返，你可以點？仲有，好多part-time冇經驗，淨係可以做簡單嘢，始終差啲，安排唔妥當好易出錯。」 E抱怨。
E還爆料，說迪士尼商品部面對另一問題，下次再談。
電郵：
[email protected]
作者：CK Leung
男人出錢受虐求快感爆乳女賺23萬勁好搵
1 :
GS(14)@2016-02-08 03:24:25英國一名二十一歲女郎三個月來不斷羞辱或虐待男人，甚至用狗帶拖著對方在街上爬行，但她沒被告發不特止，反而賺得兩萬英鎊（約二十二萬八千港元）的現金及名貴禮物，皆因顧客都是出錢「請」她羞辱自己，從而獲得快慰。家住伯明翰的巴倫（Paige Baron）去年十一月開始做這份「另類職業」，靠羞辱顧客獲得報酬。她稱有顧客會要求扮狗並服從她的命令、有人喜歡嗅聞腳趾、有人曾希望親吻她的鞋，要求千奇百怪，有顧客甚至出錢請她花掉自己的錢。「他們有這些癖好，想失去男子氣慨或變得軟弱，我只是幫助他們。」巴倫表示至今已接待過逾四十五位客人，主要是網上接客，估計共賺取價值兩萬英鎊的現金及名貴禮物，包括名牌手袋、iPhone6等等。她最近就有位顧客，專程飛到英國以一千英鎊（約一萬一千港元）作報酬要求「小狗訓練」體驗，戴上頭套、手套及狗帶，被巴倫牽在大街爬行。「我帶他散步、餵狗糧、剃頭髮、在頭上打蛋，又用衣夾夾肚再拔走。我甚至要他吠叫。」「很多人都覺得奇怪，有人認為這不是自願，但那真的是你情我願…我從沒想過我可以靠羞辱男人獲得那麼多金錢，這真的太容易了。」近日一條她在大街羞辱男人的片段被放上網，引來甚大迴響，家人全都感震驚，但她卻不以為意，又稱其實自己喜歡羞辱男人。英國《每日鏡報》／《每日郵報》
來源:
http://hk.apple.nextmedia.com/international/art/20160206/19482412
【搵食啫】調酒師有幾好搵？業界話你知！
1 :
GS(14)@2017-10-09 03:20:18想成為調酒師，是否跟吓師傅、或者「飲多兩杯」就搞掂？香港酒吧業協會副主席錢雋永指，香港現時大約有3000名調酒師，其中一半符合調酒專業資格。由於調酒師質素參差，酒吧業協會定期舉行考試，測試欲入行人士的調酒知識、經驗，以及操作上的技巧，能否應付一般酒吧日常運作等。現時調酒課程眾多，越來越多人選擇「學院派」，透過修讀調酒課程後入行。錢雋永表示，近年對女性調酒師需求有增無減，因為過往酒吧多是「任飲場」，時常需要體力勞動搬啤酒，但他笑言現時「時代變咗」，新式酒吧走高檔路線，講求格調、場地佈置氣氛，不惜大灑金錢裝修，因而歡迎女性入行。至於調酒師的起薪點亦大躍進，由十年前平均月薪8000元至9000元，至今天大約14000元，連同貼士，錢雋永指可達16000元至17000元，甚至有酒商會到酒吧高薪挖角，聘請調酒師當品牌大使，起薪達30000元。不過要做到一名出色的調酒師絕非易事，對酒吧運作熟識、性格樂天外向，錢雋永表示會較有優勢，「調酒師是酒吧的靈魂，除了時下流行的雞尾酒，調酒師今時今日需要有屬於自己創作的作品。」他舉例近年有用茶、藥材，以「養生」為賣點的新式雞尾酒。
來源:
http://hk.apple.nextmedia.com/financeestate/art/20171001/20169707
周鴻禕：王者榮耀「好搵過販毒」
1 :
GS(14)@2018-01-01 23:46:40【明報專訊】內地網絡保安公司奇虎360董事長周鴻禕一向有周大炮之稱，日前喺內地電視節目「總裁讀書會」聲言，手機Game《王者榮耀》一日就賺成億，比販毒嘅利潤仲高，唔知馬化騰聽到有咩感覺呢？
幫政府做「保安」好辛苦
周鴻禕唔知係咪食咗誠實豆沙包，喺電視節目話，做「保安」其實好辛苦，幫政府做網絡安全都唔係好賺錢，仲話做「保安」賺嘅錢一定冇做遊戲賺咁多。
佢話《王者榮耀》一日就可以賺成億，馬化騰只要開個角色外形畀大家下載，一日就可以有一億個下載。佢仲話自己好羨慕，會學吓做網路遊戲。佢講到明，呢啲「庸俗嘅錢」都要賺，皆因佢計過條數，遊戲生意比販毒利潤仲高，而且又冇販毒嘅風險。
不過，最後周鴻禕都講咗句「補飛」，自己做網絡安全好有成就感，因為可以令呢個國家或者社會嘅未來，包括物聯網嘅發展變得更加「安全」。
email:
[email protected]
[小琴密語]
來源:
http://www.mpfinance.com/fin/dai ... 8954&issue=20171228
Next Page