ZKIZ Archives


貨不對辦 樂易玲老點何超儀

2014-03-20  NM
 
 

 

幾番被削權,在無線今時不同往日的樂易玲,見班「親生仔女」唔俾面,唯有變陣搵外援。去年底,成功氹掂賭王千金何超儀答應拍無線劇,講明角色度身訂造,劇集會安排台慶月黃金檔出街。點知貨不對辦!超儀埋位後始發覺徐子珊才是真正女一,加上盛傳樂易玲將由六嬸接收,安插入邵氏搞電影,在無線大勢已去,經她沾手的隨時變成籮底橙。擺明俾人氹入局,何超儀嬲爆。撞曬期

何超儀自資成立的852電影,公司投資開拍的新片《全力扣剎》已經殺埋身,但她依然分身接拍無線劇《再戰明天》,日踩夜踩,○○年拍過《創世紀Ⅱ》後,隔十四年再捱更抵夜拍劇,全拜樂易玲所賜。「大媽以前啲愛將個個都話走,冇牙力留唔到人,佢咪變陣喺出面搵外援囉!其實年幾前已經係咁


有話兒:超儀伊健熱血地底泥

1 : GS(14)@2015-03-29 12:31:36





何超儀、鄭伊健打羽毛球,水準如何?超儀告訴大家:「我細個係羽毛球校隊,喺多倫多攞過女子雙打亞軍。」真是有眼不識泰山,連拍檔伊健都呆一呆。超儀對電影一向有熱誠,近日更投資一個很少人拍的題材──羽毛球,取名為《全力扣殺》,為大家帶來鼓勵及正能量,就算是地底泥又如何?最後都可以贏得精采。撰文:溫敏芝



■伊健在片中演賊匪改過自新,全心全意打羽毛球。


電影《全力扣殺》,一聽戲名就知扣殺得狠,這部戲既有兄弟情、愛情及幽默元素,貫徹導演郭子健的風格,甚有《打擂台》的影子,由地底泥到出人頭地的勵志故事。



組班打波變拍戲


何超儀和鄭伊健日前在黃埔接受訪問,二人有着不同話題,大家似是熟絡,但又有點陌生,但他們的共通點都是同樣愛玩,開拍羽毛球題材,超儀解釋:「我喺多倫多係羽毛球校隊,攞過女子雙打亞軍,之後返嚟叫咗班朋友逢星期二打波,越打就越大班人,之後諗諗吓,不如開部戲啦。」超儀近年演的角色毫不介意形象,在《全》片中繼續飾演自暴自棄球手脹腩肥底,她笑說:「其實最好做靚女啦,但冇人搵我做。」伊健在戲中與劉浩龍、梁漢文等飾演改過自新的賊匪,伊健說:「賊匪真係冇乜做過,今次冇分話忠定奸,大家好有默契,好似超儀好盡力去做,佢身子虛弱,打波打到散咗,但佢又繼續撐落去。」超儀今次有份投資又擔正演出:「唔只我一個投資,但個壓力仲大,因為揹住一隻鑊。」伊健即笑說:「首先唔係一隻鑊,可能係一嚿金。」超儀再說:「希望大家睇完覺得正、夠抵死。」伊健和超儀在娛樂圈多年自然遇過人生低潮,伊健坦言:「年紀大咗,明白自己喺香港好幸福,其他地方有啲人仲慘,所以諗起嚟都係好小兒科,人係需要經歷,如果唔係就唔知乜嘢叫做好。」超儀附和說:「年輕時唔知自己想點,都搞唔清楚,腦囟都未生埋,人大咗,學伊健話齋,其實我哋已經好幸福,冇地震天災。」



■導演將《全》片漫畫化,片中有不少這類「騎呢」訓練場面。劇照

■《全》片延續彭浩翔的熱血風格,每個角色都發奮向上。



癲喪版《打擂台》


對於有人覺得《全》片有郭子健前作《打擂台》影子,超儀說:「今次成熟過《打擂台》,再細緻啲、瘋狂啲、黐線啲,因為有林敏驄喺度。」伊健則說最難忘是在垃圾場群毆的一場戲,他說:「嗰時我啱啱病好,拍下張枱啲塵都入眼,打到大家係咁食塵。」超儀指原本想找謝君豪演林敏驄角色,但因謝當時要演《南海十三郎》,所以轉演她哥哥,她說:「不過

【add】紅人主場:鄭伊健、何超儀 不熱血 毋寧死

1 : GS(14)@2015-04-02 19:09:39





On EkinGucci白色牛仔褸、牛仔褲及波鞋 Ekin's ownOn JosieFendi白色cutout皮褸Emporio Armani藍色長褲Tom Ford黑色厚楔涼鞋


「做人點可以冇火!」鄭伊健、何超儀在瘋狂笑片新作《全力扣殺》合作,像《少林足球》羽毛球篇,爆笑打波講做人哲理,追夢奮鬥只為做好一件事。現實中,一個47歲、一個40歲,圈中明星另一半、不生仔,同樣懷着心底夢想的一團火。超儀熱血搖滾,由1993年簽滾石唱足20年,死硬派想唱到衝上紅館;伊健舞台上努力做、努力做,新夢想想買舖搞食街,保留香港美食。兩團不同溫度的火,各自提煉着自己的人生。撰文:林妙萍攝影:郭賢興化妝:Angus Lee(何超儀)、Shuen Kong(鄭伊健)髮型:Jam Ng of AGLOW(何超儀)、Jacky Ma of Headquarters(鄭伊健)


Emporio Armani格紋zip up外套

【鄭伊健】

「我的第一個做戲導師,話最擔心的學生就係我!」鄭伊健當年揀了「唔係最叻」的演員做職業,新秀入行做歌手,他回望慶幸找到自己的空間,「唔叻咪唔叻囉,我搵到當中樂趣,搵到自己職業,再好好去做,將夢想好好實踐。」



想唱歌有突破

浩南哥的戲拍過不少,90年代型震江湖,有血有淚;聶風、華英雄耍完劍今期去打羽毛球;伊健演唱會當然也開過多次,但唱歌仍然是他想再突破的一塊地,「好多人以前會講,鄭伊健,佢好彩箒、佢好運箒、佢啲歌好箒。我唱歌停咗十年,直到五年前開番演唱會,我係做好我自己;之後再搵番班兄弟,我覺得舞台上,係仲可以再有空間去突破,問題係點演繹。」追夢不是十八、廿二專利。政府搞流動小販車賣熱狗,伊健新夢想是投資買舖,再平租給有心人搞食肆,保留香港美食,不要因租貴、食材貴而變質倒閉,「我自己,不過不失啦,可以繼續努力。夢想,如果可以,我想由食開始,行勻世界,香港美食真係一流,我買個舖位,好平咁租出去,幫嗰啲有心人,一個傳一個感染,再發展成一條食街。」



