ZKIZ Archives


鋤Dee會一晚千萬上落鄭裕彤孖富豪由晚玩到朝

1 : GS(14)@2016-10-13 08:09:35

鄭裕彤(彤叔)在香港超級富豪中輩份雖高,但他卻喜歡與後輩的中港富豪一齊「鋤Dee」飯局,他曾在訪問中提及鋤Dee有助腦部記憶及廣交朋友,他在自傳亦提過愛牌局,但不會瘋狂賭博:「如果你賭得比我精,我唯有迴避一下,甘拜下風。儘管我有機會贏,但我深明運氣不會永遠有,我雖然是澳門娛樂公司主席,但入賭場我也不賭,我知道永遠都是莊家贏的。」彤叔是鋤Dee會的首領人物,其他鐵腳有「大劉」劉鑾雄、楊受成、恒大地產主席許家印,以及有「重慶李嘉誠」之稱、中渝置地主席張松橋等。據可靠人士報料,鋤Dee飯局多在灣仔皇朝會、遊艇上、大劉或彤叔家中舉行,一個星期聚頭兩次。由於彤叔愛鋤Dee,高峰期試過一星期開足4、5次啤局,眾富豪的「Dee腳」由下午3時開局,玩到翌日早上6點才散。早期他們愛玩鋤大Dee,每輸一隻注碼大概為一萬元,曾試過一晚有一千萬上落,要開支票結算。直至近10年,鋤Dee會轉玩「鬥地主」,曾與彤叔交過手的富豪透露:「彤叔記牌好叻,鋤Dee記得晒仲有咩牌未出,就算玩鬥地主,佢記唔晒啲牌,自己冇『鬼』喺手,都炸咗先,好博,真係佢『沙膽彤』本色。」萬一遇上運氣不佳,彤叔都不會發脾氣,但就會要求換一副新牌。另外,玩具大王蔡志明與彤叔相識逾20載,不時定期飯局聯誼,蔡志明接受《蘋果》電話訪問時透露彤叔是他很敬重的長輩,不時獲彤叔邀請開局:「不過我唔想贏朋友錢,我去睇多,唔會落場。佢哋成班一個禮拜會有一、兩次鋤Dee局。」提到鋤Dee注碼,蔡志明笑言不方便透露:「佢哋睇心情,有時大啲、有時細啲,銀碼我見過一晚有300、400萬上落,佢哋贏咗、輸咗都唔會特登要開支票,會記低個數。佢哋個個都係富豪,都唔係話鬥嬴錢,大家都咁多錢,都係鬥下牙擦。」蔡志明從彤叔鋤Dee情況中,看到對方「牌品好人品自然好」,他說:「佢鋤Dee除咗運氣好,又識數牌,亦都好叻心理戰。佢喺賭枱同平時一樣,都係好好人,絕對唔會火爆,我就冇見過佢發脾氣,佢輸咗被人炒最多唔出聲,隔一陣又會講番笑,有時大家有少少拗撬,佢會做和事老;有朋友需要錢銀周轉,佢都會幫,當然用嚟賭錢佢就唔幫啦。」眾「Dee友」聚首一堂,除了聯誼,更會爭取機會向彤叔請教如何做生意:「我哋成班有時問下彤叔生意有咩大計,佢會幫我哋分析,有佢叫大家『去馬』,個心會定好多,佢亦都會叫我哋一齊去投資,例如上市抽新股投資。」




來源: http://hk.apple.nextmedia.com/entertainment/art/20161013/19799077
Dee 會一 一晚 晚千 千萬 萬上 上落 鄭裕彤 鄭裕 富豪 由晚 晚玩 玩到 到朝
PermaLink: https://articles.zkiz.com/?id=311851

趣BLOGBLOG:月入五萬上唔到車?

1 : GS(14)@2017-01-19 08:06:40

■樓市發展至此,買樓已不是一輩子的事,而是變成兩輩子的負擔。 資料圖片






荃灣柏傲灣周五賣樓,今日截飛市傳累收逾5,000個認購登記,就算有九成客甩底,首批400伙可望一Q清袋。樓價癲,但市場的購買力仍不俗,受訪準買家不諱言,「樓價唔合理,但冇辦法焗住買」。上周末有位富爸爸一擲500萬代兒付首期(樓價千萬),再拋句「買樓要識投胎」。一句說話狠狠地刺中目前主導樓市的,不是剛性需求,而是慈父慈母。好奇諗諗,究竟市場上、真正可以不靠父幹,自己買得起層樓的人,到底有多少個。先設下一個數字方便計算。兩年半前,金管局總裁陳德霖話,「600萬以下,我哋叫上車盤」,大家以為講笑,殊不知到了今日,一個無論是元朗或荃灣400呎新盤,入場費就是600萬元。以首置身份買600萬樓,借埋按保最多八成,借貸480萬元,供最長30年,利率2.15厘計,每月連按保要1.85萬元。壓力測試加3厘,即閣下要月入近5萬元,先符合借貸條件。月入5萬,年薪大約60萬元。全港年薪60萬元或以上的打工仔,根據稅局最新資料,有接近34萬人,佔整體納稅人百份比19%(見表)。至於年收入最多組別的打工仔,就是30萬至40萬元(約30萬人,佔比17%,月入2.5萬至3.3萬),以及40萬至50萬元(約20萬人,佔比11%,月入3.3萬至4.2萬)。34萬人有能力供款,但目前買樓更難過的一關,是首期。600萬上車盤,首期120萬元。新盤還好雜費不多,二手樓就要預多20萬、30萬元,最後恐怕還是靠父母輩協力首期。樓市發展至此,買樓已不是一輩子的事,而是變成兩輩子的負擔,父母畀完首期,子女供唔掂,父母然後供埋。梁振英在最後一份施政報告分享一個「經驗」,重提97年與董建華制定八萬五政策,開始時大家都表示「唔夠、太少、太遲」,但由於當年遇金融危機,令樓價大跌,「大家就話你做得太多、力度太猛」。「如果有一日,樓市重現97、98年嗰種情況,大家唔好再話當時嘅梁振英特首做得太多」。
CY是戴定頭盔,抑或是最後的忠告都不重要。這一刻已經冇嘢可以阻止慈父慈母入市的決定,祝好運!股榮
https://www.facebook.com/stockwing1




來源: http://hk.apple.nextmedia.com/financeestate/art/20170119/19901258
BLOGBLOG 月入 五萬 萬上 上唔 唔到 到車
PermaLink: https://articles.zkiz.com/?id=323187


ZKIZ Archives @ 2019