生日在即傳喜訊半百珍納積遜初做人母
1 :
GS(14)@2016-05-08 01:44:20美國著名女歌手珍納積遜（Janet Jackson）將於本月16日便50歲，上月忽然停工的她被指與富豪丈夫積極造人，昨日更有其身邊人代為承認懷孕消息，令珍納積遜踏入半百後初嘗做人母滋味。
■有指珍納積遜為現任丈夫陀B，是她首次懷孕。
■珍納積遜近日公開早前為單曲《Dammn Baby》拍攝的全新MV。
巡唱一波三折
已故樂壇天王米高積遜（Michael Jackson）的歌手妹妹珍納積遜，去年8月起展開世界性巡迴演唱會「Unbreakable Tour」，不過其巡唱卻一波三折，不僅被指多場騷的門票滯銷，去年底又傳出她聲帶疑有惡性腫瘤，珍納隨即停工接受手術。經休息約4個月，珍納在今年3月復出在杜拜開騷，原本她將要唱到今年8月，不過當她重踏舞台不久，上月初又在Twitter宣佈要把餘下個唱押後，並拍短片說：「我與丈夫計劃組織家庭，所以我需要停止巡迴演出，希望大家明白，這對我來說很重要。聽取醫生勸告，我需要爭取休息，但我不會忘記你們，我會盡快恢復演唱。」珍納與年輕8載的富豪老公Wissam Al Mana在2012年結婚，兩人結婚4年一度傳出婚姻觸礁，而前日有美國傳媒就直指珍納終成功懷孕，下半年將做50歲的高齡產婦。根據一名珍納的身邊好友透露：「她目前身體狀況良好，夫婦倆均非常期待能夠成為父母。」懷孕喜訊可算是珍納50歲生日的最佳禮物。對於英美傳媒也有轉載其大肚報道，珍納方面截至昨日仍未有正面回應，但她連日來就有更新Twitter宣傳單曲《Dammn Baby》的全新MV。撰文：哥羅
來源:
http://hk.apple.nextmedia.com/entertainment/art/20160506/19599431
趕得切猴年出世吳忻熹順產誕B再做人母
1 :
GS(14)@2017-01-26 18:22:16現年42歲嘅98年港姐季軍吳忻熹（前名吳文忻），6年前嫁畀有「南丫島王子」之稱嘅金融才俊陳劍陵，3年前仲生咗囡囡陳芊彤（Scarlet），佢一直有意再追多個佢，去年成功有孕，預產期係下農曆新年後，腹中B女昨日突然搶閘出世，提早咗成3個禮拜，由雞女變猴女。吳忻熹經過休息，昨晚喺facebook貼相報喜。吳忻熹仲分享咗BB靚相，樣子精緻，同媽咪生得餅印一樣，第二次做媽咪嘅佢留言：「陳施辰Season Chan，趕着出來逗利是，今朝急不及待要趕出來同大家見面，Season好合作，朝早7點幾穿水，媽咪喺屋企慢慢執嘢，冲埋個涼，成9點幾先去醫院，入到醫院原來已經開到3度，10點幾11點打完無痛已經開到7-8度，11點半等到醫生來開始生，12點就出世了！今次笫一次試順產，真係順利到不得了！原本是雞女的你，原來你是一隻馬騮女！Welcome to our family n wish u healthy n happy ever after!!!」相中所見剛剛生完嘅吳忻熹臉色紅潤，好精神，然做咗家姐嘅Scarlet好開心，係咁護住妹妹，好有家姐仔風範。《蘋果》昨晚致電吳忻熹，佢好興奮話：「今朝穿水，同時有陣痛，我上一胎係剖腹，未試過順產，今次仲一早book定開刀，估唔到係順產。」囡囡提早出世，趕住逗利是唔蝕底，但咁樣係咪打亂媽咪陣腳，佢話：「我其實都未買齊啲嘢，但OK啦，今日順產好快，好開心。好彩我搵定咗陪月，同佢講咗我可能會早生。」由於囡囡早產咗成3個禮拜，佢體只有5磅多，但好健康，母女平安，明日仲可以趕及年三十晚返屋企，一四口團年迎雞年，恭喜恭喜。
來源:
http://hk.apple.nextmedia.com/entertainment/art/20170126/19909546
孫慧雪嫁圈外男友兼人母陳宛蔚做「天使」識老公
1 :
GS(14)@2017-04-06 07:41:38錢國偉被視為大台綜藝節目嘅王牌監製，而佢嘅節目有一個特色，就係主持人有非常多女助手，就好似《美女廚房》有「粥粉麵飯」、《味分高下》就有「味之天使」、《耳分高下》就有「Sing之天使」，佢哋有唔少成員o依家都變晒做人妻。「飯」孫慧雪第一輯嘅《美女廚房》做「飯」嘅孫慧雪，入行十年不過喺大台都只係做配角。佢喺去年底同拍拖6年嘅圈外男友Edwin結婚，喺今年初仲宣佈陀B3個月，絕對係幸福人妻。「啤梨」張韋怡《味之天使》嘅「啤梨」張韋怡有份拍唔少電視劇，不過都係戲份非常少嘅角色，而佢喺14年未婚懷孕生咗囝囝，翌年先潘姓男友補擺酒兼幫阿仔擺百日宴。「梳打」賈曉晨06年參加過《美女廚房》做「美少女廚神冠軍」喺翌年仲成為「味之天使」，佢喺2012年同樊少皇拍拖，拍拖3年佢哋仲喺前年結婚。「雜果賓治」陳宛蔚參加過07年港姐嘅陳宛蔚，入到24強落不過就加入大台，仲被安排喺《味分高下》擔任其中一位「味之天使」，因為咁仲識到錢國偉，佢哋嘅緋聞傳到2012年先認拍拖，仲係2015年拉埋天窗。
來源:
http://hk.apple.nextmedia.com/entertainment/art/20170406/19981791
烈女人母晒紋身40歲大S：我還是我
1 :
GS(14)@2017-07-05 03:42:31現年40歲嘅台灣女星徐熙媛(大S)，喺6年前嫁咗俾大陸富二代汪小菲，舊年冒住生命危險生咗細仔汪希箖。上月仲因照顧小朋友太勞累，加上北京天氣變化大，引發心臟二尖瓣脫垂宿疾復發，喺屋企暈倒，好彩老公及時發現，救咗佢一命。雖然已經係兩個仔女嘅媽咪，不過一向走烈女路線嘅大S，昨日就喺微博貼咗自己去紋身嘅相，仲要係膊頭一個大範圍嘅紫色羽翼圖案，有指本身有紋開身嘅大S，每次紋身都唔使打麻醉藥，而佢就留言話：「我是人妻，我是媽咪，但我還是我，我的內心是自由的！」
來源:
http://hk.apple.nextmedia.com/entertainment/art/20170704/20078612
Next Page