另一半和生仔

2013年與蒙嘉慧結婚,太太最近拍港台節目,各有各忙。對生仔問題,其實兩人有共識不生,但對外依然禮貌上講,「順其自然啦」,畢竟觀眾、粉絲有不同年齡層。「養貓囉,我其實好悠閒,打吓波,行吓山,去了解社會咁。」


Sacai軍綠外套及短裙

【何超儀】

訪問當天,何超儀病到感冒兼肺炎,上身穿了super warm也要露腿,死都要型;聲沙沒氣沒力,由《維多利亞壹號》講到麥浚龍《復仇者》的英語字幕,爆鬧了一輪,繼續其不熱血,毋寧死的何超格局。



直衝紅館搞騷

有份投資新片,努力講新片,但更愛唱歌,「我真的想拍多兩部片,就不拍了,去唱歌,去到我呢個年紀,人生應該拎啲時間出嚟享受吓。」心底熊熊燃燒、不滅的火其實是唱歌,2月開完叱咤搖滾妹子音樂會後,她想殺上紅館搞搖滾,「我哋開會有討論過,想直衝紅館,我學咗咁耐唱歌,真係好鍾意唱,唱歌係好個人化嘅事,好想俾人見到自己真面目,只想做好一件事。」演戲屬於另一種過癮,拚命演出最終決定權不在自己手,超儀認定問責無從問起、無得平反,觀眾也只能看到完成品。「上到台,我又冇導演,鍾意碌地就碌地,鍾意爆就爆,成件事衰咗,肯定係我衰,但我孭得起。」寧願唱爆舞台,自由發揮、成果自負盈虧,何家淑女,到現時有份投資製片,照計大把條件驕傲、發老四,「我諗,我未試過驕傲,你話脾氣唔好,我細個初出道冇咁多脾氣,

【風人院時間】杜如風X何超儀 生火研討會

1 : GS(14)@2015-04-11 11:45:33

■杜如風(左)日前訪問何超儀,大談超儀小時候的打波威水史。攝影:陳俊強


熱血,兩個字,一個有火一個搏命!做電影幾時都靠那團熊熊烈火,估不到做影迷也一樣搏命,電影狂迷杜如風今次為《蘋果動新聞》全新節目《風人院時間》擔任主持,竟然搏老命來一場火之盛宴,找來近年拍戲完全放棄自己儀態的何超儀玩講真話,她句句熱血,下下噴火,爆出一句「冇火就唔好做人」認真嚇親人;至於與曾傳緋聞的導演郭子健對談,更是另一場唔要命的訪問,玩火果然是杜如風的風格。撰文:王連連



杜如風遊走電影圈多年,做過編劇幕後,亦客串過幕前小角色,要她為《蘋果動新聞》的《風人院時間》找電影老友來東拉西扯,當然沒有難度。與她老友鬼鬼的何超儀早前找杜如風客串電影《全力扣殺》一個小角色,今次當然走唔甩,要為杜如風對談打頭炮。原來超儀是羽毛球健將,小學時候已是校隊,她長大後經常偕朋友打波,見到超儀的行頭,杜如風就問她為何愛上打羽毛球?超儀說:「小學時候,每個姐姐都打波,最初我唔識打,但打打吓無師自通打得幾好,之後有師姐招募我做校隊,由小六開始打校隊,升咗中學都打校隊,後來移民到加拿大都冇停,而且拎過無數次獎。」



■杜如風邀請何超儀上《蘋果動新聞》新節目《風人院時間》打響頭炮。

■何超儀手上的是她人生第一支羽毛球拍。



打空波最辛苦

拍攝當天超儀帶了人生中第一塊羽毛球拍到場,更穿上一件手臂扣滿章的冷衫現身,好奇的杜如風自然問起這堆物品的來頭,超儀乘機如數家珍的說:「呢件冷衫係vintage,我喺加拿大讀中學,係男女訓練學校,要操兵嗰種,有羽毛球隊嘅襟章,另外有R字嘅章,係因為學校叫Ridley,R就係代表最有價值球員,每年頒一次,我就拎過兩次。至於左手嘅章,係安大略省女子雙打亞軍獎章。」但是超儀後來已很少打羽毛球,早前她參加比賽,其姐找來以前在加拿大與自己球隊拍檔到場打氣,但超儀慚愧說:「覺得會令佢失望,我只打到7分,因為腳傷。」超儀在機緣巧合之下,發現其實很多人也喜歡打羽毛球,所以轉成商機,把羽毛球運動變成電影題材,把美夢成真,她說:「入行後少打羽毛球,十年前突然想起,就book場搵朋友打波,打打吓冇打。不過因為拍呢套戲我哋請咗前香港隊隊員凌婉婷做教練,朋友們捉住佢教,打打吓發現呢團人越來越大團,其實呢套戲帶個訊息係做人要有一團火,冇火就唔好做人。」超儀回想起拍這套戲也有很多辛酸,她說:「有時候拍攝時會打真波,好爽。但如果配合CG,波係後期畫上去,拍攝時我哋就變咗打空氣。有場戲已經話我哋球技好勁,要越打越快,打空波好辛苦,打到演員叫停。我頂唔順,唔夠氣想暈。」



■何超儀如願將興趣變作電影題材。劇照

■鄭中基等演員在戲中展現球技。劇照



自認尊尼親戚

最後杜如風問起超儀的另一事業,唱歌。雖然之前曾因為簽不到唱片公司而暫停,幸好後來得朋友鼓勵再做音樂。她早前推出唱片《搖滾妹子》,其中一首歌《Johnny Depp》由她填詞,杜如風爆超儀喜歡尊尼狄普(Johnny Depp),曾於家中拿着尊尼的影碟,稱對方是自己哥哥,超儀笑謂:「相信佢係親戚,何家親戚啲樣好易認,所以令我有靈感寫呢首歌,我想之後寄畀佢聽。同事繙譯咗歌詞,老公陳子聰睇咗,叫我千祈唔好畀,怕對方睇完會發禁制令。」





來源: http://hk.apple.nextmedia.com/entertainment/art/20150411/19108066

又使女人錢 劉浩龍問何超儀借100萬

1 : GS(14)@2015-06-11 12:36:51

2015-06-11 NM




上個禮拜,劉浩龍自度好橋,借「污糟論」推介新歌《走》,最終因涉嫌詆毀勞動階層,換來「海量」粗口問候。Plug歌plug出禍,連女友容祖兒亦幫理不幫親:「係魯莽咗!」追掂天后女友後,有指劉浩龍自此飄上雲端目中無人;唯獨對有個賭王老豆的何超儀,「友情」千載不變。據知,半年前何超儀更「義」字當頭,豪借一百萬俾劉浩龍應急。見高拜

早在華星唱片年代,劉浩龍跟何超儀已經相識,「由細玩到大」,劉浩龍對身邊這個有錢朋友,特別落足鞋油。「呢十幾年我哋班朋友都有眼見,師兄(劉浩龍)同Josie(何超儀)friend,但亦特別『擦』,每次成班人出嚟食飯,斟茶夾餸一定,有次Josie唔舒服要食藥,師兄即刻彈起身,仆去攞暖水俾Josie送藥,呢啲嘢,你叫waiter做咪得囉,佢又唔怕核突!」何超儀身邊人說。劉浩龍夠細心,何超儀亦視他為「自己人」,拍板開《全力扣殺2》預對方一角帶挈搵錢,飯局party,何超儀亦一定call埋劉浩龍。「其實我哋明示暗示都試過,叫Josie小心,但佢份人就係咁,咩都講義氣!半年前仲無端端借咗成百萬俾師兄。」知情人說。

一味靠黐

自與億萬天后撻着,短短兩年間,劉浩龍生活水平十級提升,住豪宅、揸靚車兼升呢做老闆,衣食住行都有Joey關照,身嬌肉貴,難怪怕手污糟。

搬上半山

為與女友拉近「距離」,劉浩龍由月租萬八的大坑五百呎「龍屋」,搬到月租三萬六的東半山雲地利道七百呎單位,每月俾多一倍租金,在所不計。

睇平戲泊錶位

陪天后到數碼港拍拖睇戲,師兄慳荷包,嫌時租十五元的停車場貴,改泊八蚊一小時的咪錶位,並選擇在星期二睇特惠場,為Joey製造廉價浪漫。

私有波子

Joey掛有車牌JY616的百萬波子,已成為了劉浩龍的私人座駕,方便男友做柴可夫接送。

換里數坐商務

準備開個唱的Joey要到美國進行操練,唔想分隔兩地,Joey以三十萬分的飛行里數(信用咭消費約二百四十萬元),換取兩套價值十八萬的商務票,「伴遊」劉浩龍一個仙都唔使俾。

注資日本餐廳

劉浩龍進軍飲食業,與范振鋒等好友開日本餐廳,其間有傳餐廳生意唔掂,師兄一度向女友Joey借60萬救亡。

靠女友轉會

為安排劉浩龍過檔太陽娛樂文化,Joey碌盡人情咭,搵中學同學、太陽娛樂股東之一的Alex幫手,將原本三年一百萬轉會費,增至二百萬。

傍到實

早前電影《全力扣殺》票房報捷,女主角兼老闆何超儀搞慶功宴,「債仔」劉浩龍全力傍實,之後傳媒叫何超儀影單人相,全體演員調頭走,唯獨劉浩龍留步化身「助手」,企在旁邊睇到實,細心到出奇。異性貴人多的劉浩龍,除了天后女友容祖兒、富貴何超儀,還有個何韻詩。○七年,正值何韻詩事業高峰期,首奪商台叱咤樂壇女歌手金獎的她,為助老友劉浩龍,除了幫手鋪路由正東唱片跳槽到東亞唱片,甚至自製假緋聞,令對方有更多機會見報。受人恩惠,但劉浩龍卻在何韻詩手中,撬走容祖兒,導致雙方關係決裂。「以前阿詩好撐師兄,當年仲叫埋許安志開聲,帶佢入東亞,總之無論公事私事,阿詩都好幫呢個朋友,點知轉個頭,佢居然走去追祖兒,唔hurt就假。」知情人說。

講義氣

有天后女友光環普照,劉浩龍有靚車揸,旅行搭飛機坐頭等,連轉會到太陽娛樂,亦是容祖兒一手安排,裡裡外外照顧周到。以為事業有個好開始,因為「污糟論」,連累容祖兒躺着也中槍,好在還有講義氣的何超儀撐到底。本週二(六月九日),何超儀離開渣甸山寓所,出發到柴灣工業邨開工,聽到本刊記者追問劉浩龍向她借一百萬,何超儀繼續講義氣:「冇呀!(如果有朋友開聲問你借錢會唔會借?)會,不過我都好想知,如果到我有事,唔知有冇朋友會借錢俾我呢?」

有借冇還

娛樂圈,有唔少義氣仔女,除了何超儀喜歡仗義疏財,仲有古天樂與杜琪峯。

吳卓羲

初入行的吳卓羲,做二打六月薪得八千蚊,「唱K」入不敷支,不時向引薦他入大台的古天樂呻窮,有指兩年間先後向古仔借近五十萬,事業上位後,「唱K」頻頻換車換女,但一個仙都冇還過。

林雪

好賭的林雪,多年來欠下巨額賭債,一手帶他由幕後走到幕前的杜琪峯,曾多次借錢相助並勸他戒賭,可惜林雪愈賭愈狼,借完又借,甚至欠下200萬波數,杜sir最終閂水喉。亦有指甄子丹見林雪避債著草,怕他禍及妻兒,現兜兜借出200萬替他還債,同樣一借無回頭。

超儀再演啷啷 「私」藏金魚

1 : GS(14)@2016-02-24 07:28:12

何超儀在電影《豪情》中演的「口技女王」趙啷啷深入觀眾心,就連新加坡導演邱金海亦因而邀請她在其新片《無限春光27》中再演類似的角色,但今次超儀「升呢」做導師教新人。在宣傳片中,超儀以導師身份講解私處的威力,仲在身上拿出一條活金魚等物品,嚇暈其他女生。《無》片內容以6個不同時代做背景,以性與愛串起故事,因為涉及很多性愛場面,所以在港會被列作三級上映。超儀昨日表示今次是新嘗試,原來她一直有留意邱導演,她說:「戲裏面我係個相當革命性嘅人物,因為佢將脫衣舞女郎重新定位,變成一種才藝表演。」超儀透露小時候,獲賭王父親何鴻燊教跳Cha Cha,才特別得心應手。採訪:李森





來源: http://hk.apple.nextmedia.com/entertainment/art/20160224/19502771

Eason夫婦日夜輪住探望陳子聰傳肝病入院 超儀停工照顧

1 : GS(14)@2016-08-09 07:10:47

【06年】【220磅 暴脹期】■陳子聰婚後身形暴脹,早前傳因肝臟問題影響健康,老婆何超儀已停工半年照顧,最近更在醫院陪過夜,夫妻情深互相扶持。資料圖片








賭王女婿陳子聰近月暴瘦和腹部鼓脹,現年43歲的他有傳於半年前肝臟出現問題,最近更秘密入院接受治療,跟他結婚13年的何超儀,已停工半年衣不解帶照顧老公,好友陳奕迅和徐濠縈夫婦連續兩日到醫院探望,前晚蘇永康和劉浩龍都輪住探病,眾人封口拒談陳子聰的病情!


賭王何鴻燊二房千金何超儀於03年下嫁男模陳子聰,做了賭王女婿的陳子聰勇闖樂壇和影壇發展,雖然事業上沒大紅大紫,婚後更體形暴脹由型佬變肥佬,但跟老婆的感情恩愛如昔。然而,近半年傳出陳子聰患病消息,6月更被傳媒影到體形暴瘦,肚脹如鼓,據知,最近陳子聰因肝臟問題多次出入港安醫院,近日又因病情加劇再留醫,前日眾好友輪住到醫院探病,情況令人憂心。



【01年】【160磅 最弗時】■陳子聰由澳洲回流時是model,01年時為了行騷減肥至弗身形。

【11年】【165磅 減肥後】■陳子聰因腳腫和心口痛入院,檢查後發現患上三高,3個月成功減去60磅變回弗佬。

【前年】【200磅 反彈期】■體形反彈的陳子聰,雙下巴和豬腩肉歸位。



父母趕到港

前日傍晚6時許,蘇永康拿着一袋麵包上病房,近8時劉浩龍(師兄)獨自出現,逗留至深夜11時30分,師兄跟陳奕迅(Eason)夫婦及超儀司機齊落樓,戴口罩的阿徐發現記者快步上車,Eason則黑面表現不滿,超儀則未有現身,相信是留在醫院過夜。到昨午Eason夫婦再頻撲到醫院探病,着背心短褲跑步look的阿徐,於昨午1時現身,問是否來探陳子聰?心情沉重的她雙手合十,醫院派保安攔阻記者,至4時許,Eason笑而不答搭升降機上病房。據知,平日愛飲酒的陳子聰,約一年前發現肝臟出問題,近月更不時出入醫院,超儀於半年前停工全心全力照顧老公,陳子聰的父母上月亦由澳洲趕返港探望!其實陳子聰於5年前曾因腳腫和心口痛入院檢查,婚後暴肥至220磅的他,發現三高:尿酸、膽固醇、血壓超標,被勒令減肥。對於陳子聰傳肝出事入院,超儀的公關發言人回覆:「有關超儀嘅私人事唔回應。」而24味隊友Brian則在電話說:「我未去探望,應該OK嘅。」問到陳子聰患甚麼病?他說:「真係唔清楚。」隊友阿肥則封嘴:「唔知喎,等我了解吓。」



【司徒拔道】【昨日】■阿徐前晚才探完陳子聰,昨午又一身跑步look急奔醫院探望。

【司徒拔道】【昨日】■Eason昨午駕車帶外賣抵醫院,對陳子聰病情封嘴拒回應。





■前晚蘇永康到醫院探好友後,由超儀的司機送他落樓離去。

■劉浩龍昨晚出席新城活動時,表示希望朋友身體健康。



師兄唔敢講

此外,師兄昨晚在會展出席新城音樂會,接受訪問時有備而來謂:「我係希望身邊每個朋友都身體健康,其他嘢我唔方便答嘞。」是否要封口?他說:「自己講嘢又唔叻,唔想越講越多,怕講錯嘢。」追問超儀會否好攰?他續說:「對唔住,我真係答唔到你。」採訪:徐錦池、畢紹基、馬建華攝影:朱志聰、羅德光、沈健程



■03年陳子聰和何超儀在澳洲舉行童話婚禮,在雙方家長見證下做賭王何鴻燊(左二)女婿。資料圖片

■24味隊友Brian(右一)和阿肥(右二)齊齊封嘴,避答陳子聰(左二)的病情。資料圖片



【肝病警號】留意眼黃肚脹

有傳陳子聰因肝問題入院,究竟肝病有甚麼病徵?醫學會前會長蔡堅接受電話訪問表示肝病分幾種:「急性肝炎會冇胃口、眼黃、肚脹、小便茶色、作嘔作悶;肝硬化會肚脹、肚積水、腳腫及有肝炎帶菌病歷;肝癌嘅病徵則突然暴瘦、肚脹、眼黃、上腹有硬塊;暴瘦同肚脹都可以係腸癌,唔一定係肝病。」蔡堅又表示肝病成因有好多,如遺傳、病惡感染,肝癌則是乙型肝炎或其他病引起,早期可手術切除,後期要接受化療。





來源: http://hk.apple.nextmedia.com/entertainment/art/20160808/19726994

老公陳子聰腸胃病好轉超儀展笑容 「安心晒」

1 : GS(14)@2016-08-19 06:55:48

■何超儀昨午探病後露出安心笑容,透露陳子聰幾好胃口。



何超儀老公陳子聰早前腹脹兼暴瘦,傳出因肝問題秘密入港安醫院,惟最近已轉到瑪麗醫院留醫。據本報收到最新消息,其實陳子聰是腸問題入院,日前已做腸胃手術,且精神狀況不錯,現在可吃流質食物,超儀終於放下心頭大石,昨日到醫院探老公時露出笑容,並在微博透露老公因腸胃不適需住院治理。



■超儀昨午帶自己煮的食物探病,表示老公病情好轉正在療養。

■有傳子聰因腸問題入院,上周接受手術。資料圖片


為老公下廚

昨午約12時,超儀在外籍保鑣陪同下現身瑪麗醫院,化行妝的她明顯有心理準備面對傳媒,滿面笑容說:「冇事㗎,唔使擔心,冇乜嘢,好番,已經治療好咗,而家休養緊,畀啲空間佢休息吓。」問到子聰幾時出院?她說:「未講,畀啲時間佢療養吓,我而家攞嚟畀佢食。」超儀坦言已停工照顧老公:「而家安心晒,所以大家都放心。」問到子聰有否做手術?她沒正面回應:「冇事啦,休養緊。」約個多小時後,超儀笑着離去,她說:「佢(陳子聰)幾好胃口,精神好多,好番好多,返去要研究吓煮乜嘢食,佢好開胃,又有笑,佢而家最想食嘢。」



■超儀昨日傍晚抵達深切治療部,等探病時間入內陪子聰。

■徐濠縈昨日出席活動,坦言一直有叮囑老公陳奕迅注意身體。


提早去探病

大約下午5時45分,超儀跟外籍保鑣在深切治療部門外等候,因探病時間為6時,超儀戴口罩篤手機等夠鐘,保鑣見到傳媒即攔阻,超儀提早5分鐘進入病房,保鑣則在門外把守。此外,好友徐濠縈昨在銅鑼灣出席活動,她說:「做朋友嘅有時間都會探,精神上支持吓,佢身體OK,放心啦,其實超儀都要照顧吓囉,我哋全部一齊瘦呀。」有傳阿徐老公陳奕迅介紹肝臟移植專家盧寵茂給子聰,阿徐說:「等超儀答啦,我哋作為側邊人唔答咁多,而家情況好番好多,希望佢快啲好番,等佢出嚟。」採訪:馬建華、羅慧敏攝影:陳志嵐




來源: http://hk.apple.nextmedia.com/entertainment/art/20160819/19741632

何超儀爆老公落到床

1 : GS(14)@2016-08-20 11:41:49

何超儀老公陳子聰日前因為腸胃問題入院,並由港安醫院轉到瑪麗醫院留醫。據知,陳子聰日前已做手術,目前精神狀況不俗,可進食流質食物,令超儀放下心頭大石,前日現身醫院亦展露笑容。昨日中午,超儀現身成人深切治療部,面對傳媒追問,超儀只說:「你哋唔好搞住醫院啦!」之後便進入病房,保鑣則全程在門外守候,而超儀約逗留一小時離開。問子聰是否已做手術及可有進食?她表示:「佢休養緊。」至於何時轉去普通病房?超儀說:「唔知㗎,要療養,你哋日日喺度都冇辦法。」又透露子聰可以落床。採訪:黃曉妍攝影:陳俊強




來源: http://hk.apple.nextmedia.com/entertainment/art/20160820/19743174

【馮仁昭四圍超】超儀蒲頭自讚新片

1 : GS(14)@2016-09-09 05:09:12

劇照





何超儀停工半年,一直全心全意照顧老公陳子聰,早前接受手術切除部份腸組織出院。噚日超儀貼咗張藍天白雲相,寫話:「迎接新的一天」,原來有好消息公佈。因為超儀套新戲《無限春光27》喺法國上映,票房同口碑好好,佢喺微博留言:「Eric(邱金海導演),我以你為榮,感謝你讓我成為你們團隊的一員。感謝這美好的一切。」撰文:馮仁昭




來源: http://hk.apple.nextmedia.com/entertainment/art/20160908/19763611

超儀賣甩阿徐獨撐LMF

1 : GS(14)@2016-10-10 16:14:32

■超儀興奮上台為LMF助興,但未見老公陳子聰同行。



樂隊LMF前晚在九展開騷,以往何超儀會約徐濠縈去捧場,但前晚阿徐去睇曹星如拳賽,超儀單獨撐LMF。據悉阿徐早前在Instagram公開了超儀老公陳子聰病癒近照,令超儀夫妻十分介懷。



■阿徐前晚沒有與超儀捧LMF場,反而去睇拳賽。

LMF於騷後受訪,被問到好友陳子聰沒現身,是否派超儀上台做代表?LMF說:「唔係,超儀睇得好興奮,即興衝上台。」對於在個唱中直指香港好荒謬,MC仁說:「太多共產黨仲唔荒謬?每一份報紙都係共產黨嘅,689仲喺度,點會唔荒謬,殺人放火金腰帶,而家唔相信報道,新聞係畀佢哋想我哋睇到嘅嘢,我唔想同蠢人睇埋同一樣嘢。」採訪:王連連攝影:陳慧安




來源: http://hk.apple.nextmedia.com/entertainment/art/20161010/19795878

阿徐:同超儀情不變

1 : GS(14)@2016-10-13 08:09:34

徐濠縈、鄭秀文及張智霖等昨晚在中環出席手袋品牌Coach活動,阿徐一現身即被追問跟何超儀反目的傳聞,她說:「你哋覺得有冇可能吖?我哋有通電話、有通message。」但拒談子聰近況。阿徐解釋當日是因去看曹星如拳賽,而沒有跟超儀一起去看演唱會,她說:「好明顯同超儀姊妹情不變,我哋好sweet又得、反目又得,作乜都得up to you。最唔開心day one搞呢件事嘅人。」



徐濠縈

游學修接受訪問時透露,有留意前度蘇麗珊的消息,但封口不答兩人有否聯絡。另外,鄭秀文透露今日會到北京工作,但仍未能復唱。採訪:盧妹攝影:林德雄




來源: http://hk.apple.nextmedia.com/entertainment/art/20161013/19798998

【爆相爆片】超儀落閘唔講阿徐Eason便服封腩

1 : GS(14)@2016-10-16 08:20:05

【精神唔錯】■陳奕迅日前被發現與太太徐濠縈到尖沙嘴的亞太中心,逗留一小時後才離去。讀者提供圖片



陳奕迅(Eason)曾肥到180磅,大半年前狂做運動減肥,結果成功減去不少肥肉,近期出席活動時已消瘦不少。讀者黎先生透過本報「爆相爆片」報料,指日前中午12時許碰見Eason與太太徐濠縈現身尖沙嘴漢口道的亞太中心,Eason一身便服打扮,見他肚腩消失,估計二人前往該處睇醫生。



【動作多多】■陳奕迅離開大廈時邊行邊玩手機,表情多多。讀者提供圖片

■何超儀前晚開騷時表現落力,心情看來不俗。

■有傳何超儀(左)不滿徐濠縈將陳子聰大病初癒照放上社交網。資料圖片


疑去做體檢

黎先生指Eason夫婦大概一小時後離開大廈,然後急步往另一條街乘保母車。從讀者提供的照片所見,Eason邊行邊睇手機,又一時抿嘴一時皺眉,表情多多。雖然讀者估計二人前往睇醫生,但二人精神十足,又沒有戴口罩,相信身體沒有大礙,只是做身體檢查。



■陳裘大(右)對兒子Eason管教甚嚴,曾反對他做歌手。

揈頭落力唱

另一方面,日前有傳何超儀不滿老公陳子聰大病初癒的照片被阿徐放上Instagram,導致好姊妹反目,但其後阿徐否認此事。前晚超儀聯同Kevin Boy(KB)為啟德遊輪碼頭舉行的第四屆香港國際紋身展擔任表演嘉賓,她先後唱了《黑超》和《天眼通》兩首歌,又揈頭又跳舞,表現落力,心情不俗,但就一早表明不接受訪問,阿徐和陳子聰亦未見前來捧場。對於阿徐與超儀反目,KB笑謂:「我呢啲做僆仔都唔信,不過唔容許我出聲,佢兩個係大姐姐。」此外,Eason的父親陳裘大日前接受港台《我們不是怪獸》訪問時,自言是怪獸家長,從小對Eason管教甚嚴,當年兒子讀大學選修學科也是由他決定,一心想兒子成為建築師,故Eason以唱歌作事業時他極為反感,直至在歌唱比賽首次聽到兒子唱功,才慢慢接受。採訪:皓騫、張俊銘攝影:沈健程




來源: http://hk.apple.nextmedia.com/entertainment/art/20161016/19801988

慶幸老公戰勝死神超儀寸阿徐多手洩密照「佢有分享症」

1 : GS(14)@2016-10-30 14:35:55

■何超儀昨日被問及與徐濠縈反目一事,她指已原諒對方,但雙方甚少聯絡。



相識逾20年的好姊妹何超儀與徐濠縈,近日傳因超儀不滿阿徐將她老公陳子聰大病初癒照片放上社交網而反目。雖然阿徐矢口否認,但昨日有報道指超儀承認照片外洩後已沒跟阿徐聯絡,又表示沒想過一張相片也被人利用。昨日超儀出席活動時,表示慶幸老公戰勝死神。對於與阿徐割席傳聞,超儀寸爆阿徐手多上載相片:「佢真係有分享症。」



賭王女婿陳子聰月前因腸胃問題入院做手術,並因病而體重急跌。雖然超儀對老公病情一直保持低調,但好姊妹徐濠縈卻將陳子聰大病初癒照片放上Ig,盛傳超儀為此極度不滿,與阿徐反目。日前阿徐被問到超儀因照片外洩而跟她反目時,阿徐加以否認,揚言仍有跟超儀聯絡。不過,昨日有周刊指陳子聰照片外洩後,超儀遭老爺奶奶及胞姊何超瓊指摘,超瓊並下令超儀禁阿徐再探訪。另外,陳子聰出院後休養的新地址又被曝光,由於地方僅得阿徐等幾個朋友知道,接二連三事件令超儀起疑。事後超儀受訪時,自爆再沒跟阿徐聯絡,揚言沒想過一張照片也被人利用。



■超儀(中)昨日為化妝品牌開幕任嘉賓。

■有指何超瓊(右)下令超儀禁止阿徐再探望陳子聰。

■阿徐(右)早前將陳子聰病癒相放上Ig,有傳相片外洩令姊妹反目。


「出頭髮靚仔番」

超儀昨日現身又一城出席化妝品牌NARS新店開幕禮,說到老公健康狀況時,她笑說:「而家老公身體好好,肥番少少。而家日日都買好嘢佢食,執番條命梗要食番好啲。佢出番頭髮,成個靚仔番,好似出道時做model咁弗,如果build up番啲肌肉就推佢返出嚟做model,而家佢好似筋肉人咁。老公好叻,戰勝咗死神。」超儀在外洩照片中變成佈景板,問她是否介意時,她說:「我同老公都唔介意朋友post嘢分享,但我哋立場係分享喜悅,真係唔明白阿徐點解會俾人偷咗相。」可覺得被人出賣?她說:「唔識答係咪俾人出賣,大家都要放過阿徐,佢可能錯手㩒咗箒,大家知佢出嚟食飯連啲菜都要影,佢真係有分享症。」



■超儀早前多次出入醫院探陳子聰,她昨指老公已戰勝死神。資料圖片

■超儀昨日寸阿徐(右)有「分享症」,愛在社交網貼相。資料圖片


「好憎Post相上網」

問超儀可覺不受尊重?她謂:「有少少唔小心咗,佢打咗嚟耍冧,都原諒咗佢。」會否下令朋友不要再影相放上網?她說:「都唔係第一次,朋友嚟屋企玩都有叫佢哋唔好影相,因為我唔鍾意影相,好憎佢哋post上網,互聯網唔可以相信。」超儀否認超瓊下令禁阿徐再探訪陳子聰,指家人只是不想探訪時惹來傳媒關注。問陳子聰是否介意近照被公開時,超儀謂:「我同老公都好無奈,估到佢係隨便咁post,多手咗。」跟阿徐是否仍是朋友?她笑謂:「我哋一夜係姊妹,一世都係姊妹。」有否跟阿徐聯絡?她說:「其實一直比較少,因為近來老公件事先至多咗聯絡,因為各有各忙,都少咗聯絡,朋友聚會都好少。」記者昨日曾致電阿徐,但截稿前未獲回覆,至晚上她繼續在Ig貼相,原來她在上海為馬拉松練跑。採訪:羅慧敏攝影:陳俊強




來源: http://hk.apple.nextmedia.com/entertainment/art/20161030/19816670

為善感同身受超儀救子聰:好亂,求助親友

1 : GS(14)@2016-11-08 05:54:09

■超儀大讚這兩位小朋友勁及生性。



何超儀昨日在沙田出席「蘋果日報慈善基金慈善行2016」擔任慈善行大使,其間超儀與一個基金受惠家庭洪先生及其一對年幼子女樂樂、欣欣見面,得悉洪妻早前因急性淋巴性白血病離世,超儀亦感動得眼濕濕。她說:「自己今年亦經歷咗一啲大嘅事件,好彩有身邊朋友同屋企人嘅幫助。年輕人可能冇經歷過呢啲病痛,係真係好需要其他人即時畀到意見,因為當時個人一定會好亂。」



■超儀透露最初得悉老公陳子聰患病方寸大亂,幸得朋友及家人解救。資料圖片

■收到小朋友親手畫的畫,超儀顯得十分開心。

■超儀(右二)昨早為「蘋果日報慈善基金慈善行2016」主持起步儀式。

早起做運動

問超儀當日知道老公陳子聰身體出毛病,是否都一樣覺得好亂?她坦言:「係呀,好多謝身邊朋友同屋企人救咗我,我都四周圍打電話向朋友求救,自己好多嘢唔識,有乜嘢解救方法都唔知,希望《蘋果》呢個基金,可以提供埋多啲方法畀大家參考,例如直腸病點醫、嚴重嘅有乜嘢後果?」提到子聰的康復進度,超儀大讚老公:「佢出院後keep住做運動,我而家追唔到佢,佢好乖,好有決心,仲弗過我,成日早起身過我做運動。」可會叫老公和爸爸賭王何鴻燊一齊做運動?超儀笑言:「有時我都返去同佢做吓,老人家有時唔願郁,我都要諗辦法氹佢,等佢郁吓。」另外,超儀昨日極受樂樂、欣欣歡迎,尤其只有5歲的欣欣,全程拖實超儀,又跟她合唱媽媽生前最喜歡聽的《一生何求》。


大讚小朋友

超儀謂:「妹妹個媽咪過咗身,不過佢哋好勁、好生性,仲教我猜枚,我仲keep住輸。」超儀又自爆自己向來不太喜歡小朋友,但昨日兩位小朋友都好乖。採訪:盧妹攝影:仇志德




來源: http://hk.apple.nextmedia.com/entertainment/art/20161107/19824914

撐老婆超儀剝阿徐皮Eason㷫,爆

1 : GS(14)@2016-11-14 01:08:33

2016-11-10 NM

因為放相上私人IG而令陳子聰消瘦病容曝光的徐濠縈,雖然已向何超儀道歉,並獲對方表示原諒;但事隔兩個月,超儀卻公開寸爆阿徐有分享症,又自稱討厭分享,聲言同阿徐冇聯絡。

舊事重提,超儀此舉即時辣着愛妻號Eason,更同友人鬧爆對方「講一套做一套」,專登搞大龍鳳落阿徐面,表明以後冇朋友做!舊事重提

老公陳子聰病容曝光,何超儀至今仍耿耿於懷,早前更公開寸爆徐濠縈有分享症,聲言討厭同人分享的她又直指與阿徐已經再冇任何聯絡,毫不留情地數落昔日好姊妹,令曾表示同超儀尚有聯繫的阿徐,更加冇晒面。

為此,徐濠縈心情極度不佳,老婆愁爆,身為老公的陳奕迅,亦對超儀所作所為有微言。

「阿徐放相上私人IG,純粹係佢見子聰好番好多,戥對方開心,冇諗過會俾人攞咗嚟登。不過,佢都知道係自己大意疏忽,所以都即刻打電話同超儀道歉認晒錯,就連Eason都有親自打俾超儀,當時超儀仲話知道阿徐係冇心,唔會放喺心度,叫佢兩公婆唔使擔心。「點知件事過咗成兩個月,超儀忽然又攞出嚟講,仲寸爆阿徐有分享症,講到好似佢有心放料咁,阿徐真係好唔開心!Eason亦有同身邊幾個朋友狂呻,話超儀講一套做一套,專登搞場大龍鳳出嚟落阿徐面!咁以後唔好再做朋友囉!」知情人說。

嫌疑最大

事實上,當得知陳子聰有病,Eason兩公婆都相當擔心,後來醫生批准陳子聰放假出院,超儀想搬去酒店住,等老公靜養,當時阿徐都有份陪超儀去搵地方。「就係因為阿徐同超儀去睇過地方,所以先會被懷疑放料,佢冇諗過,大家識咗咁多年,超儀都唔信自己,所以阿徐先咁唔開心!」徐濠縈身邊好友說。

好姊妹

徐濠縈與何超儀相識超過廿年,當年阿徐和Eason拍拖,也是超儀做紅娘撮合,多年來,阿徐同超儀好似孖公仔咁,互相見證人生重要階段。

Eason榮獲博士14年,陳奕迅獲英國母校倫敦金斯頓大學頒授「Honor Degree of Arts」榮譽博士,表揚他對音樂上的貢獻,Eason一家飛英國觀禮,何超儀夫婦及一班好友亦有拉大隊到賀。

超儀受勳早年何超儀憑喪屍片《Open Grace》啞女一角於歐洲黑山走紅,去年,更獲黑山政府頒發女爵士名銜,表揚她對電影熱誠。第一次獲封女爵士,陳奕迅、徐濠縈、劉浩龍等一眾好友組團現身見證。

演唱會互撐每逢Eason開演唱會,何超儀兩公婆必定現身撐場,去年,何超儀與樂隊Oni Boys在九展舉行演唱會,Eason兩公婆亦有到場支持。

撰文、攝影、攝錄:娛樂組

捐200萬行善 超儀Rock爆賭王95歲生日 藍瓊纓拖到實

1 : GS(14)@2016-11-26 13:51:05

■二太藍瓊纓前晚罕有露面拖實賭王的手,令賭王笑逐顏開。



賭王何鴻燊昨日95歲生日,今年更湊巧西曆與農曆生日同一日,二房前晚及昨日均出動賀壽,前晚二太藍瓊纓與四名女兒超瓊、超鳳、超蕸及超儀到養和醫院,如常按傳統支持他於01年創立的「賀禮捐公益」,捐出200萬元給公益金。久未露面的二太與超瓊及賭王都一身紅噹噹衣飾,兩人拖着手影合照,而賭王笑容燦爛,超儀亦搞鬼地擺出rock& roll手勢,齊齊食蛋糕及壽包。


八姑娘現身祝壽

超瓊與超鳳昨午再度現身,與公司老員工為賭王再切蛋糕,超瓊說:「何生好開心,希望樣樣嘢好順境,希望國家好,香港、澳門好。」提到二房捐了200萬元給公益金,她表示:「每年都係呢個傳統要保持。」提到農曆與西曆同一日有意義,她笑言:「係呀!每隔19年一次。」八姑娘何婉鴻專誠來港,於5時許坐輪椅現身,晚上就到四房慶祝。身在英國的超欣雖未能返港,其司機手持幾袋禮物送上病房,而四太梁安琪在澳門開立法會議後,與忙搞拍賣會的超盈趕直升機回港見賭王,四太除早前透露送籌碼畫作外,會否像去年一樣送肉嘴:「八姑娘早啲嚟同細佬傾吓偈,做吓運動,其他仔女忙完都會盡快嚟同佢切蛋糕。」



■二太藍瓊纓帶同女兒超瓊、超儀及超蕸為賭王預祝生日。

■超盈昨晚匯合四太探賭王兼打牌慶祝。

■八姑娘何婉鴻由澳門專誠來港,為弟弟賭王慶祝生日。

超盈昨晚趕返香港,先出席意大利商會晚會,再匯合四太探賭王兼打牌慶祝,她透露:「澳門拍賣會拍到1.7億,比預期1億成績好,係特登揀爹哋正日生日,當做送畀佢禮物。」另外,三房早前已預早與賭王切蛋糕慶祝,而超蓮昨日亦在Instagram貼出兒時與賭王及母親的全家福,更留言:「世界上最寵我們的男人我愛你,永遠讓着我們這三個搗蛋鬼,幫我們抗衡媽媽。」採訪、攝影:羅慧敏、陳慧安、朱志聰、黃曉程




來源: http://hk.apple.nextmedia.com/entertainment/art/20161126/19845678

大病初癒 日本城掃家品陳子聰一拐一拐超儀心急衝馬路

1 : GS(14)@2017-01-07 07:08:07

【細心揀櫃】■陳子聰大前晚出關在灣仔家品店看儲物膠櫃,精神明顯好了很多。




【灣仔】現年44歲的賭王女婿陳子聰去年傳肝、腸有問題,接受手術後成功跨過生命關口,老婆何超儀連月細心為他調理身子。日漸康復的陳子聰大前晚出關,行路時雖仍一拐一拐,但精神飽滿兼有小肚腩,他孖老婆拍拖到灣仔日本城掃平價家品,夠晒貼地,超儀更因心急上車陪老公衝馬路,幸保鑣攔着她才避過意外。



模特兒出身的陳子聰來自中產家庭,入行後拍戲及以24味組合出碟活躍娛樂圈,雖然在事業上未有大展鴻圖,但愛情上就搵到終身伴侶,於2003年在澳洲跟賭王何鴻燊的二房千金何超儀註冊結婚,婚後至今十三年恩愛如昔,惟去年中傳子聰的肝、腸有事致身形暴瘦,其後在瑪麗醫院接受手術,留醫深切治療部一個多月後康復出院,其間超儀停工貼身照顧,子聰經多月休養後身體轉好,大前晚兩夫婦更拍拖出巡。



【拍拖出巡】■賭王千金何超儀與老公陳子聰(中)行平民家品店,全程由外籍保鑣護駕。

【險生意外】■超儀心急過馬路會合老公,幸被眼明手快的保鑣攔着,避過迎面駛來的車。DV圖片


精神好現肚腩

大前晚約8時許,子聰和超儀由司機駕七人車到灣仔,外籍保鑣陪同兩人落車行去日本城睇家品,戴冷帽和着外套保暖的子聰,精神明顯比之前好了很多,但腹部卻離奇微隆似有肚腩,超儀就戴有框眼鏡着棉褸,兩人老夫老妻邊行邊傾,大病初癒的子聰行得比較慢,仍然是一拐一拐的,有指子聰受尿酸問題困擾,令行動有所不便,需要時間調理。雖貴為賭王千金夫婦,但超儀和子聰卻不是行高級名店,反而光顧平民家品店,認真貼地。他們入到日本城各自挑選心水家品,子聰專攻儲物的膠櫃桶,對放在購物架頂的透明膠櫃特別感興趣,還伸長手揭開櫃蓋查看,而超儀就看衣架及餐具等物品,大約行了半小時,兩夫婦揀選了合用家品,到收銀處跟其他客人排隊等付錢。超儀為免剛康復的老公太操勞,體貼地叫司機先陪子聰上車,她就負責排隊埋單,而子聰由司機陪同行去停車位時,不知是否太攰步履較慢,走在前面的司機都頻回頭看他。超儀在埋單後由保鑣陪同離開,保鑣幫忙拿着購物袋,不知超儀是否心急上車見老公,沒看清楚路面情況就想橫過對面馬路,幸身旁的保鑣眼明手快立即出手攔着她,超儀才急忙停下腳步,沒有被剛駛至的士撞倒。



■徐濠縈(右)在社交網洩陳子聰出院的病容相。資料圖片

昏迷六日蘇醒

超儀和子聰結婚十三年患難見真情,有傳子聰出院後超儀為了讓老公細心養病,更花二百萬元請私家看護及月租服務式住宅。之前傳子聰當日病情嚴重時,曾因肝劇痛在家中暈倒,留醫港安醫院深切治療部,昏迷了六日才蘇醒,先後接受兩次大手術的他,有指醒後出現部份失憶。不過,近月子聰幾次出關跟老婆行街,又與24味的隊友聚會,可見康復情況十分理想,超儀可以放下心頭大石了。採訪、攝影:徐錦池、孔志豪




來源: http://hk.apple.nextmedia.com/entertainment/art/20170107/19888928

阿徐 超儀 破冰行善

1 : GS(14)@2017-01-07 07:08:08

何超儀和徐濠縈十多年姊妹情,因去年陳子聰秘密出院後,阿徐在社交網貼合照令陳子聰的病容曝光,令姊妹情決裂,超儀暗寸阿徐有分享症,直指二人很久沒聯絡。不過,昨日起一連三天在銅鑼灣舉行的明星二手衫義賣,超儀、阿徐和老公陳奕迅(Eason)都捐出大批衣物,為善事破冰。



■Eason前晚到義賣場地巡視,於西裝口袋摷出利是封。互聯網圖片

Eason夫婦前晚親到現場視察義賣預備情況,有網友在社交網貼了Eason的短片,見到他正在巡視檢查西裝,發現口袋有一個利是封,Eason誇張笑說:「利是封,咁都摷到喎。」他立即拆開看看有否利是,之後鬼馬說:「冇嘅,一早已經攞咗。」阿徐亦於Instagram貼親做model的相,落力為義賣宣傳。撰文:皓騫




來源: http://hk.apple.nextmedia.com/entertainment/art/20170107/19888944

【馮仁昭四圍超】老公好番首度出埠 超儀巴黎追星

1 : GS(14)@2017-01-26 07:44:06

何超儀因為老公陳子聰去年腸臟問題入院,一直都貼身照顧,足足有一年冇出埠,日前超儀rock住去咗法國出席珠寶品牌Chopard活動,起行前仲喺香港同佢嘅樂隊「Josie and the Uni Boys」,去咗睇國際搖滾班霸Metallica演唱會。超儀本來都想同老公一齊去睇,但始終子聰唔係咁適合去多人嘅地方,所以冇去。而巴黎之旅,超儀著咗Marc Jacobs懷舊長裙配古董黑皮褸,同場仲有胞姊超瓊。



■超儀(右二)興奮孖胞姊超瓊(左一)同殿堂級影星基斯杜化華茲影相。

同茱麗葉合照

活動喺巴黎著名嘅劇院Theatre du Chatelet舉行,超儀係唯一被邀請嘅華裔藝人,除咗可聽到天后級歌手Shirley Bassey現場唱電影《鐵金剛勇破鑽石黨》主題曲《Diamonds Are Forever》,超儀話最興奮係遇到憑電影《希魔撞正殺人狂》(Inglorious Basterds)奪康城影帝、奧斯卡同金球獎最佳男配角嘅殿堂級影星基斯杜化華茲(Christoph Waltz),超儀話:「有機會見到佢好興奮,佢氣場好勁,我簡直想下跪向佢一拜。」另外,超儀亦有同法國著名女星茱麗葉庇洛仙(Juliette Binoche)合照。撰文:馮仁昭




來源: http://hk.apple.nextmedia.com/entertainment/art/20170124/19906560

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